صفحة 4 من 53 الأولىالأولى ... 2 3 4 5 6 14 ... الأخيرةالأخيرة
النتائج 46 إلى 60 من 789

الموضوع: غربة الأوطــــــــــــــــــان...

  1. #46
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4147

    رد: غربة الأوطــــــــــــــــــان...

    لأحاسيسكم الحلوه..
    ولتفاعلكم الرائع
    جورية.. و صدق الدعاء ...

    عذرا على الأطاله.. تزامنا معها طولنا البارت شويات..
    و مأجورين بالليالي العلويه..
    تبعا لها.. راح نوقف تنزيل الروايه الى ليلة السبت بأذن الله سنعود..
    احتراما للأمام علي سلام الله عليه..
    << نظرا لعدم خلو الروايه من بعض المواقف الظريفه
    اسألكم الدعاء..

    وتفضلو الجديد..

  2. #47
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4147

    الحلقة الثالثة..


    في القطيف


    في بيت يوسف .. برى الحوش..
    ((ايثار)) بنت اخته اماني ... صغيرونه 5 سنين وهدرتها ظريفه .. وهي اللي تسميه يوفف ..
    و اخوها الوحيد ((باقر)) اكبر منها بصف ثالث ابتدائي...
    وولاد خالهم حسن ..(( محمد))... قد باقر و ((علاء)) عمره سنتين
    وبنت ((فرات)) بصف اول ابتدائي ..

    محمد متسلق على السور يقبع لوز... وايثار و فرات تحت يصرخو.
    .وحده تقول يسار ووحده تقول يمين و محمد بس شدخ بالعصاه يحاول يطيح هاللوز مو قادر..
    والشجره في بيت جيرانهم ... ومع صريخ اخته وبنت عمته ... وتعبه وهو رافع ايده ورقبته .. فقد التوازن و ..........طراااخ ....
    يطيح من فوق السور في بيت الجيران .. و العجيب انهم ما سمعو صوت شدخته !!
    فرات صرخت: ــ اخووووووووي مااااااااات
    علاء اخوها مفهي مو فاهم شي بس من شافها تصيح.. مع القوم ياشقرا اشتغل هو الأخر صياح ...
    ايثار وقفت مفهيه ... مهي مستوعبه الأمر..!!
    باقر طلع يركض بيت الجيران بيشوف ولد خاله ...
    باب جيرانهم صدفه كان مفتوح من دف باقر الباب انفتح.. وعلى طول للزراعه لقى محمد منشدخ على جبل رمل كان موجود من حسن حظه.. وغايص فيه من ثقله وقوة الشدخه..

    يمسكه ويسحبه بالسرعه ويطلع وياه من بيت جيرانهم .. ويا دار ما دخلش شر...!!؟؟

    ليترك اثر جثته الهامده فوق جبل الرمل دليل لجريمته !!

    فرات لا زالت في البيت مقلعه الدنيا صياح هي و علاء...
    وتطلع ليهم امهم (( وداد )) ..
    ــ ويش صااااير ويش فيكم؟؟؟
    فرات وهي تشاهق ولا ينفهم ليها ويش تقول: ــ طب .. طب محمد
    وداد مختلعه وبعصبيه تلتفت على ايثار : ــ ايثااااروووو ... ويش فيكم؟؟ وين باقروووو ومحمد.؟؟؟
    الا باب الطريق ينفتح على مصرعيه ويتراكضو باقر ومحمد ..
    وداد فتحت عواينها:
    ــ يامجرمين من وين جااااايين؟؟؟
    محمد توه بيتكلم .. سحبته امه وشافت شعره مليان رمل والحاله قايمه..
    ــ من وييييييييين جاي؟؟؟
    محمد يبغى يشرح الموقف بس خايف من امه ويش يقول ليها؟؟ طبيت في بيت الجيران.!!! حق تشدخه فوق شدخته .. قام يكذب:
    ــ لا بس العب ويا باقر برى الشارع...
    وداد : ــ تلعب وياااه وهالحاله قايمه فيك واخوتك صياح و نياح ..؟؟؟. والله اراويك يا باقروه... مردغت ولدي في القاع ... ويش هالحاله دي..؟؟ هين اراويك انت و امك...

    محمد مو عارف متبلعم .. وامه تسحبه للداخل وبيدها الثانيه ماسكه علاء:
    ــ بسرعه الحمام وحساب هالملاعين تالي ... فرات قداامي بالسرعه

    ظل باقر مع ايثار وفرات في الحوش مفهيين و قلوبهم الصغيره تصافق من وداد المتوحشه اللي ماعطتهم مجال ابدا يدافعو عن نفسهم..
    باقر بعصبيه:
    ــ محمدووو الجبان الشداب..لو خليته مرمي في بيت الجيران احسن..
    ايثار مفهيه وتحس روحها مهي عارفه تقول شي ...
    فرات حاسه بأحراج من اخوها ومن نفسها خصوصا ان امها درت من صياحها وصريخها..
    انسحبت بهدووء..
    ايثار بقهر: ــ جبانه زي اخوش...
    وطلعت لسانها تبحلس ...
    باقر .. ــ ماعلينا منهم...
    ايثار : ــ ولا نبغى نلعب وياهم...
    وطغت دمعتها في عيونها:
    ــ واذا جى خالي يوفف باعلم عليهم خله لا يلعب وياهم ولا يطلع وياهم البقاله...

