#بيت ابو حسن#
زهراء تدق على باب غرفة أمل بس أمل مافتحت لها الا بعد مده.
زهراء بفرح:املوا يللا أجهزي بنروح بيت جدي.
أمل:ماأبغى اروح.
زهراء:كل العائله بتروح.
أمل:قلت لش ماأبغى اروح.
زهراء:بتروحي لأن أمي مابتخليش بروحش في البيت و يللا أجهزي.
أمل:افففففف اطلعي برى.
زهراء:انزين بطلع بس بدلي اثيابش...طلعت.
_________________
وهو يسوق سيارته أنتبه على الدبدوب الي ورى...دخل سيارته الكراج..طلع من السياره راح لورى..أول ماشاف الدبدوب ابتسم..أخذه دخل البيت.
....
ساره كانت مع دانه الي بعدها متأثره بلي قاله قيس.
شيماء كانت في الصاله..جى لها جواد.
جواد بكل تعب يجلس على الكنبه وهو ماسك الدبدوب.
شيماء:ويش فيك؟؟
جواد:تعباااااان لحدي.
شيماء جلست بنجنبه :حق منو هاالدبدوب؟؟
جواد:حق ساره نسيته في السياره.
شيماء:ولله عندها حق اتحبه..مره احليو..أمس قالت لي أنها ماتقدر تنام ابدونه
جواد:لهدرجه الي عطاها اياه غالي عليها.
شيماء:هي ماتذكر من عند من.
جواد:اهااااااا.
شيماء:جيبه بوديه لها.
جواد:ليش اتعبي نفسش ناديها تجي تاخذه.
شيماء:وليش اتعبها وأني الحين بركب.
جواد:انا أبغى اتكلم معاها.
شيماء بفضول:ويش بتقول لها.
جواد:ناديها و بتعرفي.
شيماء:خلاص بناديها بس بقول أني ابغاها.
جواد:مو مهم.
شيماء اتصلت لساره...
ساره:هلا
شيماء:تعالي لي تحت.
ساره:بل لهدرجه اتخافي على صوتش.
شيماء:شو بدي أعمل مابقدر اندهلك بخاف على حسي.
ساره:هههههه خلاص الحين جايه..باي.
شيماء:باي.
شيماء:يللا قول.
جواد:اصلآ أنا مابقول لها شي.
شيماء:أحلف عجل ليش قلتلي أناديها.
جواد:بقول لها أن سلمان بيرخصو بكره.
شيماء حمقت:سخيف.
جت لهم ساره..أول ماشافت جواد حست برتباك..عدلت شيلتها.
ساره:السلام عليكم.
جواد و شيماء:و عليكم السلام.
جواد يعطيها الدبدوب:هذا لش؟؟
ساره أخذته:شكرآ.
شيماء:قعدي ليش واقفه.
ساره جلست على كنبه بعيده عنهم اشوي:ويش تبغي؟؟
شيماء:جواد يبغاش.
جواد:سلمان بيرخصوه بكره يعني مايحتاج تزوريه بعدين.
ساره:بس أني أبغى اروح عشان اناوسه.
جواد:مايمديش لأن صدقانه بيروحو له.
ساره: ساكته
جواد:شيوم مادريتي .
شيماء بفضول:شوو.
جواد:جت وحده للممرضات و سألوها عني لأنها قالت أنها قريبتي هي حقرتهم و غير جذي قالت لوحده من الممرضات أنها تبغاني في كلام خاص(ناظر ساره وهي قريب تموت من الأحراج)
شيماء:و بعدين شصار؟؟
جواد:الممرضات قالو أنها خطيبتي و مابقى أحد ماعرف أنها خطيبتي.
ساره وجها صار كل الألوان:شيماء باروح لدانه.
شيماء:اوكى...وأنت شفت البنت.
جواد:هيه شفتها.
شيماء:كيف شكلها..احليوه.
ساره كانت تركب الدرج ..لما سمعت سؤال شيماء وقفت عند أخر الدرج عشان تسمع رده من دون مايشوفها.
