غربة الأوطــــــــــــــــــان...

[حلم لطيف]

سلامات ماتشوفي شر ان شاءالله

[Ro7 AlM7bA]

سلآ‘مات ياقلبي ماتشوفي شر ..

الله يقوممش بالسلامه .. وآخدي رآحتش لاتتعبي ح ــآلش ..


سي يـآ .. ,,~

[عطر الكون]

يسلمووو اميره
ماتشوفين شر ....
واني بعد اتوقع سام هووو ناجي...

[Habit Roman]

ماتشوفين شر يالغالية

لا تزحمي على نفسك أهم شيء صحتك<<<<< كف من الاعضاء

ننتظرك

ها على راحتك

تحياتي

[MOONY]

ماتشوفي شر أموره
يالغلا
أهم شيء صحتش
تحيايتوو

[جـــــوان]

اموررة اليوم فيه بااارت ؟
اقوم انيم بزراني والا اخليهم ؟

[اعشق ابي]

سلامات سلامات
تسلمي على البارت
نحن بنتظارك
سألين المولى الشفاء القريب

[نور البدور]

يآآآآآآآآآآي الرواية كل ماجاها تحلو اكثر
بصرحة جنإأآإأآأآن البارت حددددددددددة رهييييييييييييب
وكاظم يعور بقلبي حييييييل واتوقع ان صادق مايعرف سالفة الورث وبينصدم بعدين اذا عرف الموضوع
وبيوقف مع كاظم
وسام بيطلع اخو يوسف مثل ماتوقعوا الاعضاء
وياربي ها الحبيب ظريف حده احسه يلطف الاجواء
اما شفيق امووت واعرف قصته احس ان سالفته غريبه حيل
وبا الانتظار البارت الجديد
وسلامات امووووووره ماتشوفي شر
اهم شي انتبهي لصحتك قلبوو
تحياتوو
نور البدور

[Ro7 AlM7bA]

... ... ...







...







جآري الأنتظــآ‘ر ...........

[جـــــوان]

أمورة غناتي ما صرتي زينة ؟

طمنينا عليش على الاقل

[Princess]

حبايبي انني هنا..
يسلم لي ربي طيبكم و يخليكم ياكريم
الحمدلله احسن.. شوية تعب عارض و عدى على خير ...
هذاني الون ليكم الجزء الحين ..

وبما اننا سنعود لمقاعد الدراسه بدءا من يوم السبت..بأذن الله..
اذن.. سيكون نظام الروايه كالتالي..
- سيتم طرح بارت حجمه مثل البارتات قبل لا اسافر المدينه.. يعني على ردين يتوزع بالكثير مره مره ثلاثة ردود..
- خميس وجمعه مافي بارت.. وممكن يكون احد الأيام مافيه بارت اذا صادف عندي مذاكره او اختبار.. (( راح اعلمكم بالطوارئ )) << حشا استر..

موفقين والله ينولكم كل مراد..
انتظروني دقايق بس الون واكشخ البارت..

[Princess]

