غربة الأوطــــــــــــــــــان...

[Princess]

سام في احد الزرانيق قاعد والخوف ماليه من هالمفاجأه المرعبه... ويحس نفسه متضايق و تعبان .. ومو قادر يتحرك ولا خطوه...

احمد مع صاحبه تعشو و طالعين من مطعم قريب من هالزرنوق ...

صاحب احمد:

ــ خلينا نطول الطريق شوي للرجعه الجو حلو. .. ماباقي شي ويخلص الشهر ونفتقد هالأجواء الزينه... خلينا نمشي شوي وبعدها ناخذ تاكسي ..

احمد:

ــ طيب .. مشينا..

صاحب احمد:

ــ هههههههههه والله وعندهم دواعيس .. عجيب مثل اللي عندنا..

ــ هههههههههه قصدك زرانيق .. شدعوه لويش مايصير عندهم ؟!

ــ الله عليكم كلام عجيب ... خلينا ندخل نشوف كيف دواعيسهم..

دخلو وهم يمشو..

أحمد:

ــ ظلمه,..

ــ تخاف؟!

ــ هههه لا شدعوه...بس ماشوف عدل

كان احمد يمشي قدام صاحبه...

شوي تعثر برجول واحد كان قاعد..

انتبه عليه لقاه رجال .. وكان سام..

ولع جواله يشوفه وكلمه بالأنجليزي:

ــ آسف .. هل آذيتك

صاحب أحمد وراه.. انتبه ان فيه واحد والظاهر احمد تعثر بسببه

سام رفع راسه ومو شايف احمد يشوف بس ضوا الجوال

أحمد واقف ومبهوت وفي باله تذكر نفس الشخص اللي شافه من قبل و قال انه يشبه ناجي ..

(( للي سألو من قبل وداير راسهم شوي في قرابة أحمد لناجي .. ناجي يصير اخو اماني مرت اخوه مجتبى ومايحتاج نجيب الطاري معروفه انه اخو مرت اخوه معلوم شافه ويعرفه ))

احمد بهدوء ينزل ويتوقل قدامه ويتكلم وياه بالأنجليزي:

ــ هل انت بخير..؟؟

سام مايرد عليه..

ابتسم احمد :

ــ انك تشبه شخص ما اعرفه مسبقا..؟؟

ماشاف الا سام يدف الجوال بعيد ويطفر الجوال من ايد احمد عالأرض .. ويقوم عنه

صاحب احمد مسكه وبالأنجليزي:

ــ لماذا تفعل هذا.. مابك ..!!!

ويدف سام صاحب احمد على جنب ويعبر تاركنهم..

صاحب احمد:

ــ بسم الله ... جني هالدواعيس هذا.. مجنون.. وش لك تكلمه شكله تبع عصابات

ــ مادري جاني فضول مرتين اشوفه ورى بعض .. مره مره يشبه ناجي بشكل مو طبيعي..

ــ مممم هو يحق لك تشك خصوصا انه على قولك وصلكم خبر موته مع اعصار كاترينا...بس هذا.. مرعب مو انسان

العصر .. في بيت ابو مجتبى...

اماني : ــ مادري ويش فيه يوسف جواله كل مقفل ابغى اقول له انك رجعت بالسلامه

مجتبى:

ــ يمكن فاضيه بطاريته...

ــ من الصبح واني ادق عليه مايصير فاضيه وهو بالجامعه ووراه محاضرات..

ــ لا ان شالله مافيه الا الخير ..

ــ رسلت له رساله عل وعسى اذا شحن يشوفها..

مجتبى يقلب في اوراق..

اماني: ــ ويش هذيلا.؟

ــ توصيات طبيه لمستشفى الـ... .,,, حق يعالجوني..

ــ من الشركه يعني؟

ــ ايه تعويض لضحايا الحادث .. اللهم ادفع البلاء اللي ماتو عطو اهاليهم فلوس واللي تضررو مثلي علاج مجاني... ان شالله تخف هالحروق

ــ فلوس !! مساكين والله .. وكأن الفلوس تعوضهم عن فقيدهم.. يادافع البلا .. ان شالله يختفو بعد مو يخفو.. يارب بس انتظم وياهم اول بأول...

ايثار مع امير في غرفته...

ايثار فاتحه دفترها التلوين وتطالع الوان الرسمه و تلون زيها...

امير يتأمل الرسمه الملونه وقاعد يرسمها على كراسته...

دخل عليهم باقر ..

ــ الله امير .. حليوه عدل كأنها الرسمه اللي بالدفتر بالضبط ...

ابتسم امير و صار يصفق لروحه..

عطى باقر امير شكولاته..

نطت ايثار:

ــ ابغى شقليطه

باقر:

ــ ماعندي الا وحده..