    وداد داخل البيت هدرتها واصله للجيران... اماني عرفت السالفه .. اكيد شبقه مابين اليهال وهي جايه تحط الحره وتسوي من الحبه قبه.. فظلت ساااكته عنها .. مرت عليها ولا كأنها تشوفها.. وفتحت الباب ونادت على ايثار وباقر ..
    وداد بحمق:
    ــ ساعدش الله على غرورش . الله يعينش.. ما بيكسر هالخشم الا اخوش .. جيته من العمل يتفاهم وياش .. ويا ولادش خراب الأمم والديار...

    اماني صمت ولا كلمه دخلت المجلس وسكرت الباب عليها وعلى ولادها..
    قعدت منهاره تحاول تكون قويه حضنتهم وصارت توصيهم وهي متمالكه نفسها..
    ــ امي.. خلكم عاقلين مافينا شدة مرت خالكم وخالكم.. بعد لو عندي محل ثاني اريح من هالمحل كان رحنا وعشنا فيه.
    ايثار:
    ــ اماه خلنا نروح بيت بابا ابو مجتبى..
    اماني: ــ امي مافي مكان ولا ابغى يتضايقو مني اعمامش .. وعمش احمد تخرج و رجع البيت.. . اصبرو .. كم شهر ويجي ابوكم بالسلامه وتتحسن الأوضاع..

    وتنهدت من قلب:
    ــ ردك الله لينا ياولينا سالم من كل شر...


    كاظم يصب له شاي وهو يكح كحه مهي طبيعيه...
    حبيب :
    ـ من هالصاقعه اللي تشفط فيه ليل ونهار... مو زين لك ياخوك .. خل عندك عزيمه واقطعه..
    كاظم طالع من المطبخ فوطته على راسه وفي ايده كوب الشاي...
    ــ بداية زكام فيني عفر
    حبيب : ــ زكام ويه في عز الصيف .. متحجج زيك ماشفت ...
    صوت مفتاح في باب الشقه.....
    حبيب يهمس:
    ــ مايندرى شقيق لو مزاد..
    الا بدخلة واحد يهدر:
    ــ اوووووو .. تالي تالي .. تالي لا اراقع بك..
    حبيب يهمس للشباب:
    ــ بل من اولها.. مراقع..
    ويسكر الباب ويدف شنطته برجوله وهو مستمر يكلم بالجوال ومنفعل ...
    وآخر المكالمه:
    ــ فااااااارق زين مانى فاضي الحين...... و اعلى ما في خيلك اركبه..
    وقفل الخط..
    التفت للجماعه ورفع ايده حدها لفووق :
    ــ سلااااااام ..
    سيد هادي رافع حاجب وحاجب.,, يوسف يطالع بهدوء..
    كاظم مفهي وبعده واقف بكوبة الشاي..
    حبيب : ــ ههه عليكم السلام .. ياهلا..
    الرجال بأبتسامه عريضه :
    ــ المهلي مايولي..
    حبيب : ــ ماتعرفنا ...!!؟؟
    ــ مراد آل .. خويكم اليديد ان شالله...
    حبيب : ــ بل .. خوينا..!!
    يوسف يهمس له و يضحك: ــ ههههه لا تفضحنا .. تراها كلمه طبيعيه في بعض القرى,... مثل ... وصار يعدد على حبيب ..
    حبيب : ــ خبره ما شالله عليك...
    ويكلم مراد:
    ــ والنعم... من وين اخوك.؟
    مراد : ــ من .,,,............
    حبيب ضحك... لأن يوسف عرف و نبهه..
    مراد بأستنكار : ــ على ويه تضحك؟
    حبيب : ــ ها.. لا ياخوك اسولف ويا خوينا يووسف .. وياك حبيب وهذا سيد هادي وهذا كاظم .. منورنا..
    يوسف فيه ضحكه على حبيب مسرع ما لقط له كلمه..
    مراد يتوجه لكاظم وياخذ كوبة الشاي من ايده ويشرب له شوي.. يرجع الكوبه:
    ــ سكرك زياده ربي يسلمك...
    حبيب حاط ايده على خده ويطالع في هالمراد اللي مره فله من اول لقاء ومستنكر منه..
    مراد يقعد على الجلسه ..
    ــ آآآه تعبان حدي...
    يفصخ دلاغه يربطه ويدعسه ورى المخدات ..
    يوسف ما قدر ابتسم ودارى ضحكته..
    انتبه عليه مراد:
    ــ داري داري .. ههههههههه بتقول زي الضبعان.. لا يضيع وتالي اقعد ادور عليه..
    الا يرن جواله .. وكانت اغنيه و صجه قايمه..
    حبيب على طول طالع في السيد.. يدري به ما يسكت .. مع انهم كلهم مايسمعو .. بس السيد يعلق وما يسكت بالعاده...
    مراد عطى المتصل بزي ,, وهو محمق فيه..
    كاظم في باله: ــ هالمصفع الله يلوع شبده مايدري بي ما اشرب ورى احد
    وراح المطبخ بيصب له غيره...
    يوسف هدووء من حظر وياهم بس يراقب الأوضاع...
    مراد : ــ ماعليكم امر.. بس ممكن اعرف وين غرفتنا .. تعبان وودي ارتاح... جاي بسيارتي ومره متكسر...
    حبيب يأشر على الغرفه:
    ــ هذي غرفتكم .. ووياك اخونا يوسف وواحد اسمه شقيق
    مراد : ــ هااا.. ؟؟ شقيق...!! فلسطيني؟؟؟
    يوسف ضحك: ــ ههههههههههه قصده.. شفيق شفيق..
    مراد : ــ اف اغلط بحرف الفاء تقلبه قاف يعني؟ عجيبه!!
    حبيب يطالع على جنب : ــ مو اغلط .. اتغيلط..
    ــ اهااا.. حسبالي ..