كاظم يتلوى من الألم ,, ويطالع في يوسف ...
ــ خيط وابراه... ويش بتسووي؟؟؟
حبيب :
ــ ابو يعقوب ماشفت الا خيط ابيض و ابراه كبيره شوي..
ويرفع حبيب الأبراه .. اصغر من ابراة الحقنه بشوي
كاظم من شافها فتح عيونه:
ــ يوسف ويش بتسووي...؟؟
يوسف ..:
ــ جيبه جيبه.. ابيض .. اسود .. اخضر اللي هو.. المهم خيط..
ويمسك ابهام ايد كاظم و ياخذ الخيط ويلوته عليه .. ويشده بالقوه
وكاظم : ــ أي .. آآي .. ويش تسوي حبست الدم..
يربط يوسف الخيط..
السيد وحبيب يطالعو في بعض..
يوسف وهو ماسك ابهام كاظم:
ــ اقول حبوب .. عطيني الأبراه..
كاظم نقز و قعد قعود >> كان منسدح..
ــ وووووووويش بتسوي !!!!!!!!
حبيب : ــ ها دختوور... هاذي الأبراه..
يوسف يقرب الأبراه من ابهام كاظم يبغى يشكه
كاظم مره خايف .. اكبر رعب عنده مسألة الأبر ...
ــ يوسف .. يوسف ويش .. لالا.. مانى .. ماااااااااااااانى
شك يوسف ابهام كاظم بالسرعه.. ويطلع الدم..
كاظم : ــ ويلي وووويلي ....
يوسف ميت ضحك : ــ فشلتنا.. خابت عليك..
ويعصر يوسف الدم..
السيد : ــ بل اسوووود..
حبيب فاتح بوزه وعيونه مندهش:
ــ داويش .. علاج بالأبر الصينيه؟؟
يوسف ترك ابهام كاظم اللي تشنج من الخلعه..وصار يمسح على كتفه ويضحك عليه:
ــ داويه ابو موسى ويش فيك مره منتهي .. ما توقعتك خواف لهالدرجه..
السيد يعطي كاظم نشاف يمسح الدم اللي طلع..
كاظم مسحه وراسه داير .. رجع انسدح و غطى روحه بالكامل بالبطانيه...
السيد ميت ضحك عليه...
حبيب :
ــ دختر ابو يعقوب ويش هالحركه دي من وين تعلمتها؟؟
يوسف يضحك :
ــ ههههههههه من الشعب الشرق آسيوي..
السيد :
ــ هااا..!!
يوسف :
ــ كوريا واليابان والصين .. وغيرهم
حبيب :ــ ايوااا قصدك .... اهلات ابو عيون مشحطه..
يوسف :ــ ههههههه ايه.. معروف عندهم في طبهم الشعبي القديم هالحركه.. لأزالة اعراض المغص والغثيان ..
حبيب : ــ عجيييب .. وجربتها من قبل ...؟؟
يوسف : ــ مممممم صراحة لا .. اول تطبيق لي على كاظم
الا كاظم رافع البطانية عن وجهه وقاعد وهو مره مفهي وفيه قهر:
ــ يعني انا فار التجااااارب..
حبيب والسيد ماقدرو صارو يضحكوو..
يوسف يحاول يبلع ضحكته : ــ لاااااااا محشوووم.. صبّر شويه ونشوف النتيجه..
عود كاظم وانخش تحت البطانيه.. وراحت عليه نومه

في عيادة قيصر ..
قيصر : ــ هاا.. أعرفت هالسا ليش آني رابط هالخيط على قولك...
سام بذهول ويتحسس ايده اليمين مكان ماكانت خلقته مربوطه:
ــ يعني.. هي بركه و شفاء .. وتقويه للنفس .. حسب المعتقدات الشيعيه ...؟؟
ــ اعليك نور.. عندي خيط ثاني كِنت ماسحه بالنجف الأشرف بمرقد الأمام علي عليه السلام.. بس إخطي ضيعتها..
سام شرد لعالم ثاني... يتذكر بشكل غير واضح.. وحده تربطها على ايده وهي توصيه :
ــ لا تقصها ولا تشيلها من عليك الا اذا ضاعت.. هذي شفاء وخير وعافيه..
و بعدها يتذكر روحه يصيح بقهر و بألم شديد.. وكأن هالوحده رحلت وتركته لحاله..
مو قادر يتذكر اكثر .. رجع مسك راسه وصار يهز .. ويهز .. و هو يون
قيصر خاف عليه.. ومسكه من كتوفه:
ــ سامي.. سامي هدي .. هدي اعصابك .. اشفيك ..
سام يضرب في راسه : ــ مو قادر .. مو قادر افهم احس نفسي اتذكر اشياء .. واشياء مرت علي .. واشياء مو قادر اذكرها .... احس نفسي مخنوووق ..
قيصر يمسكه بالقوه و يضمه..:
ــ سامي .. حبيبي .. آني باساعدك .. لا تخاف..
وقعد قباله .. مد كفه و حطه على قلب سام .. وكفه الثانيه على قلبه هو..:
ــ آني وياك دمنا العربي واحد.. و ديانتنا وحده .. لا تخاف آني باخليك تذكر كل شي ..
سام بلا شعور تقطر عيونه دموع بعفويه ..
يمسحها قيصر .. وينشد له موال..
ــ لا تبكي ..
ما بقى شي يسوه دمعه أتطيح إعليه..
هو اشباقي عندنا ؟؟؟
من شان نحترق في كُل حين ..
تعّبنا القهر منفى و ضياع و خوف ..
صار الماضي غلطه وحنا غلطانين !!
لا تبكي لو يسوه البكي .. يمكن بكينا اسنين ..
سام يطالع في قيصر ويحس بأريحيه .. صوت قيصر قوي .. جهور وعذب .. خلى بدنه يقشعر بشكل مو طبيعي... يحس نفسه تعبان ماوده يطلع .. وده يظل وياه اطول فتره ممكنه.. لا شعوريا غفت عيونه....

