بسم الله الرحمن الرحيم
عن نفسي لما تكون العباءة واسعة ومافيه اي زينة فلا مانع منها
بالعكس أنا أحس عباءة الكتف أستر بكثير من عباءة الراس
لان جد قاعدين نشوف بنات هالايام
شوهوا حتى عباءة الراس وصارت الكتف استر بكثير من الراس
لان تشوف ديك العباءة الي كاتبه اسمها في زاوية العباءة
ولا ديك الزخارف كأنها رايحه عرس ولابسه اكسسوارات
والتخصير صار أعظم من الكتف لان تحس الوحده تصير مفصله من فوق لتحت
وبالذات عند الصدر
جد صرت لما أشوف وحده لابسه عباءة زي كذا تلوع شبدي منها
وأظل أطالع مستغربة كيف بس قدرت تلبس مثل هالعباءة ..
وطبعاً هم ألوم بعض البنات لان عباءة الكتف صحيح تكون واسعه
لكن الزينه الي فيها من الراس لين الرجول
وكأنها فستان عرس كل شي فيها يلمع ويلق
ومن على بعد متر تشوفها وكأنها لمبه مولعه ..
يعني كل العبي صار فيها عيوب لا الكتف ولا الراس
مع أن لازال في بعض البنات
ماشاء الله عليهم عبيهم
لازالت تسمى عبي وتستر الجسم ...
يعني العيب الحين مو في مسمى العباءة كتف لو راس
العيب في ويش ينضاف للعبي ..
هذا هو رايي ..
بالتوفيق للجميع ..
رد مع اقتباس
المفضلات