هنادي تطالع ساعتها:اوفف متى بيجو أني أبغى أشوفها..سُمانو هي احليوه.
سُمانه:اجنن بصراحه رائد عرف يختار.
رنا:أنتين لو تشوفي كشختها أني ماشفت زيها.
ريهام:ختها عجبتني بس خساره مخطوبه.
هنادي:ههههه يعني لو مو مخطوبه كان أخذتيها لمن؟
ريهام:ولله عندي ثلاثه أخوه أختار واحد منهم و أخطبها له.
سُمانه:ماقلتي بتخطبيني لواحد منهم..صحيح أنها أحلى بس أني أولى.
الكل ماعدا جنان:هههههههههههههههههه.
جنان و قفت كأنها بتطلع من الصاله.
هنادي:جنان وين رايحه.
جنان بحزن:باروح الحديقه.
هنادي:على راحتش.

بعد ماراحت جنان...ريهام:أنتو أغبياء يعني لازم توصفو جمال حوراء قدامها.
رنا:الله يكون بعونها..حرام تكسر بلخاطر
سُمانه:أني باروح أساعد أمي.
ريهام:أنتظريني باروح وياش.

....

قاعده بروحها في الحديقه اتطالع المكان و تذكر أيام ماكانت صغيره لما كانت تلعب مع رائد في الحديقه...ااااااه ولله أحبه هو يدري أني أحبه ليش يقطع قلبي و يجرحني..سمعت صوت رائد وهو يظحك مع حوراء فبسرعه عدلت بوشيتها و دخلت من دون ماينتبهو لها..قالت لأم رائد أنهم وصلو.

رحبو بحوراء و سلموا عليها دخلوها الصاله و رائد راح المجلس..أتعرفت على الكل وكلهم كانو يسولفو معها ألا جنان..تمت معاهم لين المغرب.
رائد:حوراء..حوراء.(هنادي من سمعت صوته أتغطت أماجنان و ريهام فهم متعودين أنهم مايتغطو منه)
حوراء:نعم.
رائد دخل عليهم:يالله باوديش البيت.
رنا:لا رائد ماملينا منها.
رائد يجلس بجنب حوراء:أصلآ حوراء ماينمل منها.
جنان طالعته و حوراء أنتبهت لها..
رائد يدز حوراء بلخفيف:اتفكري بمن.
رنا:أكيد فيك ليش في أحد يقدر يقاوم جمالك.
رائد يعدل ثيابه:أحم أحم هذا من ذوقش الراقي.
الكل:ههههههههههه

جنان كانت طول الوقت اتطالع رائد و حوراء امفوحه منها..رائد حس بحوراء..رائد:جنان جيبي علبة النشاف.

الكل استغربوا منه لأن علبة النشاف أقرب لسُمانه من جنان و كان يمديه يقول لخته مو جنان.

جنان قامت و عطته أياه ورجعت مكانها.

حوراء صارت براكين أنقهرت لحدها:رائد مابنروح؟!(بصوت خفيف).
رائد ببتسامه خبيثه:يالله قومي.

.....

في السياره حوراء من أول ما ركبت تهز بطريقه مو طبيعيه و رائد قريب وينفجر من الضحك عليها.

حوراء ماقدرت تستحمل أكثر:ممكن تقولي ويش معنى الي سويته.
رائد ببراءه:ماسويت شي.
حوراء تقلده بطريقه تضحك:جنان جيبي علبة النشاف.
رائد:عادي كنت أبغى النشاف مافيها شي.
حوراء:لا ولله كان يمديك اتقول لختك..لو تبغى تشوف طولها و عرضها.
رائد:ههههههه هههه اتغاري؟
حوراء:مو من حقي؟!وهي ماتستحي طول الوقت تطلع فيك على الأقل مفروض تحترم وجود أمها.
رائد:ماقدرت اتقاوم وسامتي.
حوراء:احلف.
رائد:ولله أموت فيش.
حوراء استحت و دارت وجها عنه.