سدحه قيصر على سريره وغطاه .. وطلع عن الغرفه,, ركب الدور الثاني وكان مو مبني .. سطح... ووقف ... في الهواء وعيونه مليانه حزن وأسى.. وهو لسا يردد الموال ويتذكر زوجته ... بصوت مخنوق لين سكته صياح من القلب...

في القطيف ... الوقت اول الصبح...

وفي بيت ابو مجتبى .. ابو مجتبى منسدح على منام في الصاله ومغطي وجهه بغترته.. و رجلينه ملفوفين عقموهم له المستشفى و لفوهم وطلبو منه يجي كل فتره وفتره على شان يعقموهم له من جديد ...

يفكر في باله شلون بيرجع الفلوس ..خصوصا ان ابو رمزي عليه قوانين غريبة في السلف.. يفكر في مجتبى اللي يكرف ليل ونهار في ابار هالبترول الخطيره في الخفجي و شقد يتعب على ما يعطوه الراتب اللي يوزعه مابين مرته وولاده و اهله و له كمصاريف ...

يفكر في أحمد اللي تخرج بتعب ومشقه و مداوره من مكان لمكان لين الله وفقه في الوظيفه..

يفكر في نور.. اللي حارمنها من اشياء وايد وحالها مو حال باقي البنات .. واللي مسكينه عمرها ما اشتكت ولا تذمرت ولا طلبت ... من جت نور على باله ماقدر صار يمسح دموعه بغترته.. بنته الوحيده ومو قادر يسعدها...

يسمع صوت ونين امير .. في غرفته... ويزيد أسى على الحال ودموعه تصب ...
ــ إييييه الله كريم .. يهونها وتهون..

ام مجتبى بهدوء : ــ ابو مجتبى.. قاعد لو بعدك نايم..؟؟
ابو مجتبى بصوت خافت مبين عليه التعب :
ــ ماغفت عيني اصلا..
ــ انا لله... زين اجل اكو فطورك برزته لك في المطبخ و أمير باخذه وياي لا يضايقك مافيك شده تقوم..
ــ وين بتروحي؟
ــ ها.. باروح لمرأه تبغاني امرخها..
ــ مراخ من الصبح.. ما مرخها سريرها طول ليلها.. والله حاله.. وامير كيف بتتصرفي به...؟؟
ــ ماعليك.. ادبر روحي .. يطاوعني هو..
ــ وين أحمد؟
ــ أحمد طلع من الصبح اتصلو فيه المدرسه اللي بيتوظف عندهم..
ــ عساه خير..

طلعت ام مجتبى وسكرت الباب وراها وقلبها يراقع..
ــ والله مايدري ابو مجتبى عن اللي باسويه الا يقتلني..
مسكت ايد امير وبأسى :
ــ غصب عني .. مو بيدي .. امشي ياولدي .. وربك يحلها ان شالله..

في شقة يوسف و الشله..
في غرفة حبيب .. اللي كان لسا منسدح وماقام.. والسيد كذلك.. بس كاظم ماكان موجود في سريره...
السيد سمع صرير سرير حبيب وهو يتحرك : ــ ابو الحب.. قعدت؟
حبيب يتمغط : ــ إيه ..
السيد : ــ كاظم مو في سريره.. ولما قعدناه للصلاه ماقدر يقوم ماهو موتعي للدنيا..
حبيب : ــ من القهر اللي فيه .. نام من مغرب.. ان شالله الأبراه جابت مفعول..
السيد : ــ تتوقع.. وينهو.. ياعلي كان مو طايح في محل.. اباقوم اشوفه..
وقام السيد بسرعه يشوف وين كاظم..

[Princess]

ولا يروح له في المطبخ الا قاعد ومروق .. مزاجه عال العال.. و ينشد جنة ونار لباسم بالهندي..
ــ هي عباس دير آنام دلميري تاهي
جبروزي بيجاهو كوجبوج هوتاهي
كرمو منكم هاريسهمي سركو جباتاهي
ميكو جبي قربان مولا الله جاتاهي
هييييييه ياعباااس..
وماسك ملعقة الخشب و يوديها يمين وشمال ويرقص ..
السيد ماقدر عليه وراح يركض لحبيب:
ــ قوم .. قوم شوف العجايب .. لا يفوتك... ههههههههه..
قام حبيب يركض يشوف ويش صاير
كاظم مستمر و يترقص :
ــ توميري جان هيتو توميري دنكي دركنهي
ميري سينيكي راهتها توجبيهي قربان ...ميساراجاها
علي كبيار هيتو توتو جان كتوكراهي
نهي تو جانت بوراهي إبن كرار ........هي ميري سردا

