الجزء السابع عشر:

لبست بوتها وأول مارفعت راسها شافته.....

اتلاقت نظراتها مع نظراته و ماحست الا ودموعها تطيح على خدها كانت أول مره تشوفه بعد الي صار حست بنبضات قلبها تزيد وأنها مو عارفه تتنفس..سلمان كان ايناظرها مو عارف شو يقول لها.(كيف قدرت أضربك أحس أني بحلم ولله أني ندمان)..كان بوده يمسح دموعها.
أمل مسحت ادموعها و توها بتروح عند الباب عشان تطلع...
سلمان بهدوء:لحظه
أمل وقفت...
سلمان وقف عند الباب:لازم تسمعيني.
أمل:اتباعد ابغى أطلع.
سلمان:أمل ولله ماكان قصدي حطي نفسش في مكاني ج
أمل تقاطعه بنبرة اصياح:مستحيل أكون مكانك لأني كنت أحبك مابشك فيك..أنت حتى ماعطيتني فرصه أدافع عن نفسي كيف تبغاني أعيش معاك عمري وأنت في اي لحظه ممكن اتشك في و تطلقني.
سلمان سند راسه على الباب بألم:يعني خلاص.
أمل: ساكته
سلمان ناظرها بحزن...وراح.

مسحت ادموعها طلعت من البيت وطول ماهي في السياره ساكته حابسه صيحتها..أول ماوصلت البيت راحت غرفتها رمت بنفسها على السرير صاحت..ياربي أني أحبه ليش قلت جذي ليش ولله أني أحبه مابقدر أعيش حياتي من دونه..ياربي صرت ماأفهم لنفسي أهئ أهئ أهئ.

_________________

#الأرض السعيده#

(بعيد لكم المقطع عشان تفهمو أو تذكرو أذا نسيتو)

دانه كانت تنتظر شيماء لأن هناء ضاعت عنها..ملت دانه قررت ترجع للعائله الي كانو في المطعم الي فيه بركه قبل ماتدخل لهم لفت أنتباها شكل البركه تمت تطالعها...قيس شافها عرفها قعد يتأملها أنتبه على صبي يمشي لابس[جوتيه فيها كفرات] شكله يمشي غلط كان طريقه بتجاه دانه يعني بيطيحها في البركه.
قيس لاشعوري صرخ:دانه أنتبهي.

دانه التفتت شافت الصبي جاي بتجاها وبحركه سريعه اتباعدت بس من عجلتها طاحت على الأرض..جى لها قيس......
قيس خايف عليها:أنتي بخير؟؟
دانه تطالعه متفاجئه(معقوله أشوفك مره رابعه .شهقت. هو الي ناداني كيف يعرف أسمي)
في هالحظه جت هناء كانت قريبه منهم.....
هناء تنزل لمستوى دانه: دانه صار لش شي؟؟
دانه مفهيه:هاااا
هناء:دانوه ويش فيش؟؟
دانه توها تستوعب فوقفت طالعت قيس:مشكور أخوي [كانت تبغى تسأله كيف يعرف أسمها بس وجود هناء منعها]
قيس:أنتبهي لنفسش فمان الله...راح

هناء:يلا فهميني ويش صاير؟؟
دانه:ماصاير شي بس كنت باطيح وهو نبهني...وين العيله؟؟
هناء:ماأدري دورتهم في المطعم بس ماشفتهم..برايش أدق عليهم.
دانه(ياربي كيف يعرف أسمي باموت عشان أعرف)
هناءبصوت أعلى:دانه ادق عليهم.
دانه:اففف أكيد دقي.

.......

أنتهى السباق والي فاز جـــــــواد رويدا و صفا جتهم خيبة أمل أما حوراء(ياي حبيب سارو فاز طلع عندها ذوق مره احليو بس شكله مغرور يلا تاخذه اتعدل أخلاقه <<طبخت الطبخه وتنتظر تاكلها خخخخ)
رويدا أتصلت لشيماء بس شيماء ماردت الا على أخر رنه....
رويدا:شيمو ويش بتعطي
شيماء تقاطعها بصياحها:قولي لأحد جنبش يجي عند المحلات واحد يتشابق هادي قولي لجواد لو أي أحد أرجوش تعالو ابسرعه..صاحت..سدت الخط.

