غربة الأوطــــــــــــــــــان...

[أموله]

آلله حيـِِـِـِوووو

وتمًٍ آكتشآف القصـٍِه .. حقويهـًٍ مـآقلتيليًٍ بديتيًٍ >

.. بس بج ـِـِد شخ ـصيآت القصـِـِه روعـٍـٍه ههههـٍ

اكثـٍِر شخصيتين ع ـجـٍـٍبوني حبيب × مصـٍـٍطفى

... ولآ آروعًٍ ووش سـآلفة هالشقيش >>> تقلـٍد حبيبوًٍ

وآلله يآآميروهـٍ الحم ـٍآس بآديًٍ من البدآيـًٍه ،، وهـآذيٍَ ودآدوهـ يبيلهـٍُآ تشليخًٍ ،،

حبيبـتيٍَ امورهـٍ

دآئمـٍآ مبدعهِ ومن الجميـِـِل للأإجمـٍِـٍل ,,

روعةًٍ الروآيهًٍ مبينهً من البـٍـٍدآيه ،،

تسلمًٍ الانـآًٍمـٍـٍل ح ـبوبهًٍ ومـآننحرمًٍ آبدآعك وعطـٍِـٍآئك يآربًٍ

... تحيآتيًٍ ~

[حكايا الورد]

آآهلييييييييين خيتيي
من اول الاجازة انتضر روآآيتش

ولا أأحلى مرره تتتتتجنننننننننن آكشنااات شكلها
موفقهـ لـ كـل خير ..~
...
حكآياـآ ..

[جنون الذكريات]

البــااارت رووووووعه

ننتظر الجديد

[لحظات ماسيه]

روووووووووعه القصصه يسلموو اميره..
في انتظار البقيه..

[حلاالكون]

بصراحه ياأميرة المرح
القصه روووعــــه عجبتني<<<<<والله أحلفي بس
المهم ترى اني من المتابعين بس خلف الكواليس وبصمت
في انتظارررر ابدعاتك غاليتي

[الفراش الفاطمي]

يلا اموره
بانتظار الجزء
تحياتيـ ..

[*زهرة البنفسج*]

نحن بالأنتظار ,, غاليتي أمورة

//

موفقينـ,,,,

[دمعة على السطور]

اللهم صل وسلم على محمد وآل محمد وعجل فرجهم وفرجنا بهم ياكريم...

البااارت جنان وحماااس...وبدأت الصورة تتضح لكل شخصية ...

هذي اللي اسمها وداد ماني قادرة عليها ..وش هالأخلاق ....!! ياساتر...!! يعني ياأرض تهدي ماعليك قدي...>>ماادري وش فيني على المصري



ياعلي تأثرت ويا مصطفى بقووة ...:(

امممم مو كأن شفيق هذا اللي عنده الوساس..!! اللي كتبتي عنه ....!!

الله يكفينا وياكم شر الشيطان .......>>كذبت وصدقت كذبتها

تسلم الأيادي غناتييي ...

ننتظر الجديد الشيّق..

موفقة لكل خير ان شاء الله تعالى
دمتي بعين المولى الجليل

[Princess]

مرحبا

اعود اليكم احبتي..
مأجورين..
و نسألكم الدعااء في هذه الأياك الفضيله المباركه..
كل الشكر لكم على وصلكم..
والتعليقات الحلوه..

دمعه عالسطور.. هههههه ايه غناتي هو اللي فيه الوسواس .. الله يعديش ويانا كل مكروه ..

تفضلو الجديد..

[Princess]

في امريكا... <<< راح يكون الحوار بالفصحى بين الشخصيات هناك..
الدنيا لسا نهار...
جون : ــ . اين سام؟؟؟
ستيف : ــ على حد علمي انه في المطار الآن.. لأجل المهمه الموكله اليه.. من الأسبوع الماضي
ــ اها.. لقد نسيت ذلك تماما..
ــ لا انه لم ينسى .. من الجيد اعتمادك عليه في اغلب امورنا..
جون و بخباثه:
ــ رائع .. عظيم.. وسأظنه سيفعلها..
مارك يدخل عليهم ويقعد وياهم
ستيف : : ــ كل الشكر للعم توم.. الذي جلبه الينا ...
مارك في قرارة نفسه... : ــ عجوز احمق ذلك التوم الذي ورطنا به....

