سام مع السائحه اللبنانية جويل .. يتمشى وياها في المجمعات المقترح انها تفتح محلها فيه ...
و يتكلم وياها بأريحية تامه .. لدرجة ان جويل بدت توثق فيه وتصدق كل شي يقوله ...


وصل لمحل فاضي خارجي قريب من المجمع :
ــ ها .. شوو رايك بهالمحل.. ممتاز جدا و بيناسب للبوتيك تبعك..؟؟
ــ لكنو خارجي مانو داخل المجمع..
ــ أيه بعرف .. هيك احسن بكتير من المجمعات.. الجاي يدخل محلك أبل المجمع.. المجمعات اغلب الناس تجي فرجه ... قليل اللي عم يشترو... و اجارهن غالي .. و
ــ ممممم الهيأه هيك.. عجبني كتير ... طيب هيدا اللي عالمحل رقم صاحبو..؟؟؟
ــ أيه على مايبدو.. بدك اتصل فيه..؟؟
ــ لأ.. لا تكلف على حالك.. انا اكلمو..
ــ طيب براحتك...
اتصلت على الرقم .. رد عليها واحد .. وكان من افراد العصابة...
ياباني الأصل .. يجيد الأنجليزية.....
فأول ما رد عليها تكلم معاها انجليزي,,, شوي سألها :
ــ هل تتكلمين اليابانيه ... اسهل للتعامل و تكملة الأجرائات.. فأنا لست جيدا في اللغة الأنجليزيه ... و مترجمي الخاص ليس متواجد معي حاليا . ؟؟ ... >> معروف عند اغلب اليابانيين ركاكة الأنجليزية واعتزازهم بلغتهم وعلومهم الخاصه.. كما الحال عند الفرس

جويل ارتبكت ... و اعتذرت منه وسكرت الخط..

سام يراقبها .. ابتسم و اطمأن قلبه انها ماتعرف .. خبره باللبنانين حدهم انجليزي وفرنسي .. وكان متخوف بالمره ان يكون عندها خلفية في اللغة اليابانية..
سألها: ــ شوو..؟؟؟
علمته بالسالفه.. ابتسم ليها...
ــ ياباني... لك شو هالحظ اللي تبعك..
ــ شايف شلوون..
ــ هههههه لا أأصد انو كتير حلوو..
ــ كيف يعني..؟؟
طق على صدره:
ــ محسووبك بيعرف ياباني ... خليني اكلمو هالأ أأ.. واحدد معو موعد..
فتحت جويل عيونها..
ــ تعرف ياباني..؟؟
ابتسم سام : ــ أيه.. انا من متابعين الدراما والأفلام الأسيويه .. بحبها كتير .. فبعرف اتكلم ياباني وكوري ازا بدك كمان.....
ــ ياعيني...
مسك سام الجوال وصار يتصل ... ومن رد عليه زميله .. بدى يفلت كلام ياباني:
ــ مرحبا .. اتصلت بك فتاة منذ قليل ... تريد ان تتفق معك بشأن محلكم هذا المعروض للبيع .. طيب ... اوكي ....
وطلع ورقه وقلم من مخباه وصار يكتب عنوان...
سكر الجوال وعطى جويل الورقه:
ــ وهيدا يا ستي عنوان الزلمه.. تفضلي..
جويل : ــ بتشكرك كتير .. جمايلك على راسي من فوأ
ــ ولوو..
جويل بأرتباك: ــ طيب ممكن اطلب منك طلب .. إزا مافيه كلفه يعني او احراج..
ــ تفضلي ..
ــ يعني اذا مانك مشغول تجي معي على بكره لعند هيدا الياباني من شان تتفاهم معو..
ــ ليش.. ماعندو مترجم.. ؟؟
ارتبكت جويل زياده: ــ ايه .. عندو .. بس بتعرف اللغه اجنبيه وهو معه شركاء في العمل بخاف يعني يغير في الحكي و ينصب علي..
ابتسم سام : ــ بتشكرك..
جويل : ــ على شوو؟؟
ــ على هيدي الثقه اللي عم تمنحيني اياها...
ــ لك انت أدها اخي .. من لما جيت على هون وانت معي و بتساعدني..
ــ مابتخافي انصب عليكي ..<< قالها وهو يغمز..
جويل خجلت : ــ لا .. ولو .. بوثق فيك اكتر من حالي..
ــ بتشكرك مره تانيه.. خلاص اتفأنا على بكره قبل الموعد اللي عطانا اياه بساعه نكون جاهزين ..


في بيت يوسف ..
وداد مع صاحبتها ازدهار ...

