الجزء الثامن عشر:
جواد:أبغى أرجع البلد.
هادي:احـــــلـــــف ماصار لنا سبوع وأنت تبغى ترجع.
جواد:هيه بقول لهم لازم نرجع.
هادي:ارجع بروحك.
جواد:~كنك يابو زيد ماغزيت~ويش استفيد اذا رجعت ابروحي.
هادي:العيله ممكن تقنعهم لكن
جواد:لكن شيماء مابترضى افففف باحاول أقنعها.
هادي:اتحداك.
جواد:أنت ادعي لي توافق.
هادي:أنزين لاتضيق خلقك..بقولك نكته.
جواد:قول.
هادي:محشش طلع له جني ماذكر أي أيه من القرأن قام ينشد طلع البدر علينا ههههه
جواد:قديــــــــمه.
هادي:يلا سمعنا نكتك الجديده.
جواد:اثنين محشيشين ماشيين بالشارع جت لهم مذيعه.
سألت الأول:مصر بتمثل لك ايه؟؟
قالها:مصر..دي أمي.
سألت الثاني.
قالها:مابحبش اتكلم على أم واحد صاحبي.
هادي:بااااااايــــــخه.
جواد:مو أبيخ من نكتتك.
هادي:أسمع محشش كافر طاح قال:بسم الله .
قال صديقه:أحنا كفار.
قالله:ايه صح استغفر الله!!
جواد:ههههههه.أسمع في خركي راح يعزي ناس قال لهم مافي أمل يرجع ابوكم..ههههههه.
هادي:ههههههه
جى لهم أسعد....
أسعد:ها شباب في شو تتضحكو.
جواد:هادي ضايق خلقه على فارسة أحلامه فنكت له.
هادي:أحلامي ولا أحلامك.
جواد:ساره ولا مره حلمت ابها.
أسعد:اب اب جواد يحب أول مره أسمع..فــــــاضلوا فــــــاضلوا تعال أسمع أخر خبر.
جواد:هذا الي بيفضحني..أسعدو ترى نمزح.
جى لهم فاضل....
فاضل:ها شو أخر خبر.
أسعد:جوادو يحب.
فاضل:احلــــــف.
جواد:يتمسخر عليك شكلي شكل واحد يحب.
فاضل:تبغى الصراحه..قبل مايبين عليك تحب بس الحين مو بس تحب الا هيمان وأنا لاحظت هالشي.
جواد:ماتنعطوا وجه..قام عنهم.
أسعد:شباب جواد رايح فيها..هاديوه من هي جونغر الي قضت عليه؟؟
هادي:أسف هذي خصوصيات جواد..قام عنهم راح لجواد.
ـــــــــــــــــــــــــــــــــــــــ
حوراء كلمت شيماء اتفقوا أنهم يروحوا السوق مع بعض..شيماء و دانه جهزوا راحوا لفاطمه و حوراء ونزلوا راحوا السوق.
وقفوا عند محل ملابس......
حوراء:واااااو هلبلوزه عجبتني..بشتري لأملوه وساروا.
شيماء:البنفسجيه أحلى.
حوراء:عجبتني هذي أنتي أشتري البنفسجيه.أني بشتري ورديه ولأملوه حمره ولساره سوده يناسبها أسود لأنها بيضه.
دانه:أبغى اروح أشتري البلوزه البرتقاليه الي في ذاك المكان.
حوراء:حتى أني باروح بس مو الحين أول بشتريت هدايا لساره وأمل.
دانه:ماعندش غير ساره وأمل.
حوراء:عندي واجد بس الباقي عادي أشتري لهم لكن ساره وأمل زي خواتي..صح ماأعرف ويش أشتري لرائد أشتريت له بس عطور..فاطمه ويش بتشتري لراشد.
فاطمه: ساكته.
حوراء:فاطمه ويش فيش؟؟
فاطمه:بديت أخاف على راشد هو حتى لو أزعل مايقفل جواله.
