غربة الأوطــــــــــــــــــان...

[دلوعة المنتدى]

يسلمو غناتو ع هالبارت من زمان عنج
ويارب تتوفقي وتنجحين ومايضيع تعبج بحق محمد وآله

[الفراش الفاطمي]

روعه البارت تسلم ايدش اموره
والتعاليق
ماريا مسكينه كسرت خاطري ويا خلعتها
وعبد الاله نحيس بس مسكين حطوها فيه وسوو له علاقه بريماسووه
ونور مسكينه بعد كسرت خاطري بس امير فرحها
وازدهار خخخ ضحكتني يوم ضربته بالمقلى بس كسرت خاطري
يوم يعصب عليها حسن وعجبتني يوم تشابق ام عبد الستار
وسام ان شاء الله يتصل ولا يعرفه احمد ويرجع وياهم
ويوسف نحيس على طول يشك
وبـس
ونسألكم براءة الذمه
تحياتيـ ..

[حلم لطيف]

وييييييييييييييلي وش هالمصايب في البارت
الله يفرج أزمتهم وأزمتنا بعد

ننتظر الجديد
يعطيش العافية

[أحبك ياغلا عمري]

يسلموووووووو

[دمعة على السطور]

اللهم صل وسلم على محمد وآل محمد وعجل فرجهم وفرجنا بهم ياكريم وألعن من آذى فاطمة ..

ياهلا برنسيسة وحشتيناااا ووحشتنا القصة بقووووة ....موفقين يارب...

البارت صراحة كله أزمات وتشجن أعصاب .......

ماريا عورت قلبي كونها ماتعرفه بس بنفس الوقت الواحد يجيه قهر على هالوضع.......واللي زادت عليها ازدهار حسيتها فاااضية بوقت جيتها ..

سبحان الله ....القدر جابها من صباح الله خير عشان تقلب الخير شر استغفر الله ربييييي ..وهي ياغافلين لكم الله

عبد الستار الله يعينه على مابلاه ....اتوقع مثل ماقالوا راح تلازمه الحالة بس لمدة أيام إن شاء الله ... عاد هالأم راضية تجي عشان يتذكر شي ...وش هالأم دي...ليكون مي أمه ها أميرة ....مي أمه لا...........!!!!!!!! ولا بس عشان أبوه هي تعامله كذا !!!

ومرااااااد ياعليييييييي اني متأكدة إنه مظلوم ..

وإذا كان في شي يخصه فهو تبع الماضي وبسس..كونه تاب لربه

يمكن ليوسف حق إنه يغلظ عليه .... بس مراد انكسر كون يوسف أقرب شخص ليه وتزعزعت ثقته فيه..

أتوقع هالمرة أحمد وسام راح يتكلموا مع بعض ويتوصلوا لشي ....لأن مابقى شي وينزل أحمد

وريماسووو نحاسووو هالطامة الكبرى >>استحي دمعو



..أعوووذ بالله هالبنت من وين جاية ..!! >>اللهم ياكافي

الله يجيرنا يكفينا الشر وياكم يارب..

أميرة غناتيييي ..يسلم عقلك وتفكيرك وكلك ياااارب

صراحة تعويض إبداعيي بقوة ومو غريب عليك ياماشاء الله ..... :)

سنابل دعائي لكِ تنمو ..

موفقة مقضية حوائجكِ بحق الحسين ..

دمتِ بعين المولى الجليل

[طفلة تحت المطر]

يسلموو

بآآرت مؤثر جـداً

بإنتظار البارت اقادم

[أموله]

.. مرّاد ..\ مظلووم مسكيّن احسّ انهّ مظلومّ وبقوووهـّ حرأمّ صيحنيّ ّ!~
.. احمّّد ..\ ليييييييهّ لاتروحّ قبلّ لأتأخذّ ساميّ معكّ .... ×_×
.. ماريّأ .. \ ههههههههّ مسكينهّ تروعتّ .الله لايروعهّأ ؛...
.. ازدّهار .. \ .خوش ضربه هههههههه شكلها مشتركه فنّادي حربي !... ويليبي مقلّى خلاه يفقد الّذاكره ! وش هالضربه
سام .. \ ههههههههههه ههههههههههه عنده حلوّول ماشّألله هههههههه لوع تسبّدي ..
عبدّ السّتار..\ الله يعينه.. مسكين .. وع؟ـاد امه جحشوووه ام حمار يعل فتحيوهـ يموت الطامه >
..قيصّر \ والله حبيييته ! ورّآه سّـأإلفهّ ~!
ريمّـأسو حيـأّوانوّ \ يّـــآشيييييينهّـآ ثقيلةّ الطينهّ ~! اللهّ يبلاّهـّأ برجّـأل مثلهّّــآآآآ
يوسّف \ قهرني بقوهّـ حرأمّ يظلمّ مرّأد ّ ... < ماتوّقعتهّـآآ منكّ يا يسوفّ!
الهّيئّه \ ههههههههههههّ اميرهّ .. شكلكّ قاعدهّ مع وأحدّ من الهيئهّ قبل ّ لاتكتبيّ البارتّ هههههههـّ .. عرفتي تجييديّ
عبدّ الأله \ ويّ مسكينّ مـّاريو مو عاطتنهّ وجهّ! احسّ يتمنىّ لو انهّ انفلع بالمقلىّ بدلّ عبدّ الستارّ
اميرّ\ ويييييييييييييييّ ونـّاسه عقبّأل ماتنفكّ حالتهّ ياربّ !
نورّ \ مسكينننننهّ بقوههّـ اشوّا رفهّ عنهـ،أّ اميرّ


(=

اميرهّ

ويّ ماشاللهّ عليكّ رووووووووعهّ
.. عجبنيّ البارتّ ياغلىّ
.. ماشاللهّ .... تسلمّ اناملكّ
ننتظّر البـّارت الثـّانيّ وبقوهّ ..~!
لاتبطيّ
اتوقع مراد بريئ 100%

[Princess]

يسلم الهي هالتعليقات الحلوه
وربي يحفظ المتابعين وياي للحين ويخليهم
ومالوم اللي انقطعو.. استاهل من قطاعتي زهقتهم..

