غربة الأوطــــــــــــــــــان...

[أموآج]

يعطيش العافية غناتيي

واسمحي ليي ع التقصير

[سحابة نور]

انــــــــــتتــظر بشــــــوووق

تحياتي

[Princess]

مرحبا
وكل عام وانتون بألف خير حبايبي
وينعاد عليكم العيد بصحه وسلامه

ماعليه عالتأخير
خبركم بالعيد والطلعات والروحات والجيات
غير اختبارات اعمال السنه اللي راح تبدي يوم السبت
وتستمر حتى 6 محرم..
ادعو لي اتوفق و الله يسهل علي كل اموري
الحين خذت بريك على شانكم قلت ماكتبت .. خلني اعوضهم
وخبركم اميره اذا غابت تعوض بعدين بشي راهي

على فكره .. غاليتي دموعه.. لا غناتي .. القصايد لقيصر من شعراء وكتاب عراقيين والأناشيد هذي حقت الروضه لاطشتنها من النت...
بتعرفي اذا شي اني كاتبنه اذا خاطره او ابيات شعر بالعاميه
العراقي صعب ياااابه إنصف الحـ چـي الحلو منه كلما بغيت

تفضلو الجديد

[Princess]

فني الصيانه بعد حوالي النصف ساعه وصل مع مالك العماره .( ابو خالد )..

وقاعد يحاول يشوف حل ...

نوري والعرق يصب منه.. وهو يهوي على نفسه ببلوزته..

ــ يالله حررر موووت .. ويلي عليك يا مصطفى..

ويلصق في باب الأصنصير وينادي:

ــ مصطفى.. تسمعني؟؟!!

ولا من مجيب ...

نوري متوتر حده.. يوسف يحاول يهدي فيه ..

حبيب : ــ ان شالله ما بيصير الا الخير .. مايسمعك شكل الأصنصير معلق في النص فما يوصل له صوتك..

نوري : ــ ان شالله .. يارب .. يارب

ويسأل حبيب ابو خالد:

ــ صار لينا حنا مستأجرين سنتين ماشفنا هالحاله.. هالشي صار من قبل ؟؟

ابو خالد :

ــ لا اول مره ..

حبيب :

ــ من كم سنه هالأصنصير؟؟

ابو خالد :

ــ طبعا من اول ما بنيت العماره



السيد صار يتلفت حوله ... العماره قديمه و حالتها لله...

محسن بهدوء يسأل :

ــ بل ... من اول مابناها... اول مره تصير هالحاله؟؟ يعني اول مره بعد فني الصيانه يجي يكشف ؟؟

ابو خالد وبهدوء وعفويه:

ــ ايه اول مره

نوري شب حريقه:

ــ حشا.. المفروض تعمل صيانه دوريه للعماره .. لا يروحو السكان ضحايا... تلاقي العماره فوق الـ 50 سنه من انبنيت << قالها بقهر وصيغة مبالغه

ابو خالد عصبته لهجة نوري الأستفزازية:

ــ لا ياشيخ لا تمخصها عاد... ماصار لها 13 سنه..

نوري يكفخ وجهه ويصير يفرك فيه بكفه و يتباعد كم متر عن ابو خالد..

يوسف يطالع نوري خلعته الحركه

محسن يهمس ليوسف:

ــ هذا نوري اذا عصب يخفف غضبه كذا... لو مايسوي هالسواة من زمان كفخ المالك وكرفسه تكرفس...



داخل الأصنصير .. مصطفى .. متربع بجلسته وفي الزاويه ومسند راسه للجدار ..

ماسك علبة البندول بيده اليمين وكأنها كاس .. و عاصر عليها بالقوه..

العرق منه يصب .. وهو مابين الموتعي والفاقد للوعي ...

بهمس متقطع مابين الحين والآخر ينادي :

ــ دا..نه..



يوسف برى قلبه مو راضي يوقف عن النبض .. ونبضه مو طبيعي..

نبض خوف .. ترقب .. ويلوم نفسه كل دقيقه ويحس انه السبب لما كلم مصطفى و خلاه يجيب ليهم البندول...



الكل طلع من الشقه ماعدا شفيق المريض...

و صادق بالصاله مستحي من الكل....

وتوزعو اللي تحت واللي فوق واللي يتنقل مابين فوق وتحت ..

مابين امل و رجاء ودعاء ان الله يفرجها و يفتح هالأصنصير ...





ريماس تكلم غاده عالماسنجر...

غاده زعلانه وماليها نفس ترد..

ريماس :

ــ ويش فيش حاقرتني ؟؟

غاده :

ــ مافيني شي..

ــ شدابه...

ــ ويش تبغي؟؟

ــ بل يعني من غير مطرود اخلصي قولي اللي عندش وفارقينا

غاده ماردت..

ريماس :

ــ ويش صاير فيش خايسة نفس .. خايفه من الأختبارات النهائية باقي اسبوعين يا غناتي لماذا التوتر..؟؟؟ اذا ما جبتي نسبه زينه لا تخافي باأأمن لش واسطه...

غاده ماترد ..

ريماس:

ــ وحريقه .. تكلمي مين .. الدفش حسامووو؟؟

غاده ردت:

ــ لا : ( ياليت...

ــ اف اف .. عرفنااا لويه هالدفاشه... حسام مو شابك.. استر عليش وحشش هااا

ــ ما يكلمني ..

ــ ها.. لويه؟؟

ــ سالفه طويله..



ــ ويش صاير؟؟؟ لويه مايكلمش خايب الرجا.. قولي لي واراويش فيه...

ــ يقول مامني فايده.. ماعندي جوال ولا ني راضيه اعطيه رقم بيتنا... وهو مو تبع مسنجرات ذاك الزود.. فما بيفضى .. ولا بيكلمني الا اذا فتح المسنجر ولقاني راسله له رقمي ..



ــ اهاااااا والله انش عذبتيه عذاب ماتسوى عليه هالخمس دقايق اللي تكلميه بهم في هالمدرسه ولا بعد بصيغة انثى وبالخش وبالدس..