حبيب ماقدر وينط وياه بالنص وهو يفرفر اياديه زي الهنود ويضحك:
ــ هيييييييه ياعبااااس..
الا كاظم من الخلعه يرمي ملعقة الخشب و يصفق حبيب فيها على وجهه وكان فيها شوية بيض لما قلبه في المقلى..
ويصرخ من الخلعه : ــ آآآآآآآآآه..
حبيب : ــ ووووووي ..آآآح..
السيد يركض لحبيب وهو مابين فيه الضحكه وخايف عليه..
ــ تعووورت؟؟ احترقت؟؟؟
حبيب وهو يمسح جبهته:
ــ انا.. غير الا بيتحطم مستقبلي .. كم فلعه خلال هالأسبوع.. مين هاللي داعيه عليها امها.. هاللي بترضى تاخذني ها.!!! . ويلي على روحي .. وعلى افادي .. ياحبوه .. اعتفس جمالك..
كاظم ماقدر صار يضحك..
السيد : سلامات كاظم.. صرت احسن..
كاظم يطالع في ابهامه : ــ كثر الله خير يوسف .. عجيبه حركته.. الا لويه ماقعدتوني الفجر للصلاه.؟؟
حبيب : ــ نقعد ويش .. بح حسنا.. وانت ابد يابس ومنتهي...
كاظم : ــ يالله نمت واجد.. لو الكفرايه آدمي شان فلتتني ..
السيد : ــ كف .. كفرايه !! هههههههههههه
حبيب : ــ يرحم امك كظوم .. قول سرير ارحم..
كاظم ببراءه : ــ ويش اجل اسمها..؟؟
حبيب : ــ كرفايه ياحظي.. لا تقول مصطلحات قطيفيه اصليه اذا منت قدها
كاظم : ــ هههههههههه شدراني .. خلاص آخر مره استاذي..

الا بدخلة صادق عليهم المطبخ ... نام في الليل في الغرفه الثانيه مع يوسف وباقي الشباب.. لأنها هي الأوسع
وبهدوء :
ــ صباح الخير..
كاظم اعتفس وجهه و تقلبت احواله.. واستدار يجهز بقايا الفطور << اليوم الطباخ عليه..
حبيب والسيد : ــ صباح النور
حبيب يسال صادق : ـ كيف اصبحت..
صادق يشرب ماي ..:
ــ والله مو اوكيه..
السيد : ــ خير ان شالله..؟؟
صادق : ــ نمت عالأرض.. اول شي سيد مراد طول الليل لمبات جواله ماتطفي وتسمع صوت قرقعه و طقطقه قايمه عنده.. و تالي لما نام .. مافي اعظم من شخيره.. والسيد شفيق كم مره يخلعني مره قايم ومره قاعد عجيب نومه..
حبيب : ــ بل .. باقي يوسف .. ويش طلع منه بعد..
ــ لا يوسف ماسوى شي .. اساسا متكفن بشرشفه ولا يتحرك
كاظم بأنفعال: ــ بسم الله عليه..
صادق : ــ هه.. ويش قلت انا؟
كاظم بدون ما يطالع في صادق : ــ لا تقول متكفن .. الله يخليه ان شالله
صادق : ــ ماقصدي شي ..
كاظم : ــ انتبه لكلامك اكثر المرات الجايه..
صفع صادق الكاس على المغسله:
ــ يالله صباح خير .. اف
وطلع من المطبخ..
السيد : ــ كاظم حبيبي مو لهالدرجه .. توك شحلاتك..
حبيب : ــ هدي عاد اكلته بقشوره.. ماكان يقصد .. كلنا نقول هالوصف ..
كاظم وملامح وجهه رجعت مستائه سكت ولا كلمه..

عبدالستار .. قعد الصباح بيروح العمل.. لقى في الصاله فتحي نايم من الليل ومبهدل...
خاف تقعد امه وتشوفه على هالحاله..
راح له .. وهو مره منقهر .. صار يقعده ويهز فيه:
ــ فتحي.. فتحي...
ابدا فتحي لا حياة لمن تنادي...
عبدالستار ابتلش في حياته.. جى بيحمله .. مايشم فيه ريحة خمر.. ريحة دخان فقط.. بس شكله مبهدل وحده دايخ.. شوي تذكر البقعه اللي شافها في ايده ..
ركب فيه لغرفته ورماه على سريره.. ورفع كم قميصه.. لقاها صارت سودا..