    في شقة نوري والشله...
    الغبار قايم و قاعدين ينظفو ...
    محسن نزل عليه شيطان الشعر:
    ــ اشوف الغبار بعيوني .. و اندب حظي و احوالي... شلون انظف لا تلوموني .. و البيز صار سروالي ... اشوف صرصور يتمشى .. واتذكر ايام الفيران.. واشوف مصطفى يحاتي ويش بنتعشى و اشوف ايمن مبرطم و زعلان...
    مصطفى قام يضحك.. ــ غربلك الله يا متعيلف
    ايمن محمق : ــ اشوف اشوف .. من عذر ابو عواين..
    محسن : ــ و نوري يا عيوني .. يفلت صواريخ للجيران..
    نوري : ــ و محسن هدار و يحن زي النسوان...
    ايمن : ــ سكتو خلاااااااص

    شوووي الا يسمعو ... فوقهم على طول..
    طاخ.. طاخ.. طخ طخ..
    كأن احد يشادخ شي على الأرض
    وفعلا .. مراد في الشقه فوقهم..
    كان يدف شنطته ماقدر من الفرش .. شوي يشيل فيها ويشدخ.. يشيل ويشدخ..
    نوري مع الشدخات:
    ــ اف .. ويش صاير ؟؟؟
    محسن يرفع راسه: ــ بل .. قايم الشدخ فوق..
    نوري : ــ تتوقعو لويه عاد.. هههههههههه خذ لك .. ايوه .. ايوه...
    ايمن : ــ جايز مو عاجبنهم شي لو سعرها غااالي على خرطي زينا..
    مصطفى: ــ حكم المص.....
    ايمن يقاطعه بقهر : ــ لا اجل عندهم واحد متين ويناطط...

    مصطفى انجرح وانحرج.. خصوصا انه ماكان يقصد ايمن بالكلام وايمن فهمه غلط...

    مصطفى يدافع عن نفسه: ــ انا.. قصدي حكم المصارعه.. يضرب بأيده على الأرض
    ايمن : ــ وضح كلامك مره ثانيه..
    مصطفى : ــ مو مجبور اذا حضرتك تقاطع ..
    نوري : ــ.. ليش ويش فهمت يا سيد ايمن؟؟
    ايمن : ــ مو شغلك..
    محسن : ــ ادري به حسباله مصطفى بيقول المصفع..
    ايمن : ــ انت ما دخلك بعد..
    محسن: ــ ايه مو على راسك ريشه..
    ايمن : ــ التهي في حالك و ماخصك فيني..
    محسن : ــ بل عليك نحوووس اغبر..
    ايمن : ــ انت اخر واحد تتكلم فيهم...
    نوري : ــ اف اف .. صلو على محمد ياشبااااااااب .. تونا بسم الله اول يوم ..
    مصطفى: ــ اللهم صل على محمد وآل محمد..
    ايمن ترك المكان وراح الغرفه..
    نوري : ــ لا تلوموه .. تعرفوه مايقدر على الصرف والشقه ماعجبته ,, فعلا مافيها شي يفرق عن اللي قبلها الا بالمساحه ...
    محسن : ــ يمسك لسانه الزفر .. ويحترم حاله ... مو مجبورين حنا نتحمل والله بتقوم شبقات واحسن من هيك على قدنا ما بنلاقي..
    نوري : ــ هههههههههههههه شدعوه ماقامت مذابح.. وتالي تتصالحو.. طيب هو ..
    محسن : ــ اه.. بس هو..؟؟؟
    نوري : ــ ههههههه لا تخاف حتى انت.. عشرة عمر ماتهون بيننا معلوم نشابق ونتراضى عادي...
    التفت نوري لمصطفى:
    ــ ماعلى هالقمر دا.. اطيب منه ما فيه..