ازدهار بنت عمرها 27 سنه .. متوسطة الجمال .. آنسه.. يتيمة ابو من صغرها.... وارثه عنه عماره تصرف على روحها منها.. وساكنه فيها .. في شقه.. جارتها امها في شقه ايضا مع ريل امها واخوانها من امها صغار..
امها من كثر خوفها عليها .. رفضت 3 تقدمو ليها اول ما تخرجت من الثانويه.. بحجة انهم فقارى و داخلين على طمع.. لين مامر بها العمر .. و قربت تعنس..
درست فنون جميله .. و تخرجت من الجامعه.. وفتحت ليها مركز نسائي ||.. كوافير + خياطه + تأجير ملابس + اكسسوارات و هدايا ..||

وهي صديقة وداد من ايام المتوسطه..
وداد : ــ اباموت اني .. وفوق هذا اليوم غايبه بعد.. ونايمه لا شغله ولا عمله قولي تقعد تساعد ..
ــ حرام عليش .. ماغابت الا لأنها مريضه..
ــ مريضة ويه من طاعون.. هذا حنا ايام اللي كنا بنات.. كنا العافيه مانسوي كذا كل شهر .. عرسنا وحملنا وولدنا ماشوف تدحننا..
ــ كل جيل غير وكل جسم غير .. ماريا تتعب بسرعه ما تتحمل..
ــ الا دلاعه و طياحة حظ.. اففف و دي امانيو الفانيه .. اليوم عليها سواي الغدى قولي سوت شي فاني غيره.. من حلاوة طباخها عاد
ــ ويش تبغيها تسوي؟؟
ــ تغسل الثياب..
ــ ثيابهم؟؟
ــ ثياب البيت كله..
ــ تغسلي انتين ثيابها وثياب ولادها ...؟؟
ــ اتخسى الا هي .. خدامتها قالو لش..
ــ عجل كيف تبغيها تغسل ثيابكم..
ــ احنا غير..
ــ واللي يرحم والديش سكتي لو غيري السالفه.. و ارحمي شوي .. الله يرحم والديش
ــ اف منش من صديقة.. ماتخليني اشتكي .. داويش انتين
ــ اففف من حنتش .. الله يساعد ابو محمد عليش بس..
ــ الله يساعدني اني .. ماعمره وقف في صفي ولا عاوني في شي .. بس يتحمق ..
ــ يعاونش على ويه... ضد اخوانه تبغيه..؟؟ يطردهم مثلا ..
ــ اني ماقلت يطردهم.. اف اف والله طقت شبدي..
ــ انا لله.. مايقدر يستأجر ليهم شقه.. لو يبني فوق ..؟؟
ــ خذ لك دي.. لو يقدر .. دخيل الله عدل شوي في بيت ابوه.. والله حاله دي ..
ــ زين اخزي بليس وعدلي هالوجه.. قومي خلني احط لش مكياج ناعم قبل لا اروح.. و ابتسمي عن هالتكشيره.. الحين بيجي رجلش ..
ــ مكياج.. ما يستاهل مايحتاج.. ماني فاضيه .. قالت ويه مكياج.. حق تجيني حومه زياده على حومتي..
ــ الله يغربلش.. زين.. هداش الله.. ترى آخر مره اجيش اذا ماهونتي عن هالحنه والزنه..
ــ زين خلاااص...
ــ قومي طاوعيني ..حق لا احلف ما اجيش..
ــ اف زين..

وقامت وداد تغير ثيابها .. وازدهار فتحت شنطتها تستعد لتعديل وجه وداد البومه..


بعد حوالي ثلث ساعه... رجع عبدالأله المدرسة.. واتصل على الرقم ... ردت شهربان .. و طلعت ريماس تركض تجيب العباه..
جابتها وصارت شهربان تتشكر في ريماس لبست العباه و طلعو لعبدالأله ...

عبدالأله مو عاجبنه شكل ريماس ابدا... ركبت شهربان و طلبت من ريماس تدلي عبدالإله بيتهم..

وصفت له بصوت رخيم و مليان دلع المكان..

عبدالأله مو طايق ومستغرب من اخته شلون تعرف هالأشكال..!!

وهم في الطريق .. طلعت ريماس جوالها..
وراحت المكالمات الصادره .. مالقت رقم عبدالأله ؟؟
راحت المكالمات المستلمه.. ايضا اخر رقم مو عبدالأله.. مو رقم غريب !!

حمقت وصارت في بالها تسب :
ــ الله يلعنش يا شهربانوو البهيمه ،، حذفت الرقم خايفه على اخوها مني بعد كل اللي سويته..
يللا .. اساسا تستاهل المرمطه اللي سويتها فيها... الله يهني القطاوه بعباتها..

ريماس هي اللي باقت عباة شهربان .. استغلت فرصة عدم وجود ماريا وياها.. باقتها وربطتها في كيس ورمتها في الزباله.. وخططت لهذا كله بس على شان تكلم عبدالأله و تاخذ رقمه خصوصا انها ماتحتاج باص و عندها سواق خاص وماليها حجه تطلب رقمه... رمت جوالها في الشنطة وهي ميته قهر..