ــــــــــــــــــــــــــــــــــــــــ
#سيارة رائد#
قيس ركب مع رائد وقال له كل شي صار بينه و بين دانه......
قيس:اه رائده أخاف تاخذ عني فكره غلط .
رائد:هههه ظحكتني أكيد أخذت عنك فكره غلط ياخي أنت تحبها اخطبها.
قيس:أنت مو فاهم..كيف أخطبها وهي ماتبغى تتزوج.
رائد:وحدك لابروحك.
قيس:اقول هذي جملة أختي.
رائد:أحبها ليش ماأحفظ كلامها.
قيس:على طاري حوراء..لما ترجع بيتكم افتح شنطة السياره بتشوف هدايا حوراء.
رائد:بس هي عطتني هديه.
قيس:الا عندك بس ساعه وهذي بنسبه لحوراء ماتكفي..الله يعينك عليها لما تتزوجوا.
رائد وقف السياره في موقف السيارات عند المستشفى:عسل على قلبي.
قيس:مالت عليك.
نزلوا اجتمعو مع ابوقيس وفاطمه دخلوا المستشفى راحوا لغرفة راشد..دخلوا رائد و قيس ابوقيس فاطمه بقت في غرفة الأنتظار عشان رائد دخل معاهم.
.......
راشد اتفاجئ أول ماشاف قيس وابوقيس.
رائد:سلامات..ماتشوف شر.
قيس:الله يقومك بالسلامه.
ابوقيس:ماتشوف شر ياوليدي.
راشد:الله يسلمكم..حمدلله على السلامه..متى رجعتوا؟؟!!
ابوقيس:الله يسلمك اليوم في صبح.
رائد:كيف صابك الحادث؟؟
راشد:كنت اسوق رن جوالي قعدت ادوره صار الحادث.
ابوقيس:لهدرجه الي كان متصل مهم.
راشد:اكثر مماتتصور.
ابوقيس:يلا شباب قوموا.
راشد:وين توكم جايين؟؟حتى ماأكلتوا شي.
ابوقيس:بنرجع بس بنخلي فاطمه تدخل.
راشد:فاطمه أهني؟!!!!!!!!!
رائد:يلا انشوفك بعد اشوي..غمز له طلع.
راشد:ههههههههه..قعد افكر..الحين بشوف فطوم ولله أشتقت لها..اه أحبها موت..رفع راسه شافها قدامه ظل يتأملها..فسخت الغطى قعدت تتأمله وهو يفكر بس لما رفع راسه وأتأملها ماقدرت تتحمل من خوفها على زوجها على طول حضنته..بدت تصيح......
راشد:فاطمه خلاص ماأقدر على دموعش.
فاطمه: اتصيح
راشد:فاطمه اذا ماسكتي بزعل..يلا ابغى أشوف وجهش..باعدها عنه اشوي ومسح ادموعها بأصبعه..ولله وحشتيني.
فاطمه طالعت رجله:كيف حال رجلك؟؟
راشد:اعتقد هذا تهرب من كلمة{وحشتيني}رفع حاجبه بطريقه مرحه.
فاطمه بخجل:لو ماكنت أحبك كان مارجعت عشانك.
راشد:خلاص كل بصدم عشان ماتسافري.
فاطمه بسرعه:اسم الله عليك.
راشد:لهدرجه تحبيني
فاطمه:راشـــــــد.
راشد:خلاص بغير الموضوع.....
#بيت ابو قيس#
ش
أمل و ساره سلموا على حوراء حضنوها وقعدوا يسولفوا......
ساره تدز حوراء:ويش صار لما شافش رائد.
حوراء:عيب مايعلموا جهال.
ساره:أني أكبر منش.
أمل:قولي ويش صار؟؟
حوراء:اففففف مو الحين بعدين..ساروه جوادوه حبيبش مره احليوا طلع عندش ذوق.
ساره ارتبكت بس حاولت أن هالشي مايبين:أنتي بعدش مصره على أني أحبه.
أمل:ساره يبين عليس فلا تكابري.