تفضلو البارت الجديد...

[Princess]

في مقر الهيئة ..

مراد :

ـ والله العظيم اني مظلوم ماجيت المقهى الا العصر ... ماصار لي ساعتين من جيتو لينا... والله اني كنت ادور مواضيع لبحثي بالجامعه....

ــ بحثك بالجامعه .؟؟!! ايه هذي حجتكم يالشباب... طيب شمعنى الجهاز اللي انت جالس عليه ..؟؟؟. هو اللي لقينا به البلاوي ..؟؟



السيد فكره مشغول .. وخايف يتكلم و يصير كلامه ضده لو ضد مراد ويتورط وياه او يورطه اكثر بدل لا يساعده...

ساسر حبيب ...

بعدها قال لمراد:

ــ مراد.. بنروح مشوار وبنرجع لك .. اوكي..



مراد ووجهه شاحب .. وبعيون نظراتها تترجى مثل الأطفال ...

هز راسه وكله امل انهم ما يتركوه في هالمحنه.. وبلهجة الحاح:

ــ لا تخلوني هنا .. والله ماسويت شي انا...

السيد يهدي فيه:

ــ بنروح ونرجع .. عهد علينا.. لا تخاف... بس بنتأكد من شي ... وبنرجع لك..

واحد من المرشدين:

ــ ليه ترجعون .. ماراح يطلع بكفالتكم.. على هالسواه يبي له ارشاد وتوعيه واصلاح.. الله يهديكم و يصلحكم..

مراد يصرخ فيه:

ــ قلت لك ماسويت شيييييي قسم بالله .. والله العظيم..

المرشد بحمق ينهره:

ــ الله اكبر عليك .. تسوي السواه وتنكر.. وبسم الله تحلف .. استغفر الله .. استغفر الله.. بس ولا كلمه... الله يهديك ويصلحك...

حبيب : ــ مراد اهدى... وانتظرنا زين...



مراد بس طلعو.. تولوه ثنين وطاحو فيه اسأله ..

عن ولي امره وانهم يبغو يكلموه ويتواصلو وياه..

مراد بهدوء:

ــ ابوي برى السعوديه ..

ــ شغل يعني؟

مراد: ــ ايه..

ــ طيب عطينا جواله...

مراد : ــ ما راح يرد عليكم..

ــ ليش ... عطينا وانت ساكت..

مراد : ــ انا مايرد علي بالعاده.. اذا بغى يكلمني هو يتصل ..

بهدوء يكلمو بعضهم:

ــ اهمال اولياء الأمور يسبب انحراف الأبناء.. امر طبيعي..

ــ خذ الرقم الحين وكلمه يمكن يكذب علينا .. لا تستبعد هالأمر..



خذو الرقم و دقو .. لقوه مقفل بالمره....







يوسف في الشقة ... يفكر في مراد وهو مره مستاء ومتضايق ... وفي باله

ــ الله يامراد... وانا اللي كنت افكرك عقلت والله هداك...

كاظم بهدوء:

ــ افا بس .. والله مانى مصدق.. على تصرفاته ويانا مؤخرا.. ما احسه اللي صار صحيح.. حاس انه مظلوم...

صادق دخل عرض وبهدوء وسخريه :

ــ ايه.. قالوها.. ذيل الكلب اعوج.. عمره مايعتدل..

يوسف عطى صادق نظرة ..

صادق في باله:

ــ بل .. عاللي سواه وهو بعده ما يرضى عليه.. مانى داري انا ويش اللي عاجبنهم فيه.. عاطينه اكبر من قدره.. و مطنشين فيني.. خله ينفعهم الحين تقديرهم البايخ له..



جوال صادق يرن.. رد ....

ــ هلا هاني.. لا والله قاعد.. اوكيه.. جاينك الحين...

وقام طلع ..

يوسف يطالع في كاظم... وكل واحد فيهم مستغرب اكثر من الثاني.. من متى هالعلاقه بين صادق وهاني ؟

يوسف بتساؤل :

ــ من متى مخاونه.؟
كاظم بسخريه:

ــ خخخخخ شمدريني عنه.. عموما.. هانيو راعي مصالح شكله...ايه على قولة القايل.. صفرية ولاقت غطاها....





نزل صادق لشقة نوري و الشله....

بيشوف هاني.. كان هاني متصل عليه يبغاه يشوف مشكلة النت عنده..

الكونكت حقته مشحونه و سليمه.. بس مايشبك.. الأعدادات تبع الشبكه الظاهر فيها خلل....

و لأن صادق خبير بهالسوالف وتخصصه بالجامعه هالتخصص...

صار يحوس فيه .. ومن باب السوالف فتح سالفة مراد....وعلم هاني بها....







حبيب و السيد في مقهى الأنترنت ...واقفين على راس الهندي المسؤول ..

السيد:

ــ اقول لك افتح ملفات مال انت.. سوي سآين ان .... سـاين آوت.. بسرعه يبغى يشوف

ــ ايس في ساين ان ساين اوت.. ايس يبغى انتا؟؟

ــ لا اجيب شرطه و خليه يتصرف..

ــ مشكل كبير انت..

ويفتح ملفات النظام لأدارة المقهى..

حبيب : ــ ايواا.. انت تسجل متى كل نفر يشبك على جهاز.. ويحسب وقت.. على شان بس يخلص وقت ويخلص فلوس يفصل صح..

الهندي يهز راسه..

السيد:

ــ بسسس... وصلنا لدليل البراءه نسبيا..

حبيب :

ــ شلون؟

السيد:

ــ مراد دفع لكم ساعه.؟
الهندي :

ــ هذا جهاز رقم 12 يدفع حق 4 ساعات..