توم... رجل عجوز يعمل كرئيس عمال تنظيف غرف فندق فخم ومشهور... تلجأ اليه العصابه في الملمات الصعبه.. كالأختباء عنده هربا من اعين العداله .. او تزويدهم المعلومات عن السياح العرب الأثرياء...
وطبعا له نسبه عند نجاح عمليات النصب و الأحتيال...

كان مايك يحقد على سام بشكل مو طبيعي... لأنه قبل سنتين من انضمام سام الى العصابه.. كان مايك مستلم كل الأمور واقرب المقربين الى جون اللي يعتبره مثل ابوه اللي رباه و اعتنى فيه ..
لكن من جى سام و صار الكل بالكل .. لما يتمتع به من ميزات...
ذكاء ودهاء .. وسامه.. ويكفي انه من اصل عربي ... يجيد التكلم والقراءه بطلاقه.. اضافه الى الأنجليزية.... وهذا الأصل هو الأساس في عمل العصابه...

في احد مطارات امريكا الدوليه ..... سائحه غنيه من دولة عربيه صاحبة بوتيكات ملابس .. ثلاثينيه... مطلقه .. ماهي جميله للغايه .. بقدر ماكانت انيقه للغايه...

كانت تكلم جوال و شنطتها مفتوحه ..منزلتنها من على كتفها..
و ماسكتنها في ايدها.... وتمشي وهي مندمجه في المكالمه...
بين ماهي تمشي في طريقها تاخذ بقايا شنطها .. صدمت بشاب ..

طويل و عريض المنكبين.. شعره يصل بطبقاته الناعمه الى الرقبه
قمحي اللون ... يحمل في ملامحه.. نظره عميقه و انف حاد و ابتسامه هادئه...

بهدوء و ارتباك بادرها:
ــ آسف .. سيدتي ...
هي ارتبكت مثله .. كان ا لأصطدام قوي ... وفوق هذا جت عينها في عين الرجال
اللي كمل طريقه .. وخلاها تتنحى على جنب لين ماخلصت المكالمه...

خذت بقايا اغراضها.. و قعدت على كرسي من كراسي المطار ..
جت بترجع جوالها الشنطه.. انتبهت في شنطتها محفظه غريبه...

انصرعت.. خصوصا انها رجاليه... فتحتها الا تلاقي صورة الرجال اللي صدمها من شوي في كرت شخصي ..
صارت تتأمل فيه...
ميشيل باراك
مدير مؤسسة m&b العالميه للأحذيه النسائية الراقيه..
و رقم جوال .. و عنوان
و في المحفظه شوية فلوس وبطايق بنك...
صارت محتاره .. هل تسلمها لأمن المطار .. قسم الأمانات.. والا تتصل بالجوال..

مسكت جوالها .. و اتصلت على الرقم وهي مرتبكه..
ومن مسافه غير بعيده .. عيون تراقبها وتترقب الأتصال..
وبالأنجليزية.. بدأت السائحه الكلام
ــ مرحبا..
سام : ــ اهلا ..
ــ هل انت الأخ ميشيل ؟؟
ــ نعم.. من معي.
ــ لدي شيء مهم لك.. التقينا في المطار منذ قليل و اريد ان ارجعه لك..
ــ شيء؟؟
ــ نعم محفظتك وقعت منك سهوا.. انا تلك السيده التي اصطدمت بها منذ قليل..
ــ أووه.. نعم.. شكرا لك.. اين يمكنني ان اجدك الآن..
ــ حاليا انا على بوابة رقم 3 للمطار.. سأنتظرك حتى تأتي قبل ان استقل التاكسي..
ــ حسنا.. انا سأعود.. شكرا جزيلا على امانتك..
ــ العفو لك..
و انتهت المكالمه..
بأبتسامه مليانه مكر ودهاء... سام.. المنتحل شخصية ميشيل .. و في باله :
ــ ايواا.. ضبطت وياي .. << ما يدور في فكر سام بالعربيه العاميه لهجته الأصل..
بعد حوالي الربع ساعه.. توجه للبوابه رقم 1 و وقف تاكسي حط شنطته.. وبالأنجلزية:
ــ توجه ارجوك للبوابه رقم 3 .. هناك سائحه بأنتظارنا ...

