غربة الأوطــــــــــــــــــان...

[لا تعليق]

متابعة وياكم

[Princess]

مرحبا
والف شكر لتواجدكم اللي يثلج الصدر
لا عدمت هالنور .. وهالتعاليق الحلوه..
اللي تارات تصيب وتارات تخيب ...
تعجبوني وعلى قلبي زي العسل...

في ناس خبرنا فيهم حجاج بمكه..
نسألهم الدعااااء و اكدو انهم مابينسونا...

مسامحين عالتأخير صارت ظروف عارضه امس

تفضلو الجديد..

[Princess]

وبين ماوداد تدهن وجهها بفازلين..
وحسن في الحمام يسبح..
دق جوال حسن..
وكانت المتصله اماني....
وداد : ــ ويش تبغى دي بعد .. !!
الا بطلعة حسن من الحمام :
ــ جوالي دا؟
وداد : ــ ايه .. اماني اختك..
انتهت الرنات...
حسن :
ــ يبغى لي اشوف ويش تبغى
وداد : ــ ويش تبغى يعني اكيد رجعني البيت.. لا تطلع توك راجع من العمل ارتاح بس .. وخلها لبكره..
ــ لا باشوف ويش تبغى..
وداد عوجت بوزها ماهو عاجبنها الوضع,,..
اتصل حسن في اخته:
ــ ها خيه.. ويش بغيتي؟
اماني وصوتها متغير :
ــ مجتبى رجع بالسلامه..
حسن بأنفعال ومستانس:
ــ اووووووه حركات الحمدلله عالسلامه.. متى.؟
ــ الظهر
ــ افا وتوش تتصلي !
ــ لا بس صارت ظروف و مشاكل منعتني اتصل
ــ خير ان شالله
ــ عمي مسوي عمليه و ارتفع السكر ورقدوه
ــ اووو لا حول .. مايشوف شر .. عملية ويش
>> وداد تتسمع عالمكالمه وتعابير وجهها مستنكره و مستفهمه
اماني : ــ بعدين اعلمك كنت متصله بس اذا ماعليك كلافه تجيب ولادي الليله .. اذا نايمين ماعليه.... خلهم
ــ لا شدعوه الحين اجيبهم من زمان ماشافو ابوهم
وداد صقعت الفازلين عالطاوله .. وبنفس الوقت ابتسمت:
ــ اخيررررا رجع .... اف اما اني مابيطلع يوديني دقيقه المستشفى ولا بيشتري لي مرهم... ماني قادره من حرارة وجهي وهي يركض لولادها.. سواق عندها ...
سكر حسن و على طول طلع يشوف ولاد اخته..
طل عليهم في المجلس لقاهم قاعدين..
ايثار منسدحه على بطنها تلون في دفتر و باقر قاعد في زاوية الغرفه وضام ركبه و سرحان..
من شاف خاله دخل عليهم وقف و بلهفه:
ــ خالي ما اتصلت امي؟ ماقالت متى بترجع؟
ايثار قامت ويا اخوها:
ــ ايه خالي من الصبح امي طلعت متى بترجع...
حسن :
ــ اكلتو؟.
باقر : ــ ايه سوت لينا ماريا بيض
ــ زين اجل قومو باوديكم لأمكم...
وبأبتسامه عريضه:
ــ ابووكم رجع من الخفجي وبتروحو له
باقر والفرحه مو سايعتنه:
ــ ررررجع
ايثار :
ــ هييييييييه
ونطت على اخوها ميته من الفرح
حسن صار يضحك عليهم ... وفي باله:
ــ بتصير ليكم وحشه في هالبيت..
وسبقهم للسياره
وهم طالعين كانت ماريا طالعه من غرفتها بتطل عليهم نامو لو لا ...
وبتشوف اذا يحتاجو شي :
ــ يؤ وين رايحين..؟؟
ايثار بحماس:
ــ بنرووح نشوف ابوي رجع..
ماريا :
ــ والله.. حركااااات.... مين بوديكم؟
باقر :
ــ خالي حسن..
ماريا في بالها:
ــ خير اللهم اجعله خير خخخخ .. والله زين يوم الله هداه.. دوم ان شالله
وطلعو....
في السياره ..
ايثار:
ــ باقر تتوقع شكل ابوي تغير؟
باقر :
ــ ويش اللي يغيره..؟؟
ــ من زمان ماشفناه .. كبر الحين.
حسن :
ــ ههههههههههههه قالو لش جاهل يوم يروح.. بعده زي ماهو رجال...
ايثار:
ــ ويش دراني قلت يمكن يتغير الواحد كل سنه شكل...
حسن:
ــ لا ابوش الحين زيي في عمر ما يتغير بشكل واضح بعد 20 سنه اذا صار عمرنا 50 وزود بنشيب وبنتغير..
في امريكا ..
الوقت اول الصبح...
فتح ستيف عيونه لقى فراش سام فاضي ..
قعد قعود والتفت لفراش مارك لقاه بعد فاضي,..
وقف وهو مرتعب:
ــ يا الهي .. اين ذهبا... لا .. لن يفعلها مارك.. لن يفعلها...
شوي الا جواله يرن... طالع الأسم الا هو الزعيم جون:
ــ اهلا سيدي..
ــ اين مارك؟
ستيف بتوتر :
ــ لا اعلم للتو صحوت من النوم ولم اجده..