  3. #48
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4147

    تــــــابع

    فوووق ...
    حبيب قام مع مراد,, يعاونه:
    ــ ما شالله عليك عفش بيتكم كله جايبنه وياك.؟..
    ــ خخخخخخ ،،لا بس كم غرض...
    وصلو وهم رافعينها ورموها على السرير ,, طراااخ
    ويخر السرير على مصارعه ارضا..
    حبيب شهق شهقه..
    مراد : ــ افففففففف هههههههههههههههههه خذ لك...
    حبيب : ــ ههههه انا مانى داري وهذا كم غرض فيها بس .. اشوى الأصنصير قريب .. شنطه مافيها كفرات مشكله دي .. هههههههههههههه سرير يوسف هذا .. << تسمى بأسمه سرير احمد حمي اخته من قبل ...
    مراد : ــ اوه .. آسف لا فيها بس تكسرو يبغى لي جديده.. والله خساره قويه وتشيل واايد..
    حبيب : ــ ايه.. وايد .. واايداات...توك كم غرض ..؟؟
    مراد : ــ ياخوك لا تلومني .. لبيس واحب الكشخه.. هذاك يعني سريري..
    واشر على السرير الثاني ..
    حبيب يطالع فيه.. فعلا كاشخ الأخ وفي باله:
    ــ استر... تحتك انا جرفلي..!!
    << قاعد بشورت وفانيله علاقي
    حبيب : ــ هاا.. لا ياخوك هذا سرير شفيق ...
    مراد : ــ ليش عبود ما كان عنده سرير ؟؟
    حبيب : ــ خخخخخ لا كان ينام على منام اكو تحت سرير شفيق ...
    مراد : ــ اف من بختهم اللي جايين من طرفهم.. افا يا عليك ابو العُبد..
    حبيب : ــ مو مشكله اخوك تالي نطلع وياك نجيب لك سرير اسعارهم حلوه و مناسبه..
    مراد : ــ مايهم السعر اهم شي الراحه..
    حبيب : ــ خير ان شالله قضيها هالليله بس وبكره على خير نشوف..باروح اجيب مطرقه انا حق نعدل اللي انشلخ..
    الا يوسف داخل الغرفه..بيعدل اغراضه...
    حبيب بأبتسامه عريضه:
    ــ شوي باجيب مطرقه حق نركب سريرك..

    ما مداه حبيب يفتح باب الشقه بيروح لجيرانهم يتسلف مطرقه الا بوجهه يصادف واحد ملامحه تعبانه وباين عليه مبهدل واقف قدامه
    ثنينهم شهقو من الخلعه..
    الرجال : ــ سلام..
    حبيب : ــ عليكم السلام هلا ..
    الرجال : ــ انا شفيق .. مادري اذا هذي هي الشقه لو لا.. من طرف علي ال........
    حبيب في باله: ــ يــــــــــا جميل الستر... مكحين واحد كاااشخ حد الدعسه والحين هذا عكسه تماما.. ويش هالنوايب ..!!
    حبيب : ــ ايه.. هلا فيك .. تفضل تفضل..
    ورجع دخل وياه ونادى الشباب..
    ــ ياشباااب تعالو.. اكتملنا..
    طلعو كلهم في الصاله وقعدو..
    حبيب مسك استكانة الشاي الفاضيه :
    ــ احم .. كح.. اهلا بكم في شقة العتاويه..
    السيد : ــ هههههههههه عتاويه في عينك..
    حبيب : ــ ولا يهمك.. اهلا بكم في شقة الأنوار
    السيد : ــ تسخخخخخخر ويا وجهك.. هههههههه صبر يا بااايخ
    صارو الشباب يضحكو...
    حبيب : ــ احترنا وياك سيدو مو عاجبنك العجب.. ماعلينا.. اهلن وسهلن بكم جميعن نرحب بالضيوف الفلافه الجدد..
    كاظم : ــ هههههه ركزو .. خط احمر تحت فلافه..
    حبيب : ــ فلنرحب بضيوفنا الأكارم .. يوسف آل ....... من ....... ,, تصفيق..
    ويصفقو السيد و كاظم..
    يوسف و مراد وشقيق.. ماقدرو صارو يضحكو عليهم..
    مراد آل ..... من ال....... تشفيخ... شفيق آل ....... من .....,,,
    اهلا بكم جميعا.. ويسلم راس من دلكم علينا.. ونتمنى لكم اقامه سعيده..
    طبعا سنقوم بأعادة شرح وضع العيش هنا للجدد بعد ان عرفه الأخ يوسف ..

    ورجع حبيب يخبرهم بالوضع.. بالعزبه.. بالجدول للتنظيف كل يوم شي على واحد فيهم..
    مراد : ــ اوووووو.. عاد انظف ممكن.. بس اطبخ.. ويش عرفني؟؟
    حبيب : ــ ولا حتى بيضه؟؟
    ــ ولا اعرف اشغل القز..
    حبيب : ــ خابت .. ههههههه ماعندنا هالكلام .. هنا الكل يعمل الكل يؤدي وظيفته..
    الكل انتبه الى شفيق.. كان طول الوقت.. ساكت وياكل في اظافره..
    تقززو منه.. بس مابينو له أي شي ... وحاولو يدارو الأستغراب ...