ــ ماني ... شمعنى امير

ــ صحيح انش دفشه.. شوفي رسمته عدله..

رفعت ايثار دفترها:

ــ اني بعد لونت عدل..

ــ هههههه تلوين يفرق عن رسم وتلوين..

ــ ابغى شقلااااااااطه

ولا شافت الا امير يقسمها ويعطيها منها..

ايثار:

ــ شفت الكريم اجل انت بخيلوه..

ــ سكتي بس ..

ــ بخيلوووووو .. حسره حسره..

عصب منها باقر ويرفع لون سحري و يرسم خط في ايد ايثار

ايثار عصبت:

ــ هيييييييه

وتمسك هي لون ثاني وعلى رجول باقر..

امير صار يضحك ... وبسرعه اخذ هو قلم بعد.. و يصوبه على عيون ايثار..

ايثار صرخت من قلب .. وصارت تصيح

جت اماني تركض الا تشوف ايثار فوق جفنها خط بالألوان..

ــ ويش صاير ويش وصل اللون هنا..

امير خاف اول مره يسوي لأيثار شي وتصيح بسببه...

باقر :

ــ امير مايدري و بالقلم في عيونها..

جت ام مجتبى ولما درت ويش سوى صارت تصرخ على امير

اماني تهدي فيها وتقول ليها يهال ومايفهمو.

ام مجتبى من بعد مرض ابو مجتبى وهي عصبيه و ماليها خلق ...

ــ اني ويش اسوي في هالولاد .. ديك رجعت لي من المدرسه برطمها لبطنها ويش فيش مافيني شي و لا تغدت ولا نايبه و نامت.. وهذا بيروح عيون بت اخوه..

اماني:

ــ هدي عاد عمه مايستاهل الموضوع..

جى مجتبى و اخذ امه طلعها من الغرفه

امير مسك نفس اللون وخربش رسمته ورمى الكراسه و الألوان وقعد في زاويه وصار يون...

باقر تقرب منه يهديه بس ماقدر عليه قام يضرب فيه

اماني:

ــ اتركه امي .. خليه في حاله

وطلعو عنه...

في الرياض ...

العصر الكل لسا نايم والتعب مكسرنهم..

يوسف صحى و التفت لقى مراد مابين الصاحي والنايم فسأله :

ــ مراد.. ماشفت جوالي البارحه في سيارتك..

مراد لسا منسدح و بتعب :

ــ مادري ما انتبهت... خذ المفتاح وروح دوره

انتبه لسرير شفيق فاضي ... ومرتب ...

قام من سريره وهو قايم لفت نظره ورقه على سرير شفيق..

اخذها يقراها.. لقى شفيق كاتب..

اشكركم على تحملكم لي طول هالفتره.. وآسف على كل شي صابكم بسببي ..

ما ابغى اكون عليكم عاله اكثر من كذا.. فخلاص برجع القطيف و بدور لي شغله ..

اسمحو لي على ازعاجكم والله يوفقكم جميعا......

يوسف : مابنسى حنانك و طيبك ووقفتك وياي ابدا

مراد : مابنسى تعاونك و مساعدتك

حبيب : مابنسى خفة دمك ومحاولاتك في التخفيف والدفاع عني

سيد هادي : مابنسى كرم اخلاقك و حرصك على مصلحتي

كاظم : مابنسى مقالبك الحلوه و مراعاتك لمشاعري

صادق : آسف على مضايقتي لك .. اعتذر عن استياء أي احد منك بسببي

وداعا جميعا.................

الى الملتقى..

[دمعة على السطور]

اللم صل وسلم على محمد وآل محمد وعجل فرجهم وفرجنا بهم ياكريم وألعن من آذى فاطمة.....


ياعلي شفيق رااااح :(



أكثر شي وترني هالمرشدة الله لايرشد ابليسسسسس

هذي مرشدة هذي...اللهم ياكاااااافي

هذي مريضة نفسياً وشاذة خُلقياً .....وتستغل بنات في سن مراهقة وظروفهم قاسية ..........


الله يجيرنا وياكم من كل شر.........



سام وكشفووه ........احسه صعب يرجع لقيصر...لأنه ماقال له كونه خايف ان يغير عليه ....

فأحين بيحس أنه راح يكرهه وبيبتعد من نفسه...





استاذة زكية مثل أخوها طيبين ياأهل العراق





أميرة حبابة يسلم عقلك وتفكيرك يارب...


البارت جداً حماسي...


