غربة الأوطــــــــــــــــــان...

[دانهـ العشآق]

>>صوت الأنين صادر من شفيق

ان شاءالله البارت الجاي يسكر أبواب فضولنا

///

[دمعة على السطور]

اللهم صل وسلم على محمد وآل محمد وعجل فرجهم وفرجنا بهم ياكريم وألعن من آذى فاطمة

علي ياعلي...وش هاليوم المنحوووس عليهم من حاجة لحاجة مو بس عليهم البارت كله مفاجئات ...

أول شي مصطفى حمد لله على سلامته عور قلبي بقوووة...

ونوري ....ياعيني ع الأبضاااي.....

شفيق تعاطفت معاه بقوة..وصادق كسر خاطري لأن معه حق بكلامه بس مااختار الوقت المناسب..

هذا بارت الزعل وبارت السرقة ...وبارت الموت والمفاجئات

يوسف ياغافلين لكم الله....سرقوا جواله وهو ولاداري من هالبهدلة اللي صايبتنهم

يمكن مزح الشباب عادي لو بوقت ثاني مع أيمن بس لأن هالوقت الكل منفعل وخايف على مصطفى فيطلع الانفعال ع الأصول ولاأحد يتقبل الكلام اللي ينقال له.....وتصير ردة الفعل عكسية >>ماطلبوا منك تحللي...

ريماسوو نحاسوووو ..وش هالبنت ديي استغفر الله ربي خلتني اغلط ..اكيد بتخلي رجال يكلم عبد الاله ويقول له عن هالشامة اللي في ماريا وكأنه استغفر الله له علاقة فيها .....أعوذ بالله وش هالأفكار>هذي توقعاتش مو الأحداث ترى

أبرار ماتت ياعلييي وآخر رسالة كأنها حاسة إنها بتموت يعني........

عبد الستار انفعل بعد >اقول لكم بارت الانفعال...

بس غمضي يستاهل ماجاه ..لكن لاحياة لمن تنادي....

أحمد يصير له سام يعني.............!!

يعني سام يصير أخوي أماني وماريا وحسن ويوسف.....!!!!!!!!!!!!!!!!!!!!!!!!!!!!!!


معقول جى هالطاري قبل وأني مضيعة

أما فقرة لما سام شاف اللي يصور هالمجهول...

ولما راح المصور يحاول يصور الأطفال والأطفال متفاجئين ضحني هالمشهد....اقصد هالموقف...

أكيد اللي سمع ونينه حبيب هو شفيق بس المشكلة يوسف جواله انسرق..والباقي ماحملوا جوالاتهم

امممم هدرت واجد احس...

حبيبتي أمور تسلم الأيادي ياااارب ويسلم عقلك وفكرك العميق...من جد الباااارت حمااس بشكل غير طبيعي..

يعطيك العافية يارب ..

وموفقة في امتحاناتك ان شاء الله...

مقضية حوائجك يالغالية ببركة رب العرش وأنواره..

دمتي بعين الاله مُحصنة

[جـــــوان]

متى الجزء الجديد

[Princess]

مرحبا
الله يحيي التواجد الحلو
والتعليقات الروعه...
ربي لا يحرمني هالتواجد..
والله عسل .. و تعليقات مذهله
شي يصيب و شي يخليني اضحك من قلب

بالنسبه للجديد
راح يكون بأذن الله خلال الأسبوع القادم
وبطول الجزء السابق..

:) لأني ابغى اخلص الروايه في اقرب وقت ممكن
فبتقل عدد ايام تنزيل البارتات... وبالمقابل بيزيد طول البارت
تماشيا مع ظروفي و اوقات اختباراتي

الحين عندي التزامات اخرى بالمنتدى اخلصها خلال هاليومين

لا عدمتكم يارب
دمتم بخير
وبحفظ الرحمن

[عطر الكون]

خوذي رآآحتك غنآآآتي....
بإأإأإأنتظـــــــــــــــآآآرك.......

[دلوعة المنتدى]

باارت كثير رووووعة ياامورة ,,
وخذي راحتك غلااي ,,

[حلم لطيف]

يعطيش العافية يارب

بس بسرعة تكفي خخخخخخخخخخخ

[جـــــوان]

ويش صاير بالمنتدى ؟
مو عارفة اتنقل بين الصفحات

[Habit Roman]

بالتوفيق عزيزتي

[ريم القطيف]

يسسسلموووآ

ووالله يعطيشش العآفييييييه

[Princess]

مرحبا
عوافي علي متابعين زي حلاتكم
والله يجزاكم خير على صبركم علي..

تسلمو من كل مكروه.. ولا خلا ولا عدم من التعاليق الحلوه والتحاليل الأحلى

واسمحو لي على الجرأه في طرح بعض الأحداث..
ولكن ماهي الا تجريد للواقع اللي نعيشه....
بتقولو ويش صاير ويمكن مامر عليكم شي جريء ذاك الزود
اباقول ليكم تفضلو بارت اليوم
و ادعوا لي .. اخلص اختباراتي بنتايج مرضيه و استريح

[Princess]