رويدا راحت لشباب.....
رويدا متلخبطه:ها دي شيماء يتشابقوا
جواد:أنتي شقاعده اتقولي.
فاضل:جواد خلنا نفهم منها..رويدا ويش اتقولي.
رويدا:هادي ايشابق واحد عند المحلات.
جواد:شووووووووووووووووووووووووووو..ماترك لها فرصه تقول كلمه زياده على طول راح و راح وراه فاضل أما أيمن بقى مع البنات بعدين راحو للعيله في المطعم يخبروهم.

.........

هادي و الشاب بعدهم يتضاربو و شيماء مو عارفه شتسوي ليما اتجمعو عليهم الناس و هرب الشاب..شيماء راحت له.....
شيماء مسكته:هادي..صاحت
في هالحظه جى جواد و فاضل....
جواد:شيماء اتبعادي..مسكه..هادي أنت بخير.
هادي بصوت تعبان:هيه لاتاخفو يمكن بس رضوض.
فاضل:أمش انوديك المستشفى.
هادي:أنا ماأحب المستشفيات ومايحتاج ودوني الفندق.
جواد:بس يمكن يكون فيك شي.
هادي:انت عالجني وأذا لزم ذيك الساعه ودوني المستشفى.
جواد:زين تقدر تمشي؟؟
هادي:شايفني أتكسرت.
جواد:ههه أمشي أمشي..يلا شيماء.

أجتمعوا بالعيله الي على طول من سمعو بالخبر راحو لهم..أتصلت لهم هناء قالولها تجي مع دانه عند مواقف السيارات..راحو لهم و رجعوا الفندق..شيماء كانت طول الوقت تصيح خايفه على هادي ومحمله نفسها المسؤليه اذا صابه شي حتى عيونها اتنفخت من كثر الصياح.

أما حوراء و فاطمه رجعوا لأبوقيس و أم قيس قالولهم أنهم يبغو يرجعوا الفندق حتى قيس كان يبغى يرجع بعد ماعرف أن دانه رجعت..قيس كان لايم نفسه على أنه خلى دانه تعرف أنه يعرفها من جذي كان يبغى يرجع عشان يقعد يفكر في جو هادئ.

_________________

#الفندق#

جواد و فاضل حملوا هادي على كتوفهم دخلوه غرفة الشباب..جواد فحص هادي لقى أن فيه بعض الرضوض وشويت كدمات مع جرحين في الوجه..جى لهم أسعد و معاه شنطة الأسعافات حقة جواد..فاضل راح لأبو أسعد و الباقي عشان يطمنهم على هادي وأسعد راح معاه عشان يترك جواد يتصرف على راحته..أخذ شنطة فتحها بس قبل مايطلع أي شي منها ظل يتأملها.
هادي:شفيك أول مره تشوف الشنطه.
جواد رافع حاجب:هذا مو ترتيب شيماء.
هادي أتنهد:اه من شيماء جوادو أحبها.
جواد:الله يساعدك..نظف جرحه.
هادي:قول الله يساعدك أنت.
جواد مسح الجرح الي بوجه هادي بالمعقم.
هادي:ااااااـح أنت تألمني شوي شوي.
جواد:زين أسكت.
هادي:بس ولله يحرق.
جواد:ماحد قالك صير بطل و تضارب معاه.
هادي:ذاك الوقت ماحسيت بألم لأني أدافع عن حبيبتي..أخ لو شفتها وهي خايفه علي كنت بستجن عشانها.
جواد بملل:هاديوه بتسكت لو أترك.
هادي:ادري أنك مقهور أنا أشوف حبيبتي كل يوم لكن أنت يبعدك عنها مسافات.
جواد:افففففف سد الموضوع.
هادي:أنت غبي أدفع نص عمري اذا ماتحبك.
جواد عصب:وبعدين معاك مابتسكت...جيب يدك بلفها.
هادي يمد يده:بس مو تعورني.

........

*غرفة البنات*

شيماء كانت منسدحه على سريرها اتصيح..رويدا و هناء يحاولو ايهدئوها بس مافي فايده.
هناء:خلاص شيماء ماله داعي تصيحي
رويدا:هادي بخير.
شيماء:بسببي صار له جذي..عودت صاحت.
رويدا:الله كاتب يصير له جذي أن كان بسببش و لالشي ثاني.
شيماء: اتصيح
هناء:شيماء خلاص بصراحه زودتيها.
شيماء مسحت دموعها:ممكن تتركوني أبغى أنام.
هناء و رويدا:على راحتش.