    في الطابق السفلي وفي شقة نوري وشلته..
    محسن في الحمام يسبح ويصدح من اغنيه لأغنيه.. ماخلى اجنبي ولا عربي ..
    نوري فوطته على راسه ويشدخ الباب..
    ــ اخلص.. اعتزلو .. يللا وراك كم نفر .. ماصارت...

    مصطفى يرتب اغراضه ومن بين اغراضه ,, طلع دبدوب .. وحطه على منامه...
    نوري يطالع في ايمن ويتنهد..
    ــ مصطفى .. طول عمره مصطفى...
    مصطفى يطالع الدبدوب و يتنهد :
    ــ رحمة الله عليش يالغاليه...

    كانت لمصطفى اخت صغيره اسمها دانه .. غرقت في بركه .. كانت ماليه حياته خصوصا ان امه ماجابتها الا بعد فتره طويله ومن بعد فقدان الأمل انها تجيب لمصطفى اخو او اخت... ولكن الأقدار شائت انها ماتعيش...
    يتذكر مصطفى لما تخرج من الثانويه وجاب مجموع مرتفع.. فرحة اهله ,, وخصوصا اخته لما عطته دبدوبها المفضل اللي ما تقدر تستغني عنه ابدا .. بس لجله ومن كثر حبها فيه.. اهدته اغلى ما تملك...
    يذكرها .. ذيك الطفله ام 4 سنوات شلون واقفه قدامه على استحياء .. ايدها ورى ظهرها وتقول له غمض عيووونك عدل و اقعد ..
    وشلون مصطفى يرفض للصغيره الحبيبه طلب .. على طول قعد وغمض ...
    ليتفاجأ بها تحط الدبدوب على خده وتشغله وتقول وياه..
    ــ امووواه .. آآآي لووب يووو
    يضحك من قلب على برائتها ... ويفتح عيونه.. يحضنها وبكل حنيه:
    ــ انا اللي لووف يو يادانة مصطفى..
    دانه وبكل شقاوه: ــ لااااا مو لوف .. لوووب يوو
    ــ ههههههههه كل واحد.. دانتي تعرفي ويش يعني؟؟
    ــ يعني انت صديقييييي ...
    ــ ههههههههههه ياغناتي.. لا.. يعني انا احبك...


    انقبل مصطفى في البترول وفي سعود .. كان حظه جدا حلو اضافة لمعدله الأحلى..
    ولما درت اخته ان المكانين اللي قبلوه فيهم واحد قريب والثاني سفر وبعيد..
    صارت تترجاه وتقول له انها بتكرهه طول حياتها ان راح الرياض .. وهو يضحك ويطمنها مستحيل يخليها ابدا...
    ولكن ... قبل الدراسه بشهر .. ترحل عنه دانه اللي سببت برحيلها لمصطفى صدمه مو طبيعيه ...خلته على اثرها يروح الرياض عل وعسى يهرب من طيفها والذكريات...

    غرقت الطفله في بركه .. اهملوها بس ربع ساعه تسبح فيها مع سابق التحذير انها لا تتحرك من على الدرج.. كانت هذيك الرحله المشؤومه على العايله كلها.. لما طفت سيارة ابو مصطفى على بعد مسافه من المزرعه وراح مصطفى لأبوه يجيبه ..
    في حين ام مصطفى راحت بتجيب ثياب دانه لا تبرد..طلبت منها تظل على الدرج تبع البركه.. ولا تتحرك لحين ترجع ليها..
    آمنت الأم المسكينه.. وخوفها على بنتها من البرد وخصوصا ان ماعندها مناعه خلاها تفقدها بالمره..
    في ايد دانه كورتها تلعب فيها.. زلقت في الماي وتحركت..
    بعيد..
    بعيد.....

    لحقتها الطفله ونسيت تحذير امها..وغرقت..

    جت ام مصطفى رمت الثياب وبلا وعي طاحت وراها في البركه.. وهي اللي ماتعرف تسبح..
    ودانه غايصه في الماي وكلما حاولت ام مصطفى تغطس محاولاتها تفشل..

    بلا شعور صارت تصرخ .. تستنجد.. بس ماحد حولها...

    شوي..

    صار جسد دانه الصغير يطفو..ام مصطفى اعصابها انشلت.. طلعتها للسطح وصارت تحاول تسعفها بس مافي فايده..دانة .. شمعة وانطفت...مصطفى ينتبه لنفسه .. لوين وصلت به الذكريات الأليمه اللي ما تنسى...