طلع حبيب من الشقه وهو يتحلطم:
ــ زين بعد دي ثالث مره يخلص الخزان ويجي يهتم فيه مو سالفة ألأصنصير بعد...
ركب حبيب السطح...
وتوجه للخزان بيفتح الماي
الا يسمع صوت ونين...
التفت حبيب لقى شفيق قاعد في زاويه و يون..
حبيب رجع على ورى بالسرعه وشهق:
ــ بسم الله ويش مقعدنك هنا... في هالحر !!!
شفيق يرفع راسه وعيونه تفيض هموم والكلام يتقطع تقطيع ..
ويرتجف كأنه في عز البرد:
ــ ابرجع... ابرجع القطيف .. مالي قعده وياكم خلاص..
حبيب قعد جنبه وصار يهديه:
ــ صل على محمد .. ويش جاب هالطاري .. قوم انزل وياي الحين .. يوسف ومراد طلعو يبلغو الشرطه ترى عنك على انك مفقود..
ماشاف حبيب الا دمعه انسلت من عيون شفيق بعفويه :
ــ ما اجيب الا المشاكل.. لازم ارجع..
حبيب يمسكه ويبغاه يقوم
شفيق يسحب ايده من ايد حبيب .. ويقوم لحاله .. يمشي وخطواته تحكي ألم و مراره...
ينزل على الدرج.. وهو يتذكر مواقف الشباب وياه ومحاولتهم يدخلو السعاده الى حياته..
يذكر مواقفه اللي يسويها فيهم وكيف مسبب ليهم رعب وقلق ...
فتح حبيب ماي الخزان ونزل يركض ورى شفيق ...
دخل شفيق الشقه..
السيد قام له بالسرعه وهو مستانس :
ــ هااا وين كنت خوفتنا عليك..
شفيق ما يسمعه في عالم ثاني...
يكمل مشي الى غرفتهم..
صادق في الغرفه قاعد..
دخل شفيق و لا كأنه يشوفه وكان وراه السيد مستغرب منه ويسأل فيه وين كنت وويش فيك..
ماشافو الا شفيق كسر الهدوء و الصمت اللي فيه... و يدور على السيد ويصرخ فيه:
ــ خلاااااااااااااص...
صادق طفر مختلع..
حبيب دخل عليهم .. الا يلقى السيد واقف و فاتح عيونه يطالع في شفيق !!
حبيب يعرف السيد اكره ماعليه احد يرفع صوته في وجهه بدون حق..
صار يتأمل في السيد اللي كان مذهول وفاتح عيونه و حواجبه عافسنها مستاء من حركة شفيق ...
حبيب صار يمسح على ظهر السيد ويهمس له:
ــ هدي اخوك حالته حاله
السيد وهو يحاول يداري غضبه :
ــ.. الذنب ذنبي يوم اخاف عليه و اسأل عنه .. الظاهر ابدا ما بالغ صادق في كلامه عليه
شفيق سمع كلام السيد.. وكان يطلع شنطته من تحت سريره...
بهدوء رد:
ــ انا آسف.. ضايقتكم.. وعذبتكم معاي.. بس خلاص بتفتكو مني..
السيد سكت عنه وطلع من الغرفه..
حبيب صار يحاول في شفيق .. بس شفيق ابدا مُصر ..
وقاعد يلم كل اغراضه .. و ناوي ينزل القطيف قبل نهاية الأسبوع... وبلا رجعه..
حبيب وهو يحاول الا بالسيد يناديه:
ــ تعال بس اتصل في المساكين اللي طلعو يدورو عليه ويبلغو الشرطه..
شفيق بهدوء:
ــ روح اتصل عليهم وخلني بحالي ...
طلع حبيب وراح غرفتهم للسيد اللي كان مره مستاء و مقهور..
حبيب :
ــ عاد سيدوه ويش فيك تفلت كلام
السيد:
ــ والله هو اللي بدى.. الواحد يندم انه خاف عليه لو فكر فيه.. دايما يتصرف تصرفات تخلينا كلنا بحاله ووضع مو طبيعي .. وملزومين نسكت و نراعي مشاعره.. والله كلام صادق الحين صحيح عندي .. ليش حنا ماعندنا مشاعر.. ؟؟ مالينا قيمه ولا احترام عنده..؟؟؟ يقدر ان حنا اكبر منه وخايفين على مصلحته.. .. يحس انه فيه ناس بتحاتيه فلا يتهور ويتصرف أي تصرف يخليهم ياخذو مواقف سلبيه منه
حبيب يهدي فيه:
ــ غصبن عليه انت تدري مو بيده... مريض هو.. نسيت !!
السيد:
ــ ومريض اللهم ياكافي مين اللي صاحي بهالدنيا.. ؟؟؟ نتجارم وياه ليش ؟؟؟ خله يتعالج و يرحم روحه ويرحم اللي حواليه
ماسمعو الا شفيق وكان قريب باب غرفتهم جاي بيعتذر للسيد ومصدوم لما عرف الحين انهم كلهم يدرو بسالفته و انه مريض ...
ــ يعني تدرو بمرضي ومعاملتكم دي كلها من باب الشفقه و كسرة الخاطر .. حاولتو تتحملوني كلكم بس على شان ماتجرحوني.. وانا اللي كنت استمر بتصرفاتي وما راعيت شعور واحد فيكم..
وبنبره مخنوقه و مبحوحه بالكاد يطلع معاها الكلام:
ــ آسف .. وربي آسف .. خلاص راح انهي مشاكلي وياكم اليوم...
وتركهم ...
السيد صار يمسح وجهه بيده :
ــ انا لله ..
حبيب :
ــ احس روحي صخنت.. ويش هاليوم دا....
السيد بهدوء:
ــ اتصل في مراد ويوسف .. بتطلع الشمس وهم بعدهم برى..
حبيب دق على يوسف .. لقى رقمه مقفل..
حبيب:
ــ غريبه مقفل يوسف .. يمكن خلصت بطاريته
دق على مراد .. مره ومرتين
الا يسمع صوت النغمه كلما جى ليها تصير قريبه
صادق دخل وماسك جوال مراد:
ــ نساه هنا...
حبيب يضرب جبهته:
ــ اوووه لا حول الله.. ويش نسوي الحين !!!
السيد يضحك بأستياء :
ــ هه هههه.. والله هم يضحك.. خلاص مانى قادر انا.. عن جد مو طبيعي الوضع...
الا بدخلة كاظم عليهم .. ينشف شعره و يدندن ,, شوي وهو يدور سألهم:
ــ وين كريم الشعر ... شعري ناشف احسه...
حبيب :
ــ خذ لك.. الناس في جلبه و العجوز تدور رجل..
كاظم :
ــ هااا!!
السيد :
ــ خخخخ مثل حبوبي
كاظم:
ــ ويه !!
حبيب:
ــ اقول استريح...
كاظم باستياء:
ــ شندراهيه تومي ديرا ... << خرابيط من عنده بيشوف ردة فعل حبيب
حبيب يطالعه على جنب:
ــ اقول .. لا تخربط .. ترى افهم لك..
كاظم ماقدر صار يضحك..
السيد ابتسم ...
الا يسمو صوت باب الشقه..
فزعو ركض يشوفو مراد ويوسف
..
حبيب مو عارف ويش يقول:
ــ شفيق ... شفناه..
كاظم طفر :
ــ بل ولا يقولو !!!!!
حبيب:
ــ انت تشيه تدري وين الله قاطنك
يوسف :
ــ ها ... صحيح... وين كااان !!
مراد :
ــ اوووه عاد بلغنا الشرطه حنا.. الله يهديكم كان اتصلتو عليناااا!!!
حبيب بأستياء/:
ــ مين قال ما اتصلنا .. انت جوالك هنا نسيته وانت ويش فيه جوالك مقفل ؟
يوسف يحوس في مخباه:
ــ جوالي !!.. وين جوالي اصلا..
مراد :
ــ يمكن نسيته بالسياره
حبيب :
ــ الحين ويش بتسووو...؟؟
مراد :
ــ افففففف والله مشكله الحين... دام بلغنا لازم نروح و نلغي البلاغ...
يوسف :
ــ ولو ما الغيناه مشكله بتصير صح
مراد وهو مره ميت من التعب:
ــ مشكله في الغاءه حتى... الله يعين.. بطلع الحين باروح الغيه بالسرعه قبل لا يدورو و تزيد المشكله ..
يوسف :
ــ اباروح وياك..
مراد:
ــ لا ارتاح.. روح شوف شفيق ما يسمع لأحد غيرك.. انا شويات وراجع..
وطلع مراد..
حبيب:
ــ مسكين مراد ابتلش بنا ماتسوى عليه عنده سياره تحت ايده..
يوسف في قلبه يلوم روحه:
ــ كل مني انا اللي اقترحت سالفة هالرحله.. لو قاعدين في الشقه ماصار هذا كله... وانا اللي اصريت نبلغ الشرطه... يالله عدي هالسالفه على خير..
وراح يوسف بيشوف شفيق .. لقاه نايم.. وهو بالواقع يسوي روحه... و الهم شاغل فكره.. والدموع تنسل على خدوده..
كاظم:
ــ خلاص انا تعبت .. انهيار تام مو قادر ابانام... تمسووون على خير
صادق نام من زمان من رجع شفيق ..
حبيب حاول يواصل لين يرجع مراد بس ماقدر تركهم وقام هو الأخر
بقو السيد و يوسف ينتظرو مراد يرجع..

