غربة الأوطــــــــــــــــــان...

[Princess]

حبيب وكاظم والسيد.. سوو قرعه مابين صادق ويوسف ومراد مين فيهم اللي راح يكون عليه الطباخ في هاليوم ومين السبت ومين الأحد وعلى هالأساس بيكملو هم من بعدهم...
فطلع من حظ مراد انه الجمعه الطباخ عليه..
مراد فتح عيونه .:
ــ انا ويش عرفني .. اباجيب ليكم من برى..
السيد : ــ والله براحتك .. المهم غدانا اليوم عليك..
حبيب : ــ اكل البيت ترى اوفر بواجد وحنا الله يسلمك نقنع بأي شي ...
مراد : ــ زين.. مكرونه باسوي ليكم.. ويش ؟
كاظم : ــ أي شي .. كل شي ناكله..
مراد : ــ مادري اسهل شي عفر احسه...

قيصر : ــ انت لازم تبلغ الشرطه عنه
سام ارتبك : ــ شرطه.. لا .. ما يحتاج...
ــ ليش يابه.. انت هيچ تسكت عن حقك وتشجعه .. اهو اذا ماخاب ظني ناوي يذبحك بس الله سلمك و صابت اذراعك بس ..
سام : ــ لالا.. خلاص انا بخير الحين..
ــ ولك سام شنو مخبي ... شنو ؟؟ طايح ببلشه وما ودك تحچي ؟؟
سام سكت..
قيصر : ــ طيب براحتك .. آني وقت ما بغيت تحچي مستعد اسمعك.. واساعدك لو چنت اقدر
وفي باله .. ــ والله انك سكوتي ومخبي في قلبك حچايات

مراد في المطبخ يعفس ...
وهم كل شوي يطلو عليه وهو يطردهم يبغى يحوس لحاله.. ويقول ليهم :
ــ مو قلتوووو تاكلوو أي شي ...

حبيب برى الصاله ينادي مراد :
ــ مراااد.. سمعنا عندك لاب توب .. ما تسلفنا اياه الساعه بـ 10 ريال ..نشبك عنترنت شويه
مراد يضحك في المطبخ : ــ هههههههه عنتر .. اما عنتر كثر منها...
وجهك بـ 10.. اخذه اكو في الغرفه .. يفداك الجهاز وراعيه
حبيب شلق بوزه ابتسامه : ــ والله كلك ذووق تسلم..
حبيب راح الغرفه مااشافه ...
ــ مراد ما شفته في الغرفه..
ــ اسأل يوسف عنه البارحه كان عنده..
يوسف : ــ هاا.. ايه صح .. دقيقه..الحين باجيبه..
وراح يركض الغرفه ... بلا شعور وبلا حواس..
فتح الاب توب وشغله وعلى ما يشتغل ..
حبيب : ــ حشا.. تشه وين داعسنه
يوسف : ــ ادور الشاحن لحظه دعسته تحت السرير << يكذب ..
حبيب : ــ ويش اللي يخليك تدعسه .. زين يللا انتظرك..
وبس تحمل الوندوز على طول فتح يوسف مجلد الصور .. وهو مكشر حواجبه.. حددهم كلهم و حذف ...
سكر الجهاز وطلع به لحبيب ... وعطاه وياه وهو شاحب و قلبه يراقع..
حبيب : ــ حشا .. ويش فيك اخوك.. لهالدرجه فقيل..؟؟
ــ لا.. بس يالله طلعت الشاحن من تحت السرير..
ــ يعطيك العافيه....

وبعد ساعه ...
الى الملتقى..

[*زهرة البنفسج*]

تسلمي يالغلا امورة عللبارت والله انكِ تسلينا ابه

::

مره حركتات .. ام مراد لاب توبه بلاوي شكله فيه لو باللمطبخ حرق المكرونه شكله

ننتظر البقيه

موفقينـ

[دمعة على السطور]

اللهم صل وسلم على محمد وآل محمد وعجل فرجهم وفرجنا بهم ياكريم....

يوسف ...صراحة شهم بأخلاقه...

سام صابته حوبة جويل إذا ليها حوبة هههه ....

ياعلي لكن الأحلام طلعت مفسرة عدل سبحان الله...

بس القمرين بالنسبة لحبيب وش هم ياترى ...!! ....ممكن لهم ارتباط بأهل البيت سلام الله عليهم ..!! ولابأعمال هو سواهاا...!! لو يمكن اصحابه أو أخلاقه الحسنه........!!

بس النار من عيون مراد مفسرة بقوة....