عبدالستار خلاص .. يحس روحه مو عارف كيف يتصرف .. البقعه تزيد الشكوك في نفسه...
ــ معقوله.. معقوله اخوي وصل لمرحلة ادمان المخدرات...؟؟
لالا.. لا ان شالله انا اتوهم.. بس .. هالبقعه دي من ويش ...؟؟ وكلما جى ليها تزيد..
اففففففف فتحي بتودي نفسك في داهيه وبتودينا وياك...

الصباح طلعة المدارس .. فرات مع خالتها ماريا تسوي ليها فطور..
فرات : ــ ابغى بيض ...
ماريا فتحت عيونها : ــ ويه.. بيض .. اقلي زفر واني لابسه مريولي .. هذاني باسوي لش صمولة جبن..
محمد : ــ انا افادي بعد..
ماريا : ــ انا لله اكو باقر من زمان اكل سندويشته وتيسر وانتون قاعدين لي تشيرط ..
محمد : ــ باقر ما يمانع ياكل حتى سندويشه حافيه.. حنا نبغى بيض
ماريا تاكل سندويشتها وتدف راس محمد : ــ ويش قصدك .. تأدب عن ولد عمتك تفهم.. تبغى جبن والا كيفك
الا بوداد قدام وجهها على باب المطبخ..
ماريا والسندويشه في بوزها:
ــ كح.. بسم الله
وداد : ــ شايفه جني ؟
ماريا : ــ لا بس .. ما توقعتش
ــ ماتوقعتي ويه بعد << مو عوايدها وداد تقعد الصبح
محمد وفرات : ــ امااه نبغى بيض
وداد : ــ وويش تسوي دي وياكم من الصبح .. ماسوت ليكم لويه؟
ماريا فتحت عواينها وشالت الصموله من بوزها..
ــ ويش دخلني..؟؟
ــ تموتي ولادي من الجوع وويش دخلش..؟؟
ماريا تزيد عصبيه : ــ اموتهم؟.. ليش خذت كيس الصمول والجبن تحت سريري؟؟؟
ــ تسميه دا فطور صحي ؟
ــ والله قعدي انتين من نومش وسوي فطور صحي .. ما خلفت اني ولادش ونسيتهم..

ولا تشوف ماريا الا كف جاينها على وجهها ..
ماريا حطت الصموله بقهر على الطاوله.. وصرخت في وداد..:
ــ اراويش لكن..
لبست عباتها وطلعت الصاله واتصلت في شهربان.:
ــ الو .. خلصتي..
شهربان قاعده تشاهد اعادة حلقة مسلسلها: ــ .. ايه.. قاعده اشاهد المسلسل قريب يخلص ..
ــ مو وقتش كلمي اخوش اذا قريب ماراح بعيد يمر علينا وتالي باقي البنات.
ــ بعده ماطلع .. توه بيطلع.. لويه ويش صاير ؟؟
ماريا وصوتها فيه غبنه:
ــ بعدين اعلمش..
عبدالأله يطلع من الصبح يمر على البنات الأبعد ويخلي شهربان و ماريا لآخر شي يمر عليهم وعلى طول المدرسه... والرجعه العكس يكونو هم آخر ناس..
شهربان بالسرعه لبست عباتها وراحت طلعت لأخوها وكان يحمي الباص..
عبدالأله : ــ ويش صاير؟
شهربان وهي تنافخ : ــ مادري الله يستر.. ماريو امس ماجت واليوم تبغى اول وحده نمر عليها.... فيها شي شكلها..
عبدالأله اختلع : ــ خير ان شالله.. يللا اركبي..
..

ابو رمزي عنده بقالة.. وهو يقعد فيها .. مابين فتره وفتره...
راحت ام مجتبى البقاله وكلها امل تشوف ابو رمزي وتعلمه بسالفة البوقه.. و تطلب منه يمهل على ابو مجتبى قد مايقدر..
ابو رمزي معروف عنه انه ماعنده اشكاليه يسلف أي مبلغ لكن بشرط... يحدد له مده سنه لسداده سواء بالأقساط او كاملا .. والا يضيف ربع المبلغ كأرباح ضريبة التأخير ..
الكل يدري به يتعامل بالربا.. والربا حرام.. بس يلجأو له الفقارى خصوصا اذا تقفلت الأبواب في وجههم وما رضت البنوك تسلفهم قروض ولا رضى احد يكفلهم...

لقت ام مجتبى الهندي قاعد ..
ــ وين بابا..؟؟
ــ بابا مافي يجي الحين..
ــ متى يجي ؟؟
ــ مايدري..
ــ زين.. تعال امي..
شرت لأمير حلاوه .. وقعدت وياه برى على باب البقالة.. تنتظر ابو رمزي يجي....