ــ ابحث عنه سريعا وفي غضون ساعه وتعال معه لدينا اجتماع
ــ حسنا..
سكر ستيف الجوال وهو مو عارف ويش يسوي..
ــ ذلك المارك .. الى اين قد ذهب .. ولمَ لم يسال الزعيم عن سام...
الا باب الحمام ينفتح ويطلع مارك وهو يفرك راسه بفوطه
ستيف نقز مختلع:
ــ اووه..
مارك :
ــ مابك هل افزعتك؟؟
ــ آآآه .. نعم... لم اتوقع وجودك هنا... عموما افرغ من امورك ولنتوجه للزعيم هنالك اجتماع..
ــ اجتماع .. لماذا ؟
ــ لا اعلم..
ــ حسنا .. اين سام؟
ستيف بإرتياب:
ــ لست ادري .. ولم يقل لي الزعيم ان اصحبه معك...
ــ ربما سبقنا الى هناك..
ستيف يرفع حاجب بأستنكار :
ــ اوه.. ربما.ههه. كيف فاتني ذلك
مارك يدف راس ستيف بصبعه:
ــ لا ادري مابال عقلك هذه الأيام.. انه معطل نسبيا...
ستيف يفرك راسه:
ــ لا ادري فعلا..
ودخل الحمام سكر الباب وتسند عليه ..
زفر زفره من قلب:
ــ انت السبب يامارك في ضياع عقلي ..
صار يحك شعره بالسرعه:
ــ لا ادري ياسام الى متى سأبقى اخاف عليك ويهمني امرك.لهذا الحد....؟؟. هه لا بأس فأنت تستحق مني ذلك
وصلو بيت ابو مجتبى.. ونزلو ..
حسن:
ــ سلمو عالبابا وقولو له الحمدلله عالسلامه.. الحين توكم تشوفوه وتوهم اهلكم يشوفوه .. والوقت ليل بكره ان شالله اجي اشوفه و اسلم عليه اوكي..
باقر :
ــ ان شاالله
كان باب البيت مردود.. فدخلو على طول..
دخلت ايثار الصاله تركض ركيض ..
ــ اماه... يبااا
كان مجتبى بالصاله قاعد.. من سمع صوتها ارتفع وقعد على ركبه وقلبه صار يراقع..
التفتت له ... وفتحت عيونها مذهوله .. وملامح وجهها تغيرت..
صارت تمشي على ورى ببطئ وخوف .. وصلت للجدار و تسندت عليه مهي عارفه وين تروح..!!
باقر ظل واقف مكانه يطالع في هالرجال.. وحواجبه بتعبير يملاه الأسى..
تمتم بهدوء:
ــ يبااا ؟؟
مجتبى وعيونه اغرورقت دموع:
ــ ابوي ...
باقر بدى يتأوه ويصيح بشكل متقطع يفطر القلب:
ــ اهئ .. يبا .. اهئ .. يبااااااااا
وراح ركض وارتمى بحضن ابوه...
اماني و ام مجتبى واقفين على باب المطبخ يراقبو الموقف ..
ام مجتبى ماقدرت صارت تصيح و تون ..
اماني مبتسمه ابتسامه تداري وراها الدمعات..
مجتبى يتأمل في ايثار اللي لازالت متنسده عالجدار و تنافخ..
و الرعب مبين على ملامحها الصغيره...
باقر حاضن ابوه بالقوه وشاد على ثوبه من عند الظهر بأيده الصغيرتين ...
مجتبى لم باقر بذراعه اليمين ومد اليسار لأيثار وبهدوء:
ــ تعالي بابا.. تعالي..
ايثار وشفايفها الصغيره ترتجف ..
ودموعها بعفويه صارت تنزل على خدودها ..
تستنشق الهوا بأنفاس متلاحقه..
مشت صوب ابوها .. وصلت له ... ومسكت كفه بكفينها الصغار ...
وهي تتأمله و ترتجف من الألم والخوف..
سحبها لصدره وضمها .. انطلقت بنوبة صياح ..
ماقدرت اماني قعدت على الأرض وصارت تصيح هي الثانيه .. انفجرت من الموقف ..
ام مجتبى انحنت لعند اماني وصارت تمسح على ظهرها وبهمس متقطع :
ــ مسحت عليش الزهرا ام الحسنين بالصبر ... و مسحت عليه بالعافيه ..
مجتبى يرفع راسه للسقف كل شوي لا يطيحو دمعاته.. ياخذ نفس عميق .. ويمسح على روسهم .. يضحك بأصطناع و هدوء :
ــ لا تخافو بابا,.. مافيني شي .. بس استخدم ادويه الحين و ارجع زي ماكنت...
اماني بصوت مبحوح:
ــ الحمدلله يوم رجع ابوكم بالسلامه
باقر بنحيب :
ــ يبااا انا خفت... لما ... صار الأنفجار .. ولما ... قالو ناس ماتو.. بغيت... بغيت... اموت..
مجتبى بأبتسامه:
ــ لا تخاف ياولدي هذاني وياك..
ايثار و الأنفاس تتلاحق:
ــ ما...بتروح ... وتخلينا...
مجتبى :
ــ لا خلاص ماباروح ولا باخليكم..
امير متسند على برواز باب غرفته .. ويتأملهم بهدوء.... ماسمعوه الا يتمتم بصوت منخفض :
ــ يباااه... يبااه...
مجتبى التفت له ... وابتسم...
ــ تعال...