جواد:ماأعرف أوصف..وقف.
شيماء:وين رايح؟؟
جواد:بروح غرفتي حدي تعبان.
ساره سمعته يقول جذي راحت لدانه.
....
راح غرفته ذكر الي صار معاه في المستشفى ابتسم......
جواد:دكتور عبد العزيز ماشفت دكتور عصام.
د:عبد العزيز:راح غرفة الممرضات.
جواد:شكرآ..في طريقه لغرفة الممرضات شاف الدكتور عصام.
جواد:السلام عليكم.
د:عصام:وعليكم السلام.
د:عصام:مبروك ياخويا أنتا ليه مألتليش أنك خاطب.
جواد بأستغراب:ومن قالك أني خاطب.
د:عصام :الممرضات شافوها.
جواد:وين؟؟
د:عصام:الممرضه أيات قالت أنها لقتها معاك..و كمان بتغار عليك..دانتا بتتهنى ياواد.
جواد:من الي قالك هذا الكلام؟؟
د:عصام:الممرضه نرجس.
جواد راح غرفة الممرضات......
جواد:السلام عليكم.
الكل:و عليكم السلام.
جواد:شفتو خطيبتي؟؟
نهى:هيه شفناها مبروك.
لمياء:باين عليها أنها بتحبك اكتير.
جواد:شو قالت لكم؟؟
لمياء:قالت انها اريبتك(قريبتك) سألناها عنك بس هي فلت من دون مااتقول شي.
جواد:اهااا ومن الي قالت أنها خطيبتي.
لمياء:انا
جواد:لا تقولي شي من عندش..لأني مو خاطب........
انسدح على سريره..أخذ جواله ينتظر البنت تكلمه لأنها عودته تكلمه هالوقت..
_________________
#بيت جد أمل#
أمل قاعده في الحديقه مع بنات خالاته...اتفكر في حالها مع سلمان وشو راح تسوي...قطعت عليها أفكارها بنت خالتها...
نجيبه:اموله ويش فيش؟؟
أمل:مافي شي.
نجيبه:امممممم عجل امشي معاي حابه اتمشى.(حديقتهم كبيره واجد)
أمل توقف:يللا أمشي.
نجيبه:فكرتي اي جامعه بتروحي
أمل:يمكن جامعة الدمام لأنها أقرب جامعه.
نجيبه:يااااي يعني بكون معاش.
أمل:انشالله.
وهم يمشو وصلو لعند الباب..الا واحد دخل..من شافهم طلع على طول.
نجيبه:مراد..مراد تعال هذي أني نجيبه أختك
مراد من ورى الباب:ومن الي معاش؟؟
نجيبه:غير أمل بنت خالتي أمامه.
مراد:انزين اتباعدو بدخل.
نجيبه:عادي ادخل.
مراد:بس أنا معاي ماهر<<ولد خالتهم و رامي<<أخو ماهر.
نجيبه:خلاص الحين رايحين...راحو جهه ثانيه.
أمل:مراد اتغير واجد.
نجيبه:مو بس شكله الي تغير حتى شخصيته اتغيرت.
أمل:كيف يعني؟؟
نجيبه:صار خجول لحده و مايسمع أغاني و ماعنده حركات الشباب.
أمل مو معاها في الكلام(ويلي على سلمان ابغى أعرف ليش هو في المستشفى..اتنهدت)
_________________
#بيت ابو قيس#
فاطمه قاعده مع راشد في المجلس....
راشد وهو يحوس في شعرها:فطوم حبيبتي ليش ماانقدم العرس
فاطمه:بس اني بعدي ماأخلص كل الأشياء.
راشد:فطوم كل يوم أحلم باليوم الي بيجمعني بش وتكوني ملكي عن حق و حقيق.
فاطمه ولع وجهها من الخجل.
رن جوال راشد...
وائل:هلا
راشد:اهلين.
وائل:وينك مابتروح لسلمان المستشفى.
راشد:اوه نسيت.
وائل:أنا الحين باروح.
