طبعا كل عيد وله طعمه عيد الحج قصته قصه مع االدوخله

اما عيد الفطر ننتظره بشووووووووووووووووووق
ليلة العيد انروح انجهز الحلويات واخواني يكونوا حضروا الفواكه
لأن بيتنا يتجمعوا الرجال فترة الصباح حلويات العيد والمعايد يبدأ من بيتنا

اتكون سهرتنا على تنظيف المجلس وتجهيز الحلويات وتنسيق الفواكه
والصباح امي اتجهز القهوة وانجهز اني وهي المجلس بشكل نهائي وانبخر المكان ونطلع
ويبدأ اخواني في التجمع وسلام الصبح يختلف عن سلام الظهر
نبدأ نسمع الصلوات في الشارع اعلان لأجتماع الرجال ورهيب من صباح الله خير والشباب والرجال
والشياب على بابنا متجمعين وصلوات وتباريك ويدخلوا المجلس ويجوا اهلنا الي في القطيف وغيرها
ويتجمعوا نساوين الفريق واحب اجلس معاهم على وقتي طبعا
الين بعد الصلاة اكون في هالفترة خلصت سبحت واستشورت اروح انظف المجلس واجلس اختي
ونجهز لأن بتبدأ الجمعة الثانية جمعة الأهل واول من يوصل دوم اختي الكبيرة واليها جو خاص
وشوي شوي يوصلوا كل اخواني وزحمة الغدا الي في الغالب امي الله يحفظها اتسويه بس في الفترة الأخيرة
الشغالات ومرت اخويي امي مافيها شدة الله يعطيها العافية
وبعد الغدا على طول نبدأ نستلم العيادي بس احسن عيديه والي ننتظرها وبشوووق ونعمل اليها الف حساب
عشرة اخويي الكبير الي تطورت الحين وصارت 15 او 20 بس هي اهم حاجة في العيد يوم نستلمها كأنا مستلمين مليون
مع ان انحصل على 50 او 100 بس هالعشرة اليها طعم خاص حتى قلنا اله لما نبي الزياده نبي عشرة..هاهاهاها
خلاص هدرت وااااجد بس فعلا ذكرتينا بالعيد وبأجوائه الحلوه
بس ما ادري السنة كيف مع البيت الجديد الله يعين
وكل سنة وكلنا بخير وعافية