[Princess]

امير يحبي على ركبه بتردد لين وصل لعند مجتبى وفي حضنه ولاده...
قعد وراه..
وصار براسه يضرب ظهر مجتبى على خفيف وهو يصرخ و يون .. وينادي .. يبا..
وشوي يزيد الضرب والصريخ ..
ام مجتبى كلما شافته بهالوضع و ينادي على ابوه..
تذكرت حال ابو مجتبى و زاد الحزن عليها..
مجتبى يلتفت له يحاول يهديه:
ــ امير .. ويش فيك..؟؟؟
زدات نوبة الصريخ وصار يرفس ..
نور راحت له تركض .. مسكته وصارت تسحب فيه..
وقامت ام مجتبى تعاونها عليه.. لين دخلوه الغرفه ..
وصارو اللي برى الصاله مايسمعو الا صريخه و ام مجتبى تهدي فيه
ــ سميت عليك بالله و محمد وعلي .. سمت على عمرك الزهرا ام الحسن وحسين..
نور:
ــ امير .. امير اهدى حبيبي .. هاك.. هاك ارسم..
ويمسك امير الورق وعلبة الألوان ويرميها حد ماعنده ..
تصقع في باب الغرفه وتتنفر الألوان لبرى..
ايثار قامت من حضن ابوها .. وراحت تلم الألوان وهي تمسح دموعها وتحاول تتماسك و تضبط نفسيتها..
جمعت الألوان وراحت صوب امير مسكت ورقه وصارت ترسم جنبه ...
وهي تنشد له ومع كل كلمه تسحب نفس و تشاهق :
بالألوان .. بالألوان أرسم بيتاً للأجيال
فيه أزهار و طيور و به باب و له سور
سأرتبه لما أكبر و سأجعله أكبر أكبر
وله ساحة ألعب فيها و به شجر عال أخضر
من بدت تنشد و ترسم جنبه.. هدأ و صار يراقبها ويردد وراها اخر كلمه ...
ام مجتبى قعدت بتعب :
ــ لا اله الا الله ما تعرف لك الا هالقمر..
نور بأبتسامه:
ــ ياغناتي هالقمر ...

وقعدت جنبها تمسح دموعها...

في الرياض ..

يوسف يسوي كمادات لشفيق من بعد الخلعه اللي تعرض ليها وقعدته في الحمام.. ارتفعت حرارته..

مراد قاعد يحوس في لاب توبه .

ــ ايوااا هذي وصفه طبيعيه لتخفيض الحراره..

حبيب قاعد على سرير يوسف :

ــ ويش هي؟

مراد يقرأ الكلام المكتوب :

ــ تنتشر أمراض البرد حاليا وخصوصا الأطفال: ويعاني الكثير من ارتفاع درجة الحرارةويهرع الكثير الى مخفضات درجة الحرارة والتي لها مساوىء كثيرة, ولكن أنصح اخواني أنيستعملوا

شوي رفع حاجب مستنكر..

السيد كان وياهم في الغرفه...

ــ ويش ؟!

مراد بأبتسامة سخرية يكمل:

ــ يستعملو نبتة الرجلة (البقلة الحمقاء) والموجودة لدى بائعي الخضار, تعصر وتوضع علىسائر البدن وبعد نصف ساعة على الأكثر ستدهشك النتيجة.

كاظم وياهم ايضا قاعد عالأرض مستند على سرير يوسف ووراه حبيب على طول .. الا يدحن ضحك:

ــ البقلة الحمقاء .. ويلي اباموت...

حبيب:

ــ ويش تطلع دي عرفنا البقل بعد بقلة حمقاء .. والله حاله .. ماعندنا لا ذكيه ولا حمقاء ... اهو بس عنا.. ويا هالوصفه..

السيد وكان قاعد جنب حبيب :

ــ قول لو عندنا ويش خانته وحنا مسبحينه في بقل ... !!

صادق كان وياهم خش عرض يبغى يشاركهم السوالف.. وبهدوء:

ــ لا ... وشفيق بعد..

التفت له يوسف :

ــ ويش قصدك..؟؟

صادق حس روحه غلط..:

ــ لا .. ولا شي..

يوسف وهو يعصر الخلقه ويحطها على جبهة شفيق :

ــ فلتقل خيرا او لتصمت..

صادق ارتبك .. قام وطلع عنهم..

السيد:

ــ يوسف ويش فيك عليه.. خف عنه شوي..

يوسف :

ــ قهرني بتصرفه .. كأنه مايدري بحالة شفيق و الوضع الصحي اللي هو فيه..

اقلها استنجد بأحد .. اصرخ حد ماعندك .. دافع .. حتى لما رحنا كلنا لشفيق ما كلف على عمره ورجع ويانا.. لا والحين قاعد يتمسخر..

حبيب بهدوء:

ــ ياخوك لا تلومه يمكن من النوع اللي مايعرف يتصرف ..

كاظم :

ــ انا اشهد انه ما يتكل عليه ولا يعرف يتصرف في شي

الا بصفقه جايه على راس كاظم من ورى .. وكان حبيب اللي صافقنه :

ــ انت الحين اللي فلتقل خيرا او لتصمت

كاظم تكتف :

ــ هااا .. ابصمت..

