في شقة حبيب والشباب..حبيب :ــ ويش تتوقع الحين صار على كاظم...!! ودي اتصل به.. ايدي تحكنيالسيد:ــ ان شالله كل خير .. توه ما اخذ يوم اتوقعه بكره عندنا..ماله قعده هناك .. والله مايستاهل اللي صار فيه.. اجل جدته مايدري انها ماتت الا بعد فترهحبيب :ــ قصر حسك لا يسمعك صادق ..ــ اه.. ويش قايل انا..!! وحشا ,,, في الغرفه وبيسمعحبيب يلتفت لمراد اللي كان يفرفر في قنوات التلفزيون مو راضي يستقر على محطه..ــ مراد.. هيه.. اخوك.. ويش فيك من راضي ترسى على قناه. قاعد تشاوط من وادي لوادي... تدور على شي معين؟ــ لا.. بس مانى عارف وين اروح...السيد : ــ طفيه احسن ماله داعي واقعد سولف ويانا..مراد طفى التلفزيون وقعد..وشكل وجهه متكدر .. بس يحاول يداريحبيب يضرب ظهر مراد:.ــ الله عاد عالبرطم.. يا بعد شبدي انتا.. هونها وتهون.. والله الدراسه في لندن احسن من هنا بمليون.. ولا تحاتي انك بتصير لحالك.. صبر علي بس سنه اتخرج و اجي اكمل وياك ماجستير .. بعد عمري انتااا.. تحصل صديق زيي في حياتك هاا؟؟ تحصل ؟؟؟ابتسم مرادالسيد يطالع حبيب على جنب:ــ من قبل لا تعرف مراد ومن قبل لا تدري عنه انه بيروح لندن وانت حاط في بالك هالشي ..حبيب نقز:ــ اصقع ابو الفضايح..مراد قام يضحك...حبيب : ــ زين لك ضحكته عليالسيد: ــ خله يضحك ويعدل هالبرطم شوي ..حبيب يصفق صفقه قويه:ــ فلهااااااااااامراد يطالع فيه ويضحك عليه..حبيب يكمل كلامه وهو يدق رقبه:ــ وربك يحلها..السيد يضحك عليه:ــ ايه.. ماغير رقبتك اللي انفلت.. ساعدك اللهصارو يضحكو...حبيب يهمس:ــ خلنا ننادي صادق ويانا عيب علينا قاعدين نسولف ونضحك وهو لحاله داخلالسيد يتحمق:ــ من متى السوالف يعزمو عليها.. هو عازل روحه عنا .. لو يبغى جى وقعد ماحد بيقول له قوم..حبيب يطالع في السيد على جنب ويقلد عليه عن سخريه : ــ طفي التلفزيون مراد وتعال اقعد وسولف ويانا..السيد: ــ ههههههه ويا وجهك.. مراد غير..حبيب : ــ لويه يعني؟؟؟السيد: ــ والله بذمتك داك من متى هو شارك احد لو عطى احد وجه..حبيب وهو يحك راسه : ــ ممممم اما في دي صدقت الصراحهمراد : ــ كح.. كح.. اخجلتوني ياشباب..السيد : ــ صحيح والله من جانا ماشوفه الا بهالكتب .. كنه دوده ما شالله عليه..حبيب : ــ دوده وما شالله عليه. ايه شان زين لو تنفتح نفسي وانطبن اذاكر ماباقي شي .. .. خخخخ الحين الدوده مدحه لو سبه؟؟؟مراد صار يضحك : ــ على كيفاتك..حبيب : ــ اتخيل بس .. كان ما كظموه الحين مايعرف يوصل معنى عربي للمحامي يقوم يفلت عليه كم كلمه هنديه ويبلتش ..السيد: ــ يسويها ترى..مراد : ــ ههههههه ساعتها بيفكرها المحامي سبه..حبيب : ــ لااااا.. وين يفكرها سبه.. ماغيري اللي يسبني ..السيد : ــ ههههههه نصاب حبيبووو... اصلا تفهم له بس تبغى تجاكره..حبيب : ــ هههههههه ايه حليوه عصبية الباردين.. تضحك..هدأو شوي..الا بتنهيدة مراد:ــ والله مو متأسف على شي من طرف لندن الا صحبتكم و سوالفكم..حبيب : ــ الله لا يحرمنا منك بيننا تواصل ان شالله عالأقل بيننا ماسنجرررالسيد : ــ ان شالله انت لا تقطعنا واحنا اكيد مابنقطعكابتسم مراد وفي باله:ــ اخ بس لو اقدر اخذكم كلكم وياي لندن.. شان زين..
رد مع اقتباس
المفضلات