حوراء:بكلم أمل بسألها عنه بس أنتي لاتضيقي خلقش.
فاطمه:انزين.
أشتروا الي يبغوه قعدوا ايداوروا في السوق الى المغرب..حوراء ماتركت شي ماأشترته..أشتروا لهم سلاش رجعوا الفندق......
حوراء:ليش ماتجوا معانا غرفتنا ترى نقعد بس بروحنا.
شيماء:ماأدري دانه ويش رايش؟؟
دانه تعبانه من كثر المشي:مو مهم أهم شي أرتاح.
شيماء:خلاص بنجي معاكم .
راحوا غرفتهم.....
دانه انسدحت على السرير:ويلي اتعبت.
حوراء فتحت ثلاجتهم أخذت الحلويات و العصير حطتهم على الطاوله:تعالوا أكلوا لاتستحوا.
شيماء:أنتي أخر وحده بستحي منها.
حوراء:ههههههههه.
فاطمه راحت تتمسح عشان تصلي.
شيماء:حورو باروح أجيب بنطلوني عشان تشوفي أنه يناسب البلوزه.
حوراء:انزين مو تتأخري.
شيماء:انزين لبست عباتها طلعت.
دانه كانت تحوس في جوال حوراء شافت صور واجد لقيس ظلت تتأمل صوره.
حوراء:دانه ماتب
دانه أختلعت على طول طلعت من الأستيديو<< الي في الجوال.
حوراء:ويش فيش؟!!!!!
دانه:هاا مافي شي بس خلعتيني.
حوراء:زين تعالي أكلي.
دانه:انزين بس بفسخ عباتي.
حوراء:أني باروح أتمسح اذا جت شيماء افتحي لها الباب.
دانه تعدل شعرها:انزين.
أخذت لها عصير شربته الا بدقة الباب..بل شيمو سريعه شكلها ماشافته.
فتحت الباب الا وقيس واقف قدامها ماعرفت شتسوي وقفت زي الهبله..أما قيس ماقدر يشيل عينه عنها تموا واقفين جذي ليما أستوعبت دانه الموقف سكرت الباب على طول.
قيس(جـــــــذابه من هي هذي)
أما في الغرفه.....
حوراء:دانه ويش فيش ليش سكرتي الباب من كان في الباب؟؟؟؟
دانه وجها أحمر:هذا هذا قيس.
حوراء:قيس!!!!!! راحت فتحت الباب لقت قيس بعده واقف......
حوراء:قيس.
قيس كان ساهي:هلا
حوراء:ويش تبغى؟؟
قيس:مو أنتي قلتيلي عشان أشتري لش شنطة <<شنطة سفر.
حوراء:صح نسيت أوكيه وين الشنطه.
قيس أشر:هذيه دخليها.
حوراء:شكرآ.
قيس:اممم منهي فتحت الباب من اشوي.
حوراء بعفويه:دانه.
قيس:دانه!!!!!(ماتوقعتها بهالجمال)
حوراء:يلا روح الحين بتجي صديقتي.
قيس:اذا بغيتي شي اتصلي.
حوراء:انزين..دخلت
ــــــــــــــــــــــــــــــــــــــــ
#بيت سلمان#
ساره كانت اتشاهد جى لها سلمان وهو لابس بيطلع.....
سلمان:بطلع تبغي أشتري شي قبل ماأجي.
ساره:وين بتروح ؟؟
سلمان:راشد في المستشفى باروح ازوره.
ساره:راشد خال أمل؟!
سلمان:هيه.
ساره بخوف:ويش فيه؟؟
سلمان:صدم و انكسرت رجله بس هو بخير الحين.
ساره:أمل ماقالت لي.
سلمان:انزين أنا طالع ماتبغي شي؟؟
ساره: سلامتك.
سلمان:الله يسلمش..راح.
ساره مسكت التلفون أتصلت بيت أمل بس ماحد يرفعه..أتصلت على الجوال.......
ساره:هلا.
أمل:اهلين.