_________________

#في المدرسه#

أمل بنفعال:ماني ياخانين كيف اتروحو مع بعض من دون ماتقولولي..سخيفين.
حوراء:ههههههه قلت لش بتنقهر و تزعل.
ساره:عاد أني جبت لش حاجه اتراضيش.
أمل:بنشوف.
ساره:بترضي بس غمضي عيونش.
أمل تغمض عيونها:الي يشوفني بيقول أنش بتعطيني الماس مو كيندر.
ساره بستغراب:كيف عرفتي أنه كيندر.
أمل:معروفه أنه كيندر.
حوراء:ايقولو انه من المقاطعات.
ساره:اني ماأقدر ماأشتريه..أصلآ هذي أشاعه لأن مكتوب أنه من صنع أيطاليا..أنما الأعمال بالنيات وأني ناويه أنه أيطالي.
حوراء و أمل:هههههههههههه.

(مرت من جنبهم دانه فنادتها ساره)

دانه:هاااااااااااي.
الكل:هايات.
ساره:دانه ليش شيماء غايبه ؟!
دانه:لأن جواد ماخلاها اتنام الا الساعه ثنتين أو نص من كثر مايسولفو.

(ساره من سمعت أسم جواد سكتت و قعدت اتفكر..حوراء و أمل سولفو مع دانه لين جت لها صديقتها و راحت)

أمل أدز حوراء بلخفيف و تقول لها بصوت واطي:شوفي سارو من قالت دانه اسم جواد وهي ساهيه و اتفكر.
حوراء بنفس الصوت:شكلها طاحت في الغرام لأنها طول الوقت اتفكر.
أمل:أممم ساره اتفكري بويش؟!
ساره من دون أهتمام:ولاشي.
حوراء:ماتلاحضي أنش كل اتفكري..اتفكري بمن.
ساره برتباك:ماأفكر بأحد.
أمل:حتى جواد ولد خالش.
ساره بنفعال:وهذا ويش جاب طاريه..اصلآ ليش بفكر فيه.
حوراء أتطالعها بنص عين:حلفي أنش ماتفكري به.
ساره توقف:مابحلف لأنش سخيفه..تركتهم وراحت جهة الحمامات كرمكم الله.
حوراء:ترا مصخناها.
أمل:لا مصخناها ولاشي لو ماأتفكر به كان حلفت.
حوراء:اي ولله..بس شكلها زعلت.
أمل:أذا أتأخرت بنروح لها.

بعد سبع دقايق جت لهم ساره وسولفو ليما صفرت و كل وحده راحت بيتهم.

_________________

#بيت أبو وليد#

رجعت البيت و كعادتها صلت قرت قرأن اتغذت حلت واجباتها لما خلصت راحت تتصل لشيماء.

ساره ماسكه سماعة التلفون و قبل لا تدق رقم بيت خالها ذكرت كلام ساره و حوراء لها قبل ماتطلع من المدرسه...................
ساره:أذا بتتصلو لي دقو على جوالي لأن يمكن ماأكون في البيت.
حوراء:وين بتروحي؟!
ساره:يمكن أروح بيت خالي عشان أنقل شيماء الدروس.
أمل:عشان تنقليها الدروس لو عشان(تغمز لها).
حوراء:مفهومه أنش رايحه تشوفيه.
ساره:أول مره أكتشف أنكم سخيفين..ولله العظيم مو رايحه عشانه.
أمل:حلفي أنش ماتفكري به و بنصدقش.
ساره:اففف أنتون اتزهقو .........................

ساره(ماأقدر أحلف لهم لأني صحيح أفكر به بس مو بطريقه الي يظنوها..أني محتاره من تصرفاته)

دقت على رقم بيت خالها ردت عليها مرت خالها اتكلمت وياها اشوي بعدين نادة شيماء.

شيماء:هلا.
ساره:اهلين..ها نمتي واجد.
شيماء:ههههه من النعس ماقدرت أقوم.
ساره:أهااا وكيف بتاخذي دروسش.
شيماء:ولله عندي بنت عمه أسمها ساره الله يخليها ليي.
ساره:خلاص عجل تعالي ليي الحين.
شيماء:تعالي انتين..ماباخذ راحتي و زوج عمتي هناك.
ساره:وأني بعد ماباخذ راحتي.
شيماء:أبوي يصير خالش يعني عادي وأذا على جواد فهو مو اهني في المستشفى.
ساره خافت: ليش ويش فيه؟!
شيماء:مافيه شي بس هو داوم من اليوم.
ساره أرتاحت:أهاا.
شيماء:وبيرجع بعد ربع ساعه و على طول بيطلع من البيت يعني مابيكون أهني.
ساره(فكه منه):أوكي باروح أقول لأمي..يللا باي.