أمل:هلا.
ساره ببتسامه:أهلين..كيف الحال.
أمل:زفت..
ساره:ليييييش؟!
أمل:أخوتي..مسويني كني خدامه لهم..سخيفين.
ساره:هههه ههههه ههههه
أمل:سارو ماقلت شي يضحك لهدرجه.
ساره:ههه أني ماأضحك عليش..هذا سلمان يضحكني.
أمل:حلفي..ليش متصله مادام أنتي مشغول.
ساره:لأن سلمان مايبغاش تفهميه غلط...هو كان يبغى يعرف رايش.
أمل:أصلآ أنتين سخيفه كيف اتخليه يسمعني.
ساره:حرام كسر بخاطري .
أمل:أنزين و المطلوب.
ساره:أنش ماتفهميه غلط..حرام شكله بيمرض مره ثانيه و مو راضي أنه يتعشى و يقول مابيداوم بكره{سلمان دزها لأن كل الي تقوله خراط}
أمل:قالولش أنش ماتعرفي تخرطي.
ساره:هههههه ويش اسوي أني كل صادقه ماأعرف أجذب.
أمل:ساره أبوي يناديني.
ساره:خلاص بسكره بس ويش أقول لسلمان.
أمل:قوليله حصل خير.
ساره:أوكي باي.
أمل:باي.
سلمان:ها ويش قالت؟!
ساره:قالت حصل خير.
سلمان:يعني ويش؟!
ساره:يعني خلاص عادي.
سلمان:أنا ماأدري ويش باسوي من دونش.
ساره بوجه خالي من التعابير:مابتسوي شي..تقدر تقوم توديني البيت.
سلمان:ليش ماتنامي اهني.
ساره:لأن دبدوبي في بيتنا ماأقدر أنام من دونه.
سلمان:هههه وأنتي بعدش تنامي وأنتي حاضنتنه...أنا أبغى أعرف أنتي ليش تحبيه هلكثر.
ساره:ماأدري بس من وأني صغيره وأني أحبه و ماادري ليش.
سلمان:من وين جبتيه؟!
ساره:من عند من ماأذكر بس أذكر أنه هدية عيد ميلادي السابع.
سلمان:بل وبعدش محتفظه به.
ساره:أنزين مابتوديني.
سلمان:أوووف روحي البسي عباتش.
.....
أول مادخلت البيت راحت اتشوف أمها الي كانت في المطبخ.
ساره:السلام عليكم.
أم وليد اتسوي العشى:وعليكم السلام.
ساره متردده:ااأماه أشتريت لش بخور.
أم وليد:زين حطيه في المخزن وروحي بدلي عشان تطبخي أياي العشى.
ساره بحزن:أنشالله.
أم وليد:أي واتصلي لوليد قوليله يجي الحين.
ساره:أتصله على جوالش؟!
أم وليد:هيه.
سكرت باب غرفتها و عيونها غرقانين بلدموع..أخذت دبدوبها وحضنته و قعدت تصيح..شتان مابين أمها و جدتها (أمها الي حملت ابها تسع اشهور و ولدتها..ماتهتم ابها ولاتجيب خبرها و همها الوحيد هو ولدها و زوجها أما ساره ولا كأنها بنتها)
_________________
اليوم التالي#بيت أبو قيس#
دخلت عليها فاطمه وهي كانت اتحط القلوز .
فاطمه:يالله ماخلصتي.
حوراء:خلصت بس باقي المسات الأخيره.
فاطمه:ماقالش وين بيوديش.
حوراء:قالي مفاجئه.
فاطمه:أكيد بيوديش مطعم عشان تتغذو مع بعض.
حوراء تاخذ شنطتها:هيه مطعم بس ماقال وين...خلصت ويش رايش.
فاطمه:قمر.
حوراء:عاد مصختيها.
فاطمه:ولله أنش احليوه.
حوراء ببتسامه:شكرآ.
....
رائد:أفففف كل هذا تجهز ماصارت..الساعه صارت وحده ونص و حضرتها ماشرفت.
قيس:هدي أعصابك الحين بتجي.
رائد:من متى وأنت اتقول الحين بتجي و لا جت.
قيس:باروح أشوفها.
فتح الباب الا هي واقفه قدامه قيس:لا شان أتأخرتي بعد.