في الباص .. ماريا وهي تصيح بعد ماعلمت شهربان بالسالفه وطبعا عبدالأله سمع كل شي ..
شهربان : ــ هدي غناتي .. انتقم الله منها دي ... مجنونه ماهي صاحيه...
عبدالأله يحس دمه يفور صار يضغط على الدركسوون.. وده يرتكب في وداد جريمه .. وفي باله..
ــ اف متى بس متى الله يفرجها و اريحش من هالهم.. والله لأسعدش ...

[Princess]

شلة يوسف قاعدين يفطرو.. كلهم ...
الا بقعدة مراد ليهم..
حبيب : ــ اوووه... اليوم قاعد بدري..
مراد يتمغط..:
ــ ايه اليوم بنبدي اول محاضراتنا..
ــ موفق يارب..
ــ جميعااا...
ودخل مراد الحمام..
حبيب : ــ شرايكم يا شباب نعزم الشقه اللي تحت اليوم على الغدا... ونجيب اليوم من المطعم .. خوب كاظم تعبان شوي نريحك...
السيد يرقص حواجبه : ــ شقة السلندر تقصد..
حبيب يطالع السيد على جنب : ــ غربل الله نحاستك.. ايه.. السلندر ... ويش رايكم..
يوسف : ــ ماعندي أي مانع .. خلنا نتعرف اكثر..
حبيب : ــ ايه خبري واحد منهم معاك في نفس الكليه ..
ــ ايه مصطفى..
كاظم..: ــ مين فيهم مصطفى ..؟؟
حبيب : ــ داك اللي طاح علي وخمد على انفاسي .. هههههه خفيف دم بشكل..
كاظم : ــ وانا ويش مدريني مين اللي خمد على انفاسك فيهم..؟؟
السيد : ــ المتين هو صادفته مره على باب العماره..
حبيب : ــ شدعوه لو وصفت لك بتعرفه وانت ماشفتهم اصلا ..
كاظم : ــ تقابلت كذا مره ويا واحد يالله تسمع صوت السلام منه..
حبيب : ــ اوصفه لي؟؟
ــ قصير و ابيضاني .. و شعره فلفله ..
يوسف شرق بالحليب..
حبيب يطق على ظهر يوسف :
ــ حلووو .. حلوو .. عافيه .. غربلك الله ياكظموه كم مره اقول لك اذا ماتعرف تقول مصطلحات لا تقول احسن.. فلافل ياحظي .. ويش دخل الفلفل..
صادق ماقدر صار يضحك..
كاظم ابتسم و فيه قهر من الأحراج..
حبيب : ــ بغيت تذبحه شان يروح شهيد كوبة حليب .. هذا ايمن عفر .. ماغيره الأبيضاني فيهم.. ماعلينا ... المهم ويش رايكم بأقتراحي ..
كاظم ويوسف والسيد موافقين..
حبيب : ــ صادق .. شفيق .. شووو رايكم..؟؟
صادق : ــ على كيفكم...
شفيق هدوووء تام..
حبيب : ــ وانت شفيق ..
مايشوفو الا شفيق كح كحه قويه .. حسو من صوتها ان معاها بلغم..
شوي يبلع ريقه ...
خلاص كل اللي على السفره تنرفزو...
حبيب رافع حاجب وحاجب و متشنجه رقبته من اللوعه..ويطالع في شفيق..
شفيق ولأول مره يشوفوه يبتسم.:
ــ آسف.. بس شكلها عوارض انفلونزا..
السيد وهو الآخر حايمه شبده : ــ ماتشوف شر...
شفيق : ــ الشر مايجيك.. على كيفكم سوو اللي يريحكم..

حبيب .. ..:
ــ المهم .. بما ان الكل موافق فعلينا ان نجمع قطيه .. كل واحد 20 ريال تكفي وحنا 7 تقريبا 140 ريال نجيب غدى محترم وشوية فواكه وحلى .. خلنا نعزمهم عزيمه محترمه.. نشوف مراد ويش رايه..؟؟؟
طلع مراد من الحمام ... وعلموه بالسالفه.. طق على صدره وقال..:
ــ افا عليكم خلوها علي..
حبيب : ــ ويش .!!
مراد: ــ بعد ما نطلع من الجامعه تروح وياي بما انك زعيم العصابه..
حبيب : ــ بل عصابه.. هههههههه صرنا عصابه..
ــ خخخخ المهم.. انا عندي سيارتي .. و تكاليف الغدى خلوها علي .. عزومتكم علي .. عادي كم بتكلف .. 100 ،، 200،، 500
حبيب : ــ لا شدعوه.. تسلم ماتقصر .. حنا قلنا على شان تكون من الكل ..
السيد بهدوء : ــ ادفع حالك من حالنا والا لا تدفع شي ..
مراد ماعجبه رد فعل السيد .. كان مره على نياته ويبغى يضم روحه ليهم بأي طريقه..
بهدوء : ــ طيب ...
دخل الغرفه لبس ثيابه وحمل كتبه.. .. وجاب 20 ريال .. فتح ايد حبيب وحطها وبهدوء :
ــ هذي قيمة غداي ولايزعل السيد... مع السلامه...