ــ وهو قعد ساعتين واقل بعد من ساعتين... و جت الهيئه بعدها على طول وسحبته.. باقي له ساعتين .. وشوي.. و للحين ما انفصل النت عنه يعني شغال... شوف المواقع اللي انفتحت خلال هالساعتين أي قد .. !!!

وااااااايد.. مايمديه.. ويش هالعجله عليه اذا كان فعلا هو اللي مسونها وناوي يفتح هالمواقع بيقعد فيها على راحته مو بهالسرعه...وماكان عنده لا فلاش ولا سي دي لأنه قال لي بيشتري سي دي من المقهى بس يخلص تجميع معلوماته ..... حبيب .. شوف المواقع الأخيريه.... الخاصه لبحثه .. واااايد بعد...



حبيب شالق بوزه ابتسامه عريضه:

ــ والله انك فهلوي سيدوه... خلنا نروح نقول ليهم...

السيد بهدوء وابتسامه عريضه:

ــ هه.. مفكر بيصدقو على طول.. زي ماجروه بدون تفاهم.. مابيصدقو انه ما يمديه يفتح هالمواقع دي كلها خلال ساعتين...

ــ وويش الحل.

السيد وهو يفكر قاعد على جهاز الهندي ويحوس.. فتح المحفوظات ... ويتصفح فيها الا يلاقي نفس المواقع تقريبا قبل كم يوم انفتحو عليه...

يفتح عيونه ويقوم يمسك بقميص الهندي:

ــ هذا انت ياحيوان... انت اللي يفتح المواقع صح...

الهندي خاف لما شاف المواقع:

ــ والله بابا انا مسكين مايسوي .. والله مو انا..

حبيب يقوم ويفك الهندي من ايد السيد... ويمسكه عند كتفه وبهدوء:

ــ اذا مو انت ... زين قول بس مين يقعد على جهاز قبل ما نجي... ؟؟ لا اخلي الحين هذا نفر يروح يجيب هيئه حق جهازك .. هم مافي شوف ...

الهندي شوي وبيصيح:

ــ لا بابا.. والله مو انا.. هذا ولد مدير مال مقهي .. يجي الفجر كل يوم.. عنده مفتاح.. هو يشبك على جهاز مال انا.. ويسوي كل مره كلين هستوري بس آخر مره جهاز طفى ومافي يسوي .. فهو يقعد على جهاز تاني ...



السيد :

ــ يجي الفجر ها..

حبيب :

ــ المشكله اخاف هالهندي شداب ونتبلى عالرجال ونروح بداهيه من تحت راسه..

السيد :

ــ هي خاربه.. واللي فيها فيها.. اقول انت ينام هنا لو بيت برى..؟؟

الهندي:

ــ لا هنا غرفه..

السيد :

ــ جيب رقم جوال .. بس يجي ولد مدير انت يتصل علينا ...

حبيب :

ــ ويش بتسووي..؟؟؟

السيد:

ــ اباجيب الهيئه له الفجر .. خلهم يشوفو المجرم الحقيقي...

ــ عاد بيتعنو لك الفجر...

السيد:

ــ يتعنو لا برفع قضية ...

ــ بل بل .. ههههههه الله يستر منك...



خذو رقم الهندي وراحو للهيئة...

السيد:

ــ احلف لك بالله و ارجوك تعطيني رقم واحد منكم و تتعاون معنا .. الهندي ممكن ماتصدقو كلامه وتقولو متعاون معانا.. بنراويكم الدليل بعيونكم...

الهيئه:

ــ عموما فيه دوريات تكون بالفجر ... راح اسلمك رقم كذا واحد .. بس ان طلع كلامكم غلط عارفين طبعا وش راح تكون العقوبه..

حبيب وهو يبلع ريقه وخايف ان خطتهم تفشل:

ــ ايه عارفين...

السيد :

ــ طيب نقدر نشوف مراد ونتطمن عليه

ــ شدعوه وين هو.. هذا مو سجن.. هذي اصلاحيه فيها الخير والهدايه لنفسه .. ماله داعي الزياره الحين..تيسرو الله ييسر لكم..

[Princess]

طلعو من الهيئة .. وهم بالتاكسي راجعين للشقه.. حبيب يتأمل في السيد وهو مبتسم..

السيد انتبه عليه وبدون لا يلتفت له:

ــ ويش تطلع؟

حبيب :

ــ لا بس .. سبحان مغير الأحوال.. اللي يشوفك لول كيف مع مراد مايشوفك الحين..

ابتسم السيد وتنهد:

ــ ماتعرف الواحد عدل الا بعد عشرته.. وفي المواقف الصعبه...

ابتسم حبيب..

وسكت شوي..
وشوي رد تكلم بأنفعال:

ــ يـــــــــــالله تدري ويش تذكرت؟

السيد:

ــ ويش ؟؟

حبيب :

ــ حلمة مراد... وكيف كان لينا دور فعال فيها... هههههههههه مانى قادر استوعب.. سبحان الله

السيد :

ــ هههههههه صدق مو.. هذا تأويل رؤياه يعني...

ــ مايندرى ويش صار على يوسف .. احسه مصدوم وبنفس الوقت ماله حق يصدق ..

ــ بينصدم الحين من نفسه زياده لما يعرف الحقيقه

ــ يوسف حساس بطبعه ..

ــ ومراد اكثر حساسيه..

ــ لايقين على بعض..

ــ شده وبتزول .. وبيتصافو ان شالله اكيد.. خلنا لا نتدخل الا اذا سائت الأمور اكثر

ـ لاااا .. ان شالله مايصير الا الخير..

في مغفر الشرطه.. حسن راح بدل عبدالستار يشوف ويش صار على قضية فتحي..

وبين ما حسن جالس والضابط يقلب الأوراق تبع فتحي... بعد استدعائها لمكتبه..

وبهدوء:

ــ مثل ماتوقعت..

