راحو ايصلو ولما خلصو جت لهم دانه وقعدت وياهم اشوي بعدين تركتهم و راحت اتشاهد.

ساره:يالله كملي بعدين ويش صار؟؟
شيماء:لوين وصلت؟؟
ساره:الى أن هي فرحت واستانست واتونست.
شيماء:ههههه شكلش يظحك.
ساره:اففف ماعليش من شكلي قولي ويش صار.
شيماء: ماأعرف ويش صار بظبط بس بقولش الي أعرفه..في اليوم الي ماتت فيه سالي كانت رايحه اتزور صديقتها في المستشفى ولما كانت بتطلع بس شافت زحمة و فوظة المستشفى جاها فضول تعرف ويش صاير لما سألت عرفت ان واحد امسوي حادث و محتاج أحد يتبرع له بدم و هالواحد هو جواد..قالت لهم أنها خطيبته و بتتبرع له بدمها..فصيلة دمها نفس فصيلة دمه.
ساره:انزين كيف ماتت؟؟؟
شيماء:الدكاتره الي في المستشفى أغبياء..سالي كان عندها فقر دم حاد ماقالت لهم و هم سحبو منها دم واجد فعلى طول أغمي عليها و هم ماجابو خبرها و(بدت ادموعها اطيح) ماتت بسبهم(و صاحت).

ساره حضنتها قعدت تهدئها

شيماء بعد ماهدئت : انتي ماشفتي حالة جواد بعد ماعرف بموتها .
ساره:ويش سوى؟؟
شيماء:كان يفكر أن هو سبب موتها كره كل شي حتى البيانو لأنه يذكره ابها بعدين سافر و الباقي تعرفيه.
ساره: ساكته
شيماء:ساره مابغاش تكرهي جواد على الحركه الي سوها.
ساره متفاجئه:هو قالش!!!!!!!!
شيماء:جواد مايخبي عني شي بس بعض الأحيان... ولله العظيم ماكان يقصد.
ساره متضايقه:أوكي سدي الموضوع.
شيماء:لا لازم تفهمي
ساره:شيماء مو الحين ماأبغى أسمع شي..أخذت جوالها عشان تدق على أبو وليد بس في غرفة شيماء مافي أرسال.
ساره:مافي ارسال.
شيماء:امشي الصاله التحتيه في ارسال قوي.

و هم نازلين كان جواد توه جاي و يبين عليه من شكله أنه تعبان حده..راحت له شيماء و مسكته...جواد ويش فيك؟؟؟

جواد مارد عليها طاح أغمي عليه..ساره نزلت من الدرج راحت لهم.

شيماء خايفه:جواد..جواااد..تكفى رد علي..بصوت عالي..جيبي ماي..حطت راسه على رجايلها.

ساره راحت تجيب ماي و هي اصلآ مو عارفه شتسوي ترتجف..في الفتره الي راحت فيها ساره تجيب الماي شيماء نادة دانه و أمها بس دانه ماسمعتها لأنها تسمع أغاني في غرفتها وأمها تسبح..سمعتها تينا وراحت لها.

تينا:نعم ماما.
شيماء:بلا ماما بلا بطيخ ماتشوفي جواد طايح..اتصلي لأبوي بسرعه.
تينا:زين ماما

جت ساره عطت شيماء الماي..تمت اتطالع طريقة جواد وهو يتنفس كان يتنفس بصعوبه وهي اتطالع أنتبهت على شي مرمي على الأرض.

ساره:شيماء..جواد كان يدخن
شيماء شافت علبة السجاير:غبي الدكتور مانعنه أنه يدخن.. حاولي اتصحيه ليما أشوف دواه

ساره ولاكأن شيماء قالت لها شي بعدها واقفه مكانها.

