ام مجتبى دخلت البيت توها راجعه من عند وحده عوايدها شغل... الا تشوف ابو مجتبى متسند على امير ويمشي به..توجهت ناحيتهم :ــ اهو امير جيب ابوك عنك,,ماتشوف امير الا يصرخ صرخه فيها:ــ أنــــــــــــــا اســـــــــــــــــــــــاعد...ام مجتبى :ــ بسم الله الرحمن...وقفت وهي مبهوته.. وتطالع وجه ابو مجتبى اللي كانت عيونه تحبس الدمعات قد ماتقدر...جتها الغبنه.. تنهدت من قلب .. وبالخاطر..ــ ايييه.. الله يكون بالعون...ابو مجتبى انتبه لأم مجتبى عيونها عليه... حاول يصرف نظرها:ــ روحي شوفي نور اكي حالتها حاله واماني تتفاهم وياها..ام مجتبى:ــ ايييه.. هالبنيه مادري ويش علتها بالضبط..ــ اكي بتقول لأماني روحي شوفي ..ــ يؤ .. خير اللهم اجعله خير..وصلت لعند باب الغرفه وكان مردود وهي تفصخ عباتها الا تسمع نور والكلام يتقطع تقطيع..ــ شفتهم.. وهم .... هم..... هماماني وكأنها فهمت الموضوع بس ودها تبطل شكوكها.. وتعرف اليقين:ــ هم ويش ؟!!نور والدموع تنسل ...ـ و هم ( ××××××)اماني ضربت صدرها...ــ قولي والله..!!! المرشده الطلابيه ماغيرهــــــــا!!!!ــ ايه والله... و تهمت استاذه زكيه انها هي اللي تسوي كذا مع البنات وفصلوها.. ماحد شافهم الا اني و استاذه زكيه.. واني من شفتهم ماني طايقه المدرسه ولا الروحه ليها..ــ ياعلي ... لا .. لازم اروح وياش بكره المدرسه ونشوف حل ... سود الله وجه اللي مايستحي..ام مجتبى .. طاحت عباتها من أيدها ... منذهله مهي مصدقه اللي تسمعه..فتحت الباب وبهدوء وهي مهي في وعيها:ــ هالمدرسه ما ترجعي ليها لو على قص رقبتي..اماني فتحت عيونها:ــ ويش تقولي عمه.!!ام مجتبى :ــ المدارس اللي نودي اولادنا ليها وحنا مآمنين وتطلع هي محل الخراب والدمار بلاها. الله لا يحوجنا ليها...نور والبحه في صوتها تتقطع:ــ يعني.. ويه !!ام مجتبى:ــ خلاص .. يعني مايحتاج تكملي ...اماني :ــ ياعلي عمه.. مو لهالدرجه,,. ماباقي ليها نور الا هالسنه وتتخرج .. حرام..ام مجتبى منفعله:ــ ويش الحراااام.؟؟.. حرااام اللي يصير هناك.. اليوم بتي شاافت.. بكره يشركوها...نور حطت اياديها عالأأرض وصارت تنحب:ــ مستحيل اماه.. مستحيل ...ام مجتبى تركت الغرفه وهي حدها منفعله..اماني :ــ لا تحاتي نور امش بس معصبه ومصدومه.. اذا هدأت بتنسى.. انتين بس لا تفكري واجد وبكره باروح وياش المدرسه نشوف الوضع..
في شقة نوري ..هاني :ــ احلف ... اف اف اف شنيعه واللهنوري دخل عليهم وكان هاني مع صادق يسولفو.. وايمن ومحسن قاعدين وياهم وشكلهم مو مستوعبين السالفهنوري:ــ ويش الشنيعه..هاني :ــ آخر خبرررر... مراد خذوه الهيئه..ــ اف ياساتر .... لويه..ــ من مقهى يتصفح مواقع اباحيه...نوري يلتفت لصادق:ــ صدق !!صادق :ــ ايه راحو يشوفوه حبيب و سيد هادي وللحين مارجعو..نوري :ــ له له له.. ياجميل السترمصطفى سمع سوالفهم كان قريب من الغرفه.. قام ودخل عليهم:ــ والله انكم فاضيين الحين الرجال مهو موجود.. و تصدقو الكلام اللي ينقال عليه... يمكن مظلوم..,هاني :ــ ممممم والله على ذمة الرواي..صادق :ــ بل .. رميتها علي .. مالي شغلهاني :ــ والله انت اللي جبت لي الخبر... ماسألتك انا عن شي ... جبتك بس تشوف لاب توبي خبري بك خبير بهالسوالف ... وفتحت لي السالفه ...صادق :ــ ياساتر .. وويش يضمني انك مابتنشرها الحين وتسويها خبر الأسبوع......ايمن بهدوء:ــ ايه ابشر .. اذا ما وصلت السالفه الى المريخ... اعطيك اللي تبغى..نوري :ــ انا لله .. والله مانى داري اصدق لو لا .... !! الله يهديه على اية حالمصطفى:ــ صدق نصف ماترى وربع ماتسمع... عن نفسي مابصدق ابدا.. صراحه مراد مافي منه وما شفت منه الا كل خير..نوري يتأمل كلام مصطفى ..:ــ أي وانت الصادق .. ماتخيل انه فعلا ممكن يسويها...هاني:ــ ماتدري النفس آماره بالسوء وابليس شاطر..محسن:ــ بل بل بل ... والله ماحد معصوم .. هذا اولا.. وثانيا دي مشكلته... وثالثا مالك شغل بالناس وخل عنك هالسوالف وجوز عن هالطبع...هاني منفعل:ــ أي طبع اللي اجوز عنه .. ويش مسوي انا..نوري :ــ ويش فيك الحين تصرخ ومعصب .. ومحسن صادق .. جوز عن هالطبع الخايس .. صاير وكالة cnn الأخباريه للأخبار اللي تسوى وماتسوى.. تلقط الخنين والخايس وتنشره يادافع البلاهاني منفعل زياده:ــ أنا... انا .. انا !!نوري :ــ لا اجل انا...ــ قول لروحك اللي يسمعك ماتموت على تسمع هالسوالف ماغير تنتظر متى بس اجيب لك خبريهــ انا.. متى .. ها... متى .. تتبلى علي بعد..ــ شب بس شبــ شب في عينك لا الحين اصكك بقس افر راسك به..هاني يمد وجهه جهة نوري:ــ هاا.. صك اشوف .. صك صك..مصطفى :ــ آآآآآآآآآآآآآه صلو على محمد ,, ويش فيكمصادق حس بالخوف وفي باله:ــ الظاهر شبيت فتنه.. اقوم بس ..قام وبتوتر:ــ اقوم بس انحاش ..وبأبتسامه متكلفه:ــ اشوفكم على خير ياجماعه..نوري منفعل ويصرخ في صادق:ــ وانت ماتجي شقتنا الا بسالفه.. وصاقعه تصقع صنف اللي انت منه..صادق انصرع من كلام نوري.. وبهدوء:ــ آسف .. اخر مره اجيكم .. حقك علي ..نوري ترك الغرفه وراح للغرفه الثانيه وحده مقهور بس ماسك روحه..مصطفى يواسي صادق:ــ حقك علينا .. بس هو ينفعل بسرعه ومايحب احد يقهره في شي والا يتبلى عليههاني حمق:ــ ها مصطفو.. هاااا.. يعني انا اتبلى عليه !!!مصطفى منصرع من هاني :ــ اقول لا تدور علي الحين وتحط حرقيتك فيني...صادق :ــ آسف والله... اشوفكم على خير..وطلع يركض من الشقه...
رد مع اقتباس
المفضلات