أما دانه كانت منسدحه على سريرها تفكر(ياربي ماني قادره الاقي حل كيف يعرف أسمي؟؟ معقوله سأل عني ..لالا ماأعتقد ويش مصلحته أصلآ هالفكره مو عدله..افففف باموت)..طبعآ نامت بعد أذان الفجر من كثر التفكير أماشيماء فمن كثر الصياح نامت و رويدا و هناء من زمان راحوا في سابع نومه.

_________________

#بيت سلمان#

ساره قعدت من الصبح عشان تسوي لسلمان فطور وتصحيه عشان يروح الدوام << اتعودت على هالنظام.

راحت تصحي سلمان بس للأسف سلمان نومه ثقيل خصوصآ أنه نام متأخر لأنه سهر مع وائل لين قريب الفجر.
ساره هزته:سلمان اصحى.
سلمان: نايم
ساره: بدلكك عشان تنتعش و تصحى...و لما خلصت.
ساره:يلا قوم خلاص
سلمان بنعس:بنام بس اشوي.
ساره:ماحد جبرك على السهر.
سلمان(حبي لأمل جبرني):زين نزلي و بنزل وراش.
ساره:مو تعود تنام.
بعد عشر دقايق نزل المطبخ و فطر معاها بعدين راح الدوام..ساره ملت البرامج الي في التلفزيون قعدت تفكر في الي صار أمس....

"ساره:سلمان ويش صار ؟؟
سلمان برود:ماصار شي.
ساره انزين ويش قلت لها ويش قالت لك.
سلمان:ماقلنا شي.
ساره(افف أني غبيه ليش مارحت أسمعهم):سلمان معقول ماقلتو شي..يعني وقفتوا ساكتين.
سلمان:ساره أنتي ممله و تزهقي.
ساره:أبغى أعرف ويش صار؟؟
سلمان:أسألي صديقش..تركها راح غرفته. "

ساره:بتصل لأملوه..أتصلت لها.....
ساره:هلا.
أمل:اهلين.
ساره:كيفيك؟؟
أمل:الحمدلله.
ساره:امممم أموله ويش صار أمس؟؟
أمل:متى ؟؟
ساره:مع سلمان.
أمل بهدوء:هو ماقالش ؟؟
ساره:مارضى ايقول.
أمل: قالت كل الي صار.
ساره: ساكته
أمل:ساره أني ماأدري ليش قلت جذي ولله أحبه.
ساره:أمل مافهمت لش.
أمل:أدري وأني بعد ماأفهم لنفسي.
ساره:اوكى أني بفكر ويش باقول له.
أمل:ويش بتقولي؟؟
ساره:مالش دخل يلا باي.
أمل:اففف باي.

قعدت تفكر بعدين راحت سوت الغذى وأنتظرت سلمان..لما جى سلمان اتسبح و اتغذى راح يستريح بغرفته.

ساره راحت له.....
ساره:امممم سلمان بسألك سؤال.
سلمان:أسألي.
ساره:أنت تحب أمل؟؟
سلمان:ويش هالسؤال الغبي.
ساره:انزين لو أقولك أن أمل غيرت رايها و
سلمان يقاطعها بعصبيه:أنا مو لعبه بيدها متى مابغت حطمتني و تتسلى بي..طلع من الغرفه عشان مايدخل معاها بنقاش ماله فايده بنسبه له.

_________________

#في سوريا#

الرجال كانوا مجتمعين عشان يقررو اي مطعم يروحوا.
أبو فاضل:ليش مانسأل الحريم وين يبغوا ايروحوا.
أبو جواد:لا ياخوك الحريم يبغوا مطعم قريب لسوق وأنا مو فاضي حق أسواق.
أبو أسعد:بس هادي مابيقدر يروح.
أبوسالي:هادي مافيه الا الصحه و العافيه.
أبوأسعد:بس أنا مو مطمن.
أبوجواد:أسعد ياوليدي قوم نادي جواد.
أسعد:أنشالله..راح.
أبوجواد:الحين بنسأل جواد.

جى جواد مع فاضل......
جواد:السلام عليكم.
الكل:وعليكم السلام.
أبوأسعد:جواد قولي الحقيقه هادي فيه شي.
جواد:زي الحصان ولو كان فيه شي وديته المستشفى.
أبوأسعد:الحمد لله مشكور
جواد يقاطعه:مايحتاج تشكرني هادي أخوي.
أبوأسعد:والنعم فيك ياوليدي.
أسعد:ها أي مطعم قررتو؟؟
أبوسالي:بعدنا مانقرر.
جواد:أنا أبغى انروح مطعم بوابة الشام..في هناك سينما.
أسعد:وأنا راي من رايه.
أبوفاضل:خلاص روحو أسألوا الحريم.

