الساعه كانت 12 الفجر .. سام مو جاينه نوم.. فطلع يتمشى ...

وبين ماهو يتمشى ... سمع صوت في احد الزرانيق .. على مايبدو شبقة جماعه وواحد يستنجد.. ساعه بالأنجليزي : Heeeeeeeeelp me
وساعه بالعربي : ــ ساعدوووووووووني..

ركض سام اتجاه الصوت ..لقى في زرنوق اربعة انفار من العصابه اللي هو فيها يضربو في واحد ضرب مو طبيعي ... هلمجموعة متخصيين يلاحقو الأجانب في اوقات الليل المتأخره و يضربوهم ويبوقو كل شي عندهم... اخذو فلوسه وجواله وكل شي عنده...

من شافهم وهو يسمع الرجال مع كل ضربه يصرخ..:
ــ آآآه .. يالله...

ــ يـــاعلي...

بلا شعور.. سام توجه للي كان يستغيث .. لقاه غايب عن الوعي ..
طلب منهم يوقفو ضرب و يتركوه.. جو بياخذو فلوسه وجواله.. سام نهاهم.. وطلب منهم يخلو هذا هالمره.. استغربو منه وصارو يطالعو بعضهم البعض .. و تركوه وهم مستائين بعد هالضرب كله يطلعو بلا شي ...

سام يتأمل فيه وهو محتار هل يسعفه والا يخليه على حاله..؟!
خايف يخليه و يموت .. هالعصابه ماقصرت فيه ضرب .. انتبه لأيده لقى فيها خلقة خضراء مربوطه ...

صار يحوس فيها ... وترجع به الذكريات اول ما انضم لجون و العصابه .. كان على ايده مثل هالخيط .. بس كان يجهل من وين جاه ولويه هو رابطنه اصلا .. !!

ستيف قصه ورماه عن ايده...
فضوول احتوى سام يعرف سر هالخلقة الخضراء .. فحمل الرجال على ظهره ..

وصار يفكر محتار وين يروح به على شان يسعفه... ان راح لمكان سكنه ويا العصابه يخاف منهم ينقهرو فيه ليش جايب وياك شخص غريب .. لا بعد اللي طقوه توهم....

تذكر ان توم عطاه مفتاح الغرفه اللي يجلس فيها وقت دوامه بالفندق ..
فيها مواد تنظيف و عفايس .. يقدر يقعد فيها اذا بغى من فترة لفتره لزوم شغل سام ...

دخله الغرفه و سدحه على الأرض .. شاف قدامه ديتول .. صار يمسح له جروحه وهو يتأمل ملامح هالرجال يبغى يميز هو من أي بلد.... عرف انه عربي من استغاثته في البدايه ..

... سام يحس نفسه مو في وعيه .. راسه يعوره ذاكرته مشوشه الخلقه اللي كانت على ايده لازمت عقله ولا هي راضيه تفارق تفكيره ..

الذكريات به تعود ,, فجأه ... مثل الحلم وكأنه يشوف روحه مثل هالرجال مضروب و توم شايلنه... زاد الألم في راسه... ترك التفكير و حط راسه ما بين ذراعينه و غفت عيونه..


يوسف بعد ما رتب وضعه وعرف جدوله طلع من الجامعه وترك السيد لأن وراه محاضره...

لما وصل للعماره لقى واحد مرتب شنطته عند رجوله عالأرض و عليه نظاره وماسك فيه ايده كتاب .. من شاف يوسف سلم عليه وسأله..
ــ لو سمحت اخوي في احد في هالعماره اسمه كاظم آل.....
يوسف ابتسم له : ــ ايه زميلي في السكن.. تفضل حياك...

ركب الرجال مع يوسف ... فتح الباب ودخل :
ــ تفضل اخوي حياك..
حبيب كان منسدح في الصاله ,.. ما راح الجامعه .. وحاط على الفلعه خلقه فيها ثلج .. يشيل ويحط فيها عل وعسى تخف ..
سلمو يوسف وصادق
يوسف: ــ اوه.. مارحت الجامعه..!!
حبيب يفتح عيون وحده : ــ عليكوووم السلاااام.... لااا.. تفشل فلعتي و اليوم مو ضروري طنشت... يبغى لي ادلكها اكثر شان تروح..
قعد وهو قاعد بعد ما انتبه للرجال اللي ويا يوسف :
ــ هلا .. مين هذا يوسف ... نسيبك..؟؟
الرجال : ــ انا صادق آل ..... ،، ولد عم كاظم ..
حبيب مستغرب : ــ هلا فيك اخوي.. << ماعنده خبر من كاظم ان عنده ولد عم موجود في الرياض ...

صار ينادي على كاظم وكان في المطبخ ..

طلع وهو ماسك كاس عصير يشرب فيه .. من شاف ولد عمه شرق ..
صادق ابتسم ابتسامه بارده..