حسن بتساؤل :

ــ خير ان شالله؟؟

الضابط يحط الورق و بأسف:

ــ مع الأسف يا اخ حسن .. فتحي راح ياخذ عقوبه اكثر من العقوبه اللي المفترض ياخذها حاليا..

حسن وماهو فاهم السالفه ..

ــ نعم؟!

ــ لقينا والله في دمه نسبة كبيره من الهيروين

حسن انصدم.. ومو عارف ويش يسوي ... هو باله مع صديقه اللي منضرب وفاقد الذاكره.. لو مع اخوه اللي متلبس في قضيه ثابته عليه.. لو مع عمته اللي باطه شبده ومرته اللي مو عارف كيف يتصرف وياهم..

الضابط:

ــ معقوله مالاحظ عبدالستار على اخوه هالشي ؟ معقوله ما انتبهتو و تداركتو الوضع..

حسن بهدوء وصدمه ممزوجه باسف:

ــ علاقتهم مش ولابد..

الضابط يلم الأوراق:

ــ اهااا ... الله يهديهم ويصلحهم.. عموما راح ينرسل فتحي لمستشفى الأمل للعلاج اولا وبعدها راح ياخذ العقوبه.. ماعلى عبدالستار شر .. و الله يساعدكم...

طلع حسن وهو يجر اذيال الأسف والتفكير ماكل راسه .. و مو عارف كيف يتصرف وويش ممكن يسوي ..

رجع المستشفى .. لقى ازدهار قاعده برى قريب الغرفه على كراسي الأنتظار..

سوى روحه ماشافها... ودخل الغرفه..

ازدهار والدموع محتقنه في عيونها:

ــ ياربي يرجع لوضعه الطبيعي.. ياربي لو مارجع ويش باسوي... ويش فيه رجل وداد علي .. وهالوداد وامها اللي يرفعو الضغط... ياربي ساعدني و الطف بحالي...

حسن يطالع في عبدالستار اللي رجع ونام وفي باله:

ــ ويش اسوي ياخوك الحين انااخبر امك بمصيبة اخوك.. ايييه ضربتين بالراس توجع...

الا جواله يرن .. وكان رقم بيت عبدالستار...

رد وداد المتصله:

ــ شخبار فتحي؟

حسن يتنهد وفي باله:

ــ ايه فتحي بس اللي ينسأل عن اخباره..

ويرد عليها بتعب شديد:

ــ فتحي ... !! على الله العوض..طلع مدمن .. و بيتعالج وبعدها بياخذ العقوبه

وداد انصرعت:

ــ ويش فيه؟؟ مدمن ويش !!!!

ام عبدالستار جنب وداد.. التفتت بالسرعه ناحيتها .. وعيونها تتامل ويش الخبر اللي بتسمعه:

ــ ويش فيه؟!

وداد:

ــ ياعلي .. ياعلي .. ياعلي ياعلي

سكرت وصارت تصيح بلا شعور..

ام عبدالستار وهي حاطه ايدها على قلبها:

ــ ويش صاير .. ؟؟؟

وداد والرعب مبين على وجهها....

ــ فتحي مدمن مخدرات...

ام عبدالستار انخفض ضغطها.. دار راسها وقعدت عالكنب

وصارت وداد تهدي فيها...

ام عبدالستار تصيح وتنوح:

ــ ويلي عليكم ياولادي .. ويلي ..... واحد مايندرى ويش صاير عليه مفلوت بالحبوس.. والفاني مفلوت بالمستشفى وماله فكر... اني ويش اسوي بحياتي ... حسبي الله عليك يا علي .. حساب كافيك كل منك حوبتك صارت في ولادي .. (( علي ابو عبدالستار ,.. زوجها الأول (( البخيل المتوفى )) ))

وداد مهي فاهمه ويش فيها امها وعلى ويش تتحسب على ابو عبدالستار ...

تحاول تهدي في امها... سدحتها عالكنب ..

صارت ام عبدالستار تنافخ لين نامت...

وداد بخوف:

ــ اول مره في حياتي اشوفها تحاتي عبدالستار.. ماني داريه ويش سالفتها امي..,. الله يستر من آخرتها...

في بيت ابو مجتبى...

نور تكلم شهربان تلفون...

نور مذهوله:

ــ احلفي .. ياعلي الله يساعد ماريا.. خلعه قويه....

ــ مهي طبيعيه حالتها اليوم.. الله المعين... هااا بتجي بكره بعد لو لا؟

نور تتنهد وتحس بضيقه:

ــ اباجي..

ــ ويش فيش انتين .. اشك انش مو مريضه.. في شي تاعبنش..

ــ مافيني شي ..

ــ عموما مافاتش شي .. الأحياء امس غايبه و الغريب في الموضوع انش غبتي من صوب .. ومافي كيميا ... دي يومين..حتى اشعار آخر

نور اختلعت:

ــ لويه؟

ــ يؤ ما سمعتي !!!!!

وصارت تحكي لنور اللي سمعته عن استاذة زكية..

نور وهي تتنفس بالسرعه اختنق صوتها:

ــ شدابين.. والله شدابين...

ــ ويش فيش غناتي.. ويش صاير

نور صارت تصارخ:

ــ رمله دي حيوانه..احلف لش انها حيوانه..

ــ ياعلي نور ويش فيش

الا تسمع شهربان صوت اماني تكلم نور وتهدي فيها..

نور رمت السماعه و صارت تصيح من قلب وهي ترتجف ..

اماني مسكت السماعه:

ــ الو.. مين ..؟

شهربان:

ــ اني شهربان ويش فيها نور؟

ـ مادري .. اباهديها وتالي باخليها تكلمش .. هي مهي على بعضها دي يومين..

سكرت شهربان وهي خايفه ومتأسفه انها فتحت الموضوع لنور..

ومهي فاهمه لويه نور انفعلت هالكثر و لويه سبت استاذة رمله..

اماني وهي ماسكه نور...

ــ هدي غناتي ويش فيش...!!!

دخلت ايثار وشافت امها وحالة نور..