راشد:لا أنتظرني لأني ماأندل المستسفى.
وائل:اوكى..باي.
راشد:باي.
راشد:فطوم أنا لازم اطلع..بكلمش بعدين.
فاطمه:انزين.
باسها على خدها و طلع...
.....
ساره أتصلت لحوراء.....
حوراء:ساره مابقدر باقي كم يوم و أسافر كيف بسافر وهو مايكلمني و لايرد على اتصالي
ساره:حوراء أنتي تحبيه؟؟
حوراء:ماأدري.
ساره:خلاص عجل لاتتصلي عليه وزين أنش بتسافري.
حوراء:ليش؟؟
ساره:عشان اتكون في فتره اتفكري فيها من دون ظغوط وجذي بتعرفي اذا كنتي تحبيه او لأ..ولاتدخلي أحد في هالموضوع حليه بنفسش.
حوراء:انزين..بتجو لي بكره؟؟
ساره:على حسب..باشوف يمكن اجي.
حوراء:مو تنسي تقولي لأملوا.
ساره:انزين..باي
حوراء:باي.
_________________
#المستشفى#
سلمان شبه منسدح على السرير..يفكر بحاله مع أمل..ااااااه أحبها وربي أحبها..أخ كيف قدرت أمد يدي عليها..أخذ جواله..أتصل لو ماأتصل..بتصل أنا لازم أعتذر لها..توه بيظغط على زر الأتصال الا ويسمع دق على الباب.
سلمان:اتفضل.
انفتح الباب......
وائل بطريقة المظحكه:ويلي عليك يابعد قلبي و كبدتي أنشالله فيك و لافيني.
سلمان:ههههههه مالت عليك.
راشد:السلام عليكم.
سلمان:وعليكم السلام.
راشد:سلامات ماتشوف شر.
سلمان:الشر مايجيك.
وائل يعطيه علبة الشوكولا:يللا أفتحه بسرعه.
سلمان:ليش؟؟
وائل:عشان أكل تبغاني أخسر افلوسي عليك و أنت اتخرط مو مريض..أصلآ الشوكولا ماتصلح لك.
راشد:ههههههه زطي.
سلمان:أنت شارينه لي لو لك؟؟
وائل:بصراحه أشتريته لك بس وأنا أشتريه أشتهيته فحرام يعورك بطنك.
سلمان:مالت عليك بخيييل.
راشد:سلمان وين أحطه(يقصد patche >>نوع من أنواع الشوكولا..أكيد تعرفوه)
وائل:يااااااي ليش ماقلتلي أنك شريته..جيبه جيبه بطني جاهز للأستقبال.
سلمان:هههههههههههههه.
راشد:أنت جاي من مجاعة افريقيا.
وائل يفتح الثلاجه:ماعندك بيبسي؟؟
سلمان:مافي بس عصير.
وائل:يالله بشرب عصير وأمري لله.
راشد:سلمان شو قالولك فيك؟؟
سلمان:أزمه واتعدي.
راشد:ماتعرف من شو؟؟
سلمان(تبغاني أقول منك لو من غبائي):ماأدري.
_________________
#بيت ابو جواد#
ساره كلمت أمها و لما خلصت قعدت تسولف مع شيماء.
ساره بتردد:امممم شيماء أنتي من قبل كنتي بتفسري لي موقف...سكتت.
شيماء فهمت على طول:موقف جواد مو؟؟
ساره:هيه.
شيماء:لما اتصلتي لي ذاك ال..رن جوالها.
شيماء:هلا.
جواد:أهلين..قولي لتينا ترتب المجلس.
شيماء بفضولها المعتاد:من هو بيجي؟؟
جواد:هادي.
شيماء(يابعد قلبي):خلاص الحين بقول لها.
جواد:زين.باي.
شيماء:باي.
شيماء:ساره باروح ارتب المجلس و باجي.
ساره:اوكى.
راحت سوت بخور بخرت المجلس رتبته جابت حلويات حطتهم على الطاوله.