يوسف صار يطق على ظهر كاظم .. كاظم يمسح العصير وهو مستاء :
ــ أي خُدا .. يَهْ كياهي .. >> يا ربي .. داويش ..؟؟!!
حبيب يطالع في كاظم على جنب .. ويكلم يوسف:
ــ ضربته بالقوه.. تلاقيه سبك..
يوسف صار يضحك..
كاظم يكلم حبيب : ــ نفسي تحسن الظن فيني في يوم..

صادق : ــ هه.. لا ما سب .. بس متعجب حضرته مني .. ويش داويش ما داويش ... انا جاينك عن حساب من زمان في الرياض وما ادري وين اروح لسكن.. ماعرف احد...
كاظم منفعل : ــ عجييب .. مو عن حساب في الحسا بتدرس.. ويش جيبك الرياض..؟؟
صادق عصب : ــ ويش يعني طرده هي ؟!
حبيب : ــ صلو على محمد ياشباب.. مافيها شي ياجماعه.. الشقه واسعه و غرفتنا تكفي واحد رابع مؤقتا عادي ....
كاظم : ــ انت ما تدري أ....
صادق يقاطعه: ــ ما بقعد ببلاش ترى انا...
ويلتفت لحبيب : ــ رحم الله والديك ماقصرت..
حبيب بأبتسامه مستغربه : ــ ووالديك اخوك.. استريح اكيد تعبان من مشوار الطريق و ...

صادق يشيل قشه ولا كأنه حبيب يتكلم ويدخل الغرفه اللي قدامه على طول وكانت غرفة يوسف
حبيب سكت وصار يطالعه وهو مستغرب من اسلوبه دا..
كاظم بقهر : ــ اففففففف قايل لك انا...
حبيب قام لكاظم وصار يستفسر منه ليش مايبغى ولد عمه وويش فيه ..؟؟

كاظم : ــ بنتعب منه.. فيلسوف .. دودة كتب .. يتدخل في اللي ما له فيه.. ما يعجبه العجب .. والله بيطفر عيوننا..
يوسف و حبيب منذهلين .. ولا عاد حبيب اللي حس روحه ورط روحه من جد اذا كان فعلا هالرجال بهالصفات..



مصطفى راجع من الجامعه صادف في وجهه سيد هادي .. داخل العماره ..
سلمو على بعض..
سيد هادي ابتسم : ــ جديدين في العماره ..؟؟
مصطفى بأبتسامه هاديه : إيه..
سيد هادي يمد ايده مصافحه : ــ هادي آل ...
مصطفى :
ــ هلا فيك سيدنا.. والنعم..
ــ ينعم بحالك..
يحييه ويعرف عن نفسه هو بعد...
سيد هادي : ــ في الشقة اللي تحت؟
مصطفى : ــ ايه..
ابتسم سيد هادي : ــ أهااا .. انت بعد من شقة السلندر
مصطفى ضحك: ــ شفت نوري وهو جايبنه..!
ــ اسمه نوري يعني .. عاشت الأسامي
ــ عاشت ايامك... انتون في أي شقة فوق ..,,؟؟
<< فوق فيه 3 شقق ..
السيد : ــ اللي فوقكم على طول..
مصطفى بعفويه : ــ اهاااا.. شقة المفلوع... حبيب
السيد صار يضحك عليه : ــ ايه .. غربال يغربل شره,, متى طلع من عندكم...؟؟
مصطفى : ــ يعني بعد تقريبا ربع ساعه من جيته ...
السيد : ــ تفضل اخوك حياك
مصطفى : ــ انت اللي تفضل حنا اقرب ..
السيد : ــ تسلم الله يخليك.. ان شالله الجايات اكثر ...

ركب السيد الشقه راح المطبخ لقى حبيب مع كاظم اللي كان يكلم جوال وبالهندي ..
السيد : ــ ويش صاير؟؟؟!!
حبيب بهمس : ــ ســــــالفه تالي اعلمك بها....
ــ ياساتر .. ويش فيها جدته...؟؟؟
<< عرف على طول .. لأن كاظم يتيم أم من صغره.. وجدته ام ابوه الهنديه هي اللي ربته .. فأخذ اللهجه القطيفيه من ابوه و اخوانه من ابوه فصايره ركيكه بعض الشيء بالنسبه للهجة جدته.... اللي كانت لغتها (( الأُردية ))

من بين لغات الهند.. (( اللغة الأُردية أو الأُردو : لغة هندستانية وهي لغة الباكستان الأدبية .. نشأت عن اللغة الهندية الغربية و هي لغة تكثر فيها مفردات فارسية و تركية و عربية .. اضافة لكونها تكتب بالحروف العربية .. و يوجد نسبة كبيرة من الهنود والباكستان الشيعة يتكلمون بهذة اللغة .. ))