شيماء بصوت عالي:اقولش تعالي صحيه.
ساره جلست بجنبه و سوت نفس الوضعيه الي كانت شيماء امسويتنها و لاأرادي بدت ادموعها اتطيح عليه و قلبها يدق بقوه وحست حرارتها ارتفعت..أنتبهت أنه بيصحى..شيماء..شيماء.
شيماء تركض:جيت جيت..قعدت جواد و شربته دواه..في هالحظه جت أم جواد.
أم جواد:شيماء ويش فيش اتصارخي..ويه ولدي ويش فيك يابعد عمري...انوديك المستشفى؟؟
جواد بصعوبه:ما ي حت اج ودون ي غرف تي(مايحتاج ودوني غرفتي)

أم جواد و شيماء حملوه على كتفهم و ودوه غرفته تركوه يرتاح..عودت شيماء لساره طمنتها على جواد بعدين راحت ساره البيت.

......

بعد ساعه تقريبآ سمع دق على باب غرفته.
جواد:الباب مفتوح.
هادي: السلام عليكم.
جواد:و عليكم السلام
هادي:سلامات ماتشوف شر عافك الله.
جواد:بل وتبغاني أرد على هذيل كلهم
هادي:عادي مافي اشكال
جواد:الله يسلمك و الشر مايجيك و الله يعافيك.
هادي:ههههه مافيك شي كيف خالتي تقول أنك بتموت وحالتك حاله ومادري شو
جواد:يعني ماتعرف الأمهات لازم ايمصخوها
هادي:انزين ممكن تقولي السبب الي خلاك ادخن .
جواد:صورة ساره..ماأدري وينها أخاف تكون طاحت في الشارع لما صدم
هادي:الصوره في سيارتك.
جواد:أنا فتشت سيارتي كلها و ماشفت الصوره
هادي:بس أنا حطيتها في الطبلون لما رحنا*الرميه الحاسمه*بس نسيت و ماقلت لك.
جواد:أنت متأكد
هادي:مليون بالمئه
جواد:أنا دورت عليها في الطبلون بس مالقيتها
هادي:يمكن أحد ركب وياك وأخذها.
جواد:ماحد ركب وياي غير العيله
هادي:يعني احمد ربك ماراحت لأحد غريب
جواد:أشكرك ريحتني اشوي.

_________________

طول ماأهي في السياره وهي اتفكر ولما وصلت البيت ماكان عندها مزاج حق تتعشى وعلى طول راحت غرفتها..ياربي أني ليش قاعده افكر به كنت افكر في الموقف الي سواه بس..بس الحين افكر في كل شي يتعلق به..لايكون لالالا أني أكيد امخرفه و أصلآ حتى لو كان جذي مو بهالسرعه مامداني...اوففف خلني أنام أحسن لي.

_________________

مكالمه تلفونيه بين قيس<<دلع>>و دانه.

دانه:عاد تعالي الحفله ورى بكره أبغى أشوفش.
قيس(ياريت):ماأقدر عندي ظروف.
دانه:حاولي عاد.
قيس:قلت لش ماأقدر
دانه:اوفففففف
قيس:انتي بتطلعي اليوم؟؟؟
دانه:هيه باروح أشتري لي اثياب حق العيد ميلاد.
قيس:وين بتروحي.
دانه:بعدي ماأقرر.ليش تسألي؟؟؟
قيس:أني باروح أشتري لي ثياب وأبغى أعرف اي مكان بتروحيه يمكن أشوفش اهناك.
دانه:مافكرت أنتي وين بتروحي؟؟
قيس:مجمع الواحه
دانه:ماأحس أنه لذاك الزود
قيس:أنتي روحي ولا عليش
دانه:اوكى بقول لأخوي مع السلامه.
قيس:الله يسلمش

قالت لجواد و شيماء أنها تبغى اتروح الواحه و اتصلت لقيس<دلع< عشان تقوله أنها بتروح.

*مجمع الواحه*

دانه أتصلت لقيس<دلع< بس طلع لها مقفل فقعدت تتسوق هي وجواد شيماء..وهم يمشو رن جوال جواد

جواد:الوو
المتصله بتردد:السلام عليكم
جواد(ويش هالصوت اجنن):وعليكم السلام
المتصله:كيف الحال
جواد:الحمد لله بس من وياي؟؟؟
المتصله:أنت جواد مو
جواد:لحظه...باروح اشوي و باجي لما اتخلصو دقو علي...اتباعد عنهم وجلس على كرسي من الكراسي الموجوده.
جواد:هلا
المتصله:عندك أحد
جواد:مو مهم ماقلتيلي من وياي ويش بغيتي؟؟
المتصله:من أني سوري ماباقولك
جواد:اوكى من وين جبتي رقمي.
المتصله:بتصل فيك بعدين..مع السلامه
جواد: الله يسلمش..من هي هذي أول مره أسمع صوتها..يالله بعدين بعرف.