ــ : ( ويش اسوي .. ابوي وامي مو راضيين ياخذو لي جوال



ــ ابو التخلف درينا انهم يقولو ماله داعي .. سواق خاص عندش ومايتأخر عليش.. وكل محل تطلعيه نطلعه وياش .. وبيوت صديقاتش عندنا ارقامهم .. لويه جوالات !!عدااال.. ماعليش اني عندي جوال زايد جوالي القديم بدون كام .. و باخذ لش شريحه

ــ ويش تقولي .. لالا.. تبغي اهلي يذبحوني



ــ عبط مستفحل فيش انتين والا ويش .. ويش دراهم..

ــ كيف ويش دراهم..

ــ والله مايبغى ليها شي يالبقره.. حطيه صامت وهزاز وخشيه في غرفتش مو لازم تسوي اعلان ترى عطوني جوال..

ــ صدق ...

ــ صدقين.. خلاص بلا عبط بكره اجيبه لش..

ــ ياعمري ريماس الله لا يحرمني منش

ــ ايه حق تعرفي فايدتي...



ريماس في بالها اشياء و اشياء تبغى تعرفها من غاده..

ومفكره زين مازين شلون تسالها عنهم...

ريماس:

ــ غادوه.. فيش شي مميز..

غاده وبكل ثقه:

ــ عيوووني الحلوووه..

ريماس :

ــ مالت عليش .. خبله والله.. اقصد شي غريب يعني في جسمش .. مممم علامه فارقه هيك شي ..

ــ ممممممم لا مافيني شي غريب ... زي ويه مثلا يعني

ــ اني قايله انش بهيمه...

ــ داويش انتين كل تسبي فيني

ــ ههههههههههه احبش لأني..

ــ يعنووو

ــ زيي مثلا .. اصابع كفي اليسار الخنصر و البنصر طول بعض ..

ــ يووووو صحيح؟؟ ما انتبهت

ــ هههههههه ويش اللي يخليش تنتبهي وهي في ايدي اليسار... مممممم وزي مثلا الشامات... فيني في رقبتي من ورى شامه كذا قد الزيتونه...

ــ يوووووووو زي ماريوووو بس مو في رقبتها .. ماتبين انتين من شعرش كل منزل على رقبتش...

ريماس فتحت عيونها وشلقت بوزها شبرين..وفي بالها...

ــ وصلنا خير .|. والله انش عبيطه يا غادوه..

ريماس بتساؤل:

ــ وين شامتها ماريا..؟؟ ماشوفها تبين اذا مو في وجهها ولا رقبتها..

غاده وبعفويه تامه:

ــ في بطنها فوق سرتها على طول..

ريماس خلاص مهي قادره من الفرحه على هالمعلومات الخطيره:

ــ وانتين ويش دراش بها دي ؟؟

ــ ههههههه مره رايحين بركه اهلي وقالو لي اعزم صديقاتي فراحو وياي شهربان و ماريا.. وحنا نسبح شفناها وصرنا نتحرش فيها.. خبرش ماريوو بيضااا خخخ ماحد قال ليها تلبس بجامه خفيفه...وحتى شهربانو عندها وحده بعد فوق كوعها اليمين...

ريماس بأبتسامه خبيثه:

ــ اهاا شهربانو بعد

وفي بالها:

ــ لا دي مانبغى منها شي ...

[Princess]

احمد في امريكا .. طالع من الفندق اللي سكنو فيه... من بدري الصباح.. يتمشى .. مع موظف ثاني وياه ..

احمد وهو ياخذ نفس طويل:

ــ آآآه والله تعبنا باقي اسبوع و نخلص هالدوره .. احس كأنها من سنه..

ــ وحشوني اهلي وولادي ... اول مره اسافر هالكثر واتركهم..

ــ وحشوني انا بعد امي وابوي و اخوتي .. بس متعودين على غربتي خبرك ما اخذت كم شهر من تخرجت من الجامعه في الرياض..ولو اني كلما كلمتهم احسهم مخبيين شي عني والله العالم..

ــ احسن والله لا يحاتونك .. ولو اني متأكد انهم مستحيل مايحاتونك. ولا تقعد تهوس ياشيخ.. جوعاااان انااا

ــ نشوف الحين اقرب كوفي شوب ونفطر ..

وهم ماشيين وقفو عالرصيف بيقطعو الشارع للجهه المقابله... ينتظرو اشارة المشاه تعطيهم الضوء الأخضر....

لفت نظر احمد وهو يتأمل المحلات اللي بالشارع المقابل .. سام..

صار يتأمل فيه وهو واقف للحظه يحوس في جواله ..

السيارات اللي تمشي تمنع احمد انه يدقق النظر.. ومع ذلك احمد مستمر يتأمل..

الذهول مالي نفسه.. وفي باله:

ــ ناجي.. يشبه ناجي مره...

يطالعه من فوق لتحت بكل تفاصيله.. يطالع الشعر الطويل المربوط و اللبس الغريب بعض الشيء ... ويتأمل بصعوبه ملامح الوجه..

ــ لا اله الا الله يخلق من الشبه اربعين... !!! رحمة الله عليك يا ناجي ..

الأشارة صارت خضرا ... مشى الرجال اللي مع احمد خطوتين والتفت لأحمد اللي كان شارد و يتأمل ...

ضربه على خفيف عند ذراعه:

ــ شفيك ...!!

احمد :

ــ هاا.. لا مافيني شي ..

وهم يقطعو الشارع.. احمد:

ــ شايف داك الرجال اللي لابس القميص الأسود الجلد..

ــ وين هذاك اللي بدون اكمام !!

ــ ايه..

ــ شكله تبع عصابات.. شفيه؟

ــ يشبه اخو مرت اخوي .. متوفي..

ــ اهاا الله يرحمه.. على شان كذا شردت من شوي ..

مرو عالسريع ناحية سام اللي كان يكلم قيصر :

ــ بالعياده انت؟

قيصر منسدح ويفرك في وجهه:

ــ ايه وين راح اكون هالسا من الصبح ..

ــ أوه قعدتك يعني .. آسف..