ــ عمتي .. ويش فيش عمتي....

نور بس تشاهق وشابحه بعيونها..

اماني تفرك في ذراعها وهي حاضتنتها:

ــ بسم الله عليش الرحمن .. ويش فيش ؟؟

دخل ابو مجتبى عليهم...

اماني :

ــ عمي ويش مقومنك...

ابو مجتبى وهو يمشي شوي شوي ... صايره مشيته مهي متوازنه ... من بعد فقده لأصابع رجله...

وصل وهو يتسند عالجدار .. قامت له اماني مسكته .. لين جلس جنب نور...

حط ايده على راسها وصار يمسح.. وقلبه متفطر :

ــ ويش فيش يابتي.. حالش مايسر العدو قبل الصديق ... ويش صاير بالمدرسه ومكدرنش ..

نور بلا شعور من حركة ابوها... زادت صياح.. وارتمت في حضنه..

صار يخفف عنها ومهو عارف ويش فيها...

بصوت متقطع :

ــ ظلموها.. استاذة الكيميا... وفصلوها... واني شاهده على انها مظلومه..

ابو مجتبى :

ــ ها.. ويش تقولي ..!!

مسك نور من كتوفها و صار يطالع في عيونها ويحثها تتكلم و تفضفض كل اللي بخاطرها...

نور مهي عارفه تحكي لأبوها .. تحس نفسها مستحيه وماعندها الجرأه تخبره باللي شافته واللي صار...:

ــ لا .. لالالا.. تحاتي يبا .. اباعلم اماني ..

اماني:

ــ ايه عاد... قولي لي ويش فيش .. يمكن اقدر اساعدش . واذا استدعى الأمر اروح وياش المدرسه باروح ..

ابو مجتبى ماحب يضغط على بنته اكثر ..

فقام عنهم و تسند الجدار يمشي وخطواته تتثاقل ..

تلقاه طلعته من الغرفه امير.. مسك امير ابوه وسنده عليه... وهو مبتسم ..

ابو مجتبى حس بالغبنه... على ولده اللي كان دايما يتجاهله و يهمله...

ــ ايه ياولدي .. ساعد ابوك.. هالأبو اللي عمره ما ساعدك...

امير بأبتسامه عريضه:

ــ اساعد... اســـاعد...

[Princess]

ام مجتبى دخلت البيت توها راجعه من عند وحده عوايدها شغل... الا تشوف ابو مجتبى متسند على امير ويمشي به..

توجهت ناحيتهم :

ــ اهو امير جيب ابوك عنك,,

ماتشوف امير الا يصرخ صرخه فيها:

ــ أنــــــــــــــا اســـــــــــــــــــــــاعد...

ام مجتبى :

ــ بسم الله الرحمن...

وقفت وهي مبهوته.. وتطالع وجه ابو مجتبى اللي كانت عيونه تحبس الدمعات قد ماتقدر...

جتها الغبنه.. تنهدت من قلب .. وبالخاطر..

ــ ايييه.. الله يكون بالعون...

ابو مجتبى انتبه لأم مجتبى عيونها عليه... حاول يصرف نظرها:

ــ روحي شوفي نور اكي حالتها حاله واماني تتفاهم وياها..

ام مجتبى:

ــ ايييه.. هالبنيه مادري ويش علتها بالضبط..

ــ اكي بتقول لأماني روحي شوفي ..

ــ يؤ .. خير اللهم اجعله خير..

وصلت لعند باب الغرفه وكان مردود وهي تفصخ عباتها الا تسمع نور والكلام يتقطع تقطيع..

ــ شفتهم.. وهم .... هم..... هم

اماني وكأنها فهمت الموضوع بس ودها تبطل شكوكها.. وتعرف اليقين:

ــ هم ويش ؟!!

نور والدموع تنسل ...

ـ و هم ( ××××××)

اماني ضربت صدرها...

ــ قولي والله..!!! المرشده الطلابيه ماغيرهــــــــا!!!!

ــ ايه والله... و تهمت استاذه زكيه انها هي اللي تسوي كذا مع البنات وفصلوها.. ماحد شافهم الا اني و استاذه زكيه.. واني من شفتهم ماني طايقه المدرسه ولا الروحه ليها..

ــ ياعلي ... لا .. لازم اروح وياش بكره المدرسه ونشوف حل ... سود الله وجه اللي مايستحي..

ام مجتبى .. طاحت عباتها من أيدها ... منذهله مهي مصدقه اللي تسمعه..

فتحت الباب وبهدوء وهي مهي في وعيها:

ــ هالمدرسه ما ترجعي ليها لو على قص رقبتي..

اماني فتحت عيونها:

ــ ويش تقولي عمه.!!

ام مجتبى :

ــ المدارس اللي نودي اولادنا ليها وحنا مآمنين وتطلع هي محل الخراب والدمار بلاها. الله لا يحوجنا ليها...

نور والبحه في صوتها تتقطع:

ــ يعني.. ويه !!

ام مجتبى:

ــ خلاص .. يعني مايحتاج تكملي ...

اماني :

ــ ياعلي عمه.. مو لهالدرجه,,. ماباقي ليها نور الا هالسنه وتتخرج .. حرام..

ام مجتبى منفعله:

ــ ويش الحراااام.؟؟.. حرااام اللي يصير هناك.. اليوم بتي شاافت.. بكره يشركوها...

نور حطت اياديها عالأأرض وصارت تنحب:

ــ مستحيل اماه.. مستحيل ...

ام مجتبى تركت الغرفه وهي حدها منفعله..

اماني :

ــ لا تحاتي نور امش بس معصبه ومصدومه.. اذا هدأت بتنسى.. انتين بس لا تفكري واجد وبكره باروح وياش المدرسه نشوف الوضع..

في شقة نوري ..