    مسك الدب وضغط عليه.. وصار يسمعه وهو يكرر I Love you


    في بيت يوسف ...
    وداد على راس حسن:
    ــ اف من ولاد اختك.. قليلين ادب وحيا وكل شي .. مخربين ولادي .. اليوم......
    حسن يقاطعها بعصبيه:
    ــ اووووووه وانتين اختي وولاد اختي ماعندش سيره غيرهم؟
    ــ وفففف ليش في غيرهم بلى في هالبيت؟؟
    ــ انتين .. اكبر بلى..
    ــ اني .. اني وصلت فيك بعد.. مشكور .. رحم الله والديك..
    ــ ووالديش .. فكيني من هالهدره المقدره.. ماتتعبي ؟؟
    ــ آآآآآآه وين ارتاح اني واني بيتي ماحس فيه بالراحه ابد.. مقاسميني فيه 4 اشوى بعد الخامس راااح الرياض ... عاد شان زين بعد راح ووسع علينا.. الا صارت محله في هالمجلس اخته وولادها ...
    ــ افففففففف
    ــ انا لله.. وانت ابدا ماتحس فيني ولا توقف وياي !!!
    ــ ويش اوقف وياش .؟؟؟ وبعدين مين الأربعه على قولش..؟؟
    صارت وداد تعد على اصابعها زي المصروعه:
    ــ امانيو.. وولادها الفنين و ماريووو
    حسن فتح عيونه:
    ــ اماني وولادها واصبراه وجودهم مؤقت.. ماريووو لووويه بعد .. وين تبغيها ترووح ؟؟؟
    ــ وين تروح هااا.. قال ويه.. وين تروح ,, انت ادرى وين تروح؟؟
    ــ وجع.. كم مره اقول لش لا تجيبي هالطاري .. مو ناقصني ازوج اختي الا لأخوش فتحوه ..
    ــ ويش فيه اخوووووووي؟؟
    ــ قولي ويش مافيه... فاشل .. دقاق عود وراعي بطاله ..
    ــ لا تقووووول عن اخوي كذا هااا..
    ــ شدعوه هو غير كذا..؟؟ مجنون اعطي اختي لواحد زيه... بعد لو زي عبدالستار ماعليه..
    ــ يكفي عنده محل وبيت ... عبدالستار ويش عنده ياحسره !!
    ــ محل ويه ياحسره؟؟ محل شيش ومعسل وجراك.. احد يفتح محل كذا.. وبعدين لويه انتين كل ضد عبدالستار .؟؟؟. ترى لولاه ماخذتش ...
    ــ ايه .. عايرني .. مو انت ماخذني على شان اخته...
    ــ اجل لويه.. ويش عرفني بش ؟؟ زين انش تدري ..
    وفي باله.. ياليتني ماعرفتش ..
    وداد انقهرت وبلعت غضبها وردت:
    ــ و بعدين محل الشيشه ويش فيه؟؟..ماشي سوقه وكسبان..
    ــ الا خراب امم وديار.. و مال حرام... صكيها هالسالفه ولا تعوري راسي ..


    وحل الظلام .. والكل توجه للمنام..
    وهذي اول ليله ليوسف ينام فيها برى البيت.. مراد يحاول يفرش مفرش على المنام اللي بينام عليه ومو عارف.. قام له يوسف وصار يعاونه وفي قلبه يضحك على خيابته وقلة معرفته...
    اما شفيق .. قعد على سريره وسند راسه على الجدار ..


  4. #49
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4147

    تــــــــــابع

    مراد :
    ــ ما شالله عالشباب شكلهم خوش ناس .. كشخات..
    يوسف : ــ ايه الحمدلله كنت احاتي هالشغله...
    مراد : ــ وحليوين.. بس صراحه... انت احلاهم... اسم على مسمى ما شالله عليك..
    يوسف ارتبك من كلام مراد..
    مراد يضحك : ــ هيه .. ياهوو .. لا يروح فكرك بعيد.. بس انا احب الكاشخين والمرتبين والحليوين.. يلفتو نظري ..
    يوسف ابتسم..
    مراد: ــ ايه لا تخاف.. كيري ميري ماعندي...


    طفو الليتات وسكرو الباب .. انسدحو .. خمس دقايق انفتح الباب .. وكان حبيب ..
    ــ شباااب هاا شخباركم الوضع وياكم اوكي..
    ضحك عليه يوسف :
    ــ ايه لا تخاف اوكي .. تسلم ..
    ــ طيب تصبحو على خير واحلام سعيده.. بكره الصبح الساعه 9 ورانا انا وكظموه محاضره فبنقعد من 8 اللي حاب يفطر ويانا يقعد اووكي
    مراد : ــ ويش فطوركم..؟؟
    حبيب : ــ الله يحيينا..
    يوسف : ــ هههههه زين.. على خير
    سكر حبيب الباب ...
    الغرفه عتمه.. شوي مراد من تحت يحوس في جواله وينور الغرفه..