ساره:وين أنتي؟؟
أمل:في المستشفى خالي راشد
ساره تقاطعها:صدم أدري.
أمل:ويش دراش؟؟
ساره:سلمان قالي.
أمل:أهاا
ساره:فاطمه تدري؟؟
أمل:ماأعتقد لأن ماحد قالها.
ساره:مابتقولي لها؟؟
أمل:ماأبغى أضايقها وهي مسافره ماله داعي.
ساره:بس لازم تعرف.
أمل:الحمدلله ماصابه شي بس انكسرت رجله يعني مايحتاج.
ساره:على راحتش..اممم لمتى بتقعدي في المستشفى.
أمل:يمكن بعد نص ساعه بنطلع.
ساره(يعني بتتلاقي مع سلمان يــــــاااااي):أوكيه باي.
أمل:باي.
ــــــــــــــــــــــــــــــــــــــــ
#في سوريا#
شيماء و دانه رجعوا من عند فاطمه وحوراء..جواد كان ينتظر شيماء وأول مارجعت راح يكلمها......
جواد:شيوم.
شيماء:نعم.
جواد:شيماء أنا أبغى أرجع البلد.
شيماء:لاتتمسخر.
جواد:أسمعي أنا قلت لأبوي وأبوي وافق بس قالي اذا وافقتي أنتي لأنه يدري أنك تنتظري الأجازه عشان تسافري.
شيماء:أنت تتكلم جد.
جواد:هيه.
شيماء:ليش تبغى ترجع؟؟
جواد:المستشفى طلبوني.
شيماء:خلاص أرجع ابروحك.
جواد:أنا ماأبغى أقعد في البيت ابروحي..بعدين أنتي لازم ترجعي عشان تجهزي لخطوبتش لأنها بعد اسبوعين.
شيماء:أسبوعين!!!!!!!من الي قالك؟؟
جواد:أبوي وأبوأسعد هم الي قرروا.
شيماء: ساكته
جواد:ها شو قررتي؟؟
شيماء:نرجع بس ابشرط نروح بعد بكره لبنان.
جواد:بس جذي بتأخر على المستشفى.
شيماء:انجهز أغراضناوانروح بعد بكره لبنان نقعد هناك يوم أو يومين ونرجع بالطائره.
جواد:أوكيه باروح أقول لأبوي..صح كنت ابسألش.
شيماء:شووو.
جواد:من الي رتب شنطتي؟؟
شيماء:أي شنطه؟؟
جواد:أنا أرتب شنطة اثيابي يعني أي شنطه بتكون.
شيماء:أهاا ساره رتبتها..ليش تسأل؟؟
جواد:لأن الترتيب غريب علي(عشان جذي كانت تحوس في الصيدليه).
ــــــــــــــــــــــــــــــــــــــــ
#في المستشفى#
وائل و سلمان وصلوا المستشفى راحوا الأستعلامات سألوا عن غرفة راشد.....
وائل:سلمانوا أنا متى بمرض وتجوا تزورني.
سلمان:أحلـــف أمشي بس.
وائل:تتوقع في أحد عنده.
سلمان:ماأدري.
وائل:أخاف الأهل عنده.
سلمان:عادي أحنا بندق الباب..وصلوا عند ممر الغرفه سلمان شاف خال أمل جاسم الي سبق وتعرف عليه طبعآ عرفه على طول........
سلمان:السلام عليكم.
جاسم عرفه:وعليـــكم السلاااام وينك يارجال ماانشوفك.
سلمان:مشاغل الدنيا.
جاسم:من الأخ الي معاك؟؟
وائل:أنا وائل صديقه.
جاسم:وأنا جاسم
سلمان:أخوا راشد.
جاسم:أنت تعرف راشد؟؟
سلمان:راشد صديقي وأحنا جايين نزوره.
جاسم:عجل لحظه.
دخل الغرفه......
جاسم:أبو حسن الشباب برى يبغو يشوفوا راشد.
راشد:من هم؟؟
جاسم:سلمان و وائل.