هاني :

ــ احلف ... اف اف اف شنيعه والله

نوري دخل عليهم وكان هاني مع صادق يسولفو.. وايمن ومحسن قاعدين وياهم وشكلهم مو مستوعبين السالفه

نوري:

ــ ويش الشنيعه..

هاني :

ــ آخر خبرررر... مراد خذوه الهيئه..

ــ اف ياساتر .... لويه..

ــ من مقهى يتصفح مواقع اباحيه...

نوري يلتفت لصادق:

ــ صدق !!

صادق :

ــ ايه راحو يشوفوه حبيب و سيد هادي وللحين مارجعو..

نوري :

ــ له له له.. ياجميل الستر

مصطفى سمع سوالفهم كان قريب من الغرفه.. قام ودخل عليهم:

ــ والله انكم فاضيين الحين الرجال مهو موجود.. و تصدقو الكلام اللي ينقال عليه... يمكن مظلوم..,

هاني :

ــ ممممم والله على ذمة الرواي..

صادق :

ــ بل .. رميتها علي .. مالي شغل

هاني :

ــ والله انت اللي جبت لي الخبر... ماسألتك انا عن شي ... جبتك بس تشوف لاب توبي خبري بك خبير بهالسوالف ... وفتحت لي السالفه ...

صادق :

ــ ياساتر .. وويش يضمني انك مابتنشرها الحين وتسويها خبر الأسبوع...

...

ايمن بهدوء:

ــ ايه ابشر .. اذا ما وصلت السالفه الى المريخ... اعطيك اللي تبغى..

نوري :

ــ انا لله .. والله مانى داري اصدق لو لا .... !! الله يهديه على اية حال

مصطفى:

ــ صدق نصف ماترى وربع ماتسمع... عن نفسي مابصدق ابدا.. صراحه مراد مافي منه وما شفت منه الا كل خير..

نوري يتأمل كلام مصطفى ..:

ــ أي وانت الصادق .. ماتخيل انه فعلا ممكن يسويها...

هاني:

ــ ماتدري النفس آماره بالسوء وابليس شاطر..

محسن:

ــ بل بل بل ... والله ماحد معصوم .. هذا اولا.. وثانيا دي مشكلته... وثالثا مالك شغل بالناس وخل عنك هالسوالف وجوز عن هالطبع...

هاني منفعل:

ــ أي طبع اللي اجوز عنه .. ويش مسوي انا..

نوري :

ــ ويش فيك الحين تصرخ ومعصب .. ومحسن صادق .. جوز عن هالطبع الخايس .. صاير وكالة cnn الأخباريه للأخبار اللي تسوى وماتسوى.. تلقط الخنين والخايس وتنشره يادافع البلا

هاني منفعل زياده:

ــ أنا... انا .. انا !!

نوري :

ــ لا اجل انا...

ــ قول لروحك اللي يسمعك ماتموت على تسمع هالسوالف ماغير تنتظر متى بس اجيب لك خبريه

ــ انا.. متى .. ها... متى .. تتبلى علي بعد..

ــ شب بس شب

ــ شب في عينك لا الحين اصكك بقس افر راسك به..

هاني يمد وجهه جهة نوري:

ــ هاا.. صك اشوف .. صك صك..

مصطفى :

ــ آآآآآآآآآآآآآه صلو على محمد ,, ويش فيكم

صادق حس بالخوف وفي باله:

ــ الظاهر شبيت فتنه.. اقوم بس ..

قام وبتوتر:

ــ اقوم بس انحاش ..

وبأبتسامه متكلفه:

ــ اشوفكم على خير ياجماعه..

نوري منفعل ويصرخ في صادق:

ــ وانت ماتجي شقتنا الا بسالفه.. وصاقعه تصقع صنف اللي انت منه..

صادق انصرع من كلام نوري.. وبهدوء:

ــ آسف .. اخر مره اجيكم .. حقك علي ..

نوري ترك الغرفه وراح للغرفه الثانيه وحده مقهور بس ماسك روحه..

مصطفى يواسي صادق:

ــ حقك علينا .. بس هو ينفعل بسرعه ومايحب احد يقهره في شي والا يتبلى عليه

هاني حمق:

ــ ها مصطفو.. هاااا.. يعني انا اتبلى عليه !!!

مصطفى منصرع من هاني :

ــ اقول لا تدور علي الحين وتحط حرقيتك فيني...

صادق :

ــ آسف والله... اشوفكم على خير..

وطلع يركض من الشقه...

[Princess]

الساعه 8 الليل...

ماريا في غرفتها ظلمه مهي مشغله الليتات.. بعد ما عشت ولاد اخوها وناموا....

قاعده وهي تصيح ..

ــ دخيلك يارب تقومه بالسلامه وترجع له الصحه والذاكره.. يالله .. رجيتك يارب...

غفت عيونها... وبين ماهي غافيه....

حست احد يصحيها من النوم بهدوء...

ــ ابوي ماريا...

فتحت ماريا عيونها بصعوبه.. لقت ابوها قدامها:

ــ يبا ماريا ..

ماريا وهي ملهوفه:

ــ يبا... يبا وين رحت.. يبا وحشتني... وين امي ..

ــ يبا ماريا الله الله بالصبر.. على المصايب اولا .. وعلى اخوانش ثانيا...

ماريا :

ــ صابره يبا.. بس لا تخليني .. محتاجتنك واجد..

ــ ما بتحتاجي الا لأخوانش.. هم سندش وهم بيتش ان ضامش الوقت والا حتى لو ضاموش هم.. اصبري يابتي ... اصبري....

انتبهت ماريا على صوت التلفون يرن...

قامت من على السرير وهي تمسح دموعها.. وطلعت برى الصاله...

ــ الو..

وداد وبصوت مبحوح مبين عليه الصياح:

ــ هلا ماريا.. اخبار الجهال..

ماريا ومهي مستغربه من تصرف وداد اللي حتى ما سالتها عن احوالها :

ــ الحمدلله زينين.. تعشو ونامو..

ــ زين حطي بالش عليهم.. مع السلامه..