ساره اتغير وجهها: ساكته
حوراء عشان تغير الموضوع:ويش حال سلمان؟؟ شو أخر التطورات؟؟
أمل شغلة نفسها بجوالها ولاكأنها سمعت سؤال حوراء.
ساره:بخير الحمدلله بس أخر التطورات أني أكتشفت صديقتي غبيه وعمي أغبى منها.
أمل طالعتها بنظره خلتها تسكت.......
ــــــــــــــــــــــــــــــــــــــــ
العائلات الأربع راحوا لبنان........
كان الجو هادئ و صافي جمعت العوائل كانت مره حلوه..أول شي سوه أنهم راحوا الفندق ارتاحوا بعدين طلعوا راحوا الجبل اتغذوا هناك ولما خلصوا راحوا مغارة جعيتا بعدين رجعوا الفندق اتعشوا و ناموا.....
اليوم الي بعده..بعد الغذى راحوا يتسوقوا في مجمعات لبنان ولأن شيماء تبغى تشتري لها أغراض حق خطوبتها فتأخروا ومارجعوا الا الساعه تسع وكانوا هلكانين فتعشوا وراحوا في سابع نومه........
على الساعه ست كان الكل صاحي جهزوا أغراضهم وفطروا عائلة ابواسعد وابو فاضل رجعوا سوريا اما عائلة ابوجواد وابو سالي راحوا المطار.
كان بستقبالهم ابو كاضم وكاضم وعباس اولاده<<اولاد خالتهم الهام.
عائلة ابوسالي ركبوا مع عباس وداهم البيت.
أما عائلة ابوجواد فنقسموا لقسمين قسم مع كاضم وقسم مع ابو كاضم عشان الأغراض تكفي.....
اول مادخلوا البيت كان بستقبالهم الخاله الهام وبناتها ديما وكوثر وكانت معاهم تينا<<الخدامه.
ابوجواد وجواد راحوا غرفهم عشان يتركوا النسوان على راحتهم و عشان يرتاحوا.......
*غرفة شيماء*
ديما:شيمو ليش رجعتوا مو من عوايدكم تقعدوا اسبوع وترجعوا.
شيماء:لأن حفلة خطوبتي بعد سبوعين.
ديما وكوثر:يوووء ماأشترينا شي.
دانه:عادي يمديكم تشتروا لأن موأكيد اذا بعد سبوعين او ثلاثه.
شيماء:من الي قالش؟؟
دانه:امبينه لأن خالتي ام أسعد بعدهم مايرجعوا.
شيماء:بس يمكن مايطولوا.
دانه:يمكن مو أكيد.
ديما:راونا ويش اشتريتو.
دانه:أني باروح غرفتي باجيب هداياكم..تركتهم راحت غرفتها..أخذت شنطة الهدايا وطلعت هدايا ديما وكوثر خالتها وهي اطلعهم شافت هديه قعدت تتأملها الهديه كانت الى دلع<<قيس..افف لو تقوليلي من انتي ولله نفسي أشوفش ونفسي أقولش حوايج واجد ماأقدر أقولها لغيرش ياترى رجعتي من السفر؟؟؟؟
رجعت غرفة شيماء عطت ديما وكوثر هداياهم قعدوا يسولفو اشوي..بعدين ديما وكوثر تركوهم يرتاحوا ويناموا نزلوا تحت لأمهم رجعوا مع بعض بيتهم (بيت الخاله الهام قريب لبيت ابوجواد يعني خطوتين وتصيري هناك).
تينا ساعدت ام جواد في الغذى راحت اتصحيهم عشان يتغذوا.
بعد الغذى شيماء اتصلت لساره.
شيماء:الوو.
سلمان:الووو.
شيماء:السلام عليكم.
سلمان:وعليكم السلام.
شيماء:موجوده ساره؟؟
سلمان:لحظه..ســـــــاره.
ساره:نعم.
سلمان:تلفون.
ساره:من؟؟
سلمان يحرك أكتافه:ماأدري.
ساره:الوو.
شيماء:هــــــاااااي.
ساره فرحانه:هايــــــات شيمو رجعتوا.
