الجزء الحادي عشر:
أم وليد: سواق ساره يقول أنه مايقدر.
جواد:مو مشكله أنا أوصلها.
أم وليد:أي أحسن من أن توصلها وحده من صديقاتها.
(جواد طلع من البيت وراح للمدرسه)
*في المدرسه*
شيماء:ساره تعالي ويانا أنوصلش بيتكم.
ساره:لامايحتاج..أتصلت لعمي وبجي ياخذني.
شيماء:على راحتش يللا باي(وراحت).
ساره لبست عباتها وأخذت شنطتها وطلعت تنتظر سلمان ولقت أمل تنتظر(أبو عبدلله..ألي ياخذها ويجيبها من المدرسه)
ساره:من متى وأنتي تنتظري <<أبو عبدلله>>؟
أمل:من أول ماطلعت..ويش فيه أتأخر..أوووف.
ساره:عليناااا..أتحداش أذا ماكنتي تدعي ربش أنه يتأخر عشان تشوفي سلمان لما يجي.
أمل بكبرياء:ماباموت أذا ماشفته يعني عادي.
ساره:خلاص دام أنه عادي بقول لسلمان يشوف وحده غي...
تقاطعها أمل:الللللللللله شوفي ذاك ألي واقف عند السياره الرصاصيه..أحلييييييو.
ساره:أي سياره؟!
أمل تأشر:السياره ألي عند الشجره وفيها أستكرتات سودان.
ساره:قصدش سيارة البيجو.
أمل: ويش عرفني بأنواع السيارات..أنزين شوفيه ولله يجنن عمري ماشفت واجد بجماله(تطالعها ساره من ورى الغطاء لأنهم في المدرسه يتغطو).
أمل لاحظت نظرات ساره:قصدي غير سلماني.
ساره طالعت الشاب الي تقصده أمل وسندت راسها بلجدار:هذا احليو شكلآ لكن مضمونآ مافيه ذرة حلاه.
أمل:أنتين أول مره تشوفيه ليش تقولي عنه جذي.
ساره:ومن قالش أني أول مره أشوفه(طالعتها أمل من ورى الغطى بأستغراب).
ساره:لا يروح فكرش لبعيد هذا جواد ولد خالي أخو شيماء ودانه.
أمل:حلفي!!!!!!!
ساره:لهدرجه احليو.
أمل:أمممم نسيتي أنش أنتي قلتي من قبل أنه أحلى واحد شفتيه.
ساره:قلتها قبل والحين أشوفه واحد عادي.
أمل:زين هو ليش جاي أهني.
ساره(أكيد عشان يغازل أو جاي عشان وحده من الخايسين):يمكن عشان دانه وشيماء...بس هم راحو يمكن مايدري.
أمل:روحي قولي له..حرام واقف في الشمس وهم راحو.
ساره:مو حرام.خله يولي.ماني فاظيه له.
أمل:أوفففف.
ساره:ويش فيش تتأففي.
أمل:شوفي أبو عبدلله جى وسلمان بعده مايجي يعني مابشوفه.
ساره:ههههههه مابتموتي أذا ماشفتيه.
أمل:مالت عليش...يللا باي.
جواد كان واقف مو عارف ساره لأنه مايعرفها بلغطى وتم واقف على أمل أنها تشوفه وتجي له.
بعد خمس دقائق..ساره..مو معقول جاي يغازل لأنه ماتحرك من مكانه..يمكن ينتظر وحده من خايساته..لا لا لا مابقى غيري و هلثلاث بنات لوكان ينتظر وحده منهم كانت راحت له..شكله جاي لدانه وشيماء ومايدري أنهم راحو..خلاص باروح أقوله.
جواد من الملل أخذ يلعب بجواله وهو بعده واقف عند سيارته.
ساره بتردد:السلام عليكم.
جواد رفع راسه:وعليكم السلام(كان لابس نظاره شمسيه فرفعها)ساره!!؟؟
ساره:أي ساره..أنت أكيد جاي عشان شيماء ودانه بس هم راحو من ربع ساعه.
جواد:وتوش جايه اتقولي ليش ماقلتيلي من أول ماشفتيني.
ساره:أفتكرتك جاي تغازل لو تاخذ وحده من ألي تعرفهم.
جواد سكت وساره كانت تنتظر رده.
جواد بهدوء:ألي أعرفها وجاي أخذها هي أنتي.
ساره:شوووووووو.
جواد:أمك قالت لي أن السواق مابيجي لك فأنا جيت لش.(حط نظارته على عيونه وفتح باب السياره)يللا أركبي.
ساره(هذا امصدق نفسه):أني مستحيل أركب وياك.
جواد ببرود:ليش؟!
ساره(ياربي كيف يقدر يصير جذي بارد ولا يسوي نفسه مايدري ليش مابركب وياه)
ساره كانت بترد عليه بس شافت سيارة سلمان توه جاي.
جواد:ماجاوبتيني.
ساره:لأني ماأثق فيك و ماأئمن على نفسي وياك بروحنا..(تأشر على سيارة سلمان)شوف هذاك جاي ياخذني وأني باروح وياه(خلته وراحت ركبت سيارة سلمان).
جواد بعد ماأستوعب أنها ركبت مع واحد مايعرفه غلا الدم في عروقه وعصب حده ركب سيارته عشان يلحق سيارة سلمان.