أمل رفعت راسها(سلمان أهني ساره ماقالت لي أنه بيجي).
ابوحسن:ماتشوف شر ياراشد.
راشد:الشر مايجيك.
أم حسن باسته:أنشالله تقوم بالسلامه..طلعوا.
راشد:الله يسلمش..أمل
أمل:نعم.
راشد:كلمي فاطمه طمنيها علي..تدري ماعندي جوال << جواله أتكسر في الحادث.
أمل:أنشالله..طلعت..سكرت الباب وكان قدامها سلمان ووائل وجاسم..طالعت سلمان بحركه تلقائيه بس اتفاجئت من حركة سلمان..ناظرها بدون أهتمام ولا كأن في أحد واقف و دخل غرفة راشد..في هالحظه رن جوالها.....
أمل:هلا.
حوراء:أملوه أشتقت لش وااااجد ماني قادره أبغى أشوفش.
أمل:أني بعد.
حوراء:أمل ويش فيش؟؟
أمل:مافي شي..ويش حال فطوم؟؟
حوراء:زينه بس خايفه على راشد لأنه قافل جواله.
أمل:خالي في المستشفى سوى حادث بس هو الحين ابخير.
حوراء بصراخ:ويش صار فيه؟؟
فاطمه بخوف:ويش فيه راشد؟؟
حوراء:خليني أسمع منها..أملوه قولي ويش صار فيه؟؟
أمل:ماصار شي بس أنكسرت رجله و كسر بسيط.
حوراء أرتاحت:الحمدلله..خلاص باي.
أمل:باي.
فاطمه دموعها تطيح:ويش فيه؟؟
حوراء:لاتصيحي هو بخير الحين.
فاطمه دموعها أربع أربع:قولي الحقيقه.
حوراء:صابه حادث وأنكسرت رجله.
فاطمه:شووووووووو..صارت تصيح.
حوراء:فاطمه خلاص هو بخير الحين.
فاطمه:أبغى أشوفه..رفعت راسه..لازم أرجع اليوم قبل بكره.
حوراء:بس أحنا ماكملنا أسبوع.
فاطمه:مايهمني أهم شي أشوف راشد..لبست عباتها وطلعت..راحت غرفة أمها و أبوها دقت الباب فتح لها أبوها رمت ابنفسها في حضنه وصارت تصيح بشكل يقطع القلب..أبوقيس وأم قيس خافوا ايكون صاير شي....
أبوقيس:فاطمه ويش فيش؟؟قيس وحوراء.
فاطمه زاد اصياحها....
أم قيس ازداد خوفها:يابنيتي قولي ويش صاير لا تخوفينا عليش.
فاطمه:راشد.
أم قيس و أبو قيس:شفيه راشد؟؟
فاطمه:سوى حادث وهو في المستشفى.
أبوقيس قعدها على الكنبه:اهدي وقولي كل شي .
فاطمه:راشد ماكان يرد علي حتى جواله اتقفل أنا خفت عليه فقامت حوراء اتصلت لأمل قالتلها أنه سوى حادث ورجله انكسرت..اتحولت نبرة صوتها للصياح..ابغى أرجع أبغى أشوفه.
أبوقيس حضنها:خلاص لاتصيحي بشوف اذا في حجز بنرجع البلد.
فاطمه مسحت دموعها:ابغى انروح في أول طائره.
أبوقيس:الحين بكلم قيس.........
قيس:هلا
أبوقيس:قيس روح المكتب شوف في حجز اليوم.
قيس:اليوم!!!!!!!!!!!!!!
أبوقيس:بعدين أفهمك.
أبوقيس:مع السلامه
قيس:الله يسلمك.
أبوقيس:روحي غرفتش جهزي أغراضش قولي لحوراء تجهز أغراضها.
أم قيس:بس يابوقيس أحنا تونا كملنا الأسبوع كيف نرجع.
أبوقيس:فاطمه أرجعي غرفتش.
فاطمه لبست عباتها طلعت.....