شيماء:هيه أني أكلمش من البيت.
ساره:حمدلله على السلامه..تقبل الله.
شيماء:الله يسلمش..منا ومنش صالح الأعمال.
ساره:عسى بس مافجعش الحر أهني.
شيماء:ياربي كيف قدرتوا تتحملوا الحر
ساره:هههههه حوروا أول ماوصلت شغلت مكيفات بيتهم كلها ههههه.
شيماء:ههههههه حوراء كل حرانه حتى في الكوافير خلتهم يشغلوا المكيفات.
ساره:ههههههههه حوراء تحفه.
شيماء:ساروه تعالي اليوم خلي أمل تجي معاش.
ساره:هاه ماأدري باشوف..ليش رجعتوا؟؟
شيماء:حفلة خطوبتي بعد سبوعين..عشان جواد بكره بيروح المستشفى لأنهم يبغوه.
ساره:خلاص باجي بكره عشان خالاتش بيجوا اليوم.
شيماء:أبغاش تجي الصبح .
ساره:اوكيه ماعليه.
شيماء:و أمل
ساره:مو مشكله أقولها تجي .
ــــــــــــــــــــــــــــــــــــــــ
#في المستشفى#
فاطمه:راشد تبغى عصير برتقال لو ليمون.
راشد:برتقال.
فاطمه:اممم ويش تبغى تاكل اسبكتي وله باسته وله مكرونه؟؟
راشد:ليش امتعبه نفسش؟؟
فاطمه أخذت المكرونه قعدت جنب راشد:يلا أبغاك تاكله كله.
راشد:قلت لش لو أصدم كل يوم مو أحسن.
فاطمه:راشد ترى بطلع.
راشد:خلاص بسكت..أكلته المكرونه شربته العصير وهي تتأمله.
راشد:حبي شعرش طالع يهبل.
فاطمه:أخاف اتصير أهبل.
راشد:ههههههه أنا مو بس بصير أهبل أنا بتخبل عشانش.
فاطمه استحت نزلت راسها.
راشد:أحسن شي أن عرسنا قريب.
فاطمه:لا مفروض انأجله.
راشد:مستحيــــــل.
فاطمه:كيف ورجلك؟؟
راشد:مو مهم.
فاطمه:الا مهم وبأجله.
راشد:مو على كيفش.
فاطمه:على الأقل أنتظر رجلك تشفى.
راشد:خلاص اذا مااشفيت بافكر اذا أأجله وله لا.
ــــــــــــــــــــــــــــــــــــــــ
اليوم التالي#بيت ابو جواد#
ساره راحت لهم سلمت على أم جواد ابو جواد قعدت مع دانه شيماء..جواد ماكان في البيت عشان ماتكتشف شيماء أنه لعب عليها و ماراح المستشفى......
شيماء تراوي ساره الأشياء الي أشترتها حق الخطوبه.......
ساره:الـلـه شيمو هذا الثوب احليو يناسب صبغة شعرش.
شيماء:صحيح فلي شعرش ابغى أشوفه.(ساره كانت رافعه شعرها).
دانه:هيه فليه أبغى أشوف اذا كان زي طول شعري لو لا.
ساره:لا أني أقصر..فلت شعرها وانساب على وجهها.
شيماء:واااااااااو.
دانه:اتجننــــــي.
ساره خجلانه تحرك صبعها:لاتخجلوني.
دانه:لو عندي أخو غير جوادو المعفن كان خطبتش له.
شيماء:ماأسمح لش.
دانه:لا تكفي أرجوش اسمحي لي.
شيماء:جواد مافي أحسن منه.
دانه:ماشاء الله جواد ملاك مافي أحسن منه.
ساره:بسكم خلاص لما أطلع اتشابقوا على كيفكم.
شيماء:الحين بتطلعي؟؟توش جايه!!
ساره:صار لي ساعتين أهني وتقولي توني.
دانه:هيه مامداش.
ساره:باروح اسوي الغذى لسلمان.
شيماء:بصراحه أني خايفه على عمش لما بيتزوج مابيحصل وحده تدلله زيش.