فجئه دخل هادي المجلس..وقفت ثواني مو عارفه شتسوي..الباب الي يودي لصاله كانت امسكرتنه فمالقت قدامها غير الزاويه الي مابين الباب و المكتبه اتخبت فيها.
هادي حط جواله على حافة المكتبه بس من جهه غير جهة شيماء يعني مايشوفها:ليش متخبيه؟؟
شيماء:مو لابسه عباتي.
هادي:زين أطلعي أبغى أشوفش.
شيماء:هادي أنت جنيت.
هادي:عادي أنا خطبتش.
شيماء:لحد الحين ماصار شي رسمي.
هادي:بس أنا طلبتش وأنتي وافقتي يعني عادي.
شيماء:هادي أبغى أطلع.
هادي:أطلعي ماباكلش.
شيماء:كيف بطلع وأنت أهني.
هادي حب أعاندها:بكيفش..راح شغل التلفزيون جلس على الكنبه البعيده عنها.
شيماء(هذا الي بيبلشني كيف بطلع..اوفففف بس أحبه)..تعبت من الوقفه فخطر ببالها أنها تتصل على جواله و بجذي هو بيروح ياخذ جواله وهي بتركض و تطلع...رن جواله بغنية أحمد براده"نسيني وأناجنبك".
هادي:لا تحاولي مابقوم من مكاني لأن أنتي المتصله..امخصص هالغنيه لش.
شيماء:هادي تكفى أبغى أطلع.
هادي:قولي أنش تحبيني و بغليش تطلعي.
شيماء: ساكته
رن جواله جواد المتصل....
هادي:أسف اذا أزعجتش بس كنت أبغى أعاندش..أخذ جواله دار ظهره فصار مايشوفها..وهي طلعت بسرعه.
شيماء(أحبه أموت فيه بس سخيف فشلني)
......
من تركتها شيماء و هي اتفكر في الي صار معها اليوم..أني ليش حسيت بالغيره من الممرضات..ليش قلبي دق بسرعه لما شفته و لما لمس يدي..ياربي معقوله أكون حبيته..دمعت عينها..ماأبغى أحبه أني ماأهمه و..ذكرت كلامه الي سمعته في الصباح "أنا مستحيل أتزوج وحده الناس كلها شبعت من وجهها" أهى أهئ ماأبغى أحبه مو ناقصه بلوى زياده..تمت تصيح ليما نامت..جت شيماء لقتها نايمه فما حبت تزعجها طفت النور طلعت.
*في الصباح*
ساره كانت تتحاشى أنها اتشوف جواد و حمدت ربها أن أبو جواد هو الي وداها البيت و راح ياخذ سلمان من المستشفى..ماكانت تبغى تلتقي مع جواد لأنها حست أن شكلها بيفضح حبها و هذا الي ماتبغاه.
_________________
#بيت سلمان#
ساره رتبت البيت جهزت الغذى و قعدت تنتظر سلمان.
بعد ربع ساعه وصل أبوجواد ومعاه سلمان....
أبوجواد و سلمان:السلام عليكم.
ساره تحضن سلمان:وعليكم السلام..تو مانور البيت.
سلمان:امنور بوجودش.
أبو جواد:يلا أنا بطلع فمان الله.
ساره:خالي اقعد اتغذى معانا.
أبوجواد:لا أم جواد ماتقدر تتغذى من دوني.
سلمان:ياعيني على الحب.
أبوجواد:هههههههههه زين فمان الله.
ساره:فمان الكريم.
راحو اتغذو بعدين راح سلمان غرفته حق يرتاح..بعد ساعه جت له ساره وهي لابسه حق بتطلع.
ساره:سلمان ابطلع.
سلمان:بعد مالبستي جايه اتقولي.
ساره:لأن أكيد ابترضى.
سلمان:ويش عرفش يمكن أبغاش تقعدي عشان تناوسيني.
ساره: ساكته
سلمان: ساكته
ساره:خلاص بتصل لحوراء بقولها أني مابروح.
سلمان:أنا ماقلت لش لاتروحي.