[Princess]

مراد في قسم الشرطه من بعد ما الغى البلاغ.. والمسؤولين مستغربين من حركتهم دي اول شي يبلغو عن مفقود وكبير بالعمر و بعدين ما ياخذو كم ساعه و يلغو البلاغ..
المسؤول:
ــ وش تقول انت... بكذا تكون انت وخويك ورطتو نفسكم ببلاغ كاذب ..
مراد ارتبك.. طبعا بموجب البلاغ اخذو ارقام سجلاتهم المدنيه هو ويوسف ...
مراد :
ــ لا ماكذبنا فعلا كان مختفي وهو مريض .. بس رجع ما درينا انه رجع ...الا تونا..
ــ طيب اذا مو كاذب ايضا يعتبر هالشي اشغال للسلطات... مرت تقريبا ساعه من بلغتو وبدينا عملية البحث
مراد مستاء والكلام مادخل مخه .. تعبان و جوعان ونعسان وكل شي فيه...
ولا هو مصدقنه وبنبره شوي منزعجه و منفعله :
ــ لا عاد مو ساعه .. نص ساعه بس .. وشدعوه مداكم تطلعو تدورو << فلت الجمله بلا وعي
انقهر المسؤول فيه وصار يهزأه:
ــ قالو لك حنا شنو.. دام انك مستهزأ فينا ليش جاي ومبلغ عندنا.. يا عسكري .. خذه الحجز المفروض خويك بعد معاك... وانت لو ضاب لسانك يمكن ها.. يمكن عديتها لك.. بس ماراح اعديها وانت اشغلتنا ولا لك عين تتكلم علينا بعد..
مراد فتح عيونه:
ــ حححححجززز ويه .. ليييييييش !!
المسؤول وهو يسكر ملف البلاغ:
ــ اشغال سلطات .. و على شان طولة لسانك...
مراد مره مستاااء حده...
خذوه الحجز.. وطبعا جواله ظل في الشقه...
ساعه..
ساعتين..
السيد خلاص جت له الحومه من التعب...
ــ ليش وين قسم الشرطه؟ بعيد لهالدرجه..
يوسف متهوس:
ــ لا مو لدرجه يظل ساعه لو ساعتين...ابطلع اشوفه..
السيد:
ــ انا لله .. اصبر بابدل ثيابي وباجي وياك...
شفيق متسند على باب غرفتهم ويسمع كلامهم بالصاله...
يحس نفسه منحرج بالمره والود وده يرجع بهاللحظه القطيف ويريحهم منه ...
توجه الى سريره .. قعد عوايده لما بيجي ينام.. حضن مخدته و دفن راسه فيها .. و صار يفضفض همه..