ابوقيس:ياأم قيس بنتنا كبرت اذا مارجعت لخطيبها مابتحس بالمسؤليه لما تتزوج ومابتهتم لزوجها وأولدها.
أم قيس: ساكته
ابوقيس:يلا جهزي أغراضنا.
بعد نص ساعه اتصل قيس قالهم أن مافي غير رحله الساعه ست الفجر..حجزوا.
على الساعه أربع كانوا جاهزين..حوراء كلمت شيماء من قبل وقالت لها أنهم بيرجعوا السعوديه واتفقوا أنهم يروحوا لهم اذا جهزوا عشان ايودعوهم.......
بعد نص ساعه.........
دانه تلبس ثيابها:ياربي أخاف يروحوا وأني بعدني ماأخلص اوووف.
(شيماء رويدا هناء راحوا عنها لأنها اتأخرت ولأن شيماء ماتحب تتأخر اذا مواعده أحد)
لبست عباتها..اليوم أخر يوم لهم يعني مابشوف قيس..هزت راسها بطريقة أنها تبغى تنفض أفكارها..أفخر فيه هيه ولو شفته ويش بستفيد؟؟ أصلآ هو قليل أدب ويبين عليه يتسلا..ليش أبعب نفسي؟؟.
رن جوالها........
دانه:الوو
شيماء:دانوه بسرعه تعالي ترا الحين بيطلعوا عشان بيروحوا ايودعوا.
دانه:انزين باي.سدت الخط.
طلعت من الغرفه بسرعه راحت للمصعد..أنتظرت أنتظرت أنتظرت بس مافي فايده شكله المصعد مزحوم..قررت أنها تروح بالدرج..كانت تسرع عشان تلحق عليهم فجأه طـــــــرااااااااااااخ.....
قيس طايح على الأرض:أاااااااااخ .
دانه منحرجه مرتبكه و مو حاسه للتقوله:أسفه قيس كنت مستعجله..بخوف..أنت ابخير.
قيس طالعها أبتسم أبتسامه خبيثه و وقف:مسرع ماحفظتي أسمي هذا يدل على أهتمامش.
دانه (هذا شقاعد يقول) طنشته توها بتعبر الا قيس عبر عليها وراح بس قال لها كلمه صعـــقــــتها لدرجة أنها وقفت جامده من دون اي حركه والكلمه تتردد بأذونها > أحبـــــــش <.
من دون ماتحس رجعت الغرفه ودموعها ماليه وجهها رمت بنفسها على السرير.. ليش يلعب علي ؟؟..حرام عليه يتسلى بمشاعري.
سمعت دقت جوالها و كانت شيماء المتصله..طنشتها وحاولت تنام.
لما رجعوا شيماء رويدا هناء لقوا دانه نايمه بعباتها استغربوا هالشي عدلوها طبقوها بالبطانيه ناموا الا شيماء بقت تفكر في ختها ليش ماجت وليش نامت بعباتها بس مالقت جواب و نامت.
بعد ساعتين قعدوا فطروا على طول جهزوا نفسهم راحو لبنان من جذي شيماء نسيت تسأل دانه.
ــــــــــــــــــــــــــــــــــــــــ
#في مطار السعوديه#
أبوقيس كلم أخوه أبو منعم عشان يجي يستقبلهم من المطار..جى لهم سلموا عليه واتحمد لهم بالسلامه ركبوا معاه السياره.......
ابومنعم:ماقلتلي ليش رجعتوا مو انت قايل بتقعدو سبوعين!؟
ابوقيس:راشد خطيب فاطمه في المستشفى.
ابومنعم:كيف عرفتوا ؟؟ منو قال لكم؟؟
ابوقيس قاله كل شي....
ابومنعم:الله يقومه بالسلامه.
ابوقيس:الله يسلمك.
ابومنعم:يعني العرس بتأجلوه؟؟
ابوقيس:ماأعتقد لأن العرس بعد شهر تقريبآ يمديه يشفى.