سألوا الحريم طبعآ وافقوا وكل وحده جهزت عبايتها.
شيماء أتصلت لحوراء بس كان مشغول فتصلت لفاطمه.....
شيماء:هلا.
فاطمه:أهلين.
شيماء:أحنا بنروح مطعم بوابة الشام قولي لأهلش تبغوا اتروحو.
فاطمه:انزين الحين باروح.
شيماء:تعالي ليش جوال حوراء مشغول..اتكلم من؟؟
فاطمه:ههههه اتكلم رائد.
شيماء:ههه زين يلا روحي أسألي أبوش..باي.
فاطمه:باي.

فاطمه:قيس روح قول لأبوي نبغى انروح مطعم بوابة الشام.
قيس:شمعنى مطعم بوابة الشام؟؟
فاطمه:صديقاتنا بيروحوا.
قيس:ماطلبتي شي الحين باقوله...راح
فاطمه أستغربت منه.

........

*مطعم بوابة الشام*

(كبير من النوع الحجري وهو مفتوح فيه نوافير وشلال كبير )

وصلوا العائلات الأربع وخلوا الحريم بروحهم في طاوله والرجال بروحهم في طاوله عشان ياخذو راحتهم في الأكل.

أما عائلة أبوقيس قعدوا في طاوله لأن مافي أحد غريب.

*طاولة الحريم*

شيماء:دانوه ماأشوف حوراء ..وين هي؟؟
دانه تأشر:في ذيك الطاوله.(قيس مايبين من جذي ماشافته).
هناء:دانه قومي روحي معاي بتول بتغسل ايدها<<أختها الصغيره اتوسخت.
دانه:مستمله.
هناء:مالت عليش...راحت.

وهي تمشي صدمها واحد...
هناء:ايي
قيس كان مفهي:أسف أختي ماأنتبهت.
بتول:اتعورتي.
هناء:لا يلا أمشي..راحت من دون ماتقول شي..قيس رجع لطاولتهم.

رجعت لهم وقعدت بجنب دانه....
هناء بصوت واطي:دانو حزري أصتدمت بمن.
دانه:وأني ويش دراني.
هناء بصوت أوطى:تذكري الي نبهش أنش بتطيحي في بركة الأرض السعيده هو الي صدمني.
دانه بصوت عالي:حـلـفـي!!!!!!!!!!!!!!!!!!!!!!!!!!!!!!!!!!!!!! !!!
الكل:ويش صاير؟؟؟
دانه:ها مو صاير شي...خفضت صوتها..متأكده هو؟؟!!!!
هناء:هيه بس ويش فيش جذي؟؟
دانه:وين هو الحين؟؟
هناء:ويش عرفني.
دانه(ياربي ليش هالأنسان أحتل جزء كبير من تفكيري هذا أذا ماكان كله).

بعد ربع ساعه جابوا لهم الغذى واتغذوا..دانه كانت تاكل واتطالع في الي رايح و الجاي عشان تشوف قيس بس ماشافته ..بعد الغذى راحو ايغسلوا والتقوا بحوراء وفاطمه.
شيماء:حورو احنا بنروح السينما بعد اشوي روحوا معانا.
حوراء:الله وناسه مو تدخلوا قبلنا أبغى أقعد جنبكم.
شيماء:خلاص نلتقي هناك.
حوراء:اوكى.

عودوا لطاولتهم انتظرو ليما يخلصو الباقي غذاهم.

وبعد نص ساعه صارو عند بوابة السينما..دخلوا العائله بس بقوا البنات ينتظرو حوراء وفاطمه..لما جوا ماكان معاهم قيس يعني دانه ماشافته.

دخلوا قعدوا بجنب بعض وكانوا متأثرين بالفلم...الا دانه كانت اتفكر..ياربي أني صرت كل أفكر به..المشكله أني ماأعرفه وبس أشوفه بصدفه..افف ويش هالحاله..قطع تفكيرها هناء.
هناء:دانه قومي معاي بشتري لي بوشار.
دانه:اففف موفاظيه.
هناء:أنتي كل جذي.وقفت عشان بتروح.
دانه:تعالي باروح معاش.
هناء بصوت واطي:دانوه طالعي ذيك الجهه.
دانه طالعت شافت قيس:هااا مو معقول..مسكت هناء..يلا أمشي انروح.
رويدا:وين بتروحو؟؟
دانه بعجله:بنروح نشتري..يلا أمشي..راحت مع هناء.