في القطيف...
ايثار : ــ اماااه
اماني : ــ عيوني ..
ــ الحين خالي يوسف وصل الرياض؟؟
ــ ايه من زمااان ونام الحين بعد..
ــ يوو الرياض زينا ليل؟
ــ ههههههه ايه يابتي الرياض في السعوديه..
ــ يووو افكر بس القطيف في السعوديه..
اماني تتنهد:
ــ ايييه يابتي هههههههه لا الرياض ومكه والمدينه والقطيف والدمام ومحلات وايد كلها بالسعوديه..
ــ و الدنمارك؟؟؟
ــ ههههههههههههه الدنمارك عاااد لويه قلتي كذا؟؟
ــ من الدعايه يقولو يدللو ابقارهم الدنمارك وابوي ابو مجتبى عنده بقرات يعني دنمارك..
ــ هههههههههه ابوش ابو مجتبى.. وينه عنش بس .. لا ياغناتي الدنمارك بعيده ومايتكلمو عربي ..
ــ اجل ويش يتكلمو؟؟
ــ دينماركي.. وبعضهم الماني و انجليزي..
ــ شلون تكلمي زيهم؟؟
ــ خخخ ويش دراني اني.. كلامهم ما نعرفه حنا ..
ــ اماه وحشني ابوي ابو مجتبي وامي ام مجتبي ..
ــ هههههه من شي لشي تطيري بسوالفش ...اني بعد يابتي بس على السياره مين يودينا الحين خالش يوسف وراح وابوش وامش ماليهم بمرت خالش حسن وهدرتها اللي تسمم البدن حق يجونا..
ــ خالي حسن يودينا..
ــ خالش حسن.. ايه.. خليها على الله يابتي...
ــ عمي احمد..؟؟
ــ عمش احمد ياغناتي الله يسهل اموره ويلاقي وظيفه و ياخذ له سياره .. توه راجع من الرياض ..

عوده الى امريكا...
وصل سام للبوابه 3 و نزل.. وتوجه للسائحه.. سلم عليها و استلم منها المحفظه..
وصار يشكرها...
وبلطافه بادرها بالسؤال:
ــ اتيت لوحدك؟؟
صارت تطالعه مستغربه منه..
ابتسم بهدوء:
ــ لا .. فقط سيدة مثلك لا يجدر بها ان تكون لوحدها ..
صارت تطالعه بأستغراب اكثر..
سام :
ــ في أي فندق ستسكنين؟؟
ردت عليه :
ــ وماذا يهمك في ذلك؟؟
بخجل و ارتباك مصطنعين:
ــ أوه.. لا.. لا يشطح بك الفكر بعيدا.. فلست كما تتوقعين.. اظنك ستسكنين في فندق الـ.......... ..
فتحت السائحه عيونها:
ــ وكيف عرفت بذلك؟؟
ابتسم سام بهدوء:
ــ ألم اقل لك لم يجدر بك ان تكونين وحيده؟؟
السائحه وبين على ملامحها الريبه..
سام :

