في الرياض ..
الساعه 7 الصبح.. حبيب قعد من نومه و صار يقلي بيض وهو مندمج..:
ــ عندي بيضه كبر الداار ... وين احطها ياشطار ... حطيتها في الصينية .. باقوها الحراميه .. باعوها بألف وميه .. هلا هلا .. هلهل هلا..

الا بصوت كاظم من وراه :
ــ صباخير << صباح الخير بأحد اللغات الهنديه..
حبيب : ــ اووو نفر كظومه .. صابابات خيرات..
كاظم وهو يتفاوب : ــ ويش تسوي..؟؟
حبيب يطالعه على جنب : ــ يعني ويش اسوي ... اسوي كانا نطفح به..
كاظم صار يضحك : ــ والله وصرت تعرف هندي..
ــ افا عليك بس .. اعجبك.. والله خوش كانات دجاجات محترمات..
كاظم رفع حاجب وحاجب:
ــ شدعوه صرنا دجاج..؟؟
ــ شدخلك انت.؟؟
ــ اجل تسوي هالبيض للدجاج هذا قولك .. ؟؟
ــ ليش.. ويش يعني كانا بالضبط؟؟؟
ــ ههههههههه يعني اكل ياحظي مو بيض ...
ــ اه.. هههههههه شمدريني عنك ذاك اليوم تقول ابغى كانا و اكلت بيض حسبالي يعني بيض..
ــ لااا ..
ــ اجل ويش يعني البيض ؟؟؟
كاظم وهو يتفاوب:
ــ شمدريني عن امه..
ــ اه .. يبغى لك تسأل يدتك..
ــ اهوو عني .. صدق متفرغ .. بس تدري في حياتي ماسمعتها تقول بيض...
ــ اف منك...
ــ سويت سليماني وياه.. << سليماني = شاي
ــ سوينا سليماني .. من قوطيك الخرندعي العجيب .. اللي جايبنه.. اكو باقي كم وحده ويخلص..
ــ زين اليوم رجعتي اجيب غيره
ــ لاااا تكفى خل السيد ارحم..

شوي الا بدخلة شفيق عليهم:
ــ صباح الخير
ردو عليه..
الا يسألهم: ــ ابغى كاس..
كاظم وهو مستغرب منه كيف ماشاف الكاس وهو كبير وقدامه:
ــ اكو على المغسله في واحد
ــ لا .. ابغى غيره...
ــ لويه يعني ..؟؟
ــ مو نظيف ..
حبيب رفع حاجب وحاجب وطفى القز عن البيض:
ــ شدعوه.. زين غسله بالماي..
شفيق بهدوء .. مسك الكاس و صار يفرك يفرك فيه مره..
مرتين...
وعشر ...
وكل شوي يصب صابون فيه..
حبيب عصب .. ومسك غرشة الصابون:
ــ اخوووك هذا مو كاس .. هذي عافية آدمي ..
طايح فيها دعش وتفريك.. حشا.. والله الصابون اللي كبيته يكفيني اسبح فيه لمدة اسبوع.. داويش انتاااااا .. ؟؟ نظيف صار والله يلق .. هاا اشوف وجهي فيه...

شفيق بهدوووء .. سكر الماي ..
فتح الثلاجه لقى 3 اغراش وحده منهم مفتوحه ومشروبه لنصها..
ترك المفتوحه وراح بيفتح ثانيه..
كاظم : ــ اخوك.. فيه وحده مفتوحه...
شفيق : ــ نظيفه..؟؟
حبيب ماتحمل : ــ لا شارب فيها شلب .. ويش نظيفه بعد مانظيفه..
ــ لا يعني احد شرب منها ببوزه..؟؟
ــ اخوك.. بعد شبدي انتااا.. ما احد يسويها.. ويعني لو سواها.. وبيش بصير فيك يعني ..؟؟
شفيق سكت وحقر حبيب وفتح غرشة جديده..
حبيب دار للفرن وضرب الشوكه في مقلى البيض ..وبحمق ويا روحه:
ــ يالله صباح خيررررررر...
سكر الغرشه و راح الغرفه .. شوي رجع منها و في ايده قلم.. كتب على الغرشه اسمه..
وحبيب وكاظم يطالعو فيه مستغربين..
التفت ليهم و ابتسم ابتسامه بارده:
ــ لا تخافو باشتري غيرها ليكم بس هذي لي حزة حاضر..

وطلع عنهم...
حبيب : ــ ويش فيه دا؟؟
كاظم : ــ اخوك انت بعد هدي صاير شخاط.. ما تهون عن النحاسه والتعيلف
ــ يبط الشبد صراحه .. عجيب امره... اذا هذا اولها وياه الساتر من تاليها..
ــ مادري .. بس مالاحظته الفجر للصلاه,, كم مره دخل الحمام وكم مره عاد صلاته ..
ــ ياعلي .. فيه هوس عفر..
ــ شكله..
ــ الله يساعدنا.. جلدي جلدي .. اخوك..خذ الخبز و الحليبه وانا باجيب البيض والشاي.. << جلدي = بسرعه..
كاظم : ــ زين بيااااااااااا ... << بيا = اخي
وطلع...
حبيب : ــ بيااا,.,؟!!؟؟ الساتر الله شان ماهي مسبّه..

ماطلع كاظم لشفيق في الصاله الا هو.......


الى الملتقى..
ان شالله قريبا