.....

دانه و شيماء ماأنتبهو لقيس الي طول ماهم يمشو هو وراهم بس من بعيد لين دخلو للمحل الي يتمنى انهم يدخلوه..دخل وراهم (الشاب الي يبيع في المحل واحد من معارف قيس من جذي اتفق مع قيس على انه يبدله اذا دخلو محله )جلس قيس مكان صاحبه
شيماء:شوفي دانو الشاب أحلى من الي قبله.
دانه ملتهيه في البدله الي عندها:افخر فيه خله يولي..شوفي هذي حليوه.
شيماء:اي اتهبل يالله بسرعه ماأحب الأسواق
دانه:اني بعد رجايلي عوروني...بكم هذي؟؟
قيس(ماورى اتكلمتي)سوى نفسه يقرى جريده وما سمعها.
دانه:ويش فيه دا مايسمع(هذا الي شفته في مزايا الغذاء).
شيماء:خلصيني أسأليه.
دانه:بكم هذا؟؟
قيس: ب175 ريال بس عشانش ب150.
دانه(احلف)فتحت شنطتها وطلعت 200 ريال وعطته البدله والفلوس.
قيس أخذ البدله وحطها في كيس:اتقابلنا من قبل مو.
شيماء قرصتها دانه وساسرتها:وين شفتيه.
دانه:اي عورتيني ويش دراني..هيه شفته في مزايا بعدين أقولش.
قيس عطاها الكيس والباقي 50 ريال:ماجاوبتيني.
دانه أخذت الخمسين:عندش خمسه وعشرين؟؟
شيماء:لحظه..طلعت خمسه و عشرين وعطتها
قيس:قلت لش ب150 يعني يبقى لش .50
دانه حطت الخمسه و عشرين على الطاوله:اذا ماتبغاهم وديهم للفقاره أحسن..طلعت هي و شيماء.

_________________

ساره كلمت حوراء و أمل..قالتلهم عن حفلة عيد ميلاد شيماء و اتفقو أنهم يجتمعو في بيت جد ساره عشان يروحو محل الهدايا القريب منه..بعد ماأشترو الهدايا رجعو بيت جد ساره.

حوراء:سارو شغلي المكيف الجو حار
ساره:فاظيه لش قومي شغليه انتين لا تقولي تستحي لأنش اتعودتي على البيت
حوراء راحت شغلت المكيف و جلست جنب ساره
حوراء ادز ساره: شخبار حبيب القلب
ساره:اي حبيب
حوراء:ماتعرفي اي حبيب
أمل:يمكن عندها أكثر من واحد
ساره:بلا مصاخه
أمل:صحيح حوراء أنتي شفتي جنان غير هذيك المره
حوراء:ويع لاتجيبي لي طاريها اتلوع جبدي على طول
ساره: كل هذا على ان هي تحب رائد ماليها ذنب اذا هي حبته لأن الحب ما يجي على كيفش و لا هواش
أمل:حوراء *أني بعد قلت *(هالكلمه يقولها أذا يتمسخرو)ان ساره ماتحب
حوراء: قلت قبلش امبين عليها ماتحب
ساره:ويش فيكم عليي لو أحبه كان انتو أول ناس بتعرفو
حوراء:زين زين ماتحبيه بس روحي جيبي لي ماي.
ساره:أخدمي نفسش ابنفسش ماأقدر أقوم وأتعب نفسي عشانش
حوراء:مالت عليش ماتعرفي اسلوب الضيافه.
ساره:خليته لش
أمل:جيبي لي بعد