ساره(بيحصل اذا ترك غبائه وهي تركت قوتها)لبست عباتها واتصلت لسلمان..بعد ربع ساعه وصل سلمان سلم على ابوجواد وراحوا.....
بعد ساعه رجع جواد البيت.......
جواد:اماه امــــــاه.
ام جواد:هذاني في المطبخ تعال.
جواد:جوعان ابغى غذى.
ام جواد:اصبر اشوي.
جواد:باروح غرفتي اذا استوى الغذى نادوني.
ام جواد:انشاءلله.
ركب فوق كان بيروح غرفته بس غير اتجاهه وراح غرفة شيماء....
جواد:هلا.
شيماء:اهلين.
جواد:بتطلعي لو أحد بيجي لش؟؟
شيماء:لا ليش تسأل؟؟
جواد:أشوفش متعدله!!!
شيماء: يعني أني ماأتعدل؟؟
جواد:لا مو قصدي جذي.
شيماء:عارفه ويش قصدك أني لابسه لأن ساره كانت اهني.
جواد:ساره جت!؟ ليش ماقلتولي؟؟
شيماء رافعه حواجبها:وليش انقولك.
جواد:له يعني عشان اسلم عليها.
شيماء:احلف .
جواد طنشها راح غرفته....
بعد الغذى شيماء راحت تتكلم مع ابوها......
شيماء:ابوي ممكن طلب
ابوجواد:اتفضلي.
شيماء:ساره أغلب الوقت يكون عمها برى البيت وهي تقعد بروحها في البيت..ابغاك تقنعها تجي تنام عندنا كم يوم.
ابوجواد: ايفكر
شيماء: تنتظر جوابه
ابوجواد:بس هي بترضى.؟؟
شيماء:ماأدري ابغاك تقنعها.
ابوجواد:خلاص بعد اشوي بتصل لها.
شيماء باسته :مشكور ابوي..راحت وهي فرحانه.
ــــــــــــــــــــــــــــــــــــــــ
#في البحر#
وائل:سلمان لمتى بتضل على هالحال؟؟
سلمان اتنهد:ماأدري المشكله أني ماأقدر أنساها واذا شفت ساره اذكرها وأنا ساره دايم أشوفها يعني مابنساها.
وائل:الحل أنك تبتعد عن البيت.
سلمان:الكلام سهل بس الفعل صعب كيف بقدر أخلي ساره بروحها؟؟
وائل:ماأدري انت دبر نفسك..أنا والشباب بنروح الجبيل اذا حاب تروح معانا عشان تغير جو شوف لك حل.
سلمان:بفكر بس أكيد مابروح.
وائل:زين أمش ضاقت خلقي كل قاعد في البحر.
سلمان:انت مو رومنسي ابد.
وائل:خليت الرومنسيه و خياس البحر لك.
سلمان:تدري عاد انت الي اضيق الخلق.
وائل:امش أمش .
ركبوا السياره قعدوا يداورو اشوي بعدين سلمان وصل وائل البيت وراح هو البيت.......
اول مادخل سمع صوت ساره وهي اتكلم تلفون....
ساره:أني ماأبغى أرفض لك طلب بس ياخالي أني ماأقدر أترك عمي بروحه من بيطبخ له من بيهتم فيه.
ابوجواد:يعني انتي ماتبعي تجي بيتنا؟؟
ساره:لا بالعكس أني اتمنى اقعد مع شيماء ودانه بس ماأقدر اترك(شافت سلمان يأشر لها) لحظه خالي.
سلمان:ويش يبغى؟؟
ساره:يبغاني اروح اقعد معاهم كم يوم.
سلمان:وانتي تبغي تروحي؟؟
ساره نزلت راسها.
سلمان:ردي عليه قولي أنش بتروحي.
ساره:بس أن
سلمان:ردي عليه وانا بافهمش.
ساره:الوو
ابوجواد:هاه ويش قررتوا؟؟
ساره ابتسمت:الي تبغاه بيصير.