ــ لا يابه .. شدعوه .. واحشني .. شكو ما وحشتك هالوقت كله .. لا اتصال ولا سؤال

ــ ههههه افاا.. لو ما وحشتني ما اتصلت و اذيتك... طيب كذا ربع ساعه وباكون عندك..

ــ عالعين والراس حبيبي حياك..

تصوير كاميرا مصوبه ناحية سام من مسافه بعيده بعض الشيء فما لاحظ سام الفلاش ..

(( شخص غريب يراقب تحركات سام اللي اخذ له الصوره .......))

شفيق .. قام من سريره .. طلع برى الصاله لقى صادق قاعد لحاله..

سأله عن باقي الجماعه..

صادق:

ــ الأصنصير مسكر على مصطفى .. وراحو يسعفوه..

شفيق :

ــ كان راكب لينا يعني؟

ــ ايه جايب لك بندول..

شفيق وملامح وجهه تبدلت .. مذهوله..

طلع من الشقه لقى قدامه على طول محسن و هاني و كاظم ..

البقايا كانو تحت مع الفني ...

كاظم :

ــ ويش اللي مقومنك .. توك منت قادر .. ارجع اخوك مافيه الا الخير ان شالله...

شفيق ولا كأنه يسمع كاظم..

نزل بالسرعه تحت وهو حافي ..

وصل تحت ... تلقاه السيد:

ــ شفيق ويش صاير؟؟ ويش اللي مقومنك. !!

يوسف راح له..

شفيق يمشي بهدوء ويتسند على باب شقة نوري ... وبهدوء:

ــ من متى و مصطفى داخل؟

يوسف بأرتباك وقلق باديين على وجهه بالقوه :

ـ من الساعه 7 المغرب ... صار له 5 ساعات تقريبا

نوري متوتر بالقوه خلاص طفح به الكيل

صرخ حد ماعنده:

ــ صارت نص الليل .. بنتصل بالشرطه يدبرو لينا حل .. مامنك انت وهالهندي فااايده...

ابو خالد:

ــ يابن الحلال بتودينا بداهيه و بندخل محاكم والسبب اصنصير .. بذمتك وش بيسوون بيجيبون فني هم بعد... اصبر وخل الرجال يشوف شغله...

نوري :

ــ اصبر .. اصبر لمتى... الرجال داخل لا حس ولا خبر صار له 5 ساعات .. ساعه وينتصف الليل .. وحضرتك احر ماعندنا ابرد ماعندك..

ــ وش تقول انت .. لو ابرد ماعندي بقعد لهالوقت معكم؟

ــ غصببببببببن عننننننك..

ــ تراك مصختها معاي

حبيب يحاول يهدي في ابو خالد ..

والسيد ويوسف ماسكين نوري ..

ومن الصريخ نزلو اللي فوق كلهم ....

نوري فلت من ايادي السيد ويوسف وتوجه لباب الأصنصير

وصار يطقه حد ماعنده:

ــ مصطفى.. تسمعني... مصطفى .. رد علي عاااد...

شفيق يتأمل نوري ..

وذكريات ترجعه لطفولته البائسة...

وابوه حابس امه في غرفه و حارمنه من حضنها...

ينتظر الوقت اللي يطلع فيه ابوه من البيت..

ويروح يطق الباب ببرائه .. عل وعسى تفتح له..

مايدري انها مجبوره ماهو برضاها هالأعتزال...!!

يذكر كيف كان يضرب في الباب ضرب بنفس طريقة نوري .. حد ماعنده.. ويناديها..:

ــ اماااه.. افتحي لي .. اماااه .. تسمعيني ؟؟!!

ولكن لا مجيب .. امه بالداخل تكون فاقده الوعي من بعد العنف اللي تعرضت له ..

شفيق .. خلاص في عالم ثاني... تشنج وهو واقف على باب شقة نوري ,... وعيونه شابحه ماترمش ...

نوري خلاص وصل حده توتر وخوف على مصطفى .. سند ذراعه على باب الأصنصير .. وحط جبهته فوقها .. وصار يتنفس بالسرعه و عيونه غرقانه بدموع يحاول يمنعها تسيل...

وبصوت اخف من اللي قبله:

ــ مصطفى.. بتطلع... بتطلع...

يوسف والسيد يمسحو على ظهر نوري يهدو فيه

وحبيب يهدي في ابو خالد قد مايقدر .. اللي ماسكت عن قولة مجنون << يقصد نوري..

شوي يرفع نوري قبضة كفه اليمين ويضرب حد ماعنده ازرار الأصنصير...

ــ اييييييه مجنوووون زين مجنوووون

طييييييييييييييييييييييط... صوت مخيف طلع.. انفتح باب الأصنصير..

ونزل الأصنصير بسرعه مو طبيعيه لتحت ..

و ارتطم بالأرض ...

الكل صرخ... وبسرعه دخلو يسحبو مصطفى اللي كان خلاص مو في وعيه...

يوسف وحبيب ونوري ومراد و أيمن و كاظم كلهم تعاونو على حمل مصطفى .. ..

يوسف ماشال عيونه عن ايد مصطفى اليمين وعلبة البندول شاد عليها كلما حاولو يشيلوها ما تنشال ولا فتح ايده...

وصلو باب الشقه وهو رافعينه ..

و ابو خالد معصب حده ويصرخ فيهم خربتو الأصنصير

محسن :

ــ بل عليك اللي يسمعك كان صاحي من قبل هو خربان

السيد بأستهزاء:

ــ الله يعينك بس على نفسك .. ما حاتيت الرجال اللي انحبس فيه خايف على اصنصيرك.. لا تحدني افضحك بكره في الجرايد..

ابو خالد:

ــ تفضحني.. هه ضحكتني ..

هاني وهو يحوس في جواله:

ــ اقول والله فوق شينك قواية عينك.... ترى صورت الموقف كله وماعندي مانع كلها ساعات وانشره باليوتيوب..

و فر جواله ناحية مالك العماره ... وفعلا هاني مايفوت أي حدث سواء سعيد لو حزين بدون ما يوثقه .. لزوم هدرته..

