________________

ساره كلمت أمل قالتلها أنها بتروح الكوافير عشان تصبغ شعرها و تقصه..أمل راحت معاها عشان تقص خصلاتها(غرتها).

صبغوا شعر ساره والحين يقصوه....
أمل:ساروا شكلها الصبغه احليوه.
ساره:شكرآ..وأنتي طالعه أحلى خصلاتش مقصوصين.
أمل:أدري مايحتاج تقولي أني حلوه من زمان.
ساره:مايلحق الواحد يجاملش..من الي لعب عليش قالش أنتي حليوه.
أمل:أدري منحره لأنش مو زي جمالي.
ساره:أكيد أني أحلى.
أمل:أقول طالعي المرايه شوفي شكلش.
ساره:املوه خلاص مو فاضيه أني خايفه على شعري.
أمل بجد:ساره ويش حال أمش؟؟
ساره:الحمدلله ليش تسألي؟؟
أمل:ماأشوفش تكلميها.
ساره:بكلمها اليوم.
أمل:أهاا..تركتها راحت تقره مجله.

لما خلصت ساره[صبغت خصلات شعرها أشقر على شعرها الطبيعي أسود فاتح]....
أمل:وااااو ساروا طالعه مره حليوه.
ساره ببتسامه مستحيه:ههه شكرآ.
أمل:بخطبش لأبوي.
ساره:خليته لأمش.
أمل:أصلآ أبوي مابيتخلا عن أمي.
ساره تعدل بوشيتها:يلا أمشي انروح.

طلعوا من الكوافير وكل وحده راحت بيتهم..ساره أول ماوصلت البيت طرت على بالها شيماء فدقت عليها......

ساره تتكلم بسرعه:هــــاي شيمو صبغته أملوه تقول الصبغه مره احليوه أنتي صبغتيه اذا ماصبغتيه أصبغيه زي.
جواد:السلام عليكم.
ساره اختلعت بس بعد ماميزة الصوت(هذا صوت جواد)طالعت شاشة جوالها عشان تتأكد من الرقم الي دقته شافته رقم شيماء.
ساره:وعليكم السلام.
جواد:ويش حالش؟؟
ساره حاسه بختلاط مشاعر فشلانه ولا فرحانه أنها تسمع صوته حتى مو عارفه شتقول:بخير الحمدلله..وين شيماء؟؟
جواد:أنا بدلتها بالجوال اذا تبغيها اتصل..اتصلي بعد ساعه.[كان بيقول اتصلي على جوالي بس ذكر أنها اذا اتصلت شيماء بتشوف ويش امسمينها>>هو أسم عادي بس مايبغى شيماء تزهقه بستفساراتها وفضولها].
ساره:شكرآ مع السلامه.
جواد:لحظه..أنا أسف على أني صرخت عليش بس كنت امعصب>>سالفة العصير.
ساره خلاص ماأقدر اتحمل:لا عادي حصل خير..مع السلامه.
جواد:الله يسلمش.

اتمشى له اشوي بعدين رجع الفندق..شاف هادي في المصعد...
جواد:هلا توك جاي.
هادي:هيه بس بجيب الصور بكره.
جواد:ليش؟؟
هادي:لأن ماعندهم الحين.
جواد:اهااا..أنا باروح لشيماء برجع لك.
هادي:اوكى.

راح نادى على شيماء وجت له هي ودانه راحوا معاه غرفتهم عشان يراوه شعرهم....

دانه شالت البوشيه دارت:ها ويش رايك.
جواد:حــــــــلــــــــوه..باشوفش شيوم.
شيماء:لحظه غمض بعدل شعري فذمتك أذا فتحت.
جواد:اوكى يلا بسرعه.
شيماء عدلت شعرها:يلا فتح.
جواد فتح عيونه صفر:وااااااااو اتجــــننــــي.
شيماء:شكرآ شكرآ.
دانه:مالت عليك ويش هالتفرقه.
جواد:أنتي بعد اتجنني بس هي صبغت شعرها أنتي ماصبغتيه فلازم المدح يصير مضاعف.
دانه:طبيعي أحلى..طلعت من الغرفه.

جواد:أتصلت لش ساره
شيماء:صحيح نسويت ماكلمتها..عطاها جوالها اتصلت لساره جواد انسدح على السرير قعد يطالعها وهي اتكلم.......

شيماء:هــــاي.
ساره:هايات ويش طلع شعرش احليو؟؟
شيماء:أكيد بيطلع احليو دام أنه شعري.
ساره:هههه شكلي أكلم أمل الثانيه.
شيماء:هههههههه..وانتي كيف طلع شعرش؟؟
ساره:املوه اتقول احليو لما تجي أحكمي عليه.
شيماء:أوكى..يلا باي.
ساره:باي.

سدت الخط وأتصلت لأمها.......
ساره:السلام عليكم.
ام وليد:وعليكم السلام
ساره:ويش حالش أماه؟؟أنشالله بخير.
ام وليد:بخير الحمدلله..انتي ويش حالش ويش حال عمش؟؟
ساره:بخير..ماناقصني الا وجودش.
ام وليد:يووووه بس أحنا بنطول ماحد جبرش تقعدي مع عمش.
ساره جتها الغبنه..هذا جواب تجاوبيني اياه:وين وليد أبغى أكلمه.
ام وليد:لحظه..وليد..ولــــــيد.
وليد:نعم.
ام وليد:تعال كلم.