وداد تقعد في ولدها محمد و النوم قاضي عليها:

ــ حمدوه... حمدوووه قوم..

محمد ابدا لا حياة لمن تنادي..

وداد بصرخه:

ــ حمدوووووه وطاعووووووووووون

محمد ببرود:

ــ هاااااااا

وداد:

ــ طلع دا احر ما عندي ابرد ماعنده.. قوم ونايبه

محمد ابدا..

وداد تمسك طرف سروال محمد وتسحبه الا ينزل شوي

محمد يطفر ويقعد قعود:

ــ واااه..

وداد ماقدرت جتها ضحكه ماتوقعت ينسحب السروال...:

ــ ماحد قال لك تلبس سروال واسع عليك...

محمد وهو يتثاوب بتعب:

ــ سروال باقروو دا

وداد:

ــ ها.. لويه لابسنه من مصيبه

ــ ماعندي سراوله

ــ ويه ويه !! ماعندك !!

ــ كلهم منشقين من الوسطه كلما اقول لش خيطيهم ما تخيطيهم . البس منشق يعني !!

ــ انت لو بني آدم ... شان ويش يبعطهم من مصيبه ..؟؟ بس حمار تمشي و ترافس ..

محمد وهو يقوم من سريره :

ــ اووووه من الصبح سب و تهزأ افففف

وداد بحمق:

ــ نايبه تصكك..اللي الواحد ماياخذ منك شي يسر الخاطر ... افصخه بالسرعه..

وطلعت عنه...

وبعد مابدل محمد طلع الصاله...

وكانت امه تمشط فرات..

فرات :

ــ آآآآآآآآآه ربطتي الشباص بالقوه...

وداد:

ــ ويش اسوي لش عكرش .. اول مره اشوف وحده من يحطو المشط على شعرها يهيج..

فرات:

ــ اهئ ماني تسخري علي ...

محمد يفلت سراول باقر جنب امه ويشحط عواينه زي اليابانيين :

ــ هههااااااااي .. شنق فنق هنق << يخربط كأنه يتكلم ياباني يسخر على عيونها بعد ماربطت امها الشباص

فرات تطالع في محمد بنظرات حقد ...

وداد:

ــ قومي .. خلف الله عليش ماطلعتي علي طلعتي على ابوش ..

الا بطلعة حسن من الغرفه:

ــ وويش فيه ابوهااا...!!

وداد مختلعه:

ــ لا ولا شي ...

حسن وهو طالع :

ــ حسبالي بعد...

ماريا طلعت من غرفتها بتاكل ليها حاجه قبل لا تروح المدرسه...

وهي دايره تشرب ماي في المطبخ

الا بوداد تفلت عليها سروال باقر و يطيح على راسها ويغطي وجهها..

ــ هاااش

ماريا بأستياء وانفعال عنيف تدور على وداد وتشيل السروال من على راسها:

ــ دووووويه !!!

وداد جتها ضحكه:

ــ سروال ولد اختش..

ماريا:

ــ وحق ويه ترميه علي كذا.. ماتعرفي تعطيني اياه بأحترام..

وداد عصبت:

ــ سالفه هي بعد تبغي احترامات... خذيه وبس

ماريا:

ــ من وين جايبتنه .. توها اماني مغسله فيابهم كلهم..

ــ حمدوه لابسنه البارحه..

ماريا عصبت:

ــ يعني ملبوس بعد مو نظيف

ــ قالو لش ولدي شلب لو اجرب

ــ انــــــــــالله يالله صباح خير ... مين اللي يبلس ثياب لابسنها غيره بدون ما يغسلها.. الله يقرفش ..

ــ ويه.. ويه... يقرفني .. ماغير يقرفش انتين...

ــ اقوووووول مو تسوي لي سالفه على سروال

ــ والله انتين اللي بتسوي اني ماسويت شي ..

ــ حلفي عاااااااد

ــ والله.. غسليه و خشيه لأختش شوفي متى بترجعيه ليها..

خوب الحين استرحنا يوم رجع رجلها

ماخلصت وداد كلامها الا بكفخة ماي بارد تكفخ وجهها

وتشهق على اثرها شهقه..

ماريا تصفق الكاس على البراد.. وتطلع من المطبخ...