محسن :

ــ ههههههههههههههههههههههههههه تعجبني هاني cnn

ابو خالد خلاص يحس روحه في موقف حرج:

ــ لالا.. استعيذو من الشيطان ياجماعه.. ماحصل الا الخير .. تبون اتصل بأسعاف لجل خويكم انا حاضر...

السيد:

ــ روح بس تسهل بيتكم..

ابو خالد يكلم هاني:

ــ تكفى استر على ماواجهت..

هاني شالق بوزه شبرين:

ــ ان شــــــــــــالله بس بشروط..

ابو خالد وكأن العباره استفزته وبنبرة غضب :

ــ شروط بعد .. وش شروطه !

هاني يقلب في جواله:

ــ والله ... ايدي تحكني .. وودي انعنش اليوتيوب...

ابو خالد يحاول يتمالك نفسه وينسحب مع الهندي بهدوء..

شفيق على الباب وحالته حاله

نوري و بتثاقل:

ــ وخر عن الباب..

شفيق ابدا ما كنه يسمع...

نوري :

ــ وخررررررررر

ويدف شفيق على جنب...

شفيق طاح عالأرض ... ولسا شابح ..

شوي صار يشاهق بتسارع وبصوت عالي ...

يوسف ترك مصطفى .. اختل توازن الشباب شوي بس قدرو يدخلو لداخل الشقه وهم حاملينه

ركض لشفيق وصار يحاول يرفعه عن الأرض ..

محسن وهاني والسيد ركضو لعند يوسف وشفيق

محسن :

ــ ويش صاااير ؟؟ ويش فيه ..

..

شفيق مايرد عليهم

يوسف وكأنه عرف ليش شفيق كذا...

يحاول يشيله بس شفيق متيبس ...

هاني وبعفوية المعتاده :

ــ ويش اللي مطلعنك وانت مريض .. هالوقعه دي كلها صارت على شانك.؟..

شفيق بجمود مو طبيعي.. يوقف من بعد ماسمع كلام هاني..

يوسف ماسك ذراعه..

شفيق يسحبها بهدوء وبهمس:

ــ خليني..

ويركب الدرج .. درجه درجه وايده تمسح الجدار و البال مشغول...

محسن يهمس لهاني بقهر:

ــ ماتتوب عن الهدره لو بتووب تبت

.

[Princess]

دخل يوسف شقة نوري يتطمن على مصطفى وويش سوو وياه..

لقاهم جابو له عطر و بصل ...

ونوري فوقه يشممه ويسطر خدوده.. ويرشح وجهه بالماي ..

حبيب:

ــ اذا مرت عليه عشر دقايق ولا اوتعى بنتصل اسعاف ..

مرت عشر الدقايق

نوري ماتحمل قام وراح الغرفه بيتصل بالجوال للأسعاف...

شوي فتح مصطفى ..

ايمن صرخ:

ــ آآآآآه الحمدلله فتح .. فتح..

مصطفى وبتعب:

ــ ويش صار..!!

نوري يرجع طيرااان و يمسك مصطفى من بلوزته ويقعده قعود.. و يسحبه لعنده ويحضنه فرحان:

ــ مافيك شي .. مصطفى متأكد.. الحمدلله .. الحمدلله

هاني مبتسم ويهمس لمحسن:

ــ نوريو يحب مصطفو واجد .. شوف كيف فرحان به زي الجهال

محسن:

ــ يستاهل صطيف ... والله ماقصر فينا هالموقف خوفنا عليه.. وتووب عن الهدره توب

بس هاني مايقدر .. يرجع يهمس لمحسن:

ــ انت مو نوري اللي تستغرب منه.. شوف ايمنووو...

ايمن كان مبتسم ابتسامه مو طبيعيه وفي عيونه دموع محتبسه

هاني وفيه ضحكه مو قادر يحاول يحبسها..

وبالجوال صور وجه ايمن ... وصار يساسر محسن وهو يضحك:

ــ بكره نمسكها عليه هالحركه خخخخخخخ

محسن:

ــ ماقول غير خلف الله عليك يا ضبيعه..

يوسف :

ــ الحمدلله على سلامتك مصطفى... خوفتنا.. كل مني يوم اتصل و اقول لك جيب هالبندول ما يسوى عليك والله

مصطفى ابتسم و انتبه لأيده .. ترك العلبه وكانت مخفسه تخفيس...

محسن يمزح ويضرب ضربات لأيمن شهق شهقه:

ــ انطحنو الحبات...

مصطفى يفتح الكرتونه الا يتنفرو كم حبه طلعو من الشريط حقهم..

شوي الا الشريط فاضي و تقريبا 8 حبات بندول مكشوفين اللي طاحت غير اللي انشق القصدير فوقها..

نوري يشيلهم ويحطهم في نشافه..:
ــ هههههههه ما شالله عليك مره طردتهم من بيوتهم كل ابوهم...

محسن:

ــ الحين شفيق بتكفيه حبتين بالكثير 4 .. الباقي درام .. مو زينين مكشووفين في الهوااا

ايمن ساكت و منقهر من محسن اللي قاعد يتحرش فيه ..

هاني وبعفويه وبدون قصد...

ــ ايمن اللي يبقى لفه بقصدير .. واستخدمه بعدين .. ولا تخلي في القلب حسره..

ايمن فقد اعصابه وصرخ فيهم:

ــ خلااااص ... ويش انت وياه.. ويش شايفيني ؟؟؟ .. صار ليكم ساعه وانتون تضربو ضربات.. عديمين حياء لهالدرجه اللي يبقى اخذوه ...

وترك المكان .. دخل الغرفه و صفق وراه الباب

محسن منصرع من رد فعل ايمن اول مره يصرخ كذا...

هاني حس روحه مصخها .. فظل واقف ومرتبك

بقية الشباب متسائلين و مو فاهمين ويش صاير

مصطفى ونوري الوحيدين اللي فاهمين فيهم...

نوري بهدوء:

ــ انا لله ماصارت دي بندول اللي جابت لينا هالسوالف كلها.. خذ اخوك فيه العافيه ان شالله

يوسف ياخذ النشافه وفيها البندولات.. ويحس بالذنب على هالطلب:

ــ الله يعافيك ماتشوفو شر ..

