اماني تركتهم وراحت ورى اختها..

يوسف ومبين عليه الشرود بحزن

مراد:

ــ خير ياخوي خلاص قلت لك لا تحاتي

يوسف ابتسم و بهدوء:
ــ تذكرت يوم اشك فيك بمقهى النت و تصرفي وياك.. و اقارنه مع تصرفك الحين وياي..

مراد ارتبك وحس بخجل وبسخريه:

ــ يوسفووو لويه تتذكر الماضي ... نحن ابناء هذه اللحظه..

يوسف بلا شعور يحضن مراد ويشد عليه و يصيح من قلب..:

ــ وين بلاقي مثلك في حياتي.. سامحني على كل شي سويته فيك .. الله لا يحرمني منك

مراد مندهش من تصرف يوسف صار يمسح على ظهره :

ــ ولا يحرمني منك.. فضفض كل حرتك والمك.. طلع كل اللي بقلبك...







في بيت شهربان:

ــ انتبه لروحك امي ... واكل واشرب زين مازين .. و الله الله بالطاعات والعبادات .. وصحتك اهتم في روحك عدل..

عبدالأله : ــ ان شالله اماه .. لا توصي .. انتون بعد انتبهو لروحكم وما اوصي خالي عليكم ..

شهربان تصيح:

ــ بتوحشني ياخوي

امها تسمح الدموع:

ــ اما انش بعد اني ماصحت اصبر روحي .. غربل الله شرش..

عبدالأله يضحك:

ــ يللا عاد يا شهربان خليتي امي تصيح وياش

خالهم:

ــ ههههههههه ويش فيكم بيروح بيغير جو ويستانس ويتعلم و يستفيد .. الله فتح له الرزق خله يقابله براحه لا تشغلو باله عليكم .. روح ياولد اختي بالسلامه وانتبه لروحك ولا توصي حريص..

عبدالأله بأبتسامه عريضه:

ــ على خير ... يللا في امان الله..

وطلع مع خاله يوصله للمطار ...

وبنفس الوقت طلع مراد من بيت يوسف ...

عبدالأله يطالع في مراد اول مره يشوفه في حياته وطالع من بيت يوسف ..!!



خال عبدالأله:

ــ ما شالله عليه طول وجسم هيبه.. دا من ؟ ولد جيرانكم...!

ــ لا . ماعرفه يمكن واحد من اصحابه.. ما شكله من الديره حتى... اول مره يمر علي..

ــ يعني ..

عبدالأله يفكر في ماريا اللي تركها وراه.. ويفكر باللي سمعه عنها... و يحس نفسه متأسف على قلبه و مشاعره ومو عارف شلون يتخلص منها....

تنهد .. وتجاهل صوت احاسيسه...





اماني مع يوسف.. تستفسر منه عن مراد ..

اماني وبعد ما حكى ليها عنه..

ــ والله وباين عليه شهم وراعي مُرووه.. الله يخليه لأهله..

ــ ايييه ياخوفي افقده..

ــ لويه ؟

ــ بيسافر لندن بيدرس هناك.. ابوه عاطنه مهله يفكر فيها...

ــ اووه .. ولو رفض ؟

ــ حسب اللي قاله لي .. ان ابوه قال له توافق احسن لك. لا ما باوافق ولا على أي طلب لك مهما كان سهل....اتوقع العقاب بيكون مادي بالدرجة الأولى...

ــ اف لهالدرجه؟ ليش بطران ابوه ؟ على شان العقاب بيكون مادي !

ــ ايه ما شالله بيتهم قصر .. وسيارة مراد من افخم السيارات.. غير الحسابات بالبنك و الأراضي .. والعقارات والشركات اللي ليها فروع في كذا بلد عربي و آسيوي...

ــ ما شالله .. الله يزيدهم من نعيمه ويبارك ليهم...و يوفقه في اللي فيه الخير له... عاد ماقال لك ويش بيسوي بالضبط .. على ويش ناوي

ــ لا ما قال.. بس شكله بيعاند و بيقعد احس هذي نيته ...

ــ الله يستر و يحرسه من ولاد الحرام..







في المستشفى....

صادق حالته حاله.. متسند عالجدار ومو قادر يقعد...

وكاظم بس شغلته يهدي فيه ورايح جاي عند غرفة العمليات

شوي طلع الدكتور...

كاظم وصادق ركضو له:

ــ ها يادكتور



الدكتور هز راسه بأسى ...

صادق انهار صقع في الكراسي وبعدين طاح عالأرض ..وبهدوء:

ــ اماااه.. اماااه...

وصرخ صرخه:

ــ امااااااااه...



كاظم قعد جنبه .. صار يهدي فيه.. عارف شعور فقد الوالدين.. و عاش هالأحاسيس في لحظات حياته...

صادق صار مثل الطفل الضايع .. يرتجف بخوف و يصيح في حضن كاظم..

امه و انقتلت على ايد ابوه اللي خذوه لمستشفى الأمراض العقليه...





في المطار..

عبدالأله:

ــ اففففف ويش هالحظ اللي علي .. عاد بتتأخر الرحله 8 ساعات تقريبا ... قالو اللي يبغى ينتظر الرحله للفجر او اللي يبغى يصبر لبعد يومين.. انا مستعجل لا تروح علي من اولها تأخير يومين..