ابومنعم:يعني بتروحو تزوروه بعدين؟؟
ابوقيس:هيه.
فاطمه كانت تقرى ايات ولا سمعت كلامهم أما قيس كان يفكر في دانه و متندم أنه قالها جذي أكيد بتاخذ عنه فكره غلط..حوراء كانت نايمه من كثر التعب وأم قيس تسمع كلام ابو قيس وأبو منعم وساكته........
لما وصلوا كل واحد راح غرفته يرتاح و يتسبح..ابوقيس جاب غذى من المطعم لأن أم قيس كانت تعبانه..
بعد الغذى راحت غرفتها أخذت جوالها اتصلت لرائد.......
حوراء:هلا.
رائد:اهلين وسهلين عاش من سمع هالصوت..شو ماوحشتك حبيبتي.
حوراء:هههههه امبلا وحشتني.
رائد:حور ولله نفسي اشوفش.
حوراء:أنت في البيت؟؟؟
رائد:هيه.
حوراء:اممم خلاص بعد ماتتغذى تعال شوفني.
رائد باستغراب فرح:رجعتوا!!!!!!!!!!!
حوراء:هيه.
رائد:اقسمي.
حوراء:ليش مو مصدقني؟؟؟خلاص اتصل على البيت برد عليك.
رائد:اوكيه باي.
حوراء:باي.
بعد دقيقتين رن تلفون البيت......
حوراء:الــوو
رائد بحماس:حور الحين باجي.
حوراء:لالالامو الحين أو اتغذى وأني بجهز.
رائد:هههههه أنا بغى أعرف لما بنتزوج بتظلي تتعدليلي.
حوراء:هذي طبيعتي.
رائد:اوكيه اجهزي ترى مشتاق لش موووت.
حوراء:وأنا أكثر..
رائد:شوو ماسمعت.
حوراء:خلاص عاد يلا باي.
رائد:أنا الي متصل وتقوليلي باي.
حوراء:عشان تروح تتغذى وأني أجهز.
رائد:خلاص باي.
حوراء:باي.
سكرت التلفون راحت لبست جهزت هديته راحت غرفة فاطمه......
دقت الباب دخلت شافتها لابسه بتطلع...
حوراء:بتطلعي ؟؟
فاطمه:هيه.
حوراء:وين ؟؟
فاطمه:المستشفى.
حوراء طالعتها بحنان:الله يقومه بالسلامه.
فاطمه:الله يسلمش.
تركتها راحت غرفتها أخذت جوالها لقت رائد اتصل..رائد اتصل يعني الحين بيجي.طالعت شكلها في المرايه اخذت الهديه طلعت من الغرفه راحت المجلس تتأكد من نظافته بعدين راحت اللطبخ تجهز أشياء تقدمها له قالت لأبوها و قيس أن رائد بيجي.....
دق جرس البيت راح قيس يفتح الباب.....
قيس:هـــــــلا ابو ريد..حضنه سلم عليه.
رائد:حمد لله على السلامه..تقبل الله.
قيس:الله يسلمك..منا و منك صالح الأعمال.
رائد:هاه شلون جو سوريا؟؟
قيس:حلو أنا من جيت اهني قلت الله يعينا من الحر.
رائد دزه بمرح:شخبار الحبايب؟؟
قيس:اخ من الحبايب..أنت ادخل سلم على ابوي وشوف حوراء بعدين أقولك شصار.
رائد:وناسه يعني في موقف.
قيس:مواقف مو موقف.
رائد:ياي عجل أمش اسلم على عمي وأشوف حبيبتي.
قيس:الله لينا.
رائد:الله يساعدك.
دخلوا سلم رائد على ابو قيس بعدين راح قعد ينتظر حوراء..دخلت المجلس كانت لابسه بلوزه صفره فيها زخارف وبنطلون جينز اسود فيه زخارف على الجوانب و تراكي صفره مخلوطه مع أسود وخواتم سلسال اساور>>(مشاء الله رايحه حفله مو لخطيبها).