وانسحب هو ويا ربعه من الشقه بيركبو شقتهم...

حبيب و السيد و كاظم تقدمو ..

يوسف بتباطؤ كان يركب الدرج و سرحان يفكر..

مراد حس عليه .. وصار يتباطئ وياه...

مراد..: ــ كح..

يوسف ابدا هدوء...

شوي يوسف وبهمس:

ــ لو مخلنك تجيب بندول من الصيدليه واجد احسن

قريب يوصلو آخر الدرج..

مراد:

ــ اخوك ترى الذنب مو ذنبك الله رايد لكل هالشي انه يصير ...

ويضرب كتف يوسف وبتشجيع:

ــ طيبة قلبك غامره الكل .. استحاله احد يلومك او يسيء الظن فيك ..

ويدخل الشقه..

يوسف ابتسم وحس بالراحه شوي...

مراد شابك كفوفه ورى راسه و قاعد يدور بالصاله و مغير صوته يسخر:
ــ يوعااان انا و تعبااان ولا اصدق احد مثلي...... ما تعشيناااا .. ويش ودكم تآكلو... بانزل اقرب مطعم لو بوفيه..

حبيب يمسح على دبته:

ــ ايه والله ترى ما تعشينا وانا اقول المحروسه حق ويه تصاوي

كاظم :

ــ هااااا .. مين المحروسه ؟؟

السيد:

ــ هههههههههه دبته ياحظي

كاظم بتساؤل اعظم:

ــ تصاوي ؟! دبه تصاوي ؟!

حبيب:

ــ استر عالفصيح... اجل ويش تقول

كاظم وبعد تفكير لثواني:

ــ تقرقر.. تقرقر من الجوع..

الكل مات ضحك عليه..

مراد :

ــ تقرقر عاد.. لا بالله تصاوي اعدل .. لويه تقرقر

كاظم وهو مصر على رايه و يتحلطم:

ــ ايه .. الصوت يسوي .. قررررررر.. مو صووووووو

حبيب يفكر:

ــ قر لو اعترف ههااااي.....

كاظم يطالع حبيب على جنب وبهدوء:

ــ بــايخ....

حبيب شالق بوزه شبرين:

ــ خخخ..بيني وبينك.. اول مره تقول شي سليم..

كاظم :

ــ وجع في بطن عدوك..

السيد يصفق وهو يضحك..

ــ اول مره يسبك بالعربي هههههههههههههههههههه

حبيب يطالع كاظم على جنب:

ــ اشوى بعد عدوي..

يوسف يضحك وياهم ...وشوي تذكر شفيق ..

[Princess]

دخل الغرفه يشوفه .. مالقاه...

سمع صوت دش الماي في الحمام.. فتوقعه يسبح...

كل واحد طلب له حاجه ياكلها.. وجمعو فلوسهم,..

مراد:

ــ عاد ياشباب لا تتأملو خير .. الوقت متأخر و احتمال كل المطاعم والبوفيات مسكره .. مشينا ابو يعقوب..

يوسف ماكان متوقع ان مراد يبغاه يروح وياه .. فما رفض :

ــ ايه احتمال ترى نرجع ليكم بمعلبات...

كاظم:

ــ عساه اندومي ماشي حاله متنا جوع..

حبيب:

ــ الله يقرفك.. في المشمش تأكلنا اندومي..

كاظم:

ــ مشمش !؟ شمعنى المشمش..؟؟

حبيب :

ــ ويش مدريني .....

وطلع يوسف مع مراد

قيصر يغمس الكماج في كاس الحليب وياكل ...

ــ ولك يابه مافي احسن من الكماجه .. على هالصبح تروقك ترويق ..شكو ماكو...

سام يقلب الكماجه في كوب الحليب كأنها ملعقه .. لين ذابت..

قيصر :

ــ سامي .. شبيك ؟؟ اسايلك شكو ماكو ماترد..؟؟

سام :

ــ ها...

قيصر ينفض ايده:

ــ لاااا .. اليوم انت مو على بعضك.. ما خابرك هـيـچ !

سام :

ــ تطلع وياي ... في خاطري كلام واجد وابغى اقوله..

قيصر :

ــ ان شالله خير.. ايه اطلع .. خلينا نمشي هالسا الهوا يشرح الصدر..

وطلعو من العياده يتمشو في الطريق ....

سام متردد في الكلام مع قيصر..

قيصر ساكت عنه فاهم عليه انه متردد ومايبغى يضغط عليه وقت ماحب يتكلم يتكلم..

وصلو متنزه .. قعد قيصر على احد الكراسي .. وقعد سام جنبه..

سام يفكر في باله:

ــ كيف راح ابدي الموضوع.. ويش باقول له.. انا عضو في عصابة نشالين و محتالين كبيره.. ولا بعد ابن متبنى لزعيم العصابه... معقوله بيظل وياي بعد ما اقول له هالحقيقه.!!. وين اروح انا؟ تعبت نفسيتي .. تعبت والله

قيصر يراقب سام اللي كان شارد و ماسك بنطلونه و شاد عليه عند الفخوذ ..

قيصر يحط كفه على كف سام وبهدوء:

ــ.. إن چنت رايد تحچي هالسا لو في وقت ثاني ... تأكد إني ابسمعك..

سام و اعصابه المشدوده ارتخت شوي ..

قام:

ــ بروح اشتري لينا شي نشربه..

ومشى عن قيصر يدور اقرب ثلاجه..

مصطفى بعد الدوخه اللي حصلها سبح ونام على طول ..

محسن وهاني حاسين بتأنيب الضمير ناحية ايمن... ويلومو روحهم ...

ويتمنو انهم ما تحرشو فيه قدام الكل..

ايمن منسدح جاينه ارق .. ويفكر ...

ــ ليش ما احد يفهمني.. والله اني خفت على مصطفى اكثر من أي شي .. ليش دايما يدورو السلبيات في كل المواقف ضدي .. والله ماكنت افكر بشي ساعتها غير مصطفى وسلامته.. ليش يطلعوني دايما البخيل اللئيم عديم المشاعر... كرهت هالحال .. وكرهت نفسي ...