حوراء:ادري أني أتأخرت ممكن تتباعد.
قيس يتباعد:ترا أستمل وهو ينتظرش.
خلته و دخلت كان قاعد على الكنبه و يشاهد تذكرت لما شافته أول مره و أبتسمت.
حوراء:السلام عليكم.
رائد حول نظره لها وانبهر بجمالها:و عليكم السلام.
حوراء تجلس على الكنبه:كيف الحال.
رائد:بخير دام أني شفتش...أممم حوراء بتطلعي جذي.
حوراء تطالع نفسها:مافي شي(وكأنها توها مستوعبه ليش قال لها جذي)قصدك على المكياج أني بتغطى.
رائد وشكله متضايق:يالله قومي انروح.
حوراء(ويش فيه اتضايق..خله يولي أصلآ لو ما المكياج كان مابتغطى).
في السياره كان الجو هادئ رائد مل من هلسكوت فشغل الراديو كانوا حاطين <<مذهله>> لمحمد عبدو.
حوراء:أمممم رائد أنت تبغى هلغنيه.
رائد:ماتعجبش!؟؟؟؟؟
حوراء:اتلوع جبدي ماأطيقها.
رائد:الحين بتنتهي.
خلصت الغنيه و حطوا بعدها<<بناديلك>>لجاد شويري رائد كان بيغيرها.
حوراء:لالا تغيرها.
رائد:يعني هذي تعجبش.
حوراء:أكيد.
رائد:ليش هلثقه؟!
حوراء:لأني أموت في جاد و أغانيه.
رائد طالعها بنظرات مافهمت معناها ألا لما أستوعبت الكلام الي قالته و ماعرفت شو تقوله.
رائد(ماعليه أن ماخليتش تحبيني ماأكون أنا رائد)
حوراء(أففف أني غبيه الحين في وحده اتقول لخطيبها جذي..مالت عليي)
وقف السياره عند مجمع الراشد حوراء (أستغربت ليش هو جاي اهني)بس ماسألته.
تمو يمشو مع بعض وهم ساكتين لين وصلو لمطعم<<ألف ليله وليله>>(رائد حاجز من قبل فبسرعه لقى المكان الي راح يتغذو فيه)طلبو لهم الأكل الي يبغوه و تمو ينتظرو.
رائد:حبي باروح لحظه وباجي.
حوراء مستحيه و منزله راسها:بس مو تتأخر ماأحب أقعد لحالي.
بعد خمس دقايق رجع وفي أيده باقة ورد وعلبه صغيره.
رائد يقعد مقابلها:عمري ماأتوقعت أني ممكن أحب بس هذا الي صار..أنتي جذبتيني من أول نظره...أحبش.
{حوراء صحيح أن هي سمعت هلكلمه من معجباتها واجد بس طالعه من رائد غير يمكن لأنه أول مره تسمعها من رجل أو لأنها كل ماتسمع منه هلكلمه تحس بشعور ماتعرف شو معناه)
رائد يمد لها العلبه:أتمنى أنه يعجبش.(سوى حركه على أنها تفتح العلبه)
حوراء فتحت العلبه و أنبهرت من الخاتم {الخاتم ممزوج بطريقه جميله مابين الذهب الأصفر و الأبيض و كبير امبين عليه أنه غالي}
حوراء ببتسامه حلوه:احليو وااااجد.
رائد كأنه زعلان:بس هذا رايش.
حوراء:هذي أحلى أخذتها تدري ليش؟
رائد:ليش؟؟؟؟؟؟
حوراء ببتسامه عريضه:لأنها من عندك.
رائد ببتسامه أعرض:أموت فيش.
بعد ماخلصوا من الغذى اتمشو في الراشد اشوي وبعدين راحو لسياره عشان يروحو بيت أهل رائد.
_________________
#بيت أبو فؤاد#
في الصاله هنادي وريهام و جنان و رنا و سُمانه قاعدين يسولفو.
(هنادي زوجة فؤاد أخو رائد الكبير توهم راجعين من شهر العسل وهي أخت جنان الكبيره)
(سُمانه و رنا هم خوات رائد سُمانه عمرهاب20 و رنا 18)
رد مع اقتباس
المفضلات