مكانهم لما لفت عشان تحط الباقي أنتبهت لقيس.

قيس:ممكن أساعدك و أرجعهم عنك.
دانه:لا مايحتاج أني برجعهم.

قيس طنش جملتها و أخذ بقية العلب عودهم مكانهم.

دانه(هذا أصمخ لو مايسمع..كأني شفته من قبل..لا أكيد أني مخرفه وين باشوفه)

رجع كل العلب بس بقت العلبه الي بتاخذها دانه...دانه نزلت لمستوى العلبه و في نفس اللحظه قيس أخذ العلبه.

قيس: هذا بتاخذيه؟!(كان يبغى يسمع صوتها).
دانه بملل:هيه باخذه جيبه.(هي ماكانت تبغى تطول معها عن لاحد يشوفها و يفكر الموضوع خطأ).

قيس عطها العلبه وهو متشقف على أنه سمع صوتها.

.......

شيماء أشترت العطر الي تبغاه و راحت لمحل الأكسسوارات هي و حوراء

ساره كانت تنتظر البياع يرجع الها الباقي لأنها أشترت بخور لجدتها و أمها.

شيماء:الله يجنن هلخاتم.
حوراء:هيه هذا عندي زيه بس الون يختلف.
شيماء:بكم هذا؟!
الهندي:كمستعش ريال <<خمس عشر ريال>>.
شيماء:رخيص بشتريه.
حوراء:حلفي هذا نصاب يلعب عليش أني أشتريت الا زيه بعشره ريال.
شيماء:عادي الفرق خمسه ريال كأنها صدقه.
حوراء:أي صدقه أني لو عندي مليون ريال و الخاتم بعشره وهو يقولي غير كان ما أشتريه...هذا الا ناقص هندي يلعب عليي.
شيماء:هههههههه أنزين ويش بتسوي؟!
حوراء:جيبي الخاتم.


حوراء:هذا بكم؟!
الهندي:هذا كمسطعش ماما.
حوراء:روح قال أمه هذا الا ناقص أني في عمر الزهور وهو يقول أمه...خلصني أبغاه بعشره.
شيماء:ههههههههه.
الهندي:لا مايصير.
حوراء: أني أشتريت زيه من عندك بعشره جيبه بعشره ولا ماباخذه.
الهندي:خلاص ماما في ياخذ.


حوراء: ها شفتي أنه يلعب عليش .
شيماء:تدري أني ولا مره أخذت حاجه بغير سعرها.

تجي لهم ساره:زهقني وهو يدور صرف للفلوس...ويش أشتريتو؟!
حوراء:شيماء أشترت خاتم و أني بشتري هذا السلسال عجبني واجد وهذا الخاتم و التراكي.
ساره:اني أبغى شنطه خضرا لأن شنطتي الخضرا صارت قديمه.
شيماء:تعالي شوفي...هذي الشنطه حليوه عندي زيها بنفسجيه.
ساره:خلاص عجل بشتريها.


لما خلصو جت لهم دانه و تمو مع بعض لين دق سلمان على ساره.

ساره:هلا.
سلمان:سارو تعالي لي الحين لا أذبحش.
ساره:بل ويش صاير.
سلمان:ولله بلشتيني أنا ويش عرفني بلأنواع الي تبغاها أمي أنا أخذتش وياي عشان تساعديني مو تتسوقي ايا صديقاتش.
ساره:خلاص الحين باجي أنت وين؟!
سلمان:عند البرادات.
ساره:أوكي باي.
سلمان:باي.


شيماء:ساره بتروحي؟!
ساره:هيه عمي يبغاني..باي
الكل: باي


ساره راحت لسلمان و أتسوقت وياه.

أتصلت فاطمه لحوراء وقالت لها أنهم بيرجعو البيت فراحت لهم حوراء.

دانه وشيماء تمو يتسوقو لين ما شافو أبوهم و أمهم و اتسوقو معهم.

_________________

#بيت جد ساره#

ساره أخذت البخور الي أشترته لجدتها و راحت لغرفة جدتها.

ساره:ماما...مام..مامي.
الجده:تعالي يابنيتي أني أهني تعالي.

ساره تبوس راس جدتها و تقعد جنبها.

ساره:أماه أشتريت لش هديه بخور بس أخاف مايعجبش.
الجده أتطالعها بنظرة حنان:ساره ربي مارزقني ببنت مني بس رزقني بأغلى شي حصلت عليه في هلدنيا وهي أنتي يكفي أنتي أحلى هديه من ربي...ضمتها الى صدرها بكل دفئ و حنان...ساره ماتتحمل أن حد يحضنها على طول دمعو عيونها..كانت مثل الطفل الي يدور عن الحنان و الأمان الي عمرها ماحستهم في أمها و في هلحظه حستهم في جدتها.(ساره كانت زي الزهره الي تغلف نفسها بغلاف الوحده والخوف وعدم الثقه ماعندها أمل في أن حد يعطيها هلحنان الي فقدته و هي صغير ماعندها طموح في المستقبل اتعيش عشان تبنيها أو تحققها حتى أنها ماكانت تثق في جمالها و شخصيتها و تفكيرها وأرائها بس مع هذا ماتحب تبين لحد أنها حزينه و ضعيفه تحب تكون قويه ويمكن هذا الي مصبرها على عيشتها).

تركت جدتها وراحت اتصلي و لما خلصت قرت قرأن.

.....

أول مارجع راح اتسبح وصلى وانسدح على سريره قعد يفكر.
سلمان:معقوله تاخذ عني فكره غلط لا ماعتقد..أخاف اتفكرني كنت ألعب عليها..(يبتسم بخبث)بس ولله عجبني ردها..أنا لازم أقول لساره تشوف لي حل.

فجأه..ساره:بوووووووووو.
سلمان:ههههه جربي غيرها.
ساره:مالت عليك أني قلت هلمره بخلعك.
سلمان بشكل جدي:ساره اتكلمي عن أمل.
ساره:كيف يعني؟!
سلمان:يعني أشرحي لي شخصيتها؟!
ساره:أهااا (اخذت الكرسي الي عند الكمدينه حطته جنب سرير سلمان وقعدت عليه).
ساره:أمل بنت جميله طيبه قلبها أبيض خجوله و جريئه يعني مره تستحي و مره لأ،،ماتحب الحيوانات و تخاف منهم حتى العصافير تخاف منهم،،تحب الون الأحمر واجد،، ماتعرف تعبر عن مشاعرها يعني ممكن تكون تحبك و تموت عليك بس هلشي مابيبين لك الا لما تكون فاهمنها عدل،،عندها عزة نفس مو طبيعيه<<هلشي بتلاحضوه في الأجزاء الجايه>> وأذا مثلآ أنت و هي تزاعلتو و كان في نظرها أنها مو غلطانه فمستحيل تعتذر منك و هذا الشي على حسب معزتك و حبها لك،،وفي شي مهم لازم تحطه في بالك ترا أمل أذا عصبت تقول كلام ماتثمنه و من غير أرادتها اتقوله يعني أذا زعلتها بشي خلها تهدئ بعدين كلمها...أممممم بس هذا الي اعرفه واكتشفته فيها.
سلمان انسدح على سريره و تنهد:يعني مابتسامحني.
ساره:تسامحك على شو؟!
سلمان:على أني طلبت رقمها.
ساره:هههههه خلها علي أني بافهمها.
سلمان: ويش بتقولي لها؟!
ساره:أنت ليش قلت تبغى رقمها.
سلمان:بصراحه أنا كنت أبغى أعرف رايها.
ساره:وهذا الا بقوله(أخذت جوالها و دقت على أمل).