في شقة حبيب ...

كاظم يبغى يدخل الحمام..

ــ اوووووووو .. عاد شفيق في الحمام يسبح... ابغى ادخل انا.. اففففففففف

السيد :

ــ قوم طق عليه الباب...

كاظم:

ــ شدعوه ااذا طقيت عليه بيطلع على طول..!!

حبيب :

ــ الا وين صادق ؟؟؟

السيد:

ــ أي والله نسيناه..

كاظم :

ــ هالمنسي .. شوفه في أي زاويه مندعس بكتابه..

الا بفتحة باب الحمام و صادق يطلع..

الكل فتح عيونه.

كاظم:

ــ انت اللي في الحمام ؟!

صادق مو فاهم شي ...!؟

السيد دخل غرفة شفيق مالقاه موجود..

راح غرفتهم هو وحبيب مالقاه .. الصاله كذلك..

السيد :

ــ ياساااااتر وين راح دا.. يوسف قال عن حساب هو اللي يسبح !!

صادق فهم السالفه.. وبهدوء:

ــ اهاا.. شفيق مختفي .. وتفكروه في الحمام..

يسكت شوي ويكمل بنبره تخفي قهر:

ــ اما انا ما سألتو نفسكم رجعتكم من برى ويني ..

كاظم:

ــ مو وقت العتاب.. وين راح؟؟ حالته ماكانت طبيعيه..

ماشافو الا صادق ينفجر فيهم:

ــ حالته مو طبيعيه.. يروح مستشفى النفسي .. ولا يأزمنا معاه.. ويش جايبنه الرياض يدرس .. طلعتوني اليوم على شانه.. جبان.. اناني .. استحقرتوني بما فيه الكفايه.. ونسيتو وجودي وياكم .. اساسا وجودي من عدمه.. يلعن دي عيشه وياكم..

ويرمي الفوطه اللي كان ينشف فيها شعره عالأرض

ويدخل الغرفه و يصك الباب...

>> ليلة الحمسانين وياليل ما اطولك ... >> خارج النص

الكل منذهل من رد فعل صادق ..

السيد:

ــ قسينا عليه واجد شكلنا..

حبيب:

ــ الله يهديه عاد يقدر الموقف .. والوضع...ماله داعي هالأنفعال دا كله..!!

كاظم:

ــ خله يولي .. اتصلو بيوسف ومراد خلهم يشوفوه بطريقهم يمكن طلع يتمشى...

السيد وحبيب يطالعو في كاظم..

كاظم بضحكه مرتبكه:

ــ ويش فيكم تطلعو؟

غاورو عنه وطلعو يشوفوه عل وعسى يلقوه عند باب العماره لو في مكان قريب...

ولما ما لقوه..

كاظم:
ــ اسااسا نعاله في الشقه ... يعني ماطلع الا اذا طلع حافي
حبيب ماسك شعره ويشد عليه:

ــ ويش هاليوم المنتحس من اوله لآخره.. علي ياعلي ياعلي

السيد:

ــ يبغى لينا ندفع بلاء .. مو طبيعي اليوم ابدا..

حبيب :

ــ ولو اني مابغى اخلعهم.. بس خلهم يلتفتو يمكن يلاقوه يتمشى زي ماقلتو..

واتصل على يوسف..

يوسف نسى جواله بالسياره و نزل هو مع مراد لمطعم ...

وبين ما حبيب يتصل .. مر واحد عربجي وشاف الجوال يولع ويطفي داخل السياره..

تقرب بهدوء .. الوقت متأخر ومافي احد زحمه ذاك الزود...

فتح الباب وكأنه راعي السياره...

خطف الجوال وانحاش به..

حبيب:

ــ لم يتم الرد.. شكله صامت الله يستر ... اشوف مراد..

واتصل على مراد ..

رد عليه :

ــ هاا ابو الحب ويش صاير؟

حبيب:

ــ ماشفتو شفيق بطريقكم؟؟

مراد بأستغراب:

ــ شفيق !! ليش وين راح

يوسف التفت على مراد بأستغراب..

مراد:

ــ اها.. زين.. اوكي... حياك..

وسكر ..

يوسف :

ــ ويش فيه شفيق ويش صاير؟

مراد :

ــ يقولو مو بالشقه واللي كان يسبح صادق..

يوسف فتح عيونه:

ــ اووووه.. وين راح..

ــ دورو عليه بالشقه مالقوه يقولو رجعتنا نشوف يمكن بالطريق

يوسف يضغط على راسه :

ــ يــــــالله ويش هاليوم..

ــ هدي اخوك هدي

ويدفع الفلوس ويشيل الأكل ويطلعو ..

ركبو السياره .. ومشو وهم يراقبو الطريق .. يمين ويسار ماهم شايفين اثر ...

سام رجع لقيصر حامل علبتين عصير ..لقى واحد يصور قيصر ...

تعجب سام من امره ولما تقرب وانتبه الرجال ان سام لاحظه.. سوى روحه ما يشوفه وتوجه الى اطفال كانو يلعبو مقابل سام... و كلمهم بالأنجليزيه طبعا:

ــ هيا يا اطفال اريد ان التقط لكم صورة جماعية الآن..

الأطفال مستغربين بس ويش وراهم .؟

حاصل ليهم واحد بيصورهم وهم موتهم التصوير..

صفو طابور .. و عطاهم صوره..

قعد سام جنب قيصر وهو لسا مو متطمن.. ليش الرجال شمل في الصورة الأوليه قيصر.. كان يقدر يتعداه ويصور الأطفال وهم يلعبو بشكل اوضح..

حاول يطنش الموضوع.....

فتحو العصير ثنينهم مره وحده... << كان علبه معدنية مثل الببسي

قيصر :

ــ هههههه قلوبنا على بعضها .. مافرق توقيتي عن توقيتك ولا بثواني
ابتسم سام وبهدوء و بالأنجليزيه:

ــ اتسائل ما اذا ستكون قلوبنا على بعضها حتى النهايه ؟

قيصر وهو يشرب .. نزل القوطي وبأستغراب:

ـ ها؟؟ شبيك يابه تحـچـي وياي انجليزي .. قيصر آني .. عراقي .. ايه ان شالله راح يكون للنهايه .. ليش لا..