ساره:سلمان حيرتني..أروح لو ماأروح.
سلمان:روحي بس لا تتأخري.
ساره: انشالله.
[بيت أبو قيس قريب لبيت سلمان يعني مايحتاج اتروح أحد يوصلها]
_________________
#بيت ابو جواد#
بعد الغذى على طول راحت تجهز ثيابها حق السفر..جت لها دانه.
دانه:بل شيمو تجهزي شنطتش من الحين
شيماء:عشان ماأنسى شي و لأني أبغى أصير أول وحده تجهز.
دانه:متى بنسافر؟؟
شيماء:يمكن بعد يومين.
دانه:شيماء بسألش سؤال.
شيماء:أسألي.
دانه:لو يموت هادي ويش اتسوي؟؟
شيماء:اسم لله عليه كان أموت معاه..مالت عليش اتفاولي على حبيبي أنشالله ايموت حبيبش الأحول الا ماشاف خير عشان يحبش.
دانه:مالت عليش أنتي..بعدين أني ماأحب.
شيماء:زين لاتصرخي كنش بقره.
دانه:بقره أنتين يا
قاطعها جواد:بسكم صراخ..ما عرفت أكلم.(كان يكلم بالجوال في الصاله)
دانه:روح غرفتك و كلم على راحتك.
جواد:ومن قالش أني بقعد أهني..أنا بطلع.
دانه:أطلع أحد مسك.
رن جواله فتركهم و راح غرفته.
جواد:هلا بعمري.
البنت:كيف حالك حبيبي.
جواد:يامحلاه هالكلمه في صوتش.
البنت:جواد لا تخجلني زين أني قلتها.
جواد: أنا بسافر بعد يومين و ماأبغى أسافر من دون ماأعرف أسمش.
البنت بنبره جديه:أنا قلت لك من قبل مابقول أسمي.
جواد:زين خلاص ماأبغى أعرفه..أسمع صوت عصافير أنتي وين قاعده؟؟
البنت:في الحديقه.
جواد:غريبه أول مره ماتكلميني وأنتي في غرفتش.
البنت:لأن ماحد في البيت غير أختي الصغيره وأني.
جواد بتفكير:كم عمرها أختش؟؟
البنت:اربع سنوات بس ليش تسأل؟؟
جواد(أحسن شي سمعته):أنا أحب الأطفال..وينها أبغى أكلمها.
البنت:خلها اتولي مايحتاج.
جواد:أذا ماخليتيني أكلمها بزعل.
البنت:لا خلاص كل شي ولازعلك..بس لحظه.ماريا ماريا.
جت ماريا:نعم.
البنت عطتها الجوال:اخذي كلمي.
ماريا:الوو
جواد:هلا
ماريا:منو أنت
جواد:أنا واحد بعطيش حلاوه بس ابشرط.
ماريا:الله حلاوه.
جواد:ويش أسم أختش الي قاعده معاش.
ماريا:مرام.
مرام بصراخ:ياغبيه..أخذت من عندها الجوال وسدت الخط.
جواد:الوو..الووو..سدت الخط..ولله حلو أسمها..أتصل لها بس ماردت وحاول مره ثانيه بس هي ماترد..اوففففف..صح أنا عرفت أسمها وشيماء أكيد تعرفها.
راح غرفة شيماء...
جواد:شيماء
شيماء:نعم
جواد:بسألش سؤال بس في ذمتش ماتسأليني ليش سألتش.
شيماء:ماني ماأقدر لازم أسأل.
جواد:عجل خلاص مايحتاج.
شيماء:لالالا أسأل ألي تبغاه.
جواد:عندش صديقه أسمها مرام.
شيماء استغربت من سؤاله:هيه مرامو الخايسه بس الحين هي مو صديقتي.
جواد:ليش اتقولي عنها خايسه؟؟
شيماء:لأنها هي سبب الي صار بينك و بين ساره..شكلك نسيت أنها هي الي خلتني أشك في ساره..أممم ليش تسأ
جواد حط يده على فمها: قلت لش في ذمتش ماتسأليني.