هناء:لحظه دانه لحظه.
دانه:ها ويش.
هناء:بعدل عباتي.
دانه:مو هذا وقتش.
هناء:مابيطير البوشار.
دانه(مابيطير بس هو بيروح)
هناء:خلصت يلا أمشي.

راحوا عند الي يبيع وكان قيس واقف يشتري.
هناء:تبغي أشتري لش؟؟
دانه:لا ماأبغى.
هناء:عجل ليس مستعجله.
دانه:افف خلصيني أشتري.
هناء:أشتري وهذا واقف.
دانه:انزين سكتي.(معقول هالصدف الي تجمعني فيه).

قيس أنتبه عليهم و عرف دانه فقال "بيدق الحديد وهو حامي"
أشترى أثنين بوشار واتباعد عن المكان راحت هناء تشتري ودانه بقت ابروحها.

دانه تطالعه(نفسي أسأله كيف يعرف أسمي..شافته جاي بتجاها..يووه هذا جاي لي ويش هالفشله ويش باسوي الحين)

قيس:السلام عليكم.
دانه هذا ويش يبغى:وعليكم السلام.
قيس:أنتي صديقة حوراء الفلاني مو؟؟
دانه:هيه!!!!!!!!!!!!!!!!!!!!!!!!!!!!!!
قيس مد البوشار:اعطيها اياه..أنا أخوها.
دانه(هذا قيس!!!!!)أخذته وهي بعدها متعجبه.
قيس:شكرآ.
دانه: مفهيه..قيس راح وجت لها هناء.
هناء:دانوه ويش كان يبغى؟؟ وكيف أخذتي البو
دانه قاطعتها:هذا أخو حوراء.
هناء:أخوها!!!!!!!!!!!!!!!!!!!!
دانه:هيه يلا نرجع.

رجعوا ودانه عطت حوراء البوشار....
دانه:من عند أخوش.
حوراء:قيس ؟؟
دانه:في عندش غيره.
‎
كانت دانه متضايقه وهي تقول هالجمله لحوراء.
حوراء:أنتي ويش فيش متضايقه؟؟
دانه:مافي شي..جلست مكانها..هو يدري أني صديقة أخته ليش اسوي جذي هذا تفسير أنه يعرف أسمي...وأني متعبه حالي على الفاضي.

_________________

مكالمه بين أمل و ساره..........

أمل:خلاص ساره لا تعبي نفسش على الفاضي.
ساره: بس
أمل:أني و سلمان ما لنا نصيب بعض يعني لاتعبي نفسش.
ساره:بس أنتو اتحبوا بعض.
أمل:أني وهو فضلنا كرامتنا على حبنا.
ساره:أملوه لاتصيري جذي.
أمل:لا تحاولي أنتهى الموضوع.
ساره:الله يعينكم على غبائكم.
أمل:لأنش ماتحسي بلي أحسه.
ساره(أنتي يبادلش الشعور مو مثلي).

_________________

بعد يومين#في سوريا#

شيماء قاعده مع جواد ادلك وجهه.....
شيماء:جوجو.
جواد:هم.
شيماء:أنت ذيك السفره شريت لي صورة اليسا مو؟؟
جواد:هيه.
شيماء:أبغاك تشتري لي صوره.
جواد:ماطلبتي شي.
شيماء:بس أني أبغى صورة أيوان.
جواد(ويش هالبلشه أنا ماأعرف المكان هاديوه هو الي يشتري كيف بقوله يشتري لها صورة أيوان):اوكى بشوف اذا فضيت.
شيماء:ماني أبغاها الحين عشان ماتنسى.
جواد:انزين.
شيماء باسته:يابعد قلبي.
جواد وقف طلع جواله من مخباه:اوهو.
شيماء:ويش؟؟
جواد:بطارية جوالي خلصت.
شيماء:خلاص خذ جوالي.
جواد:يلا جيبيه.
شيماء:لحظه بكلم ساره جواد راح وقف قدام الدريشه........

شيماء:هلا.
ساره:أهلين كيفيك شو عم تعملي.
شيماء:ماعم بعمل شي بس أشتقت تلك اكتير.
ساره:وأنا كمان بس أكتر.
شيماء:ساروا بعد أشوي باروح أصبغ شعري ويش الون الي يناسبني؟؟
ساره:يااااي عجل بصبغ شعري.
شيماء:خلاص جربي الصبغه وقوليلي.
ساره:اوكى.
شيماء:باي.
ساره:باي.

