حبيب طلع من الغرفه وهو يكلم كاظم .. ماسك طرف ثوبه النوم بأيده ورافعنه ومع كل حاجه يقولها كاظم .. حبيب يرفع ثوبه ازيد وبذهول وحماس:

 ــ إييييييه...

 السيد :

 ــ خخخ الله يستر مايندرى ويش صاير ؟؟ شوي وبيتفصخ علينا

 مراد:

 ــ ههههههه اشوى عليه سروال..

السيد:

 ــ ترى مو داري عن عمره...

 حبيب بحماس:

 ــ ياااااااااااااا ولد.. حركاااات والله وقام حظك يابو امويس .. << ابو موسى يسمي كاظم..

 السيد :

 ــ قام حظه.؟؟ لا يكون خطب ..

 مراد :

 ــ تشيه مايقوم الحظ الا بالخطبه..

 السيد :

 ــ ويش دراني اسمع الكبار كل يقولو للعزابيه رفع الله حظكم وغير الله حالكم..

 مراد :

 ــ هههههههه يعني وحبوه من دقة الكبار..

 حبيب ويبرد حماسه وكأنه مصدوم من سالفه اخرى:

 ــ لا عاد... يـــــــالله.. الله يساعده.. والحين ويش مسوي؟؟؟ ايه.... ايه....

 مراد :

 ــ انقلبت نغمة الحماس !!

 السيد :

ــ الساتر الله..

 حبيب:

 ــ خلاص اباقول للشباب السالفه الحين و بنشور عليك .. وان شالله خير... حياك..

 سكر حبيب..

 السيد:

 ــ تشور عليه .؟ ويش صاير..

 حبيب :

 ــ كاظم ورث ورث .. كبير من جدته.. وعمه مفلس ومنهار و مصنعه وشركته مرهونين وفي أي لحظه اذا ما سدد ديونه بينسحبو منه...

صادق داخل الغرفه رمى الكتاب من صدمته باللي سمعه..... الشباب نسو انه يصير ولد عمه .. راح عن بالهم..

 طلع ليهم عالباب وقف ..

 ــ ويش تقولو؟

 حبيب متحمس ورايح عن باله:

 ــ كاظم ورث ورث كبير من جدته ... حركااات

 صادق بهدوء وذهول :

 ــ لا .. ويش الشي الثاني اللي قلته..

 حبيب استوعب الأمر :

 ــ ها..

 السيد ومراد صارو يطالعو في صادق اللي تغيرت الوانه..

 حبيب مو عارف ويش يقول..

 صادق بهدوء:

 ــ ابوي ..؟؟ افلس ..!!

السيد يحاول يغير الوضع:

 ــ لا ان شالله ازمه عارضه مافيه الا الخير..

 صادق بهدوء:

 ــ والشركه والمصنع مرهونين !

 الكل ساكت مو عارفين ويش يقولو..

 صادق ترك الصاله بهدوووء

 حبيب يضرب على راسه...

 ــ خبل انا.. خبل .. نسيت ان ماعنده الا عم واحد.. وهذا ولده ..

 السيد :

 ــ ويش نسوي وياه الحين

 مراد بهدوء:

 ــ هذا جزاته على اللي سواه ابوه في كاظم... اجل جدته تتوفى ولا يدري الا بعد اسبوعين

 حبيب بتساؤل :

 ــ اموت واعرف عاد لويه ماوصل له الخبر الا بعد اسبوعين..

 السيد :

 ــ لا تموت ولا شي ... سلامة عمرك... يرجع كاظم ويخبرك بالتفاصيل..

 حبيب يحك راسه:

 ــ ويش هاليوم وويش هالسوالف اللي صارت فيه...

 مراد :

 ــ الحين هو يبغى الشور يعني لويش؟

 حبيب بهدوء:

 ــ امشو الغرفه واعلمكم اخاف صراحه على صادق من الصدمه



 ودخلو الغرفه...



 صادق في غرفتهم قاعد وهو مذهول ماهو داري ويش يسوي..

 دق على ابوه .. لقى جواله مسكر..

 دق على امه.. ردت عليه وصوتها منهار..

 ــ اماه ويش صاير

 ام صادق تحاول تتمالك نفسها..

 ــ مافي شي .. اخبارك انت واخبار دراستك

 صادق منفعل :

 ــ اماااه ويش فيكم.. ولويه ابوي مسكر جواله

 ابو صادق مسكر جواله عن الديّانه .. و فوق هذا مريض مرتفع عليه الضغط..

 ام صادق :

 ــ خربان,,.

 ــ خربان ..!! اماه ترى وصل لي الخبر لا تخبي عني .. لا والله بنزل الليله الحين الحين.,

 ام صادق ماتحملت.. وقالت لولدها السالفه...



 في الغرفه الثانيه...

 السيد:

 ــ اهااا يعني يفكر يشتريهم من عمه ..

حبيب :

 ــ ايه لا يروحو للغريب .. ويسدد بفلوسهم للديانه ..

مراد :

 ــ يتراوالي تصرف سليم.. عالأقل يظل ولد اخوه وماتوقع يطرده من الشركه بيخليه يظل يشتغل فيها

 حبيب :

 ــ وانت تتوقع عمه بيرضى يستمر فيها.

 مراد:

 ــ والله اذا الحاله زي ماقلت ليش لا .. يخلي كبرياءه على جنب اذا يبغى يعيش

 السيد :

 ــ بس تعال.... كيف كذا صارت السالفه.. اللي نعرفه انه المحامي نصاب و ساعد عمه ياخذ الورث عمارتين وارض اتوقع مدري ويش .. عطى المحامي عمه الصك حقهم مقابل مليون مدري كم !! لو لا !!

 حبيب :

 ــ اييييييييه والله.. كيف كذا صارت السالفه !

 مراد:

 ــ يمكن الله هداه..

 حبيب :

 ــ حتى لو الله هداه كيف رضى العم يفلس ويرجع الحق لأصحابه

 مراد:

 ــ يمكن الله هداه هو بعد

 السيد :

 ــ ههههههه ياهادي يادليل .. ولو اني اتوقع السالفه فيها إن... اتصل حبيبو فيه وقول له راينا على اللي اقترحه و اسأله..

 اتصل حبيب في كاظم,,,



 صادق :

 ــ اماه.. هدي خلاص .. بكره بنزل البلد .. هدي وان شالله مافيه الا الخير..

 وسكر صادق من عند امه ويحس جسمه كله يرتجف .. رمى الجوال على جنب وانسدح .. غطى كامل جسمه بالبطانيه.. غمض عيونه وبلا شعور صارت مواقفه اللي كان يقهر فيها كاظم بس على شان يثبت وجوده تتسارع قدام عيونه...



كاظم :

 ــ هههههه والله انكم فلته.. وعمركم طويل .. هذانا افكر الحين ويش باسوي فيه ولد الحرام..

 حبيب وهو حاط الجوال على وضع المايك على شان الكل يسمع :

 ــ المحامي!

 ــ ايييه... السالفه ومافيها ان جدي وكل على املاكه محاميين كل واحد وكله على النصف .. لورث كل واحد .. فصارت وصاية ورثي مقسمه بين محاميين.. واحد ولد حرام قدر عليه عمي ورشاه و سلمه الأوراق .. فأخذ نص ورثي ارضين و عماره.. والباقي ظل عند المحامي الثاني اللي حاول عمي ياخذ الأوراق منه وخبى موت جدتي عني لمدة اسبوعين عل وعسى يقدر يوصل للأوراق وياخذ بقايا الورث ..

مراد والسيد في نفس واحد:

 ــ ايوااااا...

حبيب :

 ــ لاااا ولد الحرام دا المفروض ماينسكت عنه,,

 كاظم:

 ــ ايه هذانا ابرفع دعوى عليه مع المحامي الثاني فباطول مابنزل الا بعد اسبوع...

 السيد :

 ــ الله يعينك ويوفقك....

كاظم:

 ــ بيمديني اسبوع اذاكر فيه..

 حبيب :

 ــ قابل حلالك الحين وبعدين أي مساعده تبغاها حاضرين..

 كاظم :

 ــ تسلمو ماتقصرو.. خلاص انا بكره الصباح رايح للمحامي ومقترح عليه سالفة اني اشتري المصنع والشركه .. و رفع الدعوه

 السيد:

 ــ الله ينصرك..

 كاظم :

 ــ ههههههههه حرب .. يالله ياكريم دعواتكم...

حبيب :

 ــ قلبنا ويااااك ... خبر دار.. خبر دار >> خبر دار = انتبه لروحك..

 السيد ومراد يطالعو في بعضهم...

 كاظم مات من الضحك على حبيب :

 ـ شكريه .. خدا حافظ

وسكر الجوال..