واللي هو حلمها القطوة يمكن وحدة من البنات اللي ماتخاف الله .....

تسلم الأيادي يالغالية..........بوجدي الكثير........لاتتسع له الأوراق .....

دمتي رائعة مُتألقة.....دمتي بعين الاله وعناية محمد وآله الطاهرين

موفقة لكل خير إن شاء الله تعالى....

دعائي لايكل.....

[نور البدور]

والله طلعت مراد وراه بلاوي حمرااا
بس الظاهر وراهـ سالفة مثل شفيق
اعتقد ان امه وابوة مطلقين وبينهم مشاكل او انهم مايتواجدو باليت
اما المكرونه الي بيعملها مراد شكلها تحفة من حلاوتها
مابيقدروا ياكلوها ولا بتحترق .. ولا كاظم بجي من البقالة بقول لهم شي
ماخليت شي .. خخخخ
تسلمي امووره على البارت
وبأنتظار القادم
تحياتوو
نور البدور

[أمل الظهور]

صبااااااحووو


اكيد سام اللي ضربه مارك يبي ينتقم منه


يمكن تصير صدفه واحمد يلتقي بسام ويتعرف عليه


لايكون بعد مصيره مثله ويختفي


خفت من الاحلام مابنام الا اذا جى عبود موتي القطاوه


القطو يمكن وراه سرر وهي سالفه مراد والنار واضحه


بس حبيب قمرين اممممم يمكن بنتين يحتار يختار مين فيهم <لابتتسطر رسمي خخخ



شكل شباب الشقة كل يوم بيدعو على مراد يحلم بقطو علشان يصلي



بيتفنن في الغدااا و يوسف تعمد يحذف الصور منها يخفيهم عن حبيب ومنها علشان يوصل


رساله لمراد انه شافهم اممممم يمكن تكون هدايته على اياديهم


وننتظر روائعك يالغلا

[Habit Roman]

هاآآآآآآآآآآآآآي أمورتنا الحلو

أما البارت بيجنن بيأخذ العقل تسلم الايادي الي خطتها

ولك شو هيدا شباب الشقة ذبحوني من الضحك لو زرجي موجود كان يقول شوبها المجنونة عم تضحك

أتوقع أحمد بيتلقى مع سام وبترجع الذاكرة لناجي

وغذا مراد أكيد توحفهههههههه يابزيد الملح أو شكله جنان

وأكيد إلي ضرب سام هو مارك الخبيث محد غيروه من طريقة دخلتو بينعرف

وتسلمين حبيبتي على هيك روأية

تحياتي

[طفلة تحت المطر]

يسلموو أميره ع البارت

**

يمكن أحمد يشوف سآآم " نآآجي " لم يروح امريكآآ ان شاء الله يشوفه

بس أني أمبى أعرف مارك ليش حآآقد على سآآم ؟!

والله مآآ توقعت هالشي من مراد ان شاء الله دوم يقعد يصلي من هالكابوس إللي شآآفه

بس صرآآحه خوفني حلم حبيب

**

ننتظرش

[الفراش الفاطمي]

وااااااااااااااااو اموره بارت روعه
تعليـــــــــــــــــق
يمكن سام يتعرف على احمد وبيرجعه لاهله
امم يمكن مراد خاف من الحلم ويبغى يصلي عشانه
يوسف تصرفه صح انه حذف الصور من الاب توب
وشفيق شوفي له حل حراااااااام يعور القلب
وهذا هانيووه بالع خمس مسجلات ولا يخلي الناس تنام
وبـــــــــــــــــــــــــس
تحياتيـ ..

[حلم لطيف]

روووووووووووووووعة

مع ان مارتفع ضغطنا اليوم من وداد

منخشة عن هالبارت عن الدعاوي عليها عفر ههههههههههه

أما أبو مجتبى اما طلع وياه السكر وقصوا رجوله ياساتر

وهو ساكت عنها مافيها شي ومافيها شي

شفيق حالته تقطع القلب حاولت أصيح بس الدمعة مو راضية تطيح ههههههههه

حجي مهدي الله يطول في عمره ويجزاه ربي خير على اللي يسويه لهاليتيم

ومصطفى العسل الله يعطيه على قد نياته الدبدوب أبو عبدالله هههههههههههههههه

وحبيب ياعيني عليه ياعيني رجل ولا كل الرجال يعرف ينرفز بطريقة مو مباشرة

أما صادق ودي أشق هالكتب اللي يبحلق فيهم وأحرق قلبه ههههههههه

وكاظم مره خفيف دم وكذلك يوسف

ومراد أتوقع انه بيعقل وبيتوب عن حركات المراهقة هذي

وأحس أنه وراه شي ويقطع القلب بعد

كأنه محروم من العاطفة ويحاول أنه يعطي ومايحرم أحد

مثل ماهو محروم صحيح انه الفلوس ماتريح البال ولا النفس

يلا يلا ننتظر البارت الجديد بسرعة

يعطيش العافية

موفقة

[أموله]