    انتبه يوسف لشفيق لا زال قاعد ومسند راسه عالجدار ...!!
    حط مراد شاشة الجوال على المنام بحيث لا تضوي عليهم ..
    شوي .. يوسف يسمع صوت طقطه و كأنها اغاني؟.!!
    يحاول يتجاهل الصوت مو قادر .. سأل :
    ــ تسمعو اللي اسمعه..؟؟
    شفيق و مراد ساكتين مايردو..
    يوسف يحس ان مراد مانام من حركته .. فجأه ارتفع الجوال و صار يحوس وانتبه له حاط السماعات في اذونه..
    يوسف : ــ مراد.. مراااد ..
    نزل يوسف ايده ولمس جبهة مراد..
    مراد انصرع وشهق شهقه..
    يوسف جته ضحكه..
    ــ بسم الله على عمرك.. آسف .. خلعتك
    مراد شال سماعه وحده من اذونه اللي جهة يوسف.. وصار يضحك
    ــ هلا ..هههههه ويش فيك ..؟؟
    ــ هذا انت اللي تتسمع اغاني؟؟
    ــ ايييييه هاااك تسمع وياي..؟؟
    ومد على يوسف السماعه.. يوسف بأستياء..
    ــ اعووذ بالله.. قبل لا تنام بعد ؟؟؟ تسمع هالمنكر..
    ــ اووبس .. لا يكون مطوع!!
    يوسف والتعليق هذا ماعجبه بالمره:
    ــ ليش لأني ما اسمع صرت مطوع.. !!
    مراد ارتبك : ــ لا.. ولا شي .. بس انا حاط سماعات.. شلون تسمع الصوت؟؟
    ــ قصر عليه ماعليك امر.. تعبانين ونبغى ننام.. ماكأنك حاط صراحه..
    مراد بنبرة غير مقتنعه: ــ ان شالله عمي...
    يوسف ماعجبته طريقة مراد في الأخذ والعطا.. شكله من النوع اللي يصر على ارائه ومبادئه وما يحب يسمع النصيحه...
    يوسف طنشه ما يبغى يصير بينهم أي نقاش مو اوكي من اول ليله.. قلب روحه على الجهه المعاكسه ... ونام...

    الى الملتقى..
    التعديل الأخير تم بواسطة Princess ; 09-08-2009 الساعة 02:46 AM

  5. #50
    مشرفة منتدى المسنجريات الصورة الرمزية كبرياء
    تاريخ التسجيل
    Jun 2007
    الدولة
    في سمآء الـ جود .. ومشآعر تبحث تفسير !!~
    المشاركات
    12,280
    شكراً
    25
    تم شكره 73 مرة في 42 مشاركة
    معدل تقييم المستوى
    4197

    رد: غربة الأوطــــــــــــــــــان...

    حركات قدعـآإن ..}
    تسسلمي إأمووره ..!
    وش سـآلفة هالـ شقيق ..!!
    بالإأنتظـآر ..}

    وكآن أرق العآلم بأسره ..
    أستوطن عينآي!

  6. #51
    عضو نشط الصورة الرمزية جنۉن من ﺳـڱۉن
    تاريخ التسجيل
    Aug 2009
    الدولة
    حيث أإجد نفسي ..!
    المشاركات
    199
    شكراً
    0
    تم شكره 0 مرة في 0 مشاركة
    معدل تقييم المستوى
    241

    رد: غربة الأوطــــــــــــــــــان...

    كح كح كح ..~!
    جززء كشوخيشنن .. !
    ضحكت واإيد ..!
    مرأإد ونـ‘ـأإسه وفله .. بس شكلواإ نحيسس...
    كـآأإظموه دفش <~ كيفي ماحبيته
    وودأإدوه أذآ ماعقلت لي معاها حسسـآأإب فـآأإني <~ عدها حبوه ههههههه
    شكريـآأإت أموره
    ننتظرك ..

  7. #52
    عضو سوبر محترف الصورة الرمزية *زهرة البنفسج*
    تاريخ التسجيل
    Oct 2006
    الدولة
    في عالم البنفسج
    المشاركات
    3,177
    شكراً
    1
    تم شكره 10 مرة في 7 مشاركة
    معدل تقييم المستوى
    548

    رد: غربة الأوطــــــــــــــــــان...

    شكله هللمراد مره شكله ثقيل دم

    ::

    وهللشفيق شكله مسكين عور بقلبي

    ::

    ننتظر الأحداث الجايه غاليتي موفقه يارب
    ومأجورينـ


    الحمدلله رب العالمين ..!

  8. #53
    عضو متميز الصورة الرمزية أحبك ياغلا عمري
    تاريخ التسجيل
    Apr 2008
    الدولة
    في قلب حبيبي
    المشاركات
    398
    شكراً
    1
    تم شكره مرة واحدة في مشاركة واحدة
    معدل تقييم المستوى
    327

    رد: غربة الأوطــــــــــــــــــان...

    تسلمين أختي
    وننتظر الجديد

  9. #54
    عضو فضي الصورة الرمزية دلوعة المنتدى
    تاريخ التسجيل
    Aug 2009
    الدولة
    في عالمي الخاص
    المشاركات
    642
    شكراً
    26
    تم شكره 19 مرة في 14 مشاركة
    معدل تقييم المستوى
    216

    رد: غربة الأوطــــــــــــــــــان...