وليد:الـوو.
ساره بفرح:وحشتني وليدوه.
وليد فرحان:يااي ساره من زمان ماتكلميني ولله أشتقت لش.
ساره:يابعد قلبي..ويش كنت تسوي؟؟
وليد:كنت قاعد بس جذي مستمل..ليش ماجيتي معانا تناوسيني.
ساره:مره ثانيه غناتي.
أم وليد أخذت الجوال من عند وليد:ساره أحنا بنطلع الحين.
ساره بحزن:خلاص مع السلامه.
أم وليد:الله يسلمش.

أنسدحت على السرير أخذت دبدوبها صاحت من كثر الصياح نامت من دون ماتسوي العشى..سلمان ماحب يزعجها غطاها بالبطانيه راح ايسوي له بيض لأنه مايعرف يطبخ.

_____

فاطمه لما رجعت دقت على راشد بس مارد عليها وصارت ادق وادق بس مافي فايده لين اتقفل جواله.
فاطمه:حوراء.
حوراء:هاا رد عليش.
فاطمه اتصيح:قفل جواله أكيد أزعل كل منش.
حوراء:انزين لاتصيحي كلميه بكره فهميه.
فاطمه اتصيح:مابيرد..صاحت
حوراء حاولت تهديها ليما خلتها تنام.

_________________

اليوم التالي

هادي صحى من النوم وفطر على طول طلع راح أخذ الي يبغاه رجع الفندق راح غرفة البنات......
دق الباب.
رويدا من ورى الباب:من؟؟
هادي:أنا هادي..وين شيماء؟؟
رويدا:لحظه..راحت لشيماء..شيماء هادي يبغاش برى.
شيماء:لاتسخري.
رويدا:والله العظيم.
شيماء:غريبه ويش يبغى؟؟
رويدا:ماأدري.
شيماء لبست عباتها راحت له وهي خايفه يمكن صاير شي.
شيماء:نعم.
هادي:ويش حالش؟؟
شيماء:هادي صاير شي؟؟
هادي:يامحلاة أسمي بصوتش.
شيماء استحت:انزين شبغيت.
هادي:أبغى اسولف معاش.
شيماء:!!!!!!!!!!!!!!!!!!!!!!!!!!!!
هادي:ههههه أخذي هذا الكيس.
شيماء أخذته:شو هذا؟؟
هادي:صور أيوان..تركها راح.
شيماء(ويش هالفشله جوادو الغبي قاله أبغى صور أيوان) دخلت قعدت على سريرها.
رويدا:ويش يبغى؟؟
شيماء:عطاني هذا الكيس..فتحت الكيس شافت فيه شريط كاسيت و صور بس مو لأيوان لهادي.
شيماء:الله طالع ايهبل متى صور.
رويدا:شوفي الكلام الي مكتوب ورى الصوره.
شيماء لفت الورقه قرت المكتوب.

"أنا أحلى من هذا الي أسمه أيوان بوااااجد.
والي يحليني أكثر أني أحبش.
هادي
أسمعي الشريط"
أخذت الشريط حطته في المسجل وكان فيه غنية ~اشكثر مشتاق~ سمعتها و من فرحتها قعدت تترقص.

في الظهر قرروا الرجال يروحو السوق عشان شيماء تشتري أغراض حفلة خطوبتها ..عائلة أبوقيس راحوا معهم عشان أغراض عرس فاطمه وحوراء مع أن حوراء بعدها ماتحدد موعد العرس..دانه ورويدا وأم فاضل ماراحوا معهم لأنهم مايحبوا الأسواق فقعد معهم فاضل..دانه ماراحت مو بس عشان أنها ماتحب الأسواق عشان أنها ماتبغى تشوف قيس ولاتدري ليش.

طبعآ فاطمه ردت اتصلت براشد كان بعده مقفل.


.....

لما رجعوا كانوا الرجال هلكانين فقرروا يروحوا بكره حمام الهنى عشان يرتاحوا وفعلآ صحوا من الساعه ثمان فطروا جهزوا راحوا.....

جواد كان طول الوقت مع هادي وكانوا يسبحوا في الجاكوزي.
جواد:هاديوه ولله اتعبت.
هادي:ماقلت لك الله يساعدك.
جواد:أشتقت لها بموت عشان أشوفها.
هادي:الله يعينك.
جواد:أبغى أرجع البلد.
هادي:احـــــلـــــف ماصار لنا سبوع وأنت تبغى ترجع.
جواد:هيه بقول لهم لازم نرجع.
هادي:ارجع بروحك.
جواد:~كنك يابو زيد ماغزيت~ويش استفيد اذا رجعت ابروحي.
هادي:العيله ممكن تقنعهم لكن
جواد:لكن شيماء مابترضى افففف باحاول أقنعها.