حبيب التفت للسيد... يوسف صار يكلمه:
ــ عاد سيد لويه هالرد البارد منك له..
السيد بأنفعال: ــ ماحب الناس اللي كذا.. تحسهم يتفضلو عليك .. تسوية حال بس..
يوسف : ــ لويه ما تحسن الظن فيه...
السيد: ــ واحد مايصلي .. ماقدر احسن الظن فيه..
صادق رفع حاجب بأستنكار: ــ مايصلي ؟؟
كاظم بهدوء : ــ استغفر الله.. يوم ايه و 10 لا .. بالمزاج..

شوي .. ماشافو شفيق الا قاعد يتشمشم....
يوسف : ــ خير .. ويش صاير ؟؟؟ ويش فيك..
شفيق : ــ اشم ريحه.. ريحه مو طبيعيه....
حبيب يتشمشم اباطاته: ــ ريحه ؟؟ اشوى مو انا..
الكل شك في روحه ...
شفيق قرب شوي شوي من شعر صادق..
صادق بأنفعال: ــ هيه.. ويش قصدك...؟؟
ويدف شفيق .. اللي ما كان له أي رد فعل.. ومستمر يدور في الريحه..
شوي السيد : ــ اف .. أي والله.. ريحة زي البلاستك المحترق..
كاظم فتح عيونه حدها : ــ بلاستك...

وقام يركض المطبخ... لقى روحه نسى ابريق الشاي على النار بعد ما صب الماي المغلي في الدله .. فإحترقت عروة الأبريق وماعت..

طفاه يركض .. ورماه في المغسله...
حبيب : ــ وااااو ياساتر من متى.. شان شب فينا حريقه.. انتبه مره فانيه..
صادق : ــ اهمال.. ويروح الضحيه 6 انفار..
كاظم بقهر : ــ ماحد جبرك تصير سادسهم...
يوسف وحبيب والسيد سحبو كاظم لداخل الغرفه لأن يدرو بتصير شبقه وسكرو الباب...

شوي طلع يوسف ونزل تحت يخبر الجماعه لا يتغدو وانهم معزومين...
طق الباب فتح له بالصدفه مصطفى..
ابتسم له,.. وبعد السلام خبره...
مصطفى : ــ ماتقصرو مشكورين.. اوكي اخبر الشباب.. تفضل اخوك..
ــ لا تسلم .. باروح الجامعه..
ــ اوكي .. انا بعد باروح وياك.. ثواني بس اخبرهم بالغدا وجاينك..
ــ اوكي ..
خبر مصطفى نوري بالغدا.. وكان هو الوحيد مع مصطفى اللي قاعدين لأن وراهم محاضره من الصبح..
نوري : ــ ايبااا.. خوش كشخات عزومه حركتات.... خلاص بس يقعدو باقي الربع اعلمهم لو اترك ليهم رساله خبر..

مراد في السياره وقاعد يفكر :
ــ ويش فيهم مايحبوني .. وكلهم مسنجمين ويا بعض عداي انا.. ليش .. ويش فيني من عيب ... اف والله حاله..
وشغل المسجل ...

في المدرسه الأبتدائية ...
محمد ماحل واجب الرياضيات .. فوقفه الأستاذ... وبعد ما انتهت الحصه.. توجه محمد وبقهر الى باقر .. وضرب ايده عالطاوله..
ــ لويه ما حليته لي ؟
باقر رفع راسه ويطالع في محمد:
ــ قلت لك مانى حالنه حل لروحك..
ــ بس انا نمت على انك حليته.. ويش يضرك ؟؟؟ انت حليته لروحك نفس الحل انقله لي .. بخيل على حل ...!!
ــ والله مو صعب الواجب على شان احله عنك..
ــ انا مانى فاضي .. مايصير يعني تساعدني..
باقر بقهر يحاول يخفيه:
ــ فاضي بس تلعب السوني ويا جاسموه و كراروه وعماروه ..
محمد بأرتباك : ــ كيفي والله.. من حرتك يعني اني ماخليك تلعب ويانا... موت قهر
باقر سكت عنه ..
محمد : ــ ويش عرفك انت ..
ويدف بأيده راس باقر
باقر عصب و دف محمد ..
وقامت المعركه.. شدخ فيها باقر محمد تشديخ... ومحمد قطع ازرار قميص باقر ..
والصبيان بس تصفيق وتشجيع مين اللي بيغلب..
شوي سحبهم استاذ للمشرف الطلابي اللي هزأهم تهزيأ..