وداد بقهر تطلع وراها:

ــ هييييييييييه تعالي ياعلة ابليس

وهي لاحقتنها الا تدوس على فرشاة الشعر بالصاله ماشالتها فرات...وكانت من جهة الأسنان....

ــ آآآآه و حررريقه .. هين ياماريو هين

ماريا قفلت عليها باب غرفتها وهي ميته ضحك...

وصارت تلبس وتخلص بقايا عفستها...

بقسم الشرطه....

السيد يوقع اوراق لخروج مراد على كفالته.. والمسؤول يهدر ويهدر والسيد يحس روحه مايسمع شي من التعب...

وطلعو

وهم بالسياره.. السيد راحت عليه نومه...

مراد شاد على اعصابه...و يوسف نفسيته متوتره... وبهدوء:

ــ تعبناك واجد اليوم

مراد بأبتسامه لا تخلو من التعب:

ــ لا شدعوه..

ــ والله مبين على وجهك .. مشكور ماقصرت و يعطيك الف عافيه

ــ اقول بلا هالهدره الفاضيه ماتستاهل السالفه

ــ ويش ما تستاهل.. تشمخت سيارتك بسببنا غير المشاوير اللي صارت عليك وفوق هذا دخلوك الحجز لأول مره في حياتك..

ابتسم مراد:

ــ مهي اول مره

يوسف يطالع فيه بأستغراب..

مراد:

ــ على شان اكون صريح.. دخلته يمكن 7 مرات تقريبا

ــ بل .. ليش !!!

ــ خخخخ شبقات .. تكسير سيارات

ــ لهالدرجه... !!

ــ على شان كذا اليوم انا احسه عقاب من الله حق احس بالناس اللي كنت أأذيهم من قبل

ــ بس ما توقعتك كذا.. مايبين عليك..

ــ خلها مستوره اخوك.. غير بس من جيت الرياض هجدت شوي..

وبهدوء:

ــ الفضل لك .. الله يخليك ان شالله ولا يحرمني منك..

هالجمله طلعت بعفويه تامه من مراد

عفويه اخجلت يوسف و خلته يرتبك ويسكت لين ما وصلو للشقه...

ورمو روحهم على اسرتهم و مطنشين الجامعه ...

[Princess]

في مدرسة البنات الثانويه... ريماس تطالع في ماريا بالصف و التفكير شاغلنها.. وبأبتسامه خبيثه و في بالها :

ــ اجل طلع فيش شامه في بطنش .. بنشوف يا مروووي هالشامه بتفيدش قد ويش ..

استاذه زكيه توصيهم يذاكرو عدل ماباقي على نهاية هالسنه الا اسبوعين و تبدي الأختبارات...

ــ حبيباتي اريدكم تشدو العزم .. ماريد خمول ولا كسل .. خذو من النيون الأشعاع و تركو الخمول << لأن الزينون غاز خامل

وحده من البنات من باب الفضول وبأبتسامه:

ــ ما بنصير غريبات بعد ... استاذه تحبي النيون.؟ >> الغرابه في الأجزاء الأولى قلنا الزينون كلمه لاتينيه معناها الغريب ..
أ.زكيه لاحظت استغراب اكثر البنات من تكرارها للزينون و اهتمامها فيه:

ــ بتضحكون لما اقول لكم.. بس يذكرني بأخوي..

وحده ثانيه بفضول:

ــ استاذه اخوش هنا لو بالعراق ؟

ــ لااا.. لا هناك ولا هنانه.. بأمريكا...

وحده ثالثه:

ــ يدرس يعني؟

ــ لا يشتغل ..

وبأبتسامه:

ــ يللا عاد يابنات ياحبكم للتحقيق...

ريماس بينها وبين نفسها تتحمق:

ــ افففف خلصت الحصه وهم يهدرو في اشياء مال امها داعي .. مو ناقصني الا اعرف تاريخ زكيو بعد....

ماريا قاعده قدامها سمعتها .. دارت عليها .. ورجعت كفخت عنها

ريماس بأستياء:

ــ عدااال لا تطيح رقبتش بس..

وحده رابعه وهي شالقه البوز رجعت وسالت:

ــ ويش يشتغل؟

ــ ههههههه تريدون بس تفتحو سالفه .. دكتور ...

رجعت وحده وسألت:

ــ ليش بأمريكا عاد.. لو هنا وياش مو احسن

سكتت استاذه زكيه و ملامح وجهها تغيرت.. تنهدت من قلب وبهدوء:

ــ لااا.. شنو يجيبه هنانه.. الا اذا زاير ... الله يفرج عن العراق ويرجع ..

ردت بنيه وسألت:

ــ استاذه من متى ماشفتيه

استاذه زكيه خلاص ماعجبها كثرة الفضول

ماريا قطعت الأسئله وبأسلوب مرح:

ــ بنات عاد مسكتو استاذه زكيه تحقيق واجد عليها...

ابتسمت استاذه زكيه :

ــ زين تسوي ياماريا... عليـچ بهم..

وطلعت استاذه زكيه من الصف و تحس قلبها مقبوض ...

ومتضايقه على اخوها ...

توجهت لغرفة المرشدة الطلابيه .. استاذه رمله...

الا تلقى نور واصله قبلها غرفة المشرفه جايبه ليها اعذار غيابها الأيام اللي ظلت فيها مع امها على شان ابوها ( ابو مجتبى ) لما سوو له العمليه...