ويحط كفه على بوزه..

مراد يسكر لاب توبه...:

ــ ماليكم الا الفيفادول...لو بنادول عالأقل ..

السيد:

ــ صح صح.. لحظه باقوم اشوف كأنه عندي ..

شوي ورجع السيد:

ــ افا مخلصه..

مراد:

ــ اباقوم اشتري له..

يوسف يمسكه..

ــ اصبر بنشوف الشباب تحت يمكن عندهم واجد عليك طلعات اليوم ومداور..

اتصل يوسف بمصطفى .. وسأله..

مصطفى:

ــ لحظات اشوف الشباب واذا عندنا بنجيبه ليكم واذا ماعندنا بتصل عليك

سكر مصطفى وهو كل ثقه في ايمن ما يخلى على طول عنده يخاف على صحته...

راح له الغرفه وكان معاه محسن منسدح يحوس في جواله..

مصطفى :

ــ ايمن عندك بنادول لو فيفادول؟

ايمن :

ــ لا..

محسن :

ــ شداب توي شايفنه البارحه يشرب بندول والعلبه متروسه..

ايمن يطالع في محسن على جنب..

محسن:

ــ بل عليك.. عطيه وبشتري لك اذا خلصت..

ايمن بقهر:

ــ طرار عندك..

محسن:

ــ انا داري اجل تشدب وهو عندك..

مصطفى :

ــ انا لله.. الحين ويش ..

ايمن قام بيطلع له:

ــ زيين هذانا باعطيك... كم وحده تكفيك.. وحده لو فنتين.؟؟

ــ العلبه كلها..

ايمن فتح عيونه:

ــ بل لويه؟

ــ مو الي لأنها لشفيق مصخن وعيب علينا نودي ليهم بالعدد نعطيهم الكرتونه يستخدمو اللي يحتاجوه.. احسن

محسن:

ــ ايه دام كذا ولا يسمونا شقة البخيلين..

ايمن متردد..

محسن يقوم له وينهب العلبه من ايد ايمن ويعطيها اياه...

وبقهر:

ــ وحريقه قلت لك بشتري لك وحده لا تموت..بل بل ...

ايمن :

ــ فارق مابغى شي منك..

مصطفى :

ــ علي ياعلي يلعن يومه بندول اللي بيخليكم تتشابقو..

الا بدخلة نوري عليهم:

ــ ليش من متى ماتشابقو...؟؟ ويش صاير الحين..

مصطفى :

ــ انا باودي البندول محسن يعلمك السالفه..

وطلع مصطفى..

[Princess]

مصطفى يتعب من الدرج مايتحمل .. وبالعاده اذا بيركب ليهم فوق يستخدم الأصنصير..

دخل الأصنصير وكان لحاله..

جى بيصعد الدور الثاني .. شوي الا يطفي الأصنصير ويعلق بالنص ...

مصطفى :

ــ بسم الله ويش صار

شوي الا تنطفي اللمبات..

مصطفى :

ــ اه.. ياااربي . ويش هالحاله...

يدور في مخابيه على جواله:

ــ اوهووو نسيته ..

صار يطق باب الأصنصير وينادي ولكن مامن مجيب ...

مجتبى يتأمل وجه ايثار وباقر وهم نايمين... ويهمس لأماني:

ــ وحشوني .. فطرو قلبي بهاللقاء ..

اماني تضغط على كف مجتبى:

ــ جهال مرتبكين ولا عرفو يتصرفو..

ماسمعت اماني الا مجتبى وكأنه يصيح... الغرفه ظلمه.. همست:

ــ ويش فيك ابو باقر؟

مجتبى يحاول يداري دموعه:

ــ لا ابد.. مافيني شي ... من فرحتي بشوفتكم..

اماني في بالها وقلبها معورنها:

ــ قليل اللي لاقيته هاليوم .. فضفض همومك الله يغير الحال

مصطفى بدى يستحر .. الوضع داخل هالأصنصير لا يطاق ...

يوسف استبطأ مصطفى.. فأتصل عليه...

نوري كان قريب من جوال مصطفى .. سمعه يرن.. بس ما التفت وطالع مين المتصل ...

هاني:

ــ وين مصطفى جواله يرن

نوري :

ــ ركب يودي بندول للشباب فوق الظاهر جلس وياهم شوي..

انتهت الرنات.. يوسف بأستغراب :

ــ وين راح .. لويه مايرد...!!

ريماس تكلم شهربان عالماسنجر عطتها ايميلها حق اذا بغت سؤال تشرح ليها عالمسنجر احسن من تلفون البيت ..

كانت تتضايق منها لما تتصل عليها وماعطتها رقم البيت الا لأنها استحت تردها من بعد ماكذبت عليها وقالت ليها ماعندي جوال... :

ريماس : ــ من متى ماريا خويتش؟

شهربان بأستياء:

ــ اشوفش مهتمه فيها واجد ..

ــ معجبه فيها..

شهربان في بالها:

ــ استر من اعجابش ...

وترد على شهربان:

ــ من لما كنا صغار وحنا جيران ونلعب ويا بعض..

ــ هي واخوانها وياش يعني

ــ اني وياها و يوسف اخوها و اخوي ..

ريماس في بالها:

ــ من صغرهم ويا بعض .. للحين .. بل بل ..