سام وبالأنجليزي:

ــ اتطلع لذلك حقا..

قيصر يضرب راس سام من ورى على خفيف...

سام بأبتسامه يرفع راسه للسماء و ايضا بالأنجليزيه:

ــ ربما لم يحن الوقت لأفصح عن مكنونات نفسي..

قيصر يحاول يكون بارد الأعصاب .. ويرد عليه بالأنجليزي:

ــ حسنا.. كما تشاء..

وفي باله:

ــ مارايد إشي بحياتي في هالوقت كثر ماني رايد اعرف شنو يدور في راسك ياسامي ...

وصلو مراد ويوسف الشقه ولا شافو اثر لشفيق..

دخلو بالسرعه..

يوسف :

ــ ماجى.. ماشفتوه..؟؟!!!

حبيب وقف ومنصرع:

ــ يعني من صجكم ما بين !! وين راح دا..

يوسف :

ــ حالته ماكانت تسمح له يطلع.. انا خايف عليه من....

وسكت يوسف..

مراد فتح عيونه... وتذكر الرجال اللي اذوهم في المنتزه..:

ــ لا عاد.. ويش جيبهم لهنا.. !!

السيد فهم عليهم...

ــ شدعوه بيلحقونا .. ماتوقع.. الله يهديه شفيق تلاقيه قاعد في مكان قريب .. بالهداوه ندور عليه كلنا وان شالله بنلاقيه..

[Princess]

عبدالستار .. والنوم مجافي عيونه ... تفكيره مشوش ومشغول ..

مابين اخوه و طليقته...

شغل الكمبيوتر وصار يتصفح المواقع .. لفت نظره خبر ...

مقتل الشابه : ابرار...... واحالة زوجها احالوه للمحكمه للتحقيق بشأن ذلك..

ارتبك عبدالستار و صار قلبه يراقع...

دخل عبدالستار الموضوع.. وصار يقراه... وبين الكلام ان الزوجه كان اسمها ابرار بدون ذكر اسم العايله.. وانها مطلقه مسبقا و تعرضت للعنف المنزلي نتيجة شكوك زوجها الحالي في شرفها...

عبدالستار مو مصدق الخبر.. !!

دخل احد منتديات القطيف .. قسم الوفيات... وصعقه موضوع..

(( انا لله وانا اليه راجعون.. انتقلت الى رحمة الله الشابة السعيدة ابرار آل ... الفاتحه على روحها ))

صار يذكر اللي سوته فيه وكيف عذبته و آلمته و حطت من رجولته..

يذكر كلام ابرار و استنجادها به..

مسك جواله مو عارف ويش يسوي .. مرتبك حده.. انتبه للزاويه من فوق رمز الرساله صغيرون.. دليل انه وصلته رساله بس ما انتبه ليها ولا فتحها...

دخل الرسايل وفعلا كان فيه رساله جديده من 3 ايام تقريبا.. ومن ابرار..

عوايده يمسح رسايلها بدون قراءه..

بس هالرساله لا شعوريا فتحها...

ولقاها...

كاتبه كلمتين فقط..!!

كلمتين... هزت وجدانه وكيانه و خلته دموعه تسيل

((حللني..

وبيحني...))

انهيار تام في نفسيه عبدالستار... يحس نفسه مو بالدنيا...

شوي الا يسمع برى صوت فتحي اخوه يِرَجّع ..

طلع له لقاه في الحمام والباب مفتوح.. و حالته حاله ...

وبعد ماخلص بيطلع .. مسكه عبدالستار ورماه عالأرض ..

وصار يهدر عليه ويصرخ فيه..

ــ اصحى من اللي انت فيه... ويش هالحياااااه..

وشوي قام يضربه ضرب بلا وعي ولا شعور..

وفتحي عالأرض بس يتأوه.. يتألم .. وشوي يضحك..

مو قادر يفوق من حالة السكر والمخدر اللي واصل ليها..!!

الا بطلعة امهم على صوت الأزعاج.. قريب اذان الفجر..

مسكت عبدالستار تحاول تبعده عن فتحي..

صارت تصيح وتصارخ فيه يوقف عن الضرب والشوت والدوس في اخوه..

بس عبدالستار يزيد.. ضرب وضرب

وامهم مهي فاهمه ليش هالدرجه معصب فيه..

تدري فتحي يسهر لآخر الليل

تدري به يشرب معسل

تدري به ما يشتغل عدل ويصرف فلوس

رمت روحها على فتحي اللي بدى الدم يطلع من وجهه... وصارت تصيح و تصرخ بأنفعال على عبدالستار:

ــ ليـــــــــــــــش .. لأنه مو خليصك تسوي فيه هاللون.. على شان انت الكبير بتصير الكل بالكل علينااااا... خلاص بتذبحه... قلت لك كلمه لا يسهر لا يبذر مو تضربه وتقضي عليه.. انعدم حسك... ماعندك احاسيس .. كذا الرجوله في نظرك..!!

ماعندك.. احاسيس .... والرجوله

هالكلام.. زاد الوجع في قلب عبدالستار... تلازمت وياه كلمات ابرار وهي تندفع عليه بوقاحة طالبه انه يتركها في حالها بعد الخيانه:

: ــ بــــــــــارد .. ماعندك احاسيييس .. حجررر.. تعبت منك .. من خجلك هذا.. اني مرتك مو غريبه عليك.. ليش تعاملني بهالطريقه.. ما احبك اني .. مـــــــــــــــا احبك.. ما احسك رجال ابدا..

تسارع انفاسه المتعبه بعد الضرب تباطت... وانسحب بهدوء ...

دخل غرفته .. سكر الباب عليه وتسند.. ظهره يزحف على الباب ببطء وألم لين ما جلس عالأرض يصيح من جد .. وبحرقة قلب ... والدموع على خدوده تشهد واقع الألم اللي ساكن نفسيته..

في الرياض ..