خاله:

ــ عاد 8 ساعات.. ! ويش بترجع البيت وياي؟

ــ لا انا يالله قدرت اودعهم.. بقعد في المطار .. بادبر عمري عباره كأني اداوم عادي...وانت ارجع لأهلي و قول ليهم انك ودعتني خلاص

ــ على راحتك.. اذا قريب تركب الطائره طمني ..

ــ ان شالله

ــ مع السلامه...





وفي منتصف الليل ... في احد المزارع..

حسام و مراد طايح فيه ضرب.. سدحه على بطنه وقعد فوقه و مسكه من شعره ورفع راسه وبغضب:

ــ بتقول لي اسم اللي حدتك على بنت الناس لو لا

ــ مالي شغل .. انا ... مالي شغل ..

ــ مالك شغل ها.. الظاهر ان الطق يدلدغك..

ويزيده مراد ضرب..

وحسام بس يتلوى ويتأوه..

مراد:

ــ الطعن في اعراض الناس اقوى واشد المه من الضرب اللي اعطيك اياه.. بتتكلم لو انفذ تهديدي .. ابوك بينطرد... خوب هو مزارع لحديقة بيتنا و ياكثر المزارعين اللي على باب الله ... ياعساني اوظف بنقالي بداله... واعلم ابوك سبب طرده وياااا فضيحتك بين الناس وفضيحة ابوك فضييييحه...

ــ لالالا.. الا ابوي .. حرام عليك لا تقطع الرزق .. خلاص خلااااص بتكلم... بس تطلعني انا واهلي برى السالفه

مراد يشوت في حسام:

ــ حرام ها.. حرام... و اطلعك برى السالفه يا ... يا.... ,, حلال عليك تدخل ناس مظلومه وبريئه في سوالفك البطاليه وحرام علينا نقول اسمك في شي عاطل ...!

ــ عاد اترجاك امي مريضه وياها القلب.. ابوي وياه السكري والله ماتدري بهالشي الا ينجلطو

ــ قووول لرووووحك... دام تدري بهم مو حمل الفضايح والألم ليش تسوي هالبلاوي..!!! عارف حجم المشكله اللي سببتها للبنيه واهلها من تحت راسك...

ــ والله في حياتي ما لمست بنيه.. والله حدي تلفون اذا زادت....

ــ تكذب بعد ياحيوان وانت طاعن في شرف وحده توك...

ــ يلعن يوم الحاجه اللي خلتني اسووووووييييهااااااااااااا ...

ــ الحاجه... الحاجه... ليش الفقر يجبر الواحد يطعن بالشرف .. يا مسود الوجه .. كم تدفع لك ام حمار عن كل بلوى من تحت راسها..

حسام وهو يدحن من الضرب :

ــ الف .. الف .. آآآآآآه..

ــ الف .... الحياوين تكرم عنك.. عالأقل تغار على بعضها..., ألف !!!.. الف .. تخليك تبيع انسانيتك وتصير بلا شرف .. صحيح انك خايس نفس ...

حسام وهو يصيح :

ــ مو بيدي والله غصب عني .. امي يبغى ليها عملية قصطرة في قلبها .. وتعبانه وايد.. وابوي ما يقدر يوفي اجور العمليه... ارجوك .. ارجوك اذبحني ولا تضر اهلي في شي ...

صار حسام يزحف عالأرض من الألم وعند رجول مراد يترجى ..

مراد مو عارف ويش يسوي صار يسحب رجوله من تحت حسام وحسام شاد عليها

مراد :

ــ خلااااص .. انت بس ساعدني وتكلم.. منهي بالضبط..

ــ زين.. زين بتكلم.. وباسوي كل اللي تبغاه

ــ يللا قول كل اللي عندك واللي سويته من طرف هالعقربه سواء ضد ماريا لو غيرها...







وصل ناجي بالسلامه.. عالساعه 1 الفجر .. لأرض الوطن



نزل...

حط رجوله بأرض المطار.. يتذكر نفسه اول ما سافر و حسن ويوسف يودعوه..

اخذ نفس عميق ...

ــ يـــــــــالله يا قيصر .. ما كأنها ثلاث سنوات والله كنها 10 سنوات

قيصر :

ــ مصير كل طير يرجع الى عشه.. هالسا شنو راح تعمل .. راح تروح لأهلك هيـﭺ بدون ما تنطيهم خبر !

ــ ويش اسوي تعبت وانا اتصل عليهم ما احد يرد .. عاد انا وحظي اذا موجودين في البيت لو غيروه..

ــ شنو اللي يخليهم يغيرونه..

ــ مادري توقعات عايشها من كم يوم ومعيشتني بخوف..

ــ لا ان شالله مافيه الا الخير ...

ــ انت الحين بيجوك اهلك صح..؟ كلمت اختك..

ــ بلي .. كلمتها...

ــ ويش شعورك تحس قلبك بيطير من الخوف والفرح

ــ ايييه آني هالسا حاسس فيه رايد يقبع من صدري ويدبك هنانه

ــ ههههههههههه عاد يدبك مره وحده...