غربة الأوطــــــــــــــــــان...

[احلى ماخلق ربي]

رووووووووووعة من بدايتها روووعة
امورة كبري الخط
ننتظر الاجزاء

[*زهرة البنفسج*]

بسمهـ تعالي ..!

غاليتي اموره واخيرا نزلتيها وي ننتظرها من زمن جدي ..

::

راح يرجع النشاط بتواجد قصتك يالغاليه ..مرهـ روعه بدايةموفقه

لي عوده اقراها مره ثانيه اقراها باللعجله وراي شغلات

::

موفقينـ

[*زهرة البنفسج*]

كل مرهـ بقراهااا بحط الموسيقي الي انتي حاطتها عشان اتفاعل مع الروايهـ

::

مرهـ روعهـ الموسيقي

[الفراش الفاطمي]

جايه متاخره الحمد لله ماحطيتيها اميره
شكلش تدري اني بطلع اليوم
بانتظار الجزء على احر من الجمر
تحياتيـ ..

[Princess]

مرحبا
اعود ..
تسبقني اشواقي اليكم.. لأرى ردود افعالكم..
رائعين انتم كعوائدكم في الترحيب و التشجيع..
تطربني تعليقاتكم فأنتشي فرحا.. ولا املك الا الشكر والدعاء اليكم ..
ادامكم الله بصحة وعافيه
وبلغكم كل مراد....

:) بالنسبه للخط.. من عيوني نكبره حاضرين..
:) بالنسبه لتطويل البارتات.. قلت ليكم اني شوي شوي علي حق تنالو اللي يسركم.. وليكم هالشي طول ما اني اقدر..
فلذلك صبروا علي ..

و تفضلو الجديد...

[Princess]

ومابين زحمة الأفكار الا بالسواق ..

ــ الحمدلله عالسلامه شباب ... وصلنا يللا تسهلو .. .. و لا تنسو اغراضكم.....
نزلو اللي بالباص.. ويوسف كرسيه اقرب واحد الى الباب حاط شنطته و ماد رجوله وسرحان و قاعد ماتحرك...
الا نوري يعلق وهم نازلين:
ــ خذ لك .. مصطفى شكله الرجال مات بعده قاعد..
مصطفى منقهر ولا رد على نوري..
نوري تقرب من يوسف:
ــ هلا ياخوك...ما بتنزل .. ؟؟؟
يوسف انتبه من سرحانه:
ــ هااااا....
نوري فيه ضحكه يحاول يكبتها:
ــ وصلنا ياخوك الرياض ....
يوسف استوعب الموضوع: ــ هااا.. ايه ايه....
ومابين ما مصطفى ينزل ومطنش هدرتهم هو وصل للأرض .. الا بنزلة يوسف بالسرعه مانتبه ان قدامه احد غير انه كان طول الطريق مابين الصاحي والنايم ..
شووي ... اسودت الدنيا في عيونه ودار راسه.. وصقع في مصطفى..

مصطفى انصرع...وتباعد عنه ... ويوسف يحاول يتوازن....

محسن: ــ ول ... ويش فيه... !!
نوري : ــ ياساتر دار راسه ....
طلع له غرشة ماي ومسكه:
ــ سلامات ياخوك...
يوسف توازن وانتبه لروحه.....
ــ الله يسلمك .. مشكور بس...
نوري يسكر الغرشه:
ــ الا ما تعرفنا ويش الأسم.. ومن وين خيوو ...؟؟
يوسف : ــ يوسف يعقوب آل ... من الـ.........
نوري : ــ ياهلا فيك خيوو.. انا نوري آل ... و هذا ايمن آل .... وهذا محسن آل ....... وهذا مصطفى آل ... وكلنا من القطيف و من قرى مختلفه فيها ..

يوسف يصافحهم ولما وصل لمصطفى ابتسم وضغط على ايده بحراره..
مصطفى خجل وارتبك...