استاذه زكيه فكرت نور طقت الباب ... ففتحته وهي وراها على طول ..

الا يشوفو استاذه رمله في وضع مو طبيعي مع طالبه.. من دخلو عليهم طفرو .. وسوت المرشدة رمله نفسها معصبه:

ــ يللا هذي اخر مره المرات الجايه تعهد..

والبنت اللي معاها مستغربه من ردة فعل المرشده..

استاذه زكيه منذهله .. وواقفه عالباب هي مع نور...

من اللي شافته وتحاول تكذب عيونها وفي بالها الف استفهام..

ــ مرشدة طلابيه وكذا !!لا اكيد آني احلم .. واللي شفته مو صـچ

نور مذهوله اعظم ... !!

البنت اللي كانت مع المشرفه بالغرفه كانت بنت مشهوره بسمعتها السيئه بالمدرسه .. والبنات ماعندهم الا سالفتها و اشاعات انها شاذه و غيرها من الكلام ..

ماكانت كذا ايام متوسط كانت بنت شاطره و مؤدبه.. بس من دخلت الثانويه و المشاكل حولها كثيره وكل يومين عند المرشده و حالتها تزداد سوء ..

طلعت البنت بالسرعه من الغرفه وهي تسكر ازرة مريولها...

زكيه ونور لسا عالباب

رمله بأرتباك .. وتزرر ازرة قميصها بالسرعه..

ــ هههه تفضلو..

زكيه ابد مو مستوعبه الأمر .!! تحس نفسها مو بالمدرسه.. مو بالدنيا حتى..

نور مصدومه حطت العذر عالطاوله و هي مرتبكه :

ــ هذي اعذار غيابي

وطلعت تركض وهي مره تحس نفسها شوي وتصيح خصوصا انها تعز المرشده و ترتاح ليها ... وتتذكر كلام المرشده ليها انها كذا مره تقول ليها تبغاها تزورها ..

وانها تبغى رقم جوالها بس ماكان عند نور جوال... و انها تحبها و تهتم فيها ومستعده تساعدها في أي شي ..

نور تحس الدنيا تدور بها... وصلت لأقرب درج وقعدت عليه ... وهي تفكر...

زكيه بهدوء في الغرفه نست لويه هي جايه للمرشده اصلا...

وبهدوء وهي قايمه:

ــ استاذه رمله .. ازرارك مسكره غلط

التفتت رمله لقت نفسها زررت ثنين بمكان غلط وثنين ظلو بدون تزرير و بأرتباك صارت تعدلهم:

ــ هه.. ههه صاحيه متأخره فما انتبهت لنفسي

زكيه في بالها:

ــ متأخره... واللي شفناه شنو..

قامت زكيه وهي طالعه من الغرفه ماتحملت تسكت عن اللي شافته.. و بهدوء:

ــ عيب .. والله عيب وانت القدوه و المربيه الفاضله... حسبي الله ونعم الوكيل

رمله انتفضت وخافت على عمرها من زكيه :

ــ وش هالكلام .. ؟!!

التفت زكيه على جنب:

ــ لا تنكرين ..

ــ انكر شنو ... وبعدين مو من الأدب حضرتش تدخلين غرفه بدون ما تطقي الباب اقتحام كذا .

زكيه تسخر فيها :

ــ هه.. عقب اللي شفته ماظن كلمة الأدب تنفع ... وچـان انتي تنكرين .. بسأل البنت هالسا ... هالشي ما ينسكت عنه..

وطلعت ...

رمله في ايدها ورقه كفستها وهي مقهوره:

ــ طيب يازكيه.. شكلك ناويه تلعبين بالنار معاي...

راحت استاذه زكيه تدور على البنت في أي صف هي... شافت نور عالدرج قاعده خاشه راسها على ركبها .. تقربت منها:

ــ نور

اختلعت نور

أ‌.زكيه: ــ بسم الله على عمرچ ... يمه لا تخافين... و اعتبري نفسچ ماشفتين شي .. طيب عيني.. آني راح اتصرف .. بس ابسألچ هالبنت شنو اسمها و بيا صف ؟

نور و الأرتباك باين على ملامحها علمتها بالأسم والصف ...

فراحت زكيه على طول تشوفها...

في امريكا....

الساعه 8 مساء .. على شاشة كمبيوتر في احد مراكز الشرطه الفيدراليه fbi صور سام وقيصر ...احد المحققين يقلب فيهم ويكلم زميله :

ــ هذه صور المشتبه به مع زميل له كثيرا مانراهم معا.. قام بألتقاطها مؤخرا عميلنا السري ... رجاء تحققو من هويتهم بالتفصيل ..

ــ حاضر يا سيدي..

سام منسدح على سرير المرضى في عيادة قيصر ...

قيصر يهجم عليه بمقص ...

سام ينقز مرتعب :

ــ ويش صاير

قيصر يتدحن ضحك:

ــ خفت يابه.. اشوفك شارد وبالك مادري لوين وصل .. احاچـيـك ماترد عليا.. قلت اشق صدرك و اشوف قلبك بلكت يرتاح قلبي ..

ــ ههههههه ليش قلبك مو مرتاح..!!

ــ صراحه ومن غير چـذب .. لا.. مانه مرتاح كلش..

ــ شدعوه.. خلاص اجل باقلل زياراتي لك شان يرتاح قلبك....