ابوجواد:خلاص جهزي أغراضس باجي أخذش بكره.
ساره:بتجي تاخذي؟!
سلمان:قولي له انا باوديش عشان باسلم على جواد.
ساره:عمي بجيبني يقول يبغى يشوف جواد.
ابوجواد:على خير مع السلامه.
ساره:الله يسلمك..سكرت التلفون.
ساره:يلا فهمني.
سلمان:أنا باروح الجبيل مع صدقاني أنتي روحي بيت خالش عادي.
ساره:اهاا عجل باروح أجهز أغراضي وأغراضك.
اليوم التالي
صحت سوت الفطور فطرت مع سلمان قعدوا يسوموا اشوي بعدين راحت اتكمل باقي الأغراض وسوت الغذى اتغذوا بعدين لبست عباتها وراحوا......
وقف سلمان عند البيت:شوفي لي طريق ابغى اسلم على جواد.
ساره:انشاءلله.
حمل عنها الشنطه حطها عند الباب..أخذت الشنطه دخلت و سلمان ينتظر برى..خطت خطوتين الا جواد قدامها ارتبكت حست أن حرارتها أرتفعت قلبها يدق بقوه.
جواد:مافي حمدلله على السلامه.
ساره: ماتدري ليش هي ترتجف: حم حمدلله على السلامه.
جواد:الله يسلمش..كيف حالش؟؟
ساره:ب بخير..سلمان ينتظرك برى(قالت جذي عشان تبغاه يروح لأنها مو قادره تتحمل أكثر).
جواد:ليش مادخل؟؟
ساره:هاه ماأدري.
جواد طالعها وراح......
وقفت تلتقط انفاسها ودموعها بدت تسيل على وجها..ياربي ليش من أشوفه ارتبك ماأقدر أقول كلمتين على بعض..أني غبيه ليش وافقت اجي احين باشوفه في اي وقت اكيد بيلاحظ..فتحت شنطتها أخذت نشاف مسحت به ادموعها دخلت....
شيماء كانت في الصاله تنتظرها ماتدري أن هي جت...
ساره ببتسامه:السلام عليكم.
شيماء:وعليكم السلام..باستها..ياربي ساروه ماأتخيل أنش بتكوني معاي مره ثانيه.
ساره أبتسمت برقه..
شيماء حملت شنطة ساره:يلا تعالي معاي.
........
بعد ماسلم على سلمان راح لهادي لأنهم توهم راجعين من السفر....
هادي:اخ جوادو السفره مو حلوه من دونها..كله منك عسى بس ارتحت وراح أشتياقك.
جواد:لا تبط جبدي مو عارف ويش اسوي.
هادي:قلت لك الله يساعدك.
جواد:افففففف..رن جواله نغمة الرسايل..فتح الرساله قراها..مو معقول.
هادي:شوو.
جواد:هادي أنا بطلع .
هادي:تعال وين رايح؟؟
جواد:عندي اتصال مهم.
هادي:تعال خذ هدية شيماء.
جواد:جيبها بسرعه.
هادي:لهدرجه الأتصال مهم.
جواد:هاديوه يلا بسرعه.
جاب له الهديه..أخذها وطلع.
ركب سيارته واتصل....
بعد ماأنتهى من المكالمه رجع البيت..أول مادخل شاف شيماء وساره قاعدين يشاهدوا في الصاله.....
جواد:السلام عليكم.
ساره وشيماء:وعليكم السلام.
قعد جنب شيماء:شيوم أحبش.
ساره طالعت التفزيون.
شيماء:ليش جاي .
جواد اغني:جاني حبيبي من بعد غيبة اسنين.
شيماء:ياسلام عليك.
جواد اغني:ياسلام ياسلام اد ايه حلو الغراااام.
شيماء:مجنون.
جواد اغني:قول عليا مجنون قول عليا مجنون.
ساره ابتسمت على حركاته...
شيماء:افففففف زهقتني يعني ويه.
جواد اغني:يعني يعني ماودك تجينا يعني متكبر علينا.
شيماء:نرفزتني بجد.