ــ ههههههه فقط امزح معك.. مابالك خائفه.. عرفت ذلك من اناقتك.. يبدو عليك ذلك.. عموما.. انا سأسكن في نفس الفندق .. وتلك سيارة الأجره التي كانت ستقلني الى هناك.. ان احببتي ان ترافقيني..
رفعت السائحه حاجب وحاجب وابتسمت بهدوء...
سام : ــ اوكي اوكي.. يبدو اني تعديت حدودي.. لك ما تريدين.. لم اقصد ازعاجك او التطفل في شؤونك.. شكرا جزيلا لك.. الى اللقاء..
ومشى سام بيرجع التاكسي .. والمداخل مزحومه والعالم رايحه جايه...
ما سمع الا السائحه تناديه:
ــ سيد ميشيل...
التفت ليها..
ابتسمت : ــ لا بأس ان ارافقكم.. شكرا لك..
ابتسم : ــ هو تاكسي للجميع.. عموما على الرحب والسعه..
حمل شنطتها .. و ركبت وياه التاكسي ..
وفي الطريق ....
السائحه بأرتباك:
ــ عذرا.. على تطفلي .. عرفت من محفظتك انك مدير مؤسسه للأحذيه الراقيه... ما نوع الماركات المتوفره لديكم.؟
ابتسم سام: ــ m&b
السائحه بأستغراب : ــ m&b
سام بأنفعال لطيف : ــ نعم.. من اشهر الماركات الأمريكيه.. والتي تصدر اغلب بضاعتها للبلدان الأوربيه ...
السائحه ساكته ماعمرها سمعت بهالماركه..
سام : ــ هي ماركه راقيه تستخدم افضل الماركات والخامات.. من جلود و اكسسوارات.. بالفعل كل قطعه منها لها قيمتها ووزنها في المتاجر العالميه الراقيه.. و زبائننا من اشهر سيدات الأعمال و المهتمات في عالم الأناقه والجمال...

وبطريقة مزح لطيف : ـ ايعقل انك لم تسمعي بها قبلا ..؟؟؟
السائحه ارتبكت.. فتداركت الموقف و سوت روحها خبيره:
ــ هل تظنني كذلك؟؟ بالطبع لا .. وهل يخفى القمر .. اظنني لمحت لكم متجرا في فرنسا..
سام فيه ضحكه يحاول يداريها وفي باله : ــ خذ لك دي .. جابت لروحها سالفه انصب عليها بها..
ويرد عليها بأبتسامه عريضه:
ــ رائع.. انه من اكبر متاجرنا هناك.. هل قمتي بزيارته...؟؟؟
السائحه وفي قلبها بتطير من الفرحه.. انها جابت تخمين وطلع صحيح .. وصارت تنفخ في ريشها وتزيد كذب:
ــ نعم.. و اشتريت منه حذاء لحفل افتتاحي لفرع متجري هناك..
سام : ــ وااو.. مذهل .. الديك سلسلة متاجر...؟؟
وفي باله ميت ضحك :: شدبت الشدبه دي وصدقتها..
ابتسمت السائحه بخجل: ــ نعم.. لبيع الملابس وانا على وشك افتتاح فرع هنا في امريكا..
سام : ــ مذهل.. عظيم... اتمنى لك التوفيق...
وصلو الفندق و نزلو...
السائحه: ــ الن تدخل ؟؟
سام يرن جواله وكان توم المتصل يراقب متى بيوصلو.... رد عليه:
ــ اهلا بك...
ابتسمت السائحه.. و دخلت الفندق .. و راحت غرفتها
في حين سام توجه الى توم اللي يشتغل في نفس الفندق...

...

[Princess]

بيت ابو مجتبى..