وشوي تبغى تغير الموضوع لا تشك شهربان في امرها:

ــ شهربان ويش يعني اسمش

شهربان :

ــ ها.!!

ــ لا بس من زمان كل ابغى اسألش ويش يعني اسمش

شهربان:

ــ والله يامحفوظة السلامه هذا اسم مدينة المقداديه بالعراق سابقا.. كانو يسموها شهربان لأن في احد الروايات يقولو ان الأمام علي عليه السلام مرض بس نزل فيها فقال شرها بان.. او شرها بين.. وراحت بين ألسن الناس .. شهربان.. وينقال شهر بالفارسيه يعني مدينه.. فهي مدينه بالمختصر..

ريماس :

ــ يعنووو.. عجيب والله

ــ خخخخ اللي يسمع .. عاد ويش يعني اسمش انتين..

ــ زيش اصله فارسي ويعني الألماس المطعم بالجواهر..

ــ ياعيني ياعيني ...

وفي بالها: ــ أي الماس و أي جواهر .. الله يغير حالش بس..

شوي شبكت ماريا

شهربان:

ــ اوكي غناتي مسامحه ريماس باقوم انام باي ..

وعلى طول حطت ليها حظر ..

ماريا :

ــ هلااا.. مجتبى رجل اختي رجع بالسلامه..

شهربان:

ــ صحيح...

ــ اييه و توه حسن مودي ولاد اختي .. تعودت عليهم وحشه الليله بدون اختي اماني.. وزهق بلا ولادها...

ــ الله يعينش .. بااااااااااااااالغين فيش يارب تعرسي و تقابلي محروس المحاريس ولا تزهقي

ــ اف منش ماعندش غير هالطاري ..

عبدالأله .. طل على اخته:

ــ مابتنامي وراش بكره مدرسه..

ــ الحين شوي بس تقوم ماريا باقوم..

ــ بل عليكم ماتزهقو ويا بعض في الباص و المدرسه وترجعو ماسنجر ما تخلص سوالفكم..

شهربان تتعيلف في عبدالأله:

ــ والله الجلسه ويا مرووي ما تنمل..

عبدالأله ارتبك:

ــ ايه زين لا تسهري تصبحي على خير

وانحاش ..

شهربان :

ــ ههههههههههه ماقدر عاللي يستحوووو

كتبت لماريا الموقف اللي صار ...

ماريا :

ــ ويعني !!

شهربان :

ــ مايقدر اخوي مايقدر..

ــ مايقدر على ويه؟

ــ انا لله.. لقد اسمعت لو نااااااااااااااديت حيا ولكن لا حياة لمن تنادي..

ــ اقول .. يا بشار بن برد .. قومي نامي بس..

ــ ايوا ايوا مذاكره الأدب عدل..

ــ طيررري

ــ ههههههه زين تصبحي على خير

ــ وانتين من اهلووو..

عبدالأله منسدح على سريره ويفكر:

ــ آخرتها ويش بيصير..؟ ياترى بتصير من نصيبي .... البنيه شاطره و مخها مفتح..وشكلها ناويه على بعثه.. وين تفكر تتزوج دي .... افففففف ويش فيني انا ... ياربي ارحم بحالي و غيره الى احسن حال..

فتحي في احد المزارع ...قبل بدء السهره..:.. يسولفو عن الزواج وامهاتهم والحنه على روسهم ....

فتحي :

ــ والله الحال من بعضه.. ام عبدالستار تهدر في الطالعه والنازله .. لا وحاطه في بالها بنيه شكلها... بس ويش اللي يخليني اعرس و ابلش روحي وانا البنات وقت ما ابغى حولي ملايين

يضرب كفه واحد من الشباب:

ــ ايه ويش عليك .. مزيون و فلوس .. وين مايصيرو حولك وحواليك..

فتحي :

ــ افاااا عليك ماحد يعيش بدون قروش.. مخباك يقرقش الكل يعرفك.. مخباك يتضوور جوعا .. ما احد يسلم عليك..

واحد ثاني من الشباب: ــ ههااااي استر عاللي يتضور جوعا.. خلف الله علي انا يتقطع جوعا...

شوي الا جوال فتحي يرن..

فتحي : ــ اوه .. خفر السواحل .. اقصصصد.. الدفاع المدني ... لا عفر وزارة الداخلية

.. الووووه

عبدالستار بعصبيه:

ــ لا تقول مابترجع البيت من بدري .. تونا اول الليل والله باقفل البيبان.. ارجع و تعشى يوم ويا امك .. حس على دمك شوي..

ــ اووو .. توها بداية السهره .. ويش لي ارد عليك .. فكني مانى جاي..

ــ والآخير وياك الظاهر ما بترتاح الا لما اقطع عنك كل شي و اقفل حسابك في البنك..!!

ــ يللا عاااااد... الحين بس على شان صرت الكنق عبدالستار و الراس العود والكل بالكل واللي متصدق علينا بكم هالفلس .. بتذلنا... وبتتحكم فينا >> الكنق = الملك بالأنجليزي..

ــ استغفر الله .. الله يصبرني عليك... هذانا قلت لك .. وقد اعذر من انذر ..

ــ قد قشر و قد بهر بعد.. سلاااام .. تشاااو

طوط طوط

عبدالستار يطالع في الجوال وبقهر:

ــ يا انا يا انت يافتحي .. هين بس اراويك..

الا بجية رسالة لعبدالستار من ابرار ..