ــ الله يسلمش

من التعب ام عبدالستار نايمه ... وبين ماهي نايمه.. كانت تحلم كابوس وتهلوس..

انتبهت وداد بعد ماسكرت السماعه لأمها .. وهي تهلوس تقول..

ــ ذبحتك لأنك ماترحم.. ولا تخلي رحمة الله تنزل... ليش... ليش تعذبني في ولادي الحين...

وداد بقلق وخوف:

ــ ويش تقول امي.. ذبحت مين !! ياعلي من التعب كوابيس تجيها مو طبيعيه..

اماني في غرفة ام مجتبى تقنع فيها تستهدي بالله وتصلي على محمد وماله داعلي هالقرار الصعب...

شوي الا

جرس البيت يطق

برى الصاله....

مجتبى:

ــ دامن الجاي هالحزه...!!

ابو مجتبى:

ــ يجوز وحده تبغى امك تدرع ليها.. قوم شوف اذا صدق قول ليها ام مجتبى خارج نطاق التغطيه حاليا...

مجتبى ماقدر جت له ضحكه..قام وهو يحاول يداريها

ــ انا لله..

فتح الباب الا يصرخ صرخه ..

ــ وااااااااااه

ابو مجتبى يحبي ويصرخ:

ــ بسم الله ويش صاااير!!!

مجتبى:

ــ اسفرررت وانورررت واستهلت وامطرت..حق ويه ما اتصلت شان اجي اجيبك من المطار

الا يسمع ابو مجتبى صوت احمد..

ــ ههههههههه هلاااااو غلااااا ... حبيت اسويها مفاجأه يااااا الله وحشتني اخوك الحمدلله على سلامتك... اخبارك ويش مسووووي ...

وبالأحضان...

ابو مجتبى يضحك وفي عيونه دموع الفرح:

ــ الحمدلله اللي رده سالم.. غيبته شهر كنها دهر...

ويصرخ:

ــ يامررره.. يا عياااال.. تعالو احمد رجع بالسلامه...

وتقوم ام مجتبى تركض ماليها راي ...

وتطلع الا تلاقي احمد يحب راس ابوه ...

تركض له وتحضنه:

ــ ويلي ياولدي ... مامداني اشبع منك الا رجعت وسافرت.. ويش حالك......

وتمسك خدوده وتمسح عليهم:

ــ ضعفت ياولدي ماتاكل شكلك

احمد يضحك:

ــ اماه.. ويش فيش خوب هو شهر .. يتراوالش ..

تمسكه من ايده وتقعده ....

ــ الحمدلله.. الحمدلله يوم ردك سالم...لا خلا ولا عدم.. الف شكر لك ياربي اللي رديت لي ولادي سالمين من الشر ...

[Princess]

في امريكا.... الوقت فجر ....

سام يحوم في الطرقات عوايده...

وصل قريب المقر ...

دخل بهدوء .. لقى ستيف ...

ستيف وهو مذهول..

ــ اين كنت.. مختبأ طيلة هذه المده... من الأفضل لك ان لا تعود الى هنا..

سام مستغرب:

ــ مابالك .. لماذا انت خائف من تواجدي لهذه الدرجه..

ــ ذلك اللعين مارك... لقد سمعته يكلم فريدريك ويتوعد ان نهايتك ستكون على يده

ــ ومن فريدريك هذا؟

ــ انه اخ جويل تلك اللبنانيه ضحية العملية الأخيره ...

رقع قلب سام خصوصا انه كان راح يروح في شربة ماي لما صادوه في عيادة قيصر..

ــ هكذا اذن...

ــ ايضا الوضع متوتر في المقر وعلى مايبدو ان الزعيم يخطط للأنتقال بنا الى مقر آخر.. فالشرطه والمحققين في تزايد .. والوضع هنا متدهور للغايه...

سام ساكت مو عارف ويش يقول

مسك ستيف ذارعينه وشد عليهم:

ــ اشعر انك لا تنتمي لهذا المكان... لو كنت استطيع الهروب لهربت منذ زمن.. ولكن لا مكان اذهب اليه.. جربت ذات مره ان اهرب فرجعت وانا على وشك الموت من الرئيس واتباعه... هم يعرفوني جيدا.. عدا ذلك لي سوابق عند الشرطه... على عكسك..

سام :

ــ ماذا تعني بذلك؟؟

ستيف يشد على ذراعين سام:

ــ اهرب .. اهرب وانجو بحياتك.. لا احد يعرف من تكون انت حقيقة.. لا اعتقدك لقيط مثلنا.... انني اصدق بأنك فاقد لذاكرت.. ولكن تبقى مجهول الهوية لدى الحكومه.. اهرب واستعد ذاكرتك.. وانجو بحياتك... ارجوك .. ابحث عن حقيقة نفسك من تكون.. لربما تلتقي احدا تعرفه... او تصل اليك معلومات من احد ما... اختفي من هنا قبل ان يجدك مارك.. وقبل ان تتورط مع الشرطه..

سام يحس بالغبنه من موقف ستيف ..وبصوت هادئ ومتأثر:

ــ لماذا.. لماذا تعاملني هكذا...

ستيف بقبضة ايده يطق على قلبه ضربتين... ويبتسم:

ــ لا تسأل القلب ان احب شخصا ما و ارتاح اليه.. فلا مبرر للخوف عليه حينها...

سام يمسك قبضة ستيف ويفتحها ويشد عليها مصافحه بالقوه..

ــ شكرا لك ياستيف .. مع انيي لا اعرف الى اين يمكنني الذهاب الا انيي اعدك... اعدك لن انساك طول حياتي...

ستيف بهمس و ابتسامه تخبي وراها دموع:

ــ وانا اعدك ايضا...

فصخ ستيف سلسلة فضه فيها خاتم معلق ,.. ولبسها سام...:

ــ تذكرني بها...