نوري : ــ الا ياخوك وين ساكن بأي عماره..؟؟
يوسف ابتسم : ــ العماره اللي في حي .... قريب بقالة ميد..
نوري : ـ ياسلااااااااام عالصدف يا سلاااااااام... نفس عمارتنا حنا مغيرين السكن وتونا بنسكن فيها..... يللا اجل ويانا تاكسي ونرووح جميع ..
ايمن يساسر محسن : ــ نوريوه ملقوف وصواريخه عالميه.. من يلبق في الواحد يبدي يفلت مجاملات من كل نوع...
محسن : ــ ول عليه ... ما يقدرررررررر ...
مصطفى يطالعهم على جنب سمعهم...
محسن ابتسم: ــ ههههه.. صطيف .. شحالك؟؟؟
وقفو ليهم تاكسي ..
ايمن: ــ مصطفى قدام..
مصطفى يطالع ايمن على جنب .. :
ــ ادري مايحتاج تقول ...
ايمن : ـ لا مو على شان شي ...
مصطفى حط اغراضه في الشنطه وركب ولا كنه يسمع ايمن..
نوري : ــ وانت كل تحرج فيه ما تخف عنه شوي..
ايمن: ــ ما قصدي ... والله ماقصدي ...
ركبو البقيه ورى وصارو يسولفو
يوسف : ــ انا في شقه 4 في الدور الثاني...
نوري : ــ تمام يعني فوقنا على طول واللي جاي وياهم تعرفهم؟؟؟
يوسف : ــ ايه من طرف حمي اختي ....
نوري : ــ تمام .. زين اريح لك.. حنا مغيرين سكننا هالمره .....مممممم شكلك مستجد هذا اول سمستر لك .. صح؟
يوسف : ــ ايه صح... شلون عرفت ؟
نوري : ــ هههههههه يبين على الواحد اعرررف من شكله.
محسن: ــ ووووووووووووووووووووووووووف
يوسف يطالع محسن مستغرب يعني ويه...؟؟ ريحه خايسه لو حراان لو غفصه.. وصار يعدل قعدته..
نوري عصب : ــ صاروخ في عينك ... انشب احترمني عالأقل مو اكبر منك انا..!!؟؟
مصطفى ماقدر صار يضحك..
يوسف حس انه سبب لنوري احراج بس شلون مو فاهم...
فتدارك الموقف بسؤال :
ــ ليش انتون من زمان هنا..؟؟؟
نوري : ــ صار لينا سنتين ...كلنا سنه ثانيه .. انا محاسبه في كلية العلوم الأداريه.. محسن كلية الزراعه تخصص علوم اغذيه هو ويا هاني... هاني ماجى ويانا
ايمن : ــ ايه بس نوريو اكبر واحد فينا لأنه كان يرسب ايام متوسط وعاد ثالث ثانوي ..
نوري يطالع ايمن على جنب : ـ احد قال لك اسرد قصة كفاحي !! ؟؟؟
محسن يتدخل : ــ بل اكلته بعيونك.... زي ما انت لسان الحال عنا يقول!
نوري : - ما شالله صاير في صفه هالمره <<< لأن ايمن ومحسن 24\24 ساعه مجاكر..
و يكمل : ــ ايه المهم... ايمن كلية العماره والتخطيط .. تخصص تخطيط عمراني... و مصطفى كلية الهندسه .. تخصص هندسه كهربائيه
يوسف ابتسم ابتسامه عريضه:
ــ مصطفى .. بنفس كليتي انا لكن ميكانيكيه ..
نوري : ــ اووه تماام.. صااافيو سمعت الله الله بخوينا
مصطفى ابتسم..
محسن مو قادر قام يضحك..
نوري : ــ على ويه تضحك...؟؟؟
محسن : ــ لا ,.. ولا شي ..
يوسف حس منهم ان نوري صاير الكل بالكل تقريبا وماكل الجو بالمختصر زعيمهم وفي الصداره.. ومايدري شلون ارتاح لمصطفى وحسه حباب وخفيف دم .. واللي فرحه انه راح يتقابل وياه بنفس الكليه مابين وقت ووقت ..