قريب من الحي اللي فيه العياده.. كانت جويل تتمشى مع اخوها فريد ..ياخذ وياها جوله قبل لا يرجعو بلدهم.. ويغير ليها جو من بعد مرضها على اللي صار فيها ...

وهي تمشي و تسولف دخل كعب جوتيها في حفره في الرصيف و التوى كاحل رجولها بالقوه... لدرجة ماقدرت تكمل مشي ..

قعدت على جنب على ما يتصل فريد بسواقه الخاص يجيه..

فريد:

ــ ولك آيل لك بلا ما نؤول له يمشي عنا.. وانتي بدك تمشي شوي وبدك تمشي شوي ... شوفي شو صار لك من هالمشي .. هالأ الله يعلم متى راح يوصل لعنّا...

جويل وبقهر و ألم:

ــ شو عرفني انا انو حتى هون الشوارع خربانه

ــ ههههههه ايه شو كل شي بأمريكا منيح ؟؟

ــ لا .. تضرب امريكا والساعه اللي جيت فيها على امريكا.. ما جاني من وراها الا الأهر و المرض..

ــ تؤتؤتؤ... لك شو إلت لك .. بلا ما تعصبي و تأهري حالك.. وحأك راح يرجع لك انتي استني شوي بس ..

ــ طيب راح اشوف متى بدو يرجع .. وكيف بدك ترجعه..

ــ ولووو .. اعتمدي على فريد.. وراسك ماراح ترجعي على لبنان الا حأك راجع لك وكمان فتحتي مشروعك هون..

ــ لالالا.. دخيلك بطلت اعمل مشاريع هون.. راح اروح فرنسا احسن

ــ أيه .. شو عليه.. لأنو اللي بفرنسا ملايكه.. أومي هالأ نمشي شوي حركي رجلك

ــ مابإدر .. توجعني كتير ..

مسكها فريد ... وهو يمشي وياها:

ــ تعرفي .. انا كأني بعرف عياده في حي أريب من هون... خلينا نمشي يكشفو عليك..

ــ مابدي روح منشان رجل ملتويه .. شو بدك الدكتور يتضحك عليي..

فريد يحط صبعه على جبهة جويل و يدف راسها:

ــ ولك مو منشان رجلك بس .. شوفي حالك باهته و لونك اصفر .. ماعم تاكلي منيح ولا تنامي منيح.. خليه يعطيك شوية فيتامينات

ــ طيب ليش اروح عياده خليني اروح مستشفى احسن..

ــ.. العياده أريبه من هون و تكلفة الفحص رخيصه... فيها او بالمستشفى نفس النتيجه

جويل تطالع في اخوها على جنب:

ــ اطلعت بخييييل

ــ ايه .. امشي إدامي و لا تكتري حكي ...

[Princess]

زكية مع البنت في صف من الصفوف وقت الفسحه ومسكره الباب و تسأل فيها..

البنت خايفه وترتجف .. وبعد ماحاولت فيها زكيه تهديها وتوعدها انها لو تكلمت وقالت ليها الصراحه ماراح يمسها أي اذى.. بأرتباك وخوف والدموع تتناثر تكلمت البنت..

ــ اني ماكنت كذا.. ولا كنت موافقه على هالشي .. استاذه رمله علمتني وقالت لي عادي وكلنا بنات.. وتعودت وكلما قلت ليها لا... هددتني انها بتفصلني من المدرسه وبترسل خطاب لولي امري وانها مرشده طلابيه وبيصدقوها وبيكذبوني واني خايفه..

ــ ليش يا يمه .. ما قلتي لأمـچ من اول ما صارت استاذه رمله هيـچ معاچ

ــ امي متوفيه من لما كنت في خامس ابتدائي ...

ــ اووه.. الله يرحمها .. ويعوض عليچ عيني .. آسفه ماكُنت ادري .. طيب الوالد ؟

ــ لا ابويي عايش بس متزوج .. واني ...

سكتت والدموع صارت تنحدر بشكل مو طبيعي ..

زكيه صارت تمسح دموعها و تهدي فيها ..

البنت:

ــ اني اخاف من ابويي .. مايتفاهم.. وكلما صارت مشكله بيني وبين مرته هددني بيطلعني من المدرسه على شان اصير مرأه عدله..

ــ مرأه عدله..؟؟

البنت وهي تشاهق:

ــ ايه مرت ابويي كل تخليني اشتغل في البيت وامسك اخواني واذا مارضيت او قلت ليها باذاكر تقول بتشتكي عليي عند ابويي اني ما انفع لشي وبلا مدرسه وويش بتفيدني المدرسه وخلني اتعلم شغل البيت احسن..

ــ والوالد عادي عنده هالكلام..؟

ــ ايه ابويي اساسا ماكان يبغاني ادخل الثانويه.. من تخرجت من متوسط قال بيزوجني بس خوالي مارضيو و اقنعوه..

ــ لا حول ولا قوة الا بالله... طيب من متى وانتي مع استاذه رمله؟؟

البنت و ملامحها تتصلب :

ــ من لما تدهورت في دراستي من صف اول ثانوي .. و المدرسات يشتكو من اهمالي في المواد .. وكل يرسلوني عندها.. وهي تتقرب مني و تقول لي ان هالشي اللي تسويه نوع من التخفيف علي و نوع من المواساه وعادي لأن حنا بنات في البدايه صدقتها ماكنت اعرف هالأشياء بس بصف ثاني سمعت من البنات هالسوالف وبحثت في الأنترنت و فهمت انه غلط و حرام

و انتابت البنت موجة صياح مو طبيعيه حيرت استاذه زكيه في امرها ...