السيد صار يسمع المكالمه ويحس روحه ويا حبيب .. طرشان في الزفه.. بس يحسو كاظم منفعل على جدته بعد ماعرف منها انها هي اللي عطت ولد عمه عنوانه بالرياض :
ــ مُجى بَتاؤ .. مين اُس كا ليى كِياكر سَكْتا هون !!؟؟ << قولي لي ويش اقدر .. اسوي له !!؟؟
....
جدته تطلب منه يخليه يسكن وياه...
كاظم بعصبيه :
ــ نهين نهين... يِهْ نا ممكن هي ... << لالا .. مستحيل ..
جدته تصر عليه وتطلب منه يتحمله مايعرف احد.. و تسأله هل تتطمن خلاص بيخليه والا ويش ؟؟؟
كاظم بقهر : ــ مَين صَحيح طَور بر نهين جانتا .. << ما أأكد لش هالشي .. (( ما اضمن لش ))
آخر شي كاظم بأستسلام .. : ــ خُدا حافظ ..
حبيب شلق بوزه : ــ اخيرا .. دا اللي فهمناه.. الله وياش ..
السيد : ــ ههههههه صحيح انك مادري ويش اقول عنك..
حبيب : ــ خوبل بنا ما نلحق نسمع حق نفهم..
كاظم بعد ما انهى المكالمه : ــ شدعوه لو ركزت بتفهم..؟؟؟
حبيب : ــ ايه شعليك يا بلبل .. انجليزي و أردي .. خلف الله عالعربي يالله تفهم..
كاظم : ــ لا تتكلم كلام عجايز وبافهم عليك.. انا لله..
حبيب : ــ الرجل العجوز يسمى بالقطيفي شايب .. بناء على ذلك و تصحيحا للجمله السابقه.. لتصبح.. لا تتكلم كلام شياب ..
كاظم يطالع حبيب على جنب ..
السيد : ــ ها ابو موسى .. ماقلت لينا ويش فيك ..؟؟

كاظم يعلمهم السالفه انه ويا ولد عمه علاقتهم مو اوكي وولد عمه ما ينطاق..

و جدته عور بقلبها لما درت به بيروح الرياض وما يعرف احد فيها ولا يندل .. فعطته عنوانه حق يتكفل به بما انه اول سنه له..

السيد : ــ هدي بالك اخوك.. هونها و تهون.. ان شالله ما يصير الا الخير .. مهما كان دا ضيفنا الحين وواجب نستقبله دام ماعنده احد ولا يعرف احد...الحين وين هو؟؟
يوسف : ــ في غرفتنا ..
كاظم : ــ وويش يسووي على طول اقحتااام ودخل ..
حبيب : ــ خخخ.. اقتحام اخوك اقتحام .. انا قايل العربي حقك ميح..
كاظم : ــ اف .. ويش ميح بعد.. اللي هي ..

كاظم متوجه الى الغرفه لقى صادق منسدح على سرير يوسف ويكلم في شفيق اللي كان يقرض في اظافره ومو داق له خبر ..
ــ تقضيم الأظافر يضر بصحتك؟؟. ليش ماتدري .. كلها ميكروبات .. من اخطر الأنواع.. قرفتني تراك...
كاظم صرخ صرخه :
ــ قووم عن السرير.. ومالك شغل في الرجااال
مراد كان لسا نايم .. من الصرخه فز على طوله وهو متلحف بالشرشف :
ــ وووويش صااااير فيـــــــــــــكم !!
كاظم يلتفت على مراد ويكمل صريخ :
ــ وانت بعد نومتك من البارحه لا صلاة صليت .. شوي وبيجي المغرب
مراد عصب :
ــ هيييييه.. هييييه .. لا تعصب ولا تحمق علي .. وبعدين مالك شغل فيني .. انت مو ربي .. افففف...
ويعود ينسدح ولا هو داق خبر ..
السيد يمسكو كاظم يحاولو يطلعوه من الغرفه ومستغربين حدهم منه .. اول مره يشوفوه بهالعصبية في حياتهم.. متعودين دي 3 سنوات على بروده اللي يحرق اعصابهم..

حبيب يبغى يلطف الجو..:
ــ عاد اخوك ما سألتها ويش البيض المقلي بالهندي..؟؟
يوسف ما قدر عليه صار يضحك ..
السيد اخذ كاظم ودخل وياه الغرفه يهدي فيه ..
حبيب يسولف ويا يوسف :
ــ هالسمستر عجيب .. مافيه شي يريح الخاطر الا انت ياخوك.. كاف عاف .. ما لقينا منك مضره..
يوسف : ــ الله كريم يهديهم ان شالله..
حبيب : ــ في حياتي ماشفت كاظمو كذا.. صراحه يخوف اذا عصب..
يوسف : ــ فلعتك اخوك ..
ــ ويه !!
ــ هههههه صارت بنفسجية ..
حبيب يركض لمراية التسريحة..:
ــ وه.. وه .. لا عاد... غربل الله شري كل مني اعمي .. ماشوف ...