قام سلم عليها همس في اذنها..وحشتيني..ارتجفت قوتها باعدته عنها قعدت على الكنبه و كان باين عليها الأرتباك..رائد قعد بجنبها.
رائد:اربكتش مو؟؟
حوراء مستحيه وتحاول تغير الموضوع:ويش حالك ؟؟
رائد:أنا قدامش يعني تعرفي حالي..حور شعرش مره حليو.
حوراء:صدق أنا خفت مايعجبك لأنه صار قصير.
رائد ماسك شعرها:كل شي فيش يعجبني..مو قصير واجد..اصلآ طالع جنــــــان.
حوراء:ويش جاب طاريها هذي بعد.
رائد:من هي؟؟!!
حوراء:جنانو.
رائد:هههههه أنا أقصد شعرش ايجنن.
حوراء:اهاا زين باروح اشوي وباجي.
رائد:وين؟؟
حوراء قامت:بس لحظه..راحت.
بعد أربع دقايق رجعت له وفي ايدها كيس.....
حوراء عطته الكيس وهي مستحيه.
رائد:وشو هذا؟؟
حوراء:هديتك.
رائد:جبتي لي هديه!! ليش كلفتي على نفس
حوراء قاطعته:لا كلفت على نفسي ولاشي أنت خطيبي.
رائد:افتحها الحين ولا بعدين؟؟
حوراء:لالالا افتحه بعدين في البيت.
دخل قيس......
قيس:رائد أحنا بنروح لراشد بتروح معانا؟؟
رائد:اوكيه الحين جاي.
قيس:نتظرك برى.....راح.
رائد باسها على خدها:مشكوره حبيبتي..يلا أشوفش على خير....طلع
حوراء استحت طلعت من المجلس راحت المطبخ لأمها..شربت ماي وأم قيس تطالعها.
أم قيس:ويش فيه وجهش أحمر.
حوراء:هاه لا ولاشي..اممم اماه بيجو خالاتي اليوم؟؟
ام قيس:لا مابيجوا.
حوراء:عجل باقول لساره و أمل يجوا لي.
أم قيس:صحيح ويش حالها ساره رجعت أماها من السفر؟؟
حوراء:لا مارجعت..تركتها راحت تتصل لساره.....
ساره:هـــــــلا ولله نورة السعوديه..حمد لله على السلامه..تقبل الله..متى رجعتي؟؟
حوراء:بل اشوي اشوي علي..كيف عرفتي أني رجعت؟؟
ساره:نسيتي أن التلفون كاشف شفت رقم بيتكم.
حوراء:ههههههه أني غبيه لو متصله على الجوال أحسن لي.
ساره:راحت عليش.
حوراء:انزين عندش شي اليوم؟؟
ساره:لا.
حوراء:تعالي لي الحين.
ساره:الحين!!!!!!
حوراء:هن أني قاعده مع أمي وفاطمه وابوي قيس راحوا لراشد ..خالاتي عماتي مابيجوا الا بكره يعني ملل و تعالوا.
ساره:خلاص باشوف سلمان.
حوراء:بيتنا قريب تعالي مشي.
ساره:ههههه أخاف على بشرتي من الشمس.
حوراء:يابابا الحين عصر مو ظهر.
ساره:كلمتي املوه.
حوراء:لا بكلمها الحين.
ساره:ياي من كثر ماتحبيني اتصلتي لي قبلها.
حوراء:لا تصدقي نفسش واجد.
ساره:صدقت من زمان.
حوراء:زين روحي اجهزي عشان تجي بسرعه.
ساره:يووووء يبغى لي أشوف سلمان عشان يجي ياخدني من بيتكم لأني مابقدر أحمل شنطة الهدايا.
حوراء:ههههههه ماشريت شي.
ساره:اتحداش لازم تذكري حبيبة قلبش ساره.
حوراء:زين بلا هذره فاضيه و يلا باي.
ساره:هههه باي.
رد مع اقتباس
المفضلات