راحت لجواد كان بعده واقف عند الدريشه.....
شيماء:أحم الي ماخذ عقلك يتهنى به.
جواد:ماحد ماخذ عقلي.
شيماء:مالت عليك على الأقل جاملني قول أني.
جواد:هه يلا بطلع مابتعطيني الجوال.
شيماء عطته الجوال:بس خلي جوالك بعبيه وبطلع به.
جواد:جوالي على الطاوله..طلع.

راح غرفة الشباب.....
هادي كان منسدح على سريره فاضل وأسعد يلعبوا أونو.

جواد:هادي.
هادي:نعم.
جواد:وين المحل الي تشتري منه الصور.
هادي:ليش تسأل؟؟؟
جواد:يعني ليش أسأل أبغى أشتري.
هادي:قول ويش بتشتري وأنا بشتري لك.
جواد:صور أيوان.
هادي رافع حاجب:لك !!!!!!!!!!!!!!!!!!!!!!!!!!!!!!!!
جواد:لا لأختي دانه.
هادي:لشيماء امبين.
جواد:هيه.
هادي بتفكير:خلاص باروح أشتري لها.
جواد:احلف.
هادي لبس ثيابه أخذ بوكه وجواله طلع من دون مايعبر جواد..نزل السوق اشترى كريم أساس{بودره} رد رجع الفندق بس راح غرفة صفا أخته....

هادي دق الباب.
صفا:من؟؟؟؟
هادي:أنا هادي.
صفا:ادخل حياك.
هادي دخل:وين ايمن؟؟؟
صفا:يسبح..ويش صاير زايرني.
هادي:يعني مايصير أجي لأختي الحبيبه.
صفا:قول ويش تبغى أكيد مو جاي عشاني.
هادي:افا عليش بس بغيتش في حاجه.
صفا:قول.
هادي طلع البودره:حطي لي.
صفا:قول ولله.
هادي:باروح أصور ماأبغى الجروح اتبين.
صفا:اهاا خلاص جيبه.
هادي:يلا حطي.

........

شيماء كلمت حوراء وقالت لها أنها بتروح مع دانه الكوافير عشان تصبغ شعرها..حوراء قالت لفاطمه وفاطمه رحبت بالفكره لأنها تبغى تصبغ شعرها.

اجتمعوا راحوا الكوافير......
الكوافيره لبنانيه:مين بدى أول.
شيماء:فاطمه جربي قبلي عشان أشوف اذا طلع حلو او لا.
فاطمه:لا أخاف يطلع مو عدل أنتي جربي.
دانه:لو سمحتي أني بقص شعري.
الكوافيره:أنتي تعالي معي..بس مين بعدك؟؟
حوراء:أني بقصه أبغاه طبقات.

راحت دانه معاها غسلت شعرها.

الكوافيره الثانيه:يالا على شو اتفئتو.
فاطمه:أني بصبغ و بقص أطراف شعري.
شيماء:أنتي شو أسمك؟؟
الكوافيره:نسرين.
شيماء:حلو اكتير.
نسرين:هيدا من زوئك(ذوقك) راحت مع فاطمه.
حوراء بصوت واطي:لاتتفلسفي واجد عليها أخاف اتصدق.
شيماء:بس عجبني أسمها.
حوراء:مو كأن الجو حار.
شيماء:انتي في مكان عندش مو حار.
حوراء:غرفة الفندق بارده لحدها.
شيماء:هه أكيد بتكون بارده.
قطع عليهم رنة جوال فاطمه.....
حوراء:فاطمه جوالش يرن.
فاطمه:هذا راشد لا تردي.
حوراء:اتضحكي يعني أني برد.
فاطمه:مو قصدي جذي.
حوراء:انزين تعالي ردي.
فاطمه:مايمديني ماتشوفيها اتسوي شعري.
حوراء:بس جوالش زعجني.
فاطمه:حطيه صامت.
حوراء كانت بتظغط على زر الصامت بس ظغطت على الزر الي يسد الخط.
حوراء:يووووه عطيته مشغول .
فاطمه:حــــــــلفــــــــي.
حوراء:أسفه.
فاطمه:ياربي أكيد بيعصب.
شيماء:كلميه بعد اشوي.
فاطمه:انشالله مايزعل.
حوراء و شيماء:انشالله.