سام وعيونه مبين فيها التأثر ويحاول يداريه بضحكه:

ــ انك تتصرف كما في الدراما التلفزيونيه.. شكرا لك... يؤسفني اني لا املك شيئا لتذكرني به..

ستيف يأشر على راسه:

ــ يكفي اني سأذكرك هنا.. هيا اذهب ..

وترك سام المقر بالسرعه وهو مو عارف وين يروح. .. مايعرف احد الا قيصر ...

بنفس الوقت خايف يروح له ويواجهه بعد الموقف اللي صار...

ظل يمشي .. وفي باله الأفكار تتعارك...ويتذكر كلام ستيف انه ممكن يصادف احد يعرفه لو توصل له معلومات من طرف احد يعرفه..

ــ احد.. اعرفه !!!

..

تذكر وجه احمد اللي صادفه مرتين بوجهه البشوش و تساؤله الفضولي اللي لا يخلو من الريبه

فتح سام عيونه:
ــ معقوله يعني .. معقوله يعرفني ... لكن من هو..؟؟ وشلون اصيده الحين......

صار يضرب على راسه وهو مقهور:

ــ غبي انا... حدي غبي ....

قرر يرجع لعند توم.. لكن الوقت فجر وهو مايندل بيت توم.. ماعمره راح له دايم يتقابل وياه في الغرفه تبع التنظيف بالفندق وكلما صارت معاه مشكله يبات فيها فقط مؤقتا ..

راح وقعد في مكان قريب من الفندق... لين يطلع الصباح ويجي توم لدوامه...و يشوف ويش ممكن يسوي...

طلعت الشمس... سام زهق وهو ينتظر وبنفس الوقت متوتر .. خايف حتى من توم نفسه..

قام وهو مقرر انه بيروح لأي مكان حاليا لين يهدأ ويرتب افكاره..

وهو يمشي انتبه لتوم جاي من بعيد وانتبه في الشارع المقابل نفس الرجال اللي صادفه وهو مع قيصر ..يصورهم .. وكان ايضا يصور توم..

سام خاف وانخش ورى جدار لأحد المحلات.. وهو فاتح عيونه ومذهول..

ــ لاااا.. الوضع ابدا مو آمن... و توم من المراقبين اكيد...

الساعه 9 الليل بالرياض..

يوسف مسكر على روحه الباب وحاس بتأنيب الضمير بعد ماسمع السالفه من حبيب والسيد..

حاضن مخدته ودافن راسه فيها...

ومشغول فكره كيف بيعتذر .. وشلون بيبرر موقفه...

حاس انه خذل مراد بالمره....

برى الصاله.. صادق قاعد يطالع تلفزيون و باله بعيد بعد ما نشر الخبر الحين و هاني مابيقصر و في النهايه مراد بريء .. ومتندم عاللي سواه.... وفي باله:

ــ الحين مايوصل الخبر لمراد الا بيذبحني اذا درى مني ساس البلا واللي طلعت الخبر...

حبيب:
ــ المهم اباخذ لي غفوه قبل لا يدق الهندي

كاظم:

ــ مسوين مراقبه يعني ..

السيد:

ــ لازم ناخذ دليل ادانه ضد هالأنسان اللي سبب لمراد هالورطه..

كاظم:

ــ يوسف متضايق من نفسه من دي 3 ساعات مسكر الباب على روحه ولا طلع..

حبيب:

ــ خله ويا روحه احيانا يحتاج الواحد للأختلاء بنفسه

كاظم :

ــ استر عالخلوه..

ــ اختلاء قلت انا اختلاء ..

ــ اللي هي...

شوي اتصال بجوال كاظم..

كاظم يطالع الرقم غريب عليه..

ــ مين هذا..

ويرد:

ــ مرحبا

ــ السلام عليكم.. الأخ كاظم علي آل ...

ــ عليكم السلام.. ايه وياك.. مين معاي..

ــ معاك المحامي قاسم آل ... من طرف المرحومه جوهي حيدر عبدالسلام

كاظم فتح عيونه:

ــ من طرف جدتي.. خير ان شالله !!

ــ كل الخير .. بس جدتك تركت وصيه.. وانت الموصى فيها... فلازم تجي تباشرنا .. اذا ماعليك كلافه و تقدر في اقرب وقت..

ــ وصيه !!! ويش فيها ؟؟

ــ كل الخير .. الكلام فيها بيطول .. اتمنى تتواجد بأقرب وقت.. راح ارسل لك العنوان على مسج الحين... وفي انتظارك..

ــ ان شالله..

ــ شكرا لك.. مع السلامه..

بهدوء واستغراب:

ــ الله يسلمك..

سكر الجوال وشوي جاه المسج للعنوان..

السيد :

ــ ويش صاير..؟ محامي ووصيه.؟؟

كاظم بأستغراب ومو داري :

ــ جدتي تاركه وصيه.. عاد ويش هي مادري

حبيب :

ــ ايوا عاشو.. عفر جدتك تركت لك ورثه كبيره

صادق يتصوخ وفي باله تجول الأفكار:

ــ معقوله..؟؟ ويش صاير بالضبط..... !!

كاظم :

ــ مايندرى.. يبغى لي بعد يومين انزل الديره واشوف ...

مراد في الأصلاحيه .. حاس وكأن اثقال الدنيا كلها على راسه... مايسمع اللي حوله ولا يشوفهم..

مختلي بهمه .. حوله وحواليه...

والأسى مالي قلبه.. و المحاتاه من طرف حبيب والسيد اللي راحو وتركوه ولا رجعو....

ومن خذلان يوسف له.. الشخص الوحيد اللي ماتوقعه ابدا يكون له رد الفعل هذا...

الساعه 2 ونص الفجر...

رن جوال حبيب...

الى الملتقى...

[أحبك ياغلا عمري]

يسلموووووووووو
وننتظر الجزء الجديد

[أموله]

*_* .. مسكّين مرادّ مظلووم!..
سّـأم نشالله يسافر احسسن
×
،ـأمور ابداع يسسلمو