عبدالستار وبدون مايقراها على طول.. خيارات.. ومسح..

وفلت الجوال بقهر على جنب...

[Princess]

في امريكا وبعد ان خلصو اجتماعهم افراد العصابه..

وكان تخطيط لطريقه يتدارو فيها مؤقتا عن الشرطه...

جون:

ــ قبل ان تنصرفو سوف اعلن عن شيء ما ... اود ان تأخذوه جميعا بعين الأعتبار ولا اريد أي اعتراض ... ومن يعترض على ذلك فليخبرني بأسبابه المقنعه...

الكل يتطلع لهالشيء اللي بيقوله جون..

جون وكان يجلس عن يمينه سام اللي مو عاجبنه الوضع طول الوقت ويحس نفسه متضايق عوايده في كل اجتماع...

حط كفه على كتف سام...:

ــ اني سوف اتبنى سام كأبن لي .. والمطلوب منكم معاملته كما تعاملونني ...ومستقبلا ان حدث لي أي مكروه او وافتني المنيه .. سيكون هو خليفتي في زعامتكم...

مارك فتح عيونه .. سام بيصير زعيم عليهم.. والكل بالكل .. والمتصرف في الأموال .. له الكثير وليهم القليل المقسم بينهم بالتساوي ... كلمته مسموعه واوامره مجابه...!!!!!

ضرب كفه بلا شعور عالطاوله ..

جون التفت له..

ــ مارك .. مالأمر؟؟؟.. الديك أي اعتراض .....؟؟؟

مارك خاف من جون..

ابتسم ابتسامه بارده:

ــ لا .. كانت بعوضه ضايقتني فقتلتها..

جون:

ــ حسنا.. يمكنكم الأنصراف ...

ستيف يطالع في مارك .. يحسه مره مولع و الحقد تارس قلبه... :

ــ لازلت لا استطيع ان اثق بك يا مارك.. كيف لي ان افعل ذلك بعد ان اصبح سام ابنا لجون.. كيف لي !!

سام شابح بعيونه.. ومهو عارف كيف يتصرف ...!!

الكل قام وطلع من الغرفه الا هو ظل جالس ..

انتبه له ستيف ورجع له.. قعد جنبه وحط ايده على فخذ سام وبهدوء :

ــ مابك ؟ الم يعجبك كلام الزعيم؟؟

سام سرحان بذهول ..

ستيف يحط ايده الثانيه على كتف سام:

ــ ليتني استطيع ان اخلصك من هذا المكان.. فأني ارى بداخلك انسان انقى من ان يحيا حياة كهذه.. لست ادري من انت.. ليتني كنت ادري لرحمتك من هذا العذاب وان كان الثمن حياتي..

هالكلمات رنت في مسامع سام.. حس بالأمان لوجود ستيف جنبه..

يحب هالستيف وستيف يحبه ومثل الأخوان..

ستيف كان لقيط .. رباه توم وبعدها وهبه للزعيم كفرد للعصابه من لما صار عمره 10 سنوات .. لا حول له ولا قوه ..

وعى عالدنيا وهذا حاله.. بس كان صاحي الضمير و ان حاول يموته في مغلب الأحيان..

و من لما جى سام ليهم وهو يحسه مثله.. مجبور على فعل اشياء ما ترغب فيها نفسه..

بس مابيده حيله على عكس باقي افراد العصابه اللي يتلذذو بالجرائم ويعتبروها مصدر رزق ..

حاول ستيف كذا مره يهرب ويترك العصابه الا ان الحياه مارحمته ولا لقى شغل يقدر يكمل فيه حياته ويسد به جوعه .. الكل يرفضه ..

حتى انه اضطر يجرب العمل في ملهى ليلي الا انه فوق الدناءه انحطاط لكرامته و استعباد له مقابل الشهوات والمال..

هالأمر خلاه يكره الحياه و يحس ان العيش مع تأنيب الضمير ارحم له من التخلي عن الكرامه و الغرق في الرذائل...

اول ماعرفه سام .. كان دايما يردد له من بعد ماحكى له قصته:

ــ لأكن سارقا اشرف لي من ان اكون عاهرا..

سام وهو يستحضر حكاية ستيف ومعاملته طول هالفتره له...

ابتسم و بهدوء ...

ــ شكرا لك..

ستيف يشد على كتفه:

ــ لا شيء يستحق الشكر... لك مني نصيحه وان ادت لقتلي يوما ما.. ان عرفت من تكون... رجاء بلا تفكير .. اهرب .. ولا تعود... ولكن قبل هذا فلتودعني ..

وقام عنه...

ريماس تتقلب عالسرير .. وتفكر في خطة جديده تخلي شهربان تصادقها وتصير قريبه منها وتترك ماريا اللي فرحانه بها وحاطه العين عليها لأخوها...

ريماس بينها وبين نفسها:

ــ ويش فيني اني كأن مافي هالبلد الا هالولد .,. فقع راسي التفكير فيه.. افففففففف...

آآه.. المشكله ماشفت واحد للحين بحلاه و بهدوئه و اخلاقه وفوق هذا النحوس اول صبي اتقرب منه وماااااااايعبرررني ,,, آآآه يالقهر .... عسل صراحه... يستاهل اعصر مخي على شان اوصل له.. حتى لو لعب المهم اكلمه واوصل له.. فكري ياريماس فكري..