زكيه في بالها:

ــ طيب يا استاذه رمله.. نشوف شنو آخرتهأ..

وبهدوء:

ــ خلاص يمه لا تبچـين .. بس ابي منچ وعد ما تعودين لغرفة استاذة رمله حتى لو ارسلوچ المدرسات تعالي لعندي وآني بتصرف ... بس اذا ردتـچ تقولين هالكلام اللي قلتيه لي الى المديره بتقولينه؟

البنت ارتبكت .. ومع نظرات استاذه زكيه الحانيه و املها فيها انها بتساعدها حست بشوية اطمئنان.. وهزت راسها بالموافقه...

وطلعة استاذة زكيه من الصف والبنت طلعت وراها..

واستاذه زكيه تمشي لغرفة المدرسات لفت نظرها بعض البنات في كذا مكان يطالعو فيها بنظرات غريبه ... ويتساسرو ..

ومن بعيد استاذه رمله تراقب زكيه و بأبتسامه خبيثه.:

ــ قايله لك لا تتدخلي في اللي مايخصك..بنشوف آخرتها أنا والا انتي

في امريكا بمكتب التحقيق الفيدرالي..

المحقق يقلب بيانات قيصر .. ويقراها...

ــ ممممم على مايبدو ان لا قضايا سابقه عليه وليس مشتبها في قضيتنا.. مجرد وافد عربي .. ولكن تبا لهذا الآخر .. كيف يعقل ان لا نجد بيانات عنه سوى اسمه وتاريخ ميلاده..

زميل المحقق:

ــ وعلى مايبدو انهما ليسا حقيقين .. فكما تعلم انتشرت قضايا التزوير في هذه الفتره بشكل لا يصدق .. يصعب ان تكتشفها ...

ــ اذن واصلو التحريات بشأن هذا الغريب وايضا صديقه العراقي ... لربما يوصلونا الى خيط يدلنا على العصابه....

دخل فريد العياده :

ــ مرحبااا... لو سمحتوا .. حدا هون.؟؟؟

قيصر كان قاعد مع سام ..

قام ليهم يشوفهم..

ــ يا مرحبا.. تفضلو سلامات

فريد:

ــ الله يسلمك بس اختي التوى كاحلها وهيا عم تمشي أريب من هون.. وكمان ...

وهو داخل لداخل ويكمل كلامه

الا سام قعد قعود على السرير ويشوف بوجهه عند الباب جويل

من شافها اختلع..

وهي فتحت عيونها:

ــ انت... انت..

فريد ماعمره شاف سام بس على المواصفات... ولما وصفه لمارك عل وعسى يدليه بأي عصابه هالأنسان .. مارك من حقده الشديد اعترف له انه من عصابتهم..

سام بلا وعي قام يركض و دفهم وعبر .. وطلع من العياده حد ماعنده طيران...

فريد :

ــ هذا هو.. هو الحقير ..

جويل مذهوله:

ــ ايييييييه...

فريد:

وأف عندك...

وترك جويل وراح يركض وراه

قيصر مذهول مو فاهم ويش صاير

وبأرتباك سأل جويل:

ــ شنو صاير ؟ ؟

جويل بقهر و الكلام يتسارع:

ــ ايه .. ولك شلون مابعرفوه.. هالنصاب الحرامي الأزعر ..

ماخلت عنه ولا كلمه...

قيصر :

ــ نصاب؟ ,,!! حرامي !!!!!!!!

قعدت جويل وصارت تحكي لقيصر سالفتها مع سام.....

فريد يلحق في سام من شارع لشارع ... لين غواه وماقدر يتتبع له اثر...

رجع العياده وهو مره شاب حريقه..

لقى جويل قاعده تنتظره وقيصر قبالها سرحان و شابح بعيونه ومصدوم.. يتذكر سام و مواقفه وياه .. و شلون حبه و تقرب منه واعتبره صديقه الحميم في الغربه.. وكيف يحسه يتشارك وياه في ذات القدر الأليم...

فريد بعصبيه:

ــ تعرفه. تعرف وين ساكن؟ بيجي هون ؟؟؟

قيصر مو مستوعب الحقيقه... وبهدوء:

ــ لا .. انت شفته لما جيت كان متسطح عالسرير .. چـنت اعالجه... اول مره اشوفه

جويل :

ــ لكان لشو كنت تسألني عنه... وانت مانك على بعضك

قيصر يحاول يمثل عليها:

ــ هههههه ولك يابه خفت على روحي تقولين نصاب وحرامي بكره ينصب عليا آني بعد.. مشكوره يوم انچ حذرتيني .. ثاني مره لو يجيني ما استقبله ولا اعالجه..

فريد:

ــ لاااا.. تاني مره .. لو اجى حاول تخليه اطول فتره عندك.. و اتصل عليي..

وترك رقمه عند قيصر ..

وبعد ماعالج اخته وطلعو..

قعد قيصر على السرير ويحس نفسه مكبوت ومتضايق...

اتصل على سام... لقى جواله مقفل... ابتسم وبهدوء:

ــ هالسا ياسامي عرفت شنو في قلبك... الله يعلم راح اشوفك بعد هاليوم والا لأ....!!