حوراء راحت عشان تشرب ماي بس لما جت بتدخل سمعت حركه في المطبخ مادخلت بس طلت شافت سلمان بس عاطنها ظهره يعني ماشافها..رجعت لهم

أمل:ماجبتي لي ماي
حوراء:يووووه نسيت
أمل:أني عطشانه
ساره:جيبي لنفسش
أمل:أنتين ماعندش الا هالجمله قولي شي مفيد
حوراء:جيبي لي أياش.
أمل:توش شاربه
حوراء:عادي أبغى بعد

راحت أمل المطبخ أخذت لها كاس شربت ماي و لما جت بتصب لحوراء دخل سلمان من الباب الثاني
سلمان(متشقق):السلام عليكم..كيف الحال
أمل(حدها مستحيه مو عارفه شتسوي)ماردت أخذت الكاس و دارت عشان اتروح
سلمان:على الأقل ردي السلام
أمل:وعليكم السلام
سلمان:وحشتيني{مصخها}
أمل صار وجهها مو بس طماطه الا أكثر.. فضلت أنها اتروح ابسرعه قبل لايقول شي ثاني

_________________

اليوم التالي#بيت ابو جواد#

ساره أول الواصلين لأن شيماء طلبت منها تجي قبل المعازيم عشان تمكيجها لأنها تعرف للمكياج..مكيجت دانه أول عشان تتفرغ لشيماء لما خلصت دانه راحت اتبدل في غرفتها..ساره مكيجت شيماء و لما خلصت طلعت من الغرفه عشان شيماء تبدل ثيابها..توها بتروح غرفة دانه الا تسمع جواد يناديها فتغطت.

جواد:ساره شيماء في الغرفه
ساره:في غرفتها بس لاتدخل لأنها بتبدل.
جواد:وأنتي ليش متغطيه؟؟
ساره:متمكيجه.
جواد:أهااا
شيماء من داخل الغرفه:ساااره..ساااره
ساره:نعم
شيماء:تعالي اشوي
جواد:ساره دقي على جوالي شوفيه في غرفتها.

ساره دخلت الغرفه:ويش تبغي؟؟
شيماء:السلسال علق في شعري.

شالته من شعرها و لبستها السلسال..أخذت جوالها دقت على جوال جواد(شيماء سجلته عندها)
رن الجوال تحت السرير أخذته لا أرادي طلعت في الأسم..امسجل رقمي عنده!!ليش امسميني جذي؟؟؟!!!

(مابقول لكم الأسم خلو فضولكم يشتغل)

طلعت لجواد عطته أياه قالها اتقول لشيماء تسرع لأنه بيوديها الأستيديو حق التصوير

.....

بعد ساعه و نص أمتلاء بيت أبو جواد بالمعازيم (عاد شيماء معارفها واجد ماشاء لله)قبل ماتدخل شيماء حطت دانه غنية ليلة عيد الى أيوان..الكل أنبهر من جمالها و أنوثتها..بدى الرقص حوراء و ساره باهرين الكل برقصهم و من غنيه لغنيه..جى وقت تقطيع الكيكه راحت دانه لشيماء
دانه تساسرها:في مفاجئه الش اسمعيها الحين.

رنة دانه على جواد و جواد قال لهادي يبدئ في العزف شيماء عرفت عزفه على طول...هادي يعزف لي يابعد عمري.
دانه:شيمو قصي الكيكه لاتفشلينا.

قطعت الكيكه و لما خلصت رنة دانه على جواد و جواد سوى حركه لهادي.

هادي وقف العزف و أخذ المايكريفون:أهدي هالمعزوفه الى حبيبة قلبي صاحبة الحفله.

كل البنات طلعو في شيماء الي وجهها صار حدث ولا حرج فشلانه و مستحيه لحدها.

هادي:شيماء أنا طلبتش من أبوش أتمنى ماتخذليني..أحبش من كل قلبي.

أرتفعت أصوات البنات الي تصفر و الي تصفق والي اتبارك ومن هذا القبيل بس شيماء كانت مو عارفه هي تفرح و لا تحمق على فشلتها أصلآ هي مو مستوعبه الي صار.

.....