شيماء:مالت عليك تعرفني فضوليه الحين بتجيني الحره على أني ماأعرف.
جواد:أسف ماأقدر أقول..طلع من الغرفه..في طريقه لغرفته شاف تينا.
جواد:تينا تعالي.
جت له:نعم.
جواد:لما نظفتي سيارتي ماشفتي صوره.
تينا برتباك:مافي معلوم مايسوف شي>>ماشفت شي.
جواد:زين روحي كملي شغلش.
جواد(اففف يعني الا أخذ الصوره أخذها قبل ماتنظفها تينو) دخل غرفته انسدح على السرير..معقوله مرام اتحبني..ماأعتقد أنها تتمسخر مالها مصلحه..يللا اذا زي ماقالت يعني ما بتتصل.
_________________
#بيت ابو قيس#
ساره وصلت قبل أمل و قالت لحوراء كل الي صار.
حوراء:بصراحه ماله حق يمد يده عليها.
ساره:هذا الي صار.
حوراء:وليش ماقلتيلي من قبل؟؟
ساره:لأن مامداني أقولش..ماعلينا من هالكلام المهم أنش لما تجي أمل أسأليني عن سلمان لأن أكيد أملوه تبغى تعرف ويش حاله بس مابتسألني.
حوراء:خلاص دزيني عشان اذكر.
ساره:ويش صار مع رائد؟؟
حوراء:لاتزهقيني أول مره أنام من دون ماأسمع صوته.
ساره:الله يجعلها أخر المشاكل بينكم.
حوراء:الله يسمع منش.
بعد ربع ساعه جت أمل....
ساره دزت حوراء.
حوراء:اااي عورتيني.
ساره:اسفه ماأنتبهت..طالعتها بنظرات..وحوراء فهمت.
حوراء:صح ساره ويش حال سلمان قلتيلي أنه في المستشفى.
أمل طالعت ساره.
ساره:بخير الحمدلله توه طالع من المستشفى اليوم.
حوراء:الحمدلله على سلامته.
ساره:الله يسلمش.
أمل:حوراء أبغى ماي.
حوراء:اشربي عصير.
أمل:تعرفيني ماأحب العصير.
حوراء:افففف تعبه..راحت
ساره:أمل
أمل تقاطعها:اذا بتتكلمي عن سلمان لاتقولي شي..سدي الموضوع أحسن.
ساره(عنوده).
......
في المطبخ حوراء شافت قيس قالها أنه يبغى يكلمها.
قيس:أبغاش في موضوع.
حوراء:قول بسرعه لأن صديقاتي أهني.
قيس:ويش صاير بينش و بين رائد؟؟
حوراء:أسأله هو؟؟
قيس:سألته مارضى يقولي..حتى أنه مارضى يجي البيت مع أني قلتله أبغى أشوفه حق يقولي شسالفه.
حوراء(مايبغى يشوفني حرااااااام عليه مو لهدرجه)
قيس:حوراء وين رحتي.
حوراء:هذا شي بيني و بينه مايحتاج تدخل فيه...تركته وراحت.
_________________
اليوم التالي#بيت أبو حسن#
زهراء راحت لأمل الي كانت في تلعب سوني مع حسن.
زهراء:املوه تعالي بسرعه.
أمل:ويش تبغي؟؟
زهراء أخذت اليده من عندها ومسكت يدها:تعالي بقولش شي.
حسن:خليها تلعب معاي ماورى عليها رضيت تلعب معاي.
زهراء:كنا فاظين لك..أمشي بسرعه.
راحت معاها غرفتها...
زهراء:تدري أن خالتي أهني.
أمل:حلفي..توني من شوي رحت سلمت عليها.
زهراء:أدري شفتش..أني قصدي تدري هي ليش جايه؟؟
أمل:ليش؟؟
زهراء:سمعتها اتقول لأمي أنه مراد يبغى يخطبش.
أمل متفاجأه:مراد يبغى يخطبني!!!!!!!!!!!!!!!
رد مع اقتباس
المفضلات