مصطفى ومرت عليه ساعه وهو محبوس في الأصنصير ويطق بابه ولا احد حوله

الأصنصير صغير و خنقه .. والجو صيف وحر .. مصطفى مو قادر يحس نفسه بدى يدوخ..

قعد عالأرض و صار يرفس في الباب...

يوسف :

ــ لاااا .. الظاهر نسانا.. ابتصل بعد اباشوف..

نوري :

ــ لاااا مصطفى استحلى القعده ويا الشباب فوق ويش عليه قعدتهم ما تنمل.. اشوف بس مين المتصل..

ومن شاف اسم يوسف انصرع..

ــ يوسف يتصل فيه.؟؟ ليش وين راح اجل .!!

رد عليه :

ــ هلا يوسف ..

يوسف : ــ هلااا وينك ساعه انتظرك قلت اذا ماعندكم بترد علي !!؟؟

نوري بأستنكار : ــ انا نوري ... انت يوسف يوسف جارنا فوق ماغيرك؟

يوسف مستغرب اعظم منه: ــ ايه .. وين مصطفى .. ويش صاير؟؟

ــ أه.. مصطفى طلع ليكم من ساعه على حساب بيجيب البندول ...

ــ ويش !! ساعه.. ماجانا احد..

ــ ياساتر وين راح.. اباقوم اطلع اشوفه..

ــ زين ..

طلع نوري ماشاف احد في الممر ...

عص حبة الأصنصير .. لقى لمباته مطفيه...

شوي الا يسمع صوت.. طق

نوري صار يصرخ:

ــ مصطفى .. مصطفى .. انت داخل..؟؟

مصطفى دايخ .. زحف على ركبه و سند اذونه على باب الأصنصير يسمع صوت نوري يناديه..

ــ انااا هنااا.. الأصنصير علق فيني بالنص..

نوري يتصوخ الصوت:

ــ يااااا ربي ... من دي ساعه وانت عالق..!!

مصطفى :

ــ الحق علي عاد حاس نفسي خلاص اختنقت..

ــ يالله ويش اسوي ..

صار نوري يحاول يفتح الباب ماقدر محكم الأغلاق ..

طلع برى للحارس الهندي حق العماره...

مايعرف للأصنصير..

صار نوري يصرخ فيه:

ــ تصرررررررف بيموت الرجال داخل

الهندي :

ــ مافي معلوم ايش يسوي

ــ و حزن .. موظفينك هنا لوووويه

ــ سوي حراسه ينظف عماره مافي معلوم هذا اصنصير ..

ــ فاااارق زييين

الشباب في الشقه سمعو صريخه.. طلع محسن يركض :

ــ ويش صاير

نوري يشوت باب الأصنصير شوته:

ــ تقفل على مصطفى وعلق فيه بالنص ..

ودخل يركض الشقه اخذ جواله و مو عارف يتصل لمين وويش يسوي...

طلع وركب بالسرعه الدرج وصار يحاول في الأصنصير يعصص في الحبات من فوق ...

صرخ :

ــ اوووووووووووووه ...

وشات الباب شوته..

بنفس الوقت مراد وحبيب طلعو من الشقه يشوفو ويش سالفتهم ...

حبيب:

ــ خير ويش صاير ؟

نوري بأنفعال وعصبيه:

ــ مصطفى من دي ساعه عالق بالأصنصير ..

ــ ياساتر .. ويش هالحاله...

نوري ينادي:

ــ مصطفى ... تسمعني....؟؟

صوت مصطفى صاير اقرب هالمره... يعني الأصنصير علق قريب يوصل لفوق...

وكان متهالك ومختنق :

ــ اييه .. اسمعك...

نوري صار يسب:

ــ عماره فيها اصنصير مافيه احتياطات امان ولا جرس ولا مسؤول صيانه غير هندي اغبر بهيم مايعرف كووووعه من بوعه..

حبيب :

ــ يبغى لينا نشوف فني صيانه... صح مالينا الا ابو خالد راعي العماره يدبرنا.. لحظه اكلمه

ودخل حبيب الشقه يركض اخذ جواله واتصل عليه:

ــ آسف ابو خالد بس ماعليك امر الأصنصير تعطل بواحد من الشباب وعلق فيه مو راضي يطلعه صار له ساعه.. ويش العمل..

ــ لا حول اللهم سترك.. طيب راح ارسل لكم فني صيانه دلحينه.. ان شالله خير..

مصطفى مابين الصاحي والنايم.. يحس نفسه فقد عرق بكمية كبيره .. وعطشان يبغى ماي...

بهدوء يتمتم:

ــ مااي.. ابغى ماي...

الا يسمع صوت اخته دانه... ولا ينتبه الا هي واقفه قدامه بأبتسامتها البريئه وفي ايدها كاس الماي تمده عليه...

ــ اشرب .. اشرب ...

مصطفى يتأملها مذهول.. ومو عارف ويش يسوي ...

ــ دانه.. جيتي..؟؟ دانه... وين رحتي .؟؟؟

سكر حبيب الجوال واللي بالشقه مذهولين..

السيد:

ــ ويش صاير ؟؟

ــ مصطفى علق به الأصنصير..

يوسف من الخلعه ارتبك و دف بالغلط طاسة الماي اللي كان ينقع فيها الخلقه لشفيق .. وطاحت عالأرض.... وانكب الماي.....