كل الشباب صاحيين وبالصاله..

الأكل برد.. ولا احد لمسه..

الكل تعبان و مرتبك وخايف..

مو عارفين ويش يسوو..

يوسف:

ــ نتصل بالشرطه على هالحاله نبلغ عن مفقود...

حبيب:

ــ كبير هو مو جاهل اكيد طلع محل بتصير لينا سالفه اذا اتصلنا..

السيد:

ــ صلو على محمد ياجماعه.. نمهل لبعد صلاة الفجر ماباقي شي .. واذا مابين نسويها ونتصل بالشرطه.. شفيق صحيح كبير بس كان وضعه مايسمح له يطلع بهالليل..

وبعد ساعه...

اذن اذان الفجر..وبعد ماصلو..

يوسف ماقدر بأنفعال:

ــ نتصل بالشرطه .. خلاص تعبت اعصابي... جواله هنا موجود .. ومافي طريقه نوصل له بها... وحالته حاله..

حبيب :

ــ خلاص خلاص اخوك بتصل انا...

ودق حبيب عالشرطه يخبرهم ..

الشرطه استغربو كونه كبير ومفقود.. وبعد ماشرح ليهم حبيب حالته تفهمو الموضوع وطلبو صوره له على شان البحث..يجيبها مقر الشرطه

راح يوسف يركض الغرفه .. فتح محفظة شفيق و اخذ بطاقة الأحوال حقته.. وعلى طول طلع مع مراد متوجهيين لقسم الشرطه...

يوسف بلا جوال .. منسرق ومادرى به..

مراد نسى جواله في الشقه ...

كاظم بعد ماطلعو:
ــ اف انا مانى طايق روحي باقوم اسبح ماسبحت من الربكه اللي صارت لينا اليوم

حبيب والسيد:

ــ أي والله حتى حنا نسينا عمرنا..

كاظم:

ــ انا اول واحد..

ودخل كاظم الحمام...

فتح الماي .. سبح شوي زين .. وبعد ماحط الشامبو .. وقف الماي..

كاظم:

ــ اووووووو لا حول..

فتح باب الحمام:

ــ ابو الحب الماي خلص .. عفر تروح تفتح لينا الخزان الأحتياطي على ما بكره الصباح نكلمهم يجي ابو خالدو الدفش يشوف لينا صرفه

طلع حبيب من الشقه وهو يتحلطم:

ــ زين بعد دي ثالث مره يخلص الخزان ويجي يهتم فيه مو سالفة ألأصنصير بعد...

ركب حبيب السطح...

وتوجه للخزان بيفتح الماي

الا يسمع صوت ونين...

الى الملتقى.

[سر النجاة]

جزء كئيب حزين مؤلم

والله اني هذي ريماسوه خايفة منها صحيح إن لم تستحي فافعل ما تشتهي ذكرتني بهاديك الي في مسلسل أشواك ناعمة نسيت اسمها يلعن ابليس

ننتظر الجديد بأمل وتفائل بأن غدا سيكون أفضل من اليوم

وكالعادة تقولين الى الملتقى ونحن نقول متى الملتقى

تحياتي لك

[أموله]

اللهم صلي على محمد وآله الطيبين الطآهرين ،،

وي على قلبي مصطفى ،، مسسكين علق فيه الاصنصيد ،، آشوآ فتحححح ،،

شفيييق مسسكين ركب وقعد يونون فوق ،، مسكين ،، فقيل دم هانيووو حق ويه قاله كذ ـآ ،،

احمد يــآآربي يرجعه بالس،ـــلآمه ،، ممممممم ،،

سـآمي > سآم < فششش ألبك > كف ههههههآي ،، قول لقيييصر

يوسف /،، يؤؤؤ مسكين بآآقو جوآله وهم ياغافلين ليكم الله ،، > )=

آبرآر | ويييييييييييييييييييلي علييييييييييش رحمش الله

عبد الستـآر | حرآم تهئ تهئ مـآتت ابرار ويجي له فتحيوو الدفشش ،، نـآقصنهم


مـآريـآ : وووونهي !! لييه مـآجبتيهـآ مـآتحلى الروآيه الا بشبقتها مع ودآدوو > لـآيككككثر

,, صـآدق " يؤؤؤ اول مرههه ينفعل هيك ،، بسسس ينططم هو احسسن > *_*

ايمن " يؤؤؤ صدق مسسكين حرآ’م فششلوهـ مـآعجبتني مـآهقيتها منهم يفشلو ؛_؛

>>~

آموووره آبدأإع ،،

تسلمييي
و
دآمت انآملك الذهبيه قلبو

[MOONY]

يعطيكِ الف عافيه غلاتي
وكل عام وانتِ بألف خير

[جنۉن من ﺳـڱۉن]

تهيء تهيء
طـآأإعون ‘‘ جـآأإأني أإكتئاب
مسكييين عبد الستاأإأر ..
مسـآأإكين كلهم
جزززززء روعه
سـآأإلمه من كل شر

[عطر الكون]

مصطفىآ:الحمد لله يآربي زين انه فتح..!؟
صآدق:كسسر خآطري مآآآآره ..!؟
سآآآم:والله اشك انووو هذآ الي صوره ورآه مصيبه
عبد الستآر:زين والله افتك من القلق ابرآرووو<<<حقوده...؟
يوسسف:مسكين سرقوآ جوآله...!؟
مرآد:لآشكـــله اهتداء...!؟
شفـــيق:مسكين عورني بفآدي<<<<يآحنونهـ أنتي..!؟
هآآني:حآقده عليه .....!؟
يسسلمووو أموره ع البآرت....نآآآيسس مآآآره....!؟

[حلم لطيف]

يعطيش العافية على البارتات الحزينة اليوم

يومهم هذا من مصيبة لمصيبة الله يكفينا الشر

موفقة في اختباراتش يارب

[الفراش الفاطمي]

ويلي ويلي عليك ياشفيق
اموره ويش اقول ويش اخلي
لو اقعد من اليوم لبكره
واني اشكرش مافي فايده
يسلمو ع الجزء والله روعه
بانتظاركـ
تحياتيـ ..