جواد:خلاص بسكت بس اخذي ..عطاها الكيس ..هديه هادي.
شيماء خجلانه:هدية شو؟؟
جواد:مو سافر هدية السفر.
شيماء:بس أني سافرت.
جواد:عادي بس هو أشترى الهديه مو بس عشان أنه سافر عشان يراضيش على زعلتش ذيك المره.
شيماء وجهها أحمر:شكرآ..مسكت ساره وركبت غرفتها.
ساره:افتحي الهديه ابغى أشوف ويش جاب لش.
شيماء:انزين..فتحت الهديه..كانت ساعه جلد ورديه ومعلق فيها سوار محطوط فيه اسمها وشكله جنان.
ساره:الــــلـــــه
شيماء:ذوقه يهبل.
في هالحظه جواد دق الباب:شيماء اخذي جوالي أشحنيه.
شيماء:وين شاحنك؟؟
جواد:مو فاظي ادوره.
أخذت جواله حطته يعبي:ويلي جوعانه باروح أشوف العشى.
ساره: ساكته..راحت شيماء.
طالعت جواله حست أن عندها فضول تشوف رسايله..أخذته راحت لرسايل شافت رساله من عند ~حبيبتي~ فتحتها على طول..
"هلا
جواد أرجوك سامحني ولله أني حبيتك ادري أنك تتصل لي عشان تهزئني على الي سويته في شيماء..صدقني أني حبيتك بصدق أني تقربت لك عشان أنتقم من ساره لأني حسيتها تحبك بس المشكله أني حبيتك من جد.
أحبك..."
ادموعها سالت على خدها سيـــــــلان..هذا كان قصدها أنها بتحرق قلبي حرام عليها كافي العذاب الي اتعذبه..جواد يحبها..حست بشيماء جايه رجعت الجوال مكانه راحت الحمام عشان تمسح دموعها.
شيماء:ساره..ساره.
ساره وهي داخل:نعم.
شيماء:لما تخلصي نزلي لي تحت.
ساره:ماعليه.
شيماء نزلت تحت..بعد ربع ساعه طلعت من الحمام كان بودها تقعد في الغرفه تصيح على كيفها بس خافت شيماء تسألها وتنفظح.
طلعت من الغرفه شافت دانه.....
دانه:اففففف.
ساره:ويش فيش؟؟
دانه:صديقتي جوالها مقفل وماتدخل المسانجر.
ساره:اتصلي لها على البيت.
دانه:ما عندي الرقم.
ساره:يمكن مشغوله.
دانه:لا بعدها ماترجع من السفر.
نزلوا قعدوا مع شيماء في الصاله..نادتهم أم جواد عشان العشى..راحوا لها.
ام جواد:تينا وين جواد؟؟
تينا:في يروح كرفه شيماء ياخد جوال مال هو يروح كديقه<<حديقه.
ام جواد:تينا دانه شيماء تعالوا ساعدوني **** نادي على جواد.
ساره:اني!؟
ام جواد:هيه يلا بسرعه.
ساره راحت الحديقه غصبآ عنها لأنها ماكانت تبغى تشوف جواد بعد الي قرته...
طلعت من باب الصاله شافت قدامها بس بعيد وكان عاطنها ظهره ويطالع نفسه بالمرايه ويكلم.
جواد:أحبش أموت فيش..ههههههه..لابجد أنا عمري ماحبيت وحده غيرش..افاا مرام تقولي عني كذاب.
ماسمعت الكلام الباقي لأنها رجعت لهم وهي ماسكه صيحتها.
ابوجواد:ويش فيش ساره؟؟
ساره:مافي شي بس خالي أني مو جوعانه ونعسانه باروح أنام.
ابوجواد:لا يابنيتي تعالي اتعشي.
ساره:بس.
ابوجواد:يلا تعالي قعدي جنبي.
ساره قعدت جنبه وهي ماسكه صيحتها....
جى لهم جواد:ماقلتولي عشى.
ام جواد:مانادتك ساره.
جواد طالع ساره:لا نادتني بس انا أمزح.
ابوجواد:جواد بيتك جهز بس باقي العروس.