ابو مجتبى قاعد في الصاله.. وحاط راديو عند اذونه.. ويفرفر في الموجه... وماميش الا صوت الراديو .. طووط و طوووط.. و الأنتل حق الراديو رافعنه حد ماعنده وكل شوي يحرك راسه ويا الراديو يمين ويسار وفوق و تحت .. والتشويش زايد مع الحركه...
<< راديو لول البني القديم...
كان احمد قاعد وياه.. يحوس في لاب توبه وشابك انترنت...
احمد : ــ هههههه يبه ويش تدور؟؟
ابو مجتبى : ــ ويش بعد يابوك.. اذاعة ايران.. الحين شيخ بيقرى... اتسمعه قبل لا انام..
ــ عاد يبه من متى هالراديو عندك.. قديم .. من وين تلاقي فيه ايران .. زين من يوم بعده يوش ما اخترب..
ــ اهووو .. قديمك نديمك.. اجل ستررتوات الحين حقتكم.. والا مسجلاتكم.. اخرطي
ــ عرفنا المسجلات.. ههههه الفانيه ستريوات يبه .. ستريوات..
ــ اللي هو .. هو..
شوي .. صوت عزاء بداية برنامج الشيخ ...
الا يمد ابو مجتبى رجوله بحماس:
ــ ايوااااا
شوي خفت الصوت .. عصب ابو مجتبى وصار يطق يطق في الراديو..
شوي ارتفع الصوت حده..
نقز ابو مجتبى مختلع:
ــ ناااايبه.. ويش هالراديووو..
الا احمد يضحك من قلب ..
ــ يبه.. تعال هذي الأذاعه هنا على الاب توب.. الصوت اللي تسمعه من شوي..
ابو مجتبى مو مستوعب الموضوع..
ــ تتمسخر بي انت.. استح على وجهك..
ــ لا والله يبه دي الأذاعه الأيرانيه .. فتحتها لك بالأنترنت
ابو مجتبى فتح عيونه: ــ ماخلى شي هالأنترنت.. ولا بقى... المفروض يسموه عنترنت...
يعني الحين اشوف وجه اللي يتكلمو بعد.؟؟
ــ لالالا.. بس صوتهم زي الراديو عادي..
ــ يعني... عجيب هالنت والله..
وصار يتسمع المحاضره على الأذاعه الأيرانيه
و احمد قام عنه يشوف اخوه امير المريض بالتوحد..

شوي الا ..
تطفر على الشاشه افلام كرتون لدجاجه عواينها طافره وتبدي تصرخ
ككوووو كو...كاااك.. كك .. كاااك كاك كاك...
<< دعاية نغمة الدجاج الغفيفه تبع الجوال.. >> وهل تخفى عليكم..!!
شان يطير ابو مجتبى من الخلعه ويصرخ صرخه:
ــ أواااااااااااااااااااه..
يجي احمد يركض ركض ..
ــ خير يبه ويش فيك؟
ابو مجتبى معصب : ــ لابوك لابو كاكك داويه دا اللي طلع لي ..
احمد ماقدر صار يدحن ضحك ضحك..
ــ دي دعاية نغمة جوال
ــ ويه.. جوال؟؟ خناقه مو جوال..
ــ هههههههههه ايه ترسل ليهم رقمك ويرسلوها عليك
ــ حسبن الله عليهم.. ما احلاك احد يتصل فيك الا جوالك يكاكي .. وين اخوك امير؟؟
ــ نام ...
ــ اكل؟؟
ــ ايه ... خوبل بي .. نفر اكله بكبر المطبخ..
ــ الله يعين.. كان خميته عن امك .. الحين بترجع البيت منهده.. انا مانى داري عنها دي بعد ويش تسوي.. باقي ساعه على نص الليل..؟؟
ــ بعدها عفر تمرخ الآدميه اللي على قولتها طايحه على درج بيتهم
ابو مجتبى مقهور:
ــ اما انا لو اطب من فوق عماره ما مرختني.. نايبه تصقع النسوان.. ماميش الا البقر تمرخ فيني وهي رايحه
ــ هههههههههههههه ولا يهمك انا امرخك وينا بس وينا
وصار يدلك رجول ابوه..
ابو مجتبى يتدلع:
ــ اهو عني بس .. قوم نام.. باقوم انا انطبن على عمري ..
الا بدخلة ام مجتبى ..
ابو مجتبى يتعيلف :
ــ حيا الله المراخه..
ام مجتبى متنرفزه:
ــ يحييك...
ــ ويش ,.. تمت عملية المراخ بنجاح..؟؟
ــ لا تقهرني .. ساعه امرخ امرخ في شحمها ولحمها.. وهي ماميش الا تون علي و تتأمر ... فوق وتحت .. آخرتها تعطيني بس 50.. تسخر علي دي.. لو الود ودي مردت شبدها ..