الى الملتقى.. مابعد العيد وكل عام و انتم بخير

[حلم لطيف]

لاه لاه ياممصطفى يامسكين
الله يكون في عونه
كان خليتي واحد من النحيسين اللي يتعلق فيهم اللفت خخخخخ
ذكرتيني بسوريا لما علق فينا اللفت أني وأخوي
بغيت أموت ومنها حرمت أركبه
لين طاحوا رجايلي أربع طوابق ورجعت أركبه خخخخخخ

الله يطلعه سالم غانم يارب

ننتظرش بعد العيد الله يكون في عوناا

[*زهرة البنفسج*]

يووو مصطفي مسكين .!

::

هلشباب من بلوه لبولوه مساكين ,,

أمورة شنو لبعد العيد ويلي بننتظروواجد اموره

يالله بانتظار الجاي غاليتي

[طفلة تحت المطر]

يسلموووو غآليتي ع البآآرت

لآآ خلآآ ولآ عدم

حرآآم مصطفىآ اهئ اهئ لآآ تقولي دآآنه بتآآخده ويآآهآآ إلى الموت << فال الله ولآآ فآآلش

دموعي على خدي وأني أقرىآ موقف مجتبىآ مع أولآده و أخوه

يعني هدي ريمآآسوه مآآ تتوب الرجال ما يحبها غصب هي السآآلفه << هدي شوي شوي

ابرار حضرتهآآ وش مرسله لعبد الإله ؟؟

و كل عآآم وانتي بخير

:}

[الفراش الفاطمي]

كل عام وانتين بخير اموره
بارت روعه وش اقوول بعد مايحتاج
بصراحه موقف مجتبى يعور القلب وخصوصا بنته ايثار
اموره خليتي ادموعي على خدي ولا عاد امير مسكين
بس هالقمر عرفت ليه هههه
ومصطفى مسكيــــــن لا تموتيه <<<< كانها ملك الموت
وهذي ريماسوه ان شاء الله ما تسوي شي لعبد الاله
وابراروه مابتهون عن عبد الستار وفتحي الله يهديه بس
وازدهار ماسمعنا صوتها ..
وحسن الله يهديه ان شاء الله ودادوه بعد
وماريا عورت قلبي بيوحشوها اولاد ختها
وبـــــــــــــــــس
يسلمو ع البارت
وبانتظارش يالغاليه
تحياتيـ ..

[أحبك ياغلا عمري]

يسلمو عالبارت وننتظر الجديد
وكل عام والجميع بألف خير

[دلوعة المنتدى]

كل عام وانتي بخير اموورة
يسلمو ع البارت الكشووخي << ايفة ع مصطيف شكلة بيودع ,,,

[Habit Roman]

كل عام وأنتِ بخير وصة وعافية

متباركين بالعيد

أمورة حبيبتي الأجزاء الاخيرة مرررة روعة

جوناآآآآآآآآآآآآآآآآآآآآآآآآآآآآآآآآآآآآن بصراحة
يعطيك ربي العافية

تحياتي

[دمعة على السطور]

اللهم صل وسلم على محمد وآل محمد وعجل فرجهم وفرجنا بهم ياكريم.....


ياعلييي مصطفى ......هالطيب هالهادئ .....يصير له كذا....


بس كيف شاف أخته ليكون بعيد الشر..............................!!



اممم ماادري ربطت بين عطش مصطفى وانسكاب الماي من يد يوسف .....حسيت في اندماج اروااح بينهم...

يمكن من صفاء روح يوسف يتأثر تلقائي وتتصل روحه بروح اللي يحبهم.....!!






وهذي ريماسوا اللي ماتستحي على وجهها.....شكلها ناوية على نية شينة ..استغفر الله ربي...


بس على عبد الاله. هالحركات ماتمشي ........!




لقاء مجتبى بأولاده كان مؤثر بقوووة بقوووة ...وعميق لابعد حد...ابدعتي غناتي...



هو انتي ابدعتي بكل شي ماشاء الله علييك..بس هالمواقف الصعبة واللي تحتاج لقوة ...


هي اللي يتجلى فيها الابداع بشكل أوضح ....



ردة فعل أمير أثرت فيني بقوة.....ولما هدأته بنت اخووه بالأنشودة ...عشت الوضع معاهم عدل...


اممممم أميرة جاني إحساس إن هالأنشودة والنعي والشعر الحزين اللي يقولهم قيصر كلها بقلمك...







غمضي رايح فيييها >>تقصد اللي اسمه فتحي




وداد الحين بترتاح...بس بعد مابيعجبها الوضع خوب هالانسانة ماتقدر تعيش بدون مشاكل




غاليتي أميرة المرح...


سلمت راحة يديكِ النابضتين إبداع....المُلهمتين إحاسيس المُجسدة كل واقع نتعايش معه...

البااارت روووعة وابداع...




كل عام وانتِ بقلبٍ سعيد....وأيامكِ والليالي ملؤها ابتسامة ....


ننتظرك هنا.....


موفقة لكل خير ومقضية حوائجكِ بحق سادة البشر...

دمتي بعين المولى الجليل

[لحظات ماسيه]

على ـآ قلبي مصطفى ـآ
وسآم لوي بعد يتبنآه المنتحسس جون
روووعهـ البآآرت
يسسلمووو أميره