جواد:ماشفت العروس لحد الحين.
ساره رفعت راسها طالعته(ليش مايبغى يتزوج دامها اتحبه و يح..قاطعت نفسها لأنها ماتبغى تعترف بالشي).
دانه:ابوي نبغى انروح المزرعه بكره.
ابوجواد:خلاص جهزوا نفسكم.
شيماء:ياي ساره بتشوفي مزرعتنا بكره.
دانه:بتصل لهناء تروح معانا.
ابوجواد:سوه الي تبغوه.
بعد العشى راحت غرفة شيماء أنتظرت شيماء تنام وفجرت نوبة الصياح الي فيها....
*اليوم التالي*
صحوا من الساعه ثمان فطروا جهزوا نفسهم طلعوا من البيت مروا على هناء وبتول اخذوهم راحوا المزرعه..أول ماوصلوا حطوا أغراضهم راحوا ايراوا ساره المزرعه.....
في المطبخ ساره كانت تكلم سلمان وهناء كانت موجوده معاها.. بعد ماخلصت المكالمه......
هناء:هذا عمش؟؟
ساره:هيه.
هناء:يعني أنتي عايشه معاه؟؟
ساره:لا بس لأن أمي مسافره.
هناء شهقت بدلع:في أم تترك بنتها واتسافر لهدرجه الكل مايطيقش ابوش طلق أمش وتركش وسافر اتخلى عنش ومات جدتش تركتش وماتت أمش سافرت عشان تفتك منش وعمش ماورى عليه حصل أحد ياخذش ويفتك منش ويه الحمدلله اني محبوبه من الكل.
جواد دخل امعصب:هنـــــــاء احترمي نفسش أحسن لش أن سمعتش تقولي هالكلام مره ثانيه ولله ثم ولله لتشوفي شي ماشفتيه.
ساره ماقدرت تتحمل كلامها طلعت من المطبخ من دون ماتسمع كلام جواد..راحت لأخر زاويه في المزرعه قعدت على الأعشاب ضمت رجايلها ويدانها صاحت اصياح يقطع القلب..أني ماحد يحبني الكل مايطيقوني حتى سلمان وجودي معاه منعه من أنه يطلع بحريته ماحد يحنبي يبغوه يفتكوا مني ليش ليش..حست بخطوات وراها رفعت راسها....
جواد:ممكن اقعد؟؟
ساره مسحت ادموعها:اتفضل..توها بتقوم.
جواد قعد قدامها(ساره كانت قاعده في مكان رفيع اشوي وجواد قعد قدامها بس صار أنزل منها).
جواد:ممكن اتكلم معاش؟؟
ساره:ساكته.
جواد:ساره لاتكوني زي النوع الي مع اي مشكله اتواجهه يستسلم على طول يفقد الأمل وييأس ربش أمرنا أن مانفقد الأمل ربش قال[ولا ييأس من روح الله الا القوم الكافرون] مو معناة أنش فقدتي أنسان عزيز عليش يعني فقدتي الدنيا كلها.ساره أنتي بعدش صغيره تركي همومش واحزانش انسيهم ثقي بنفسش لاتخلي كلمه اتجيبش وكلمه توديش ماعليش من كلام الناس مو على اي شي تصيحي هذا يضر بصحتش اذا أنتي مو مهتمه لنفسش ولحياتش في غيرش اتهمه راحتش وصحتش..أخذ نفس طويل..ساره أنا أحبش من كل قلبي عمري ماكنت صادق في هالكلمه لغيرش.
ساره حطت يديها على اذينها والدموع ماليه عيونها:جواد تكفى علي أني يتيمه.
أثرت عليه جملتها أخذ يدها حطها على قلبه:اذا كنت أكذب فدقات قلبي مابتكذب..
دق قلبها بشكل مو طبيعي فسحبت يدها بسرعه.
جواد:عارف انش مو مستوعبه كلامي لأن مايبين علي أحبش من حركاتي بس أنا كنت أظغط على نفسي فتكرتش تكرهيني أنا أعجبت بش من أول ماشفتش في محل الورد ويوم عن يوم يزداد أعجابي ليما اتحول لحب بس كنت أقنع نفسي أنها أوهام لأنش قلتي لي~أكرهك~.