وصلو العماره...
ايمن : ــ بسكم هدره يللا نزلو... ميت تعب عدلتو الأثاث ونقلتو العفش كله يوم تجو..؟؟؟
نوري بقهر :
ــ استر على دا عفش .. زوليه .. و كم مخده وتكايتين و كم ماعون و فلاجه صغيره و ...
محسن : ــ بل بيقعد يعدد..
ايمن : ــ جبتو منامي وياكم؟؟
نوري :
ــ ايه مسمار جحا هالمنام.. اشوى ماعندك غيره..

ايمن ما اخذ له لا سرير ولا دفع شي في ثمن كبت الثياب وثيابه مخلنهم في شنطته.. حده منام ومخده وبطانيه ويناقل بهم من محل لمحل...

ايمن : ــ تمام .. زين .. حلو... يللا ان شالله بس ما انترست غبار مافيني شدة اعدل شي ..

نوري واصل حده من ايمن من شوي يتليقف فيه والحين يسوي روحه عدل... رد عليه بقهر:
ــ امشي قدامي استر عالنظافه لأني نسيتك في شقتنا الأوليه ونسيت شقد انت مرتب .. والله لو ماغيرناها احسن...
محسن : ــ من حلاوتها عاد.. احس الطيفان مشبيه . نسيت الفار اللي طلع لينا من بالوعة المطبخ... هذي الحين اغلى فأتوقع تصير انظف ..
مصطفى : ــ هههههههههه ,, لا تذكرني بذاك الفار ... كنه خرووف من كبارته...
و يوجه الكلام لأيمن: ـ ويش نسوي ياخوك مد رجولك على قد لحافك...
نوري : ــ اقول محسنو .. خلاص لا تقوول اغلى لا يدحن ايمنووو
ايمن : ــ اقوووول ....
نوري : ــ عسى عمري يطووول,,, لا تقووول ولا شي ..

وهم داخلين العماره ويوسف وياهم وفي قلبه حاسدنهم على معرفتهم ببعض ويحاتي اللي بيكونو وياه بالشقه هل بيتأقلم وياهم والا لأ .. ؟؟!!
بنفس الوقت... متطمن نسبيا لأنه جاي من طرف حمي اخته اماني اللي من درى به ناوي عالرياض .. قال ليها تخليه يروح العماره الفلانيه و كلم على شانه واحد من الشباب بالشقه اللي بيسكن فيها انه بيشاركهم بداله .....

دخلو شقتهم ويوسف توجه للأصنصير بيركب لشقته...
الا باب الأصنصير يفتح وداخله شباب ميتين ضحك وصريخ ,,, و مشلحين اكمام اقمصتهم وشكلهم كنهم تبع عصابات و مشكلجيه...
واحد منهم:
ــ اتاااريك انت اللي مقلقنا ومنزلنا تحت...
يوسف ابتسم ...
واحد ثاني :
ــ وش بلاك؟؟ قلنا شي يضحك.!!.. بتركب والا شلون اخلصنا...
يوسف يطالع مايحس فيه محل ..
ابتسم وبلباقه:
ــ لا خلاص شوي وباركب..
رد واحد بمنتهى الأستفزاز:
ــ اجل ليه منزلنا.. ؟؟ لا تضغط مثل البزارين .. لا اقص اصابيعك ... يللا فارقنا
وسكر الأصنصير
يوسف :
ــ ياساااتر دام هذا اولها...
وصل الأصنصير الدور 2 ورجع نزل ...
انفتح الا هم فيه...
يوسف منصعق...
قامو يستهبلو عليه..
ــ ليش تضغط؟؟؟؟؟؟؟؟؟
يوسف فتح عيونه:
ــ والله ماضغطت..
واحد منهم:
ــ لا تتريق علينا ترى محنا فاضيين لك..
يوسف استاء منهم حقرهم وركب الدرج احسن له..
ماوصل الدور الثاني الا خلاص انفاسه يجرها جر من شنطته والتعب اللي هو فيه...
ولما وصل فوق ... الا انفتح باب الأصنصير والشله المقرفه نفسها داخله ومعصبين في واحد كان فوق ينتظر ...
ــ ليش تضغط؟؟؟
تأكد يوسف حزتها انهم شلة خربانه وسمع من ناس في الممر يحشو في هالشله وعرف من كلامهم انهم مو من سكان العماره بس جايين يضايقوهم!! لعانه......
دخل مفتاح الشقه ..
ــ بسم الله اللهم صل على محمد وآل محمد

و فتحها.. ودخل...

[Princess]

هو دخل الا يلاقي علبة نشاف تنحذف وطرااخ تصفق في الباب .. وهو لاف بيسكره...
يوسف اختلع... والتفت بالسرعه لمصدر العلبه... الا واحد جاي ومره خجلان حده ..
ــ آآآآآآآآآآآآسف ,,, آآآسف آآسف ,,, حسبالي كاظمووه...
يوسف ابتسم وبهدوء:
ــ سلام عليكم...
ــ عليكوووم السلاااام ياهلا بأخونا.. اتوقع انت يووسف آل ... صح؟؟
ــ ايه ..
ــ هلا فيك والله حبيب وغااالي موصننا عليك أحمد آل ..... انا حبيب آل .... ،، مسامح خيوو حسبالي اللي داخل كاظموو...
ــ هههههه مسامح.. خلعتني لكن خوش استقبال...
حبيب يضرب كتف يوسف عن مزح:
ــ افاااا عليك ... منورنا ياخوك .. بس خل يجي ساس البلا ... كُظموووه دا ,, اراويه شغل الله.. تفضل حياك ...
وفي الصاله لقى يوسف على الجلسه واحد منسدح
حبيب:
ــ سيدوو .. قوم طق سلام تحيه لضيفنا الجديد..
اعتدل السيد وابتسم: ــ عليكم السلام والرحمه...
وقام وصافح يوسف ...
ــ هلا فيك والله.. انا سيد هادي آل .... ،، مين حضرتك..؟؟ يوسف والا مراد والا شفيق...؟؟؟
ــ هلا فيك سيد.. انا يوسف ...
ــ منورنا ابو يعقوب ..
ــ النور نوركم تسلم...
حبيب : ــ كنا 6 في الشقه كل 3 في غرفه.. انا .. وكاظموه و السيد بغرفه و3 تخرجو السمستر اللي طاف .. وعن حساب بيجو بدلهم 3 هذا انت اولهم .. وواحد قالو لينا الشباب اسمه مزاد والفالف شقيق ..
السيد : ــ هههههههه حبوه ما بتهون عن النحاسه ... اتحداك تقول قدامهم اذا جو هلا مزاد هلا شقيق...
حبيب : ــ اقووول ليش ما اقول ...وانا زبيب ...
ضحك يوسف :
ــ الله يستر ما يندرى ويش كنت مسمني...؟؟؟
السيد : ــ ههههههههه لا.... لا تخاف ,,, تعب يبغى يقلب اسمك زيهم مافلح ,,, ما يفيد وياه ابو الحب..
حبيب : ــ شدعوه سابنهم؟؟
السيد : ــ لا .. بس فيه ناس تزعل ترى...
حبيب : ــ يوسف .. تزعل ...؟؟ انت تزعل..!!
يوسف : ــ هههههههههه لا ما اظن..
حبيب يرجع يصفق كتف يوسف :
ــ ايوااا تعجبني .. وتمون... سيدوووه...قالو لك بنيات حنا..؟؟ رجال ما ناخذ بخواطرنا
السيد يكلم يوسف :
ــ ههههههه يامالك ياخوك من الضرب من حبووب لين ما ينخلع كتفك .. متعودين عليه.. وعلى نحاسته..
ويغمز له .. ويكمل الكلام:
ــ مزووح بس طيب وايد...
حبيب يطالع على جنب :
ــ سيدوو عن النحاسه..
ــ هههههههه ويش قلنا..!!!.
وصار حبيب يعرف يوسف على الشقه ... و راواه غرفته مع النفرين الجدد .. حط فيهم اغراضه ...

الا بدخلة كاظم...
حبيب صفق : ــ اووووووو خساره مافيه شي ارميه عليك
كاظم يضحك وببرود:
ــ لووويه عااااد..؟؟
حبيب : ــ ياااااااربي ... سيدو من متى طالع البقاله يجيب شاي ؟؟؟
السيد : ــ ههههههههه من ساعتين و خمس دقااايق بالضبط
كاظم :: ــ خذ لك.. يحسبو ورايي..
حبيب : ــ ايه ايه... نحسب .. ماصارت دا شاي .. هونا ما نبغى لا شاي ولا صاقعه ... عافته نفسنا... كل منا اللي زي الشياب ما يمشي غدانا الا بشاي ..
والتفت ليوسف :
ــ مسامح ياخوك الواجب نضيفك لو استكانه... جوعان؟؟ نحط لك غدى؟؟
يوسف ابتسم : ـ لا تسلم..
التفت حبيب على كاظم: ــ بس هالباااااارد يخلي الواحد يعصب ..
كاظم : ــ ههههههههههه يللا عاد... بدت نشرة الأخبار CNN ويش بعد قال عني في غيابي..؟؟
السيد : ــ ههههههههههه لا تخاف كل خير
كاظم : ــ ايه... ادري ادري..
حبيب : ــ انا بس ابغى افهم .. ويش تسوي في البقاله كل هالوقت.؟؟. تتفقد تواريخ الحوايج...؟؟
كاظم : ــ ويش اسوي ماحصلت دخاني المفضل رحت بقاله فانيه
حبيب حمق: ــ اووووو رررررررريح... الحين كل هالتأخير على حساب باكيتك .. اف منك ومن دخانك اللي ماندري متى بتهون عنه....
يوسف في باله: ــ اف .. يدخن بعد.. كملت...
حبيب : ــ الا تعال... هالكيس الطشونه اللي في ايدك... فيه الشاي..؟؟
كاظم يطلع العلبه وويش صغارتها من الكيس..
حبيب : ــ أه... أه أه أه أه
السيد : ــ هههههههههههههههههههههههههههههه ما هكذا الظن بك يا كاظم..
يوسف ماقدر عليهم ،، و صار يضحك وياهم..
حبيب : ــ ويش هالبخل اللي حل عليك فوق برودك.. راسي مانى قادر .. شبدي منك... هذا كم كيس شاي فيه ؟؟؟
كاظم ببرود يقلب فيه ويدور وين عدد الأكياس .:
ــ ايواا.. ايه.. 10 اكياس .. وهذا بقايا الفلوس ...
حبيب يصفق كف بكف : ــ مادري.. مادري ويش اقول.. ؟؟؟ عن جد .... فعلننننن فعلننننن .. تخونني العبارات...
السيد مو قادر : ــ هدي هدي حبيبي حبيب ههههههههه خلاص تالي بعد محاضرتي امر البقاله و اشتري لا تعصب...
حبيب : ــ عساك سالم يابعد روحي ..
السيد : ــ هههههههههه هالضبعه دا... إلا لويه كاظم ماخذ هالعلبه ؟؟
كاظم : ــ البقاله اللي فيها دخاني المفضل مافيها شايكم المفضل الا هالحجم مخلصين العلب الكبار ويش اسوي.؟؟؟ اروح بقالة فالفه؟؟؟.. الحين ويه .. تبغوه لو ويش سالفتكم؟
حبيب يستفز كاظم من القهر:
ــ زين يالخناقه شان جبت فنتين لو فلاف بسعر الوحده الكبيره.. والا مخك منتهي..؟؟
كاظم عصب :
ــ يلعن شكلك زين.. قالو لك بهيم ..؟؟ قوطي؟؟؟ مافيه من هالنوع الا هالقوطي و الأنواع الفانيه انتون متحججين ما تحبوهم..
حبيب فلت روحه على مخده بالصاله :
ــ سيد.. فديتك.. ياغناتي انت...خذه من عنده وروح به المطبخ .. لا اشب فيه حريقه..
خذ السيد العلبه وهو ميت ضحك .. وكاظم طلع باكيت دخانه ودخل الحمام..
حبيب : ــ إيـــــــــــــــــــــــــــــــه ...مو هذا اللي خارب مخك ... شغل الهوااايه لو سمحت... انا مانى داري ما دخن قبل لا يجي لويه..؟؟؟
والتفت الى يوسف :
ــ استريح ياخوك استريح...
يوسف قعد وهو مابين ضاحك ومبهوت منهم..
وصار يشرح ليوسف وضعهم في الشقه:
ــ حنا يا بو يعقوب متفقين نسوي عزبه كل واحد يحط شوي ونشتري حوايج للمطبخ خفايف من شاي و زيت وبيض وجبن وبطاطس .. يعني حويجات نعرف نتصرف بها وتسد جوعنا و نغير بها عن اكل المطاعم... وهذا الله يسلمك هالكاظموو الحين ماخذ من فلوس العزبه وخذ لك ويش ماخذ لينا..مو يعصب .. !!! ؟؟؟ايييه مسامح ياخوك... يعني اول يوم لك والبدايه كفخه بنشاف وتالي شبقه ... افففف مننا ...

يوسف : ــ هههههههه لا تحط بالك عاد.. بس ما شالله عليكم تونسو خوش ناس باين عليكم..
حبيب : ــ تسلم والله انت اللي باين عليك خوش واحد... وعالأقل موصى بك ومن طرف صاحبنا.. ما ندري عاد عن مزاد وشقيق ويش بيطلعو ...
يوسف : ــ ههههههه ان شالله تمام .. اتمنى والله.. دام بيشاركوني بالغرفه...
ــ ان شالله يارب
الا السيد داخل المطبخ ينادي:
ــ حَبوووووووب.. مافي شخاااط..
حبيب يتحلطم :
ــ يااادا الشاي اللي بيطلع من شبدنا...
وينادي على السيد:
ــ تعاااال للي يقند راسه بالحمام... خذ ولاعته..

طق السيد على كاظم باب الحمام.. وفتحه لقاه مقفل ..
كاظم : ــ هااااااااا
السيد: ــ ويش تسوووي ...؟؟
كاظم : ــ ارقص .. ويش يسوي الواحد في الحمام يعني ؟؟؟
ــ عن حساب تدخن... افتح عطني الولاعه...
ــ اف اف .. الواحد يعني حتى بالحمام ما ياخذ راحته ...
حبيب : ــ ههههههههههههه خذ لك الله يلوع شبدك صراحه اليوم كاظمو بارتكب فيه جريمه...
السيد : ــ ههههههههههههه انا لله و الآخير وياكم..؟؟؟... يللا كاااظم...
فتح كاظم الباب وعطى السيد الولاعه ورجع سكره..

حبيب : ــ اوووووووف اف اف اف
يوسف صار يضحك مو قادر عليهم..
كاظم في الحمام يسمعه:
ــ اف في عينك .. الهوايه شغاله يا متعيلف.. قوم جيب لي فوطتي باسبح..
حبيب : ــ ههههههههههههه .. دا الواد وسخ نفسوو
كاظم طالع من الحمام : ــ حبوه... استح هااا.. استح...انحس منك ماشفت...
دخل غرفتهم و اخذ الفوطه...
حبيب يتحرش فيه:
ــ تفرك عدل هااا.. ترى باشمك..
كاظم يصفق باب الحمام..
حبيب : ــ هيييييييييه يقبع بعد تالي نتكلف به...
ويرجع ليوسف :
ــ حيا الله ابو يعقووب.. عورنا راسك هااا..
يوسف : ــ الله يحييك.. لا بالعكس .. تونسو والله
الا بجية السيد حامل تبسي فيه 3 ستكانات شاي ..
حبيب : ــ هلا بعيوني الساده.. شايهم فوق العاده...
السيد : ــ هههههههههه ما تجوز عن سوالفك...
يوسف : ــ وين اللي حق كاظم..؟؟؟
السيد : ــ أي والله نسيت..الحين بيحرقنا كفايه هو اللي جايبنه..
حبيب : ــ الله عاد .. بيسبح .. اكو الأبريق مليان يعود يغليه طلعته ويصب له..
حبيب مندمج وهو يهف الشاي بيشرب بنفس الوقت بيسأل يوسف سؤال...
ــ يوفف .. احححح ... غربال
يوسف ضحك ..
السيد : ــ اووو حصل له للأسم قَلْبَه.. قال ويه يوفف .. ما بتطير الأستكانه .. تكلم تالي اشرب
يوسف : ــ هههههههه لا ماهو اول واحد يقلبه... بنت اختي الصغيره ماتقول الا يوفف ..
السيد : ــ الله يحفظها ياارب .. ما شالله عليك خال يعني ..
حبيب : ــ اه .. نسيت شكلك.. مو احمد حمي اخته..؟؟؟
ــ اووو صح صح.. نسيت ...
يوسف : ــ ايه حبيب .. ويش كنت بتقول ؟؟؟
حبيب : ــ بسألك ويش تخصصك وهيكات..؟؟
وصار حبيب يسولف مع يوسف ... عن الجامعه والتخصصات ويعرفه اكثر عن الوضع في الرياض شلون راح يكون...

و في القطيف ......

الى الملتقى...

[*زهرة البنفسج*]

وناسهـ وناسهـ ياموره فيها الرياض وحركات اكيد كلا ضحك

::

اللهـ يعطيك العافيهـ غاليتي اموره

موفقينـ

[الفراش الفاطمي]

ههه
تسلم ايدش اميره على الجزء
يوم قلنا بنجيب علبه الكلينكس
صار الجزء يضحك
بانتظار الجزء القادم
تحياتيـ ..

[طفلة تحت المطر]

يسلمووو أميره بجد الروايه حلوه و مشوقه

بس مع الأسف مآآ أقدر أتآآبعهآآ أول بأول

[قطعة سكر]

ههههههههههههههه
الجزء مررررررررة حلو ويضحك
ربي يعطيش الف عاافية
بأنتظار الجزء الجاي

[دلوعة المنتدى]

هههههههههههههههههههههههههههههه
حلوووة ياااميرة جزء كشوووخة حدهـ
ههههههههه ماقدرت على هالحبيب مع حرقة الشاااي وحلوة يوفف,,
اتوقع بيكوونوا خوش اصدقاااء هالرباااعي
وناااااصهـ
بالانتظااااااار قلبووو

[دمعة على السطور]

اللهم صل وسلم على محمد وآل محمد وعجل فرجهم وفرجنا بهم ياكريم..

بسم الله ماشاء الله ...

أيه الحركات دي...خمسة وخميسة في عين اللي مايصلي ع النبي وآله

>>مصرية البنت

ماشاء الله القصة باين عليها جناااااااااان..

كلها حماااس ماشاء الله .......وخفة دمك واضحة في النص بقوووة :)

حلوة حركات الشباب وعنادهم.....ودي اعلق على كل شي.. بس أخاف اعبي لك الصفحة ...

خليني اكتفي بإعجابي الجم...

تسلم الأيادي يااارب...

وننتظر البارت الجديد بكل حمااااس :)

سلم قلمكِ والفكر الراقي..

موفقة ومقضية حوائجكِ بحق محمد وآله الطاهرين

دمتي بعين المولى الجليل

[جنۉن من ﺳـڱۉن]

ههههههههه
يـآأإأعـ‘ـيني ع حِبيب وخفة دمووو ..!
يعطيك العـأإفيـ‘ـه .. جزززء ونـآأإسـ‘ـه ..
أإكيد بـآألآنتظـآأإر ..!

[أمل الظهور]

جزء يموت ضحك

كاظموه باارد يبط الكبد

ظريفين النحيسين اللي بالاصنصير لحالي عندي عقدة اصنصير خخخ

ربي يعطيك العافيه

وموفقه يارب

ربي يكتب لك بكل خطوه نجاح يارب