بانتظار كل جديد


ودعواتي لك بالتوفيق في دراستك بحق محمد وآله الطاهرين


موفقة ومقضية حوائجكِ

دمتي بعين المولى الجليل

[الفراش الفاطمي]

يسلمو اموره بارت روووعه
الله يوفقش في دراستش بحق محمد واهل بيته
وبصراحه اقرأ واني متشققه من الفرح
لكن قهرتني هالمرشده الخبله
ومعلمه زكيه اي والله زي اخوها طيبه
وهالبنيه تعور القلب كيف ابوها تفكيره كذا
وسام مسكين عور قلبي بس ان شاء الله يعرفه احمد
وجوال يوسف لاحس ولا خبر ان شاء الله يتصل على بيتهم من جوال مراد
ويعرف احوالهم ويتطمن عليهم
ونور اشوى عرفت هالي مسويه روحها مرشده على حقيقتها قبل لا تتورط وياها
بس اكيد هالخبله رمله بتسوي شي لزكيه الله يستر
وماريا بعد الله يستر عليها من ريماسووه
وكاظم بعد الله يستر عليه لكن قاهرني النحيس يوم رجع القطيف
وبانتظارش اموره لا تتاخري
تحاتيـ ..

[طفلة تحت المطر]

يسلموو

الله يوفقش ويوفقنآ لكل خير

تسلم إيدش على هالبارت

بإنتظآرش

[*زهرة البنفسج*]

مسكين هللشفيق ,,! كسر بخاطري ..!

وهللمرشده الله يغربلهاا الله يقرفهااااااا قرفتناااا >> بجد عندنا كذاا تفاعلت البنت كلشي جايز في كذا

::

وحشتيناااااا اموره يالغلا

ننتظر الجاي بفارغ الصبر

[أحبك ياغلا عمري]

مشكورة خيتو
وننتظر الجزء الجديد

[أمل الظهور]

ايش هالمرشده ويع


غربلها ربي مهبوله مافيها عقل بنوب خربت البنت



مسكين مراد من شيء لشيء واخرتها في الحبس


شفيق يعور القلب حاس بتأنيب ضمير وبيجنن الشباب معاه الحين بيحتاسوا عليه


وسام متوهق مع هالبنانيه وهي وصلت لعنده

ان شاء الله يكتشفوا حقيقته قريب ويرجع لبلده واهله مع احمد <متفائله

ودادوه وحريقه هي مع ولدها

وربي يستر من ريماسوه ويش بتخطط بحبه هالخال

احداث صارت على نار حاميه ونحن بالانتظار يعطيك العافيه غناتي

[أموله]

ويـلييي مـآني شفيقييي تهى !!ــ،،

،، اهئ عوديه حـرآآآآم > قـآآآمت تصيح على الرساله الي كتبهـآ ،،

\\

هههههههههههههـ
اشوف وحده من يحطو المشط على شعرها يهيج..

ويلييييييي بـآآآموت ههههههههههههههه

الله يعين بعد وشش نسوي ــ ،،

\\


سـآآآم

ويلي عليك مامدـآك بتفش قلبك لقيصر

>~ مسسكين كسسر خـآطري

\\

جويل

تسسسسستآآهل حوبت سسسآم ~><~


\\


ماريـآ

والله لو كبت الكـآس كبره على وجه ودادووهـ احسسن

\\

امير

مسسكين كسرووو بخـآطرهـآ بعد قلبي



\\


تسلمي مليووووووووووون

ويعطيك ربي الفففف عافييييييييييييه

[حلم لطيف]

يعطيش العافية غناتي

الله ياخذ رملة أم العقارب أم أربع وأربعين

حاسة بتقلب السالفة على الأستاذة زكية مسكينة فقيرة الله هالمرة

ننتظر الجديد بسرعة

موفقة لكل خير

[دلوعة المنتدى]

ياقلبي انتي بجد روعة هالبارت كله
ويارب يوفقج يالغاليه بحق محمد وآله ,,

[MOONY]

واو طولتي علينا بس التكملة شيقه
تسلمين غلاتي وربي يعطيش ألف عافيه
تحياتي

[حلم لطيف]

متى التكملة على خير

ننتظر

[Princess]

مرحبا
معظم ليكم الأجر
والله يجزاكم كل خير ويوفقكم على التواصل و التعليقات
وعلى تحملكم لي ولغيابي المتكرر
بيني وبينكم توقيتي في طرح الروايه جدا سيء بالنسبه لي .. و انعكس السوء عليكم كمتابعين
فمسامحه حبايبي من قلب على تقصيري
ترقبو الجديد خلال الأسبوع القادم بأذن الله
عاد اي يوم الله العالم...
وادعو لي اختباراتي النهائيه على الأبواب
واكيد كلكم محتاجين الدعاء .. فما بنساكم
موفقين جميعا

[حلم لطيف]

الله يوفقش يارب

[أموله]

~ بأإلتووفيق