ــ اقارب وتعملو كذا.. اجل لو ماتعرفون بعضكم شسويتو..؟؟ كل واحد بيذبح الثاني .. سايبه هي السالفه...
محمد : ــ هو اللي بدى..
المشرف : ــ أُص ولا كلمه.. بكره ثنينكم اولياء اموركم هنا.. وين قاعدين حنا.. طالعو اشكالكم.. مجرمين انتو؟؟؟ يللا فصلكم وبكره اولياء اموركم قدامكم..

طلعو من الغرفه ومحمد يبغى يقهر باقر :
ــ خل ابوك يجيك من الخفجي .. والا اقول لك قول لأمك تجي احسن..
باقر يحس نفسه شوي ويفقع وجه محمد بس مسك روحه..

في بيت يوسف ...
وداد في غرفتها ماخذه التلفون و تكلم ازدهار وسوالف من سالفه لسالفه..
ايثار قاعده في الصاله تلعب مع علاء في مكعبات..
ايثار طفله وعلى نياتها... حاطه صحون العاب وصافه المكعبات على انهم اكل .. وتمثل انها تاكلهم..
علاء يقلد عليها..
واحد من المكعبات كان صغير مره.. حطه علاء بكبره في حلقه وبلعه و صار يكح مختنق..
وداد سوالف في غرفتها ولا تدري عن الدنيا ...
اماني كانت تطوي ثيابهم .. سمعت كحة علاء مهي طبيعيه..
قامت له تركض مسكته لقته مره بيموت..
ــ ايثار... ويش فيه علاء؟؟
ايثار وهي خايفه :
ــ أكل .. مكعب..
اماني تصروعت وطقت صدرها :
ــ ياعلي ..
وركيض... دخلت صبعها مافاد مو قادره توصل للمكعب..
قامت قلبته وصارت تطق على ظهره .. وعلاء يرفس ويصارخ صياح...
وداد انتبهت ..:
ــ دقيقه ازدهار .. علاء يصيح باشوفه..
طلعت لقت اماني تضرب في ظهره..
وتهجم عليها و تمسكها من شعرها وتسحبها سحب بكبر الصاله..
اماني كانت خايفه يطيح علاء من ايدها فظلت ماسكتنه ووداد تضرب :
ــ يالمجنونه .. هدي ولدي .. تضربيه لويش..
الا المكعب طافر من بوز علاء .... و دموعه اربع اربع..
ايثار قامت لوداد بعلبة المكعبات وهي تصيح خايفه على امها ..و صارت تضرب في ظهر وداد.. اللي دارت ليها و صفعتها و طيحتها على الأرض ..

اماني من شافت وداد وحركتها لأيثار قامت وهي مره مليانه غضب وغبنه و ووجها مولع من القهر.. وترفع ايدها وتصفعها كف معتبر على وجهها..
وداد ماسكه خدها.. وفاتحه عيونها: ــ هذا آخر شي طلع وياش ..!!!
اماني انفجرت فيها: ــ تحملتش وايد.. وصبرت عليش.. كني ضرتش مو حماتش .. ويش مسويه فيش ؟؟ ماكله من خيرش .. لو قاعده على قلبش .. هذا بيت ابوي قبل لا يصير بيت ريلش تفهمي .. و بعدين ولدش كان مختنق بمكعب .. لو فيش خير انتبهتي له .. بدل الهدره والسوالف الفاضيه..
وداد تصارخ : ــ والله وطلع لش لسان يا امانيو.. مو شغلش تتحكمي فيني وفي تصرفاتي .. هذا اللي ناقص .. وبعدين دا بيت ابوش لول .. مو الحين... الحين هذا بيت اخوش.. و تنطمي ولا كلمه..
شوي علاء زاد صياح..
وداد : ــ امي .. امي بسم الله عليك تعال تعال...

ولا تتفاجأ وداد الا علاء .........

الى الملتقى ..

[جـــــوان]

يا علي

ويش صار فيه الجاهل ؟

شفيقوه الوسخ لوع جبدي بحركته


الله يعطيش العافية خيتو

وبانتظار الباارت الجديد