    بااااااارت جدااا روووعة
    عوور قلبي مصطفى مع سالفتهـ مع اختهـ
    <<<صاار نفسي في لووز>>>
    الشقيق هذااا حاسه ورااه مصيبة
    ومرااد فله بس احسه مرة نحيس واحس بعد بتكون
    في هدرة مع سيد هاادي على سالفة الاغاني
    اماا حبيب ماعليه كلاام وناااصهـ
    باانتظااار البااارت قلبووو

  10. #55
    عضو فضي الصورة الرمزية اعشق ابي
    تاريخ التسجيل
    Apr 2008
    المشاركات
    858
    شكراً
    4
    تم شكره 2 مرة في 2 مشاركة
    معدل تقييم المستوى
    479

    رد: غربة الأوطــــــــــــــــــان...

    بارت ولا احلى يسلمو
    احسن الله لكم عزائكم
    مأجورين
    أعشق أبي
    عشك يا أبتي قد أعماني
    عشك يسري بفئادي
    (*_^)

  11. #56
    عضو جديد
    تاريخ التسجيل
    Jul 2009
    المشاركات
    3
    شكراً
    7
    تم شكره 0 مرة في 0 مشاركة
    معدل تقييم المستوى
    0

    رد: غربة الأوطــــــــــــــــــان...

    رواييهـ روعهـ
    و اســلوب اروع
    بـــ ج ـد ابدـاع
    من المتاابعين
    ننتظر بحماااس ليلهـ السببت


  12. #57
    عضو فضي الصورة الرمزية مجنونة وحلوة
    تاريخ التسجيل
    Jul 2009
    الدولة
    في خيـــــــــــالي
    المشاركات
    839
    شكراً
    0
    تم شكره مرة واحدة في مشاركة واحدة
    معدل تقييم المستوى
    323

    رد: غربة الأوطــــــــــــــــــان...

    البارت ولا ارووووووع
    بصراااحة كل بارت احللى من الثااانيي
    تحياتي..مجنونةوحلووة

    مشكوووور اخووي ابوو احمد على التوووقيع الجميل

  13. #58
    عضو ذهبي الصورة الرمزية الفراش الفاطمي
    تاريخ التسجيل
    Nov 2007
    الدولة
    سنابس
    المشاركات
    1,530
    شكراً
    72
    تم شكره 29 مرة في 28 مشاركة
    معدل تقييم المستوى
    1600

    رد: غربة الأوطــــــــــــــــــان...

    سامحوني ع التاخير
    قريت البارت امس بس بعدها فصل
    مشكوره اميره على الجزء
    روعه يلا نستنى الجزء الجاي
    على احر من الجمر
    بالانتظار ....
    تحياتيـ ..


  14. #59
    عضو جديد الصورة الرمزية نور البدور
    تاريخ التسجيل
    Sep 2009
    المشاركات
    26
    شكراً
    0
    تم شكره 0 مرة في 0 مشاركة
    معدل تقييم المستوى
    178

    رد: غربة الأوطــــــــــــــــــان...

    بصرااااااااحة بارت جنإآإآإأآإأآإأن
    والاحداث روعة
    انا حبي جميع الشخصيات ماعدا كاظمووه
    ومصطفى وشفيق معورين بقلبي>_<
    با انتظار التكمله البارت

  15. #60
    عضو ذهبي الصورة الرمزية صدفة البحر
    تاريخ التسجيل
    Apr 2007
    الدولة
    حيث سعادتي
    المشاركات
    1,253
    شكراً
    0
    تم شكره 0 مرة في 0 مشاركة
    معدل تقييم المستوى
    355

    رد: غربة الأوطــــــــــــــــــان...

    والله خوووووووووووش فله هالشبآإب ...
    بس هالوداد ذي لو تموتيها وانفتك منها هههههههههههآي > كان اريح لينا كلنا ,,,
    تسلم ايدك غناتي امووووووووووورة
    والى الملتقى بإذنه
    ومأجورة
    سلام
    يسلمووو يا أحلى كبريآإء على التوقيع الجوناااااااااااان

صفحة 4 من 53 الأولىالأولى ... 2 3 4 5 6 14 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. غربة .. واندفاع
    بواسطة شاري الطيب في المنتدى المنتدى العام
    مشاركات: 15
    آخر مشاركة: 07-11-2008, 03:37 PM
  2. عربة من ثلج
    بواسطة شوق الربيع في المنتدى منتدى الصور
    مشاركات: 20
    آخر مشاركة: 01-03-2008, 03:24 PM
  3. غربة علي ع
    بواسطة ابوحسن التونسي في المنتدى المنتدى الإسلامي
    مشاركات: 3
    آخر مشاركة: 07-11-2007, 12:28 PM
  4. غربة روح
    بواسطة ام باسم في المنتدى منتدى الشعر والنثر
    مشاركات: 26
    آخر مشاركة: 04-06-2007, 08:34 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •