طلع ناجي لقيصر اللي كان ينتظره برى ..

 ناجي :

ــ كم يوم وبرجع للوطن..

 قيصر بهدوء:

 ــ الله معاك.

 ناجي:

 ــ مافكرت يعني باللي قلته لك..!؟

 قيصر :

 ــ الله ييسر لك امورك راح توحشني..

 ناجي ابتسم على مضض:

 ــ ايه .. على راحتك ياخوي...



وهم راجعين للعياده

 لقو سيارة غريبه على باب العياده واقفه....

 نزل منها رجال اجنبي وسأله:

 ــ هل انت قيصر ؟

 ناجي :

 ــ مين دا !؟؟؟

 قيصر:

 ــ مادري...

 ويتقدم للي سأله :

 ــ نعم انا قيصر ,., بماذا اخدمك..

 ــ سمعت انك دكتور وهذه عيادتك.. ويقلب لهجته عربي:

 ــ ولك ما تذكرتني !!!!

 ناجي فتح عيونه الشكل لأنه ابيضاني و اشقراني عيونه خضر حكم عليه انه اجنبي بس ويعرف بتكلم عربي بس اللهجه كأنها عراقيه ..

 ابتسم قيصر :

 ــ هاا.. لا والله .. مادري احس وجهك مو غريب علي...

 ــ ههههههه معلوم ماتعرفني ... لما سافرت امريكا انا كان عمري وقتها 12 سنه ...

 قيصر ابتسم وكأنه عرفه :

 ــ لا تقووول ... مجييييييييد .. إنت مجييييد...

 ضحك الرجال و ضرب كتف قيصر :

 ــ إيييه مجيد يا خوي

وخذو بعضهم في الأحضان

 وناجي واقف ومستغرب منهو دا ..؟؟ واخوي !!

 قيصر وهو شاد على مجيد..

 ــ ولك يابه شقد مر وقت ماعرفتك.. تغيرت و احليوت هواي..

 ــ هههههههه ولا آني ظليت شاكك بيك

ــ شنو تشك يابه شيبنا حنا وكبرنا...

 يفك مجيد الحضن..

 ــ بعز شبابك يا قلبي بعز شبابك... شكو ماكو خبرني عن علومك !

 قيصر تنهد وبأبتسامه التفت الى ناجي اللي مليون استفهام وتعجب فوق راسه ..

 ــ هذا جاري بالعراق مجيد .. ماسبق وجبت طاريه لك ... عراقي لبناني...

مجيد يضحك:
ــ افا يابه افا.. نسيتني ...

 قيصر :

 ــ هههههههه الدنيا ما تخلي شي عالبال .. بس والله تغيرت وكبرت يا زغير ...

ــ ههههههه رايدني اظل طفل ..

قيصر :

 ــ الله يخليك.. ويسلم هالقبال الحلو... فاجأتني هواي...هذا رفيقي بهالغربه.. ناجي الـ...... من السعودية..



 مد مجيد ايده وصافح ناجي وشد عليها ..



قيصر :

 ــ تفضل .. حياك

ويدخلوا العياده ..





في شقة الشباب ..

 حبيب :

 ــ هدي مراد والله مانعرف حنا غير رقم جواله وخبرك جواله ضايع

 مراد:

 ــ هالكلاب شلون سمحو لنفسهم يتكلمو بكلام مايدرو صحته من غلطه ولو صحيح اصلا ماليهم شغل يتكلمو في اعراض الناس وبالأسماء والعوايل

 صادق خايف من مراد فقاعد في الغرفه وماطلع.. ماسك كتاب يذاكر وعقله مشغول باللي صار..



 السيد :

 ــ الله يغربلهم .. انا في حياتي ماشفت صبي كذا.. اعظم من النسوان سوالفه

 حبيب :

 ــ والله في الدنيا سبع عجايب وهانيو العجيبه الثامنه...

 مراد :

 ــ بس خل يوسف يجي واشوف السالفه بالضبط و ان طلع صدق ذباح حسامو على ايدي

 السيد:

 ــ بذمتك مراد حتى لو لا قدر الله .. الله لا يقولها.. كان صدق .. تتوقع يوسف بيقول لينا ؟؟

 مراد :

 ــ ها.. مادري .. شكلي انا اللي مابصبر وبنزل البلد واشوف السالفه..

 حبيب :

 ــ ويش فيك ياخوك .. ندري غلاوة يوسف عندك لأي درجه .. بس ويش بتسوي ؟؟ بتروح لدا اللي اسمه حسام.. وبتطيح في امه دست لين يعترف

 السيد :

 ــ ويش دخل امه..

 حبيب ومو منتبه لعمره وويش قال من قبل :

 ــ هااا..

 مراد :

 ــ مادري .. بعرف بطريقتي الخاصه



 جوال حبيب يرن...

 ابتسم حبيب وقام له..

 ــ كاظموووه بطيخ اخيرا اتصل



 ضحك مراد على النغمه :

 ــ مخصص له نغمه بعد

 السيد :

 ــ هههههه ايه نغمه بارده تحسها حق كراتين... عاد من نزل الديره كظموه وجواله مسكر ولا اتصل ماقصر فينا هو ويوسف مخلينا نتهوس عليهم