ساره نزلت راسها...
جواد:كنت كل ماأشوفش وأشوف نظرة الحزن بعيونش اتكدر أنتي ماتبيني لأحد أنش حزينه بس هذا الحزن يبين في عيونش
ساره تقاطعه:عشان جذي سميتني حزن العيون في جوالك.
جواد بنظرات قويه:ساره لاتقاطعيني أنا أعترف بشعوري الرجال اذا أعترف مفروض ماحد يقاطعه.
ساره دقات قلبها تزداد.
جواد اتنهد:تذكري لما رفضتي أوصلش خليتي سلمان يوصلش من دون ماأدري أنه عمش غلى الدم بعروقي ماقدرت اتحمل فكرة أنش مع واحد غريب كنت أقنع نفسي أن هالشعور شعور غيره على أهلي أو أني أبغى أخافظ على سمعتنا..لما أنتشر خبر أنش خطيبتي في المستشفى ماصدقت كنت أتمنى أن هالشي حقيقي..حتى لما صرخت عليش على العصير كنت مو متقبل فكرت أنش تكرهيني لهدرجه..تدري أني خليتهم يرجعوا عشان أشوفش لأني أشتقت لش.
ساره ماتدري كيف طلعت هالكلمه:و مرام؟؟؟
جواد ابتسم:قريتي رسالتها مو؟؟
ساره طالعته!!!!!
جواد ببتسامه:لما أخذت جوالي كان محطوط على رسالة مرام وانا سألت شيماء ودانه قالوا ماأخذوا جوالي يعني مافي أحد غيرش...اسمعي مرام ماحملت لها اي مشاعر والكل يعرف أني مستحيل أرتبط بوحده تكلمني واتخون ثقة أهلها..أنا سميتها في جوالي حبيبتي لأنها قالت لي أسميها جذي وأنا ماخطر على بالي أغير الأسم..أمس لما جيتي تناديني ماكنت أكلم مرام كنت أكلم لؤي صديقي وكنت أقول الكلام الي سمعتيه عشان أشوف ردة فعلش من المرايه واتأكد من الي قالته مرام عنش واذا كانت معلومتها خطأ اوصح.
ساره:اي معلومه؟؟
جواد مسك يدها طلع اسوار من مخباه لبسها اياه وهي كانت بتسحب يدها بس ماقدرت(كان السوار كبير على شكل حرف الأس مره حليو)
جواد بنظرات تقتل:اتحبــيـني؟؟
سكتت ضاعت منها الكلمات ماعرفت شتقول.
سمعوا صوت ابو جواد ينادي جواد فراح له من دون ماترد عليه ساره
ساره راحت داخل قعدت في الصاله وهي مو قادرن تستوعب الكلام الي قاله جواد الفرحه مو شايلتنها..من كثر فرحتها طاحوا دمعاتها.
جوا لها شيماء ودانه وهناء وافتكروها تصيح عشان الي قالته هناء......
شيماء:خلاص ساره هناء ماكانت تقصد.
دانه:ساره هناء تبغى تعتذر لش.
هناء:اسفه ساره ماأدري ليش قلت جذي..صاحت.
ساره تطالعها ابتسمت:خلاص عادي سامحتش.
هناء:صدق قلبش طيب.
سمعوا صوت عزف جواد و من كلمات الغنيه الي قالها عرفت ساره أنه يعنيها.
شغلتني عينك من اول يوم وبيقت مغروم وبفكر فيك
شدتني ايدك وملكت روح من يومهاا بقيــت هايــم حوليـك
شغلتني عينك من اول يوم وبيقت مغروم وبفكر فيك
شدتني ايدك وملكت روح من يومها بقيت هايم حواليــــــــــك
اربني منك اربني اربني وياك تبعدني وياريت لئلبك يسمح لي اعيش بعمرك ويملكوني......
رد مع اقتباس
المفضلات