^.*
جزء رآئع

يسمنوووو

[عطر الكون]

اممم اتوقع انوو احمد بيشوف سام وبيعرفه
وسام بيقول الى قصير قصته وقصير بساعده في حلها
ومراد والله مايندرى بس شكله القطوه السوده هي اعماله والقمرين يمكن انوو مراد ماشاف القمر الثاني
من اعماله السوده
وبسسس..
يسلموو حبيبتي على البارت روووووووعهـ
ننتظر البارت الجاي

[دانهـ العشآق]

هع بصرااااحه بصراااحه أني تحفه ..~

قرأت البارت وماطاوعني قلبي أقوم عنه وتأخرت ع السواق هييييـ"ـع ..~

المهم قلت رجعتي من الدوام برد عليك أموووره لكن أحس الكل نفس توقعاتي ..~

أهمها أن حمود بيلتقي مع نجوي وبيرجعه لأهله لو بيختفي وياه~>بومه

ومراااااد ننتظر مكروووونته الله يهديك بس خوش ريال بس لو تتوب !!

جويل خليها تفقد الأمل أحسن ليها إذا تاب سام بيرجع ليها فلوسها ~>أخخخ بس ودي أوصل لها عشآن أنصحها ~~>فاعلة خير ..~

بس الشباب ماليهم حق المفروض يتصلو لشيخ يفسر ليهم الحلمه~>مجنونه تسويها تتصل للشيخ تسأله عن حلمة الريال ..~

وأبو مجتبى الله يسترررر ..~

وودادووه وش صار عليها صحيح مافي حد يتشابق في هالبارت~>ضرب سكاكين لكن شبقات وداد لها طعم آخر ..~

وبث ننتظر الجديد ع أحر من الجمر ..~

لاهنتي غلآتووو ..~

كل الود ..~

[لا تعليق]

أفـاااا .. أفـاااا .. أفـااا.. أفا أفا أفا أفا أفا أفا أفا أفا أفا
مرادوووو ولعنة ّّ!!
فشلتنا !!
ما تعقلك اللا لطراقات لكن..الله ينتقم من سبب ضياعك
عجبتنا في الايام الاخيرة .. والحين ..
لكن .. احس انهم بيظلموه
يمكن مو هو اللي حاطهم
يمكن صاحبه رفيق سوء ورسلهم اله .. وهو مايدري عنهم
ويمكن اللابتوب مو اله اساساً
ويمكن يوسفو مايعرف للكمبيوتر
ويمكن ويمكن .. لكن مهما كان اللي بصير فهو من مصلحة مراد.
السنورة السودة حسب تفسيري الخاص ( شـــــر ) يلاحق مراد .. وان شالله يوزر سيف يطردها
ان شا الله بس مايشوف حبيب والجماعة حاجة مني مناك في اللابتوب.. والله الساتر اذا طلع يوسف حطهم في سلة المهملات << شه خبل هو ؟>> يمكن من العجلة وش دراش !!
في حاجة وحدة محيرتني .. ليش حبيب هو اللي حلم .. مو يوسف ولا اي احد ثاني ؟؟

اميييييييييرو عاجبني رساااام الله يحفظه و يسهل عليهم
يتراوالي لما مايسددوا .. نور ما بتعترض
وبتضحي
..
يتراوالي احمد مابيعرف ناجي على طول اقصد سام
لانه يمكن تغير واجد
..
ويتراوالي في يوم من الايام ايثاروووه بتسأل ماريا
" تحبي عمي أحمد؟؟"ههههههههههههه

وكالعادة تسلم يدينش ويعطيش ربي العافية
موفقة لكل خير
مع السلامة

[أمل الظهور]

ويين البااااااااارت اميرووووووووووه ها


لازم اهزأك في المسن علشان تنزلي


بس معذوره غناتي وراك كليه وجبر وكسر


على اقل من مهلك ياالغلا<صايره طيبه وايد

[أحبك ياغلا عمري]

يسلمو اختي
ننتظر الجزء الجديد