(ساره كانت قاصده أنها ماتقول له أن سلمان عمها وهو مايعرف أنه عمها )
ساره: سلمان أمشي بسرعه
سلمان:ليش
ساره:أنت أسرع وأني بافهمك بعدين..يلا أسرع.
ساره كانت متوتره وكل اشوي تطلع في مراية السياره .
سلمان لاحظ توترها وأنتبه لسيارة جواد.
سلمان:هذا ليش يلحقني(يطالع ساره)فهميني شسالفه.
ساره:ولاشي..الي يلحقنا هو جواد ولد خالي أمي قالت له يوصلني البيت لأنها ماتدري أنك بتوصلني وجى ياخذني بس أني ركبت وياك من دون ماأقول له أنك عمي.
سلمان بعصبيه:ياغبيه ألحين ويش بيقول عنك ها..أكيد بيقول مو مربيه لو صايعه..بنازلش في بيتنا وهو أكيد بيلحقنا أنتي دخلي أنا بتفاهم وياه.
ساره (ياربي صحيح أني غبيه شان مو يسويلي مشكله..أففف صج أني متسرعه..أصلآ أني ليش رحت له أوفف)
جواد يسوق سيارته ومفول حده..هلصايعه الضايعه تترك ولد خالها وتركب ويا الغريب..أن ماعلمتها الأدب ماأكون أنا جواد..وين رايحين هذا مو طريق البيت(شافهها وهي تنزل من السياره عشان تدخل البيت)هلحقيره وبتنزل وياه بعد ..أنا بأدبها هلحماره.
وقف سيارته راح لعند سلمان ألي كان واقف عند سيارته ينتضره يجي له.
جواد ركض لسلمان ومن دون تفاهم مسكه من كلر قميصه:
يالنذل أنت ما
يقاطعه سلمان:جواد هدي أعصابك وخلنا نتفاهم.
جواد أتباعد عنه:أنت تعرفني.
سلمان يعدل ملابسه:لا أنا ماأعرفك لكن ساره قالت لي أنك ولد خالها(يمد يده عن أنه بيسلم عليه)أسمي سلمان العراج عم ساره وهذا البيت اصير بيت جدها.
جواد: ساكت
سلمان:أسف ساره ماوضحت لك الموضوع.
جواد:لا أنا الي لازم أعتذر أسمح لي.
سلمان:أفااا أنا لو كنت محلك بسوي جذي وأعظم...أتفضل أتغذى وياي.
جواد مفتشل:لاعندي شغله لازم أروح..أنشالله مره ثانيه..فمان الله.
ساره كانت تراقب كل ألا صار من نافذة الصاله الفوقيه ولماشافت أن سلمان حل السالفه من دون مشاكل راحت غرفتها وبدلت ملابسها وصلت لما نزلت تحت عطاها سلمان كم تهزيئه ماسكت الا لما تدخلت أمه(الجده)و هدته بعدها اتغدو وجلست ساره عندهم لين المغرب وراحت البيت.
_________________
جواد رجع البيت و على طول راح غرفته وبعد نصف ساعه أتغذى ورجع غرفته.
شيماء بعد الغذى راحت تشاهد في الصاله ألي تحت وحاطه لها قناة ميلودي تنتظر أغاني<<أيوان>>.
أم جواد وأبو جواد راحو لبيت الجد لأنه مريض.
دانه بعد ماخلصت حل واجباتها(بس أتحل ماتحضر الدروس خخخ)راحت فتحت الماسنجر ولقت أحد ضايفنها<<قيس>>وافتكرته البنت ألي عطتها الأيميل وسوت له أدد وتمت تهذر مع صديقاتها وتسمع الأغاني الي في الكمبيوتر لين شافت <<قيس>>صار أون لاين ودخل عليها.
قيس(شغل_أكل_سهر_نوم_هذي حياتي):هلا.
دانه(ويش هلأسم)
دانه(أحب أعيش حياتي وأعيش في قلوب أعز ناسي):أهلين.
(أحب أعيش حياتي وأعيش في قلوب أعز ناسي):أنتي نجلاء مو؟؟؟؟؟؟
(شغل_أكل_سهر_نوم_هذي حياتي):لا مو نجلاء أنا واحد حاب أتعرف عليك{يبغى يعرف كان هي تكلم شباب ولا لأ}
(أحب أعيش حياتي وأعيش في قلوب أعز ناسي):شوووووووووووو!!!!!!!
(أحب أعيش حياتي وأعيش في قلوب أعز ناسي):من وين جبت أيميلي!؟
(شغل_أكل_سهر_نوم_هذي حياتي):مو مهم تعرفي أهم شي أني أبي أتعرف عليك وأنشالله تتطور علاقتنا لتلفون و نتلاقى عدة مرات وأن صار نصيب نتزوج.
(أحب أعيش حياتي وأعيش في قلوب أعز ناسي):أتخسي ألا أنت يالحقير يالنذل يالسبال وقح وحيوان بعد.
ومن كثر ماعصبها على طول سوت له بلوك دلييت وسكرت الماسنجر وأغلقت وطلعت من غرفتها{<تعجبني هلبنت خخخ>} سمعت صوت موسيقى...مو معقول..لازم أقول لشيمو.
راحت لشيماء في الصاله
دانه خايفه:شيماء طفي التلفزيون.
شيماءحاطه رجل على رجل:نعم ويش تبغي!؟
دانه تطفي التلفزيون:ماتسمعي اللحن.
شيماء أستوعبت اللحن الي تسمعه:مو معقول