احمد : ــ عاد اماه الله يهديش ..كان شرطتي عليها قبل لا تبدي شغل..
ابو مجتبى : ــ ماحد قال ليها .. انتون يالمدرعات ماخليتو شي .. خدمة تمريخ بالمنازل .. حد قال لش تروحي ليها..
ام مجتبى : ــ ويش اسوي .؟؟؟ قلت بتزيد الأجر على مشواري ... طلعت بخيله حتى اجري العادي ماعطتني اياه كامل... لو اشوفها طايحه من فوق جبل ماباروح ليها تالي ....خلني ساكته بس .. الله كريم..
ابو مجتبى بأسى : ــ الله يغير الحال.. ويعطيش العافيه..

عبدالأله.. جيران بيت اهل يوسف .. سائق باص الثانويه.. منسدح على سريره.. جاينه ارق .. و يتذكر ايام الطفوله.. لما كان عمره 10 سنوات
ــ ابغى العب وياكم..
شهربان اخته و ماريا جارتهم اخت يوسف وكان عمرهم وقتها 5 سنوات... كانو يلعبو مع بعضهم..
شهربان : ــ مانلعب ويا صبيان .. روح ما نمباك..
عبدالأله يحمق فيها ويسحب لعبتها ويرميها بعيد..
تقوم تعصب وترمي عليه مكعب تفلع عيونه..
وتقوم الشبقه وتصير ماريا تصيح ..
يوقفو شباق .. ويصيرو يسكتو فيها..
وهي تشاهق : ــ خلاص خلينا نلعب وياه... لا تشابقو..
شهربان محمقه: ــ ويش يلعب كلها العاب بنات...
ماريا : ــ نلعب بيت..
شهربان : ــ الله .. وناااسه... اني الأم..
ماريا : ــ مايصير انتين الأم..
ــ لويه؟؟
ــ اذا انتين ام.. عبود ابو.. مايصير انتون اخوان.. يعني اني الأم.. وعبود الأبو..
شهربان : ــ ماني ماني.. واني ويه..
ــ انتين جارتهم
ــ ماعندي ابو؟؟
عبدالأله: ــ لا مات..
شهربان : ــ ويلي ويلي ..
وتقعد تصيح..

توقفت الذكريات مع ابتسامه لعبدالأله.. اللي انقلب على يمينه يحاول ينام... وفي قلبه:
ــ ياليت ديك الأيام تعود..

اذن اذان الفجر ... وصدفه انتبه يوسف على الصوت رفع جواله يطالع الساعه صار يحاول يتنبه ويثبت الوقت وعلى مايقوم ويتمسح ويجهز الا اذن الأذان عدل...
قام وفتح الباب وانتبه لشفيق انه لازال جالس ..وراسه الى الجدار..

يوسف انصرع.. ولع الليت من الخوف .. مراد كان اشبه مايكون بالمتكفن بالشرشف فما حس على الضوا.. قرب يوسف من شفيق وهو يحك عيونه يبغى يشوف عدل ..
شفيق نايم!! على هالوضع من البارحه... شلوون؟؟

والا ... فيه شي لا سمح الله وغافلين عنه هم...

تقرب منه اكثر وصار يتأمل جسمه هل يتنفس لو لا .. الا شفيق يفتح عيونه فجأه وبالسرعه وينفض ايده نفضة مختلع
..
يوسف من شافه هيك فجأه.. شهق من قلب ووخر على ورى.. ويتعثر برجول مراد ويطيح على الأرض ورجوله على سيقان مراد اللي فزع من نومته مختلع..

يوسف يقوم ويقعد على سريره ... يحاول يلقط انفاسه ..
ــ ويش فيك شفيق؟؟
شفيق واصابع كفه متشنجه ..:
ــ انت اللي ويش فيك خلعتني!!
ــ نايم كنت؟؟
ــ اييييه..
ــ كذاا !!
ــ ما انام الا كذا..
يوسف في باله :
ــ بسم الله الرحمن .. غريب عجيب ...
مراد بقهر: ــ وفففففف طفووو الليت وبلا ازعاج..
يوسف : ــ قومو صلاه اصلا .. وتالي عود نام..
مراد يرجع يغطي وجهه بالشرشف وينقلب الجهه الثانيه..
يوسف استاء بالمره من حركة مراد...
وبلع القهر وسكت مايبغى يسوي مشاكل من اول يوم.. قام الحمام وشفيق وراه...
بالصاله كان السيد فارش سجادته وبدى يجهر بالأذان...
حبيب طلع من الغرفه وهو يحك راسه وتقابل ويا يوسف :
ــ صباح الخير
ــ صباح النوور ...
حبيب : ــ سيدوو بس اذن مو تسبقنا بالصلاه..
يوسف : ــ لويه عاد..؟؟
حبيب : ــ هو اللي يصلي بنا
يوسف : ــ ما شالله...
حبيب : ــ حصران؟؟
يوسف حده مستغرب من السؤال.. : هااا..!!
حبيب : ــ ههههههههه انا ميت معصور حدي... اذا منت حصران مره بادخل قبلك و ماعليك امر كظموه العله قعده للصلاه..
يوسف : ــ ههههههه يعني.. اوكي ..
حبيب بالسرعه من طلع شفيق من الحمام وراه على طول وهو يقول ليوسف :
ــ اذا مافاد وياك عليك بالصفاري..
يوسف مو فاهم شي ...
راح يقعد كاظم.. بهدوء:
ــ كاظم.. كاظم..
الا كاظم يهربد كلام مو مفهوم اشبه بالهندي ..
ظل يوسف على راسه ولا قعد... طلع حبيب من الحمام... وراح الغرفه يشوف الوضع.. الا كاظم بعده نايم..
يوسف : ــ ماهو راضي يقوم ويهلوس علي كلام كنه هندي..
حبيب : ــ ههههههههههه صح هندي.. كاظمو يعرف هندي ههاااااااااي من امه العوده.. .. عفر سبك..
يوسف في باله... امه العوده؟؟!!
ويجيب حبيب صفريه وملعقه وقرب لكاظم وصار يطق :
ــ اصحى ياااانــــــــــــــايم واعبد الدااااااااااايــــــــــــــــــم..
كاظم على طول فتح عيونه وانتبه... وقام..
يوسف ماقدر صار يضحك ويضحك... وحبيب وياه ضحك:
ــ عرفت الحين أي صفاري اقصد...؟؟
وتجمعو كلهم ورى السيد وبدى يصلي بهم.. عدا مراد اللي ماقام ولا تزحزح.. !!

ابو مجتبى قام للصلاه.. حماماتهم برى البيت في الحوش.. المكان ظلمه .. عدا نور خافت للمبه
وفوق هذا نظر ابو مجتبى ضعيف بعض الشيء.. وبين ماهو يمشي لسانه يلهج:
ــ لا اله الا الله ..توكلت عليك ياحي ياقيوم..
الا يشوف قدامه شمطوط ابيض كبير يركض خلاه يتصروع و يصارخ ..

الى الملتقى..

[جنۉن من ﺳـڱۉن]

ههههههههههه
عفر الآأإ هذأإ قطوو ..
طـآأإحت عليه فوطه ونقز ..! ! <~ خيـ‘ـأإل وأإسع ..!
عبد الآله غرقان شكله في قصة حب جديده ..
وشقيق شكله بيسوي ليهم كل ليله رعب ..
الله يساعد علي على هالمرأإفقين في هالغرفه ..
مـآأإننحرم أموره

[أحبك ياغلا عمري]

مشكورة اختي على الجزء
ننتظر الجديد

[مجنونة وحلوة]

رررررررررررروعة القصة
ننتظر البارت القااااادم
تحياتي ... مجنونة وحلوووة

[دلوعة المنتدى]

رووووعة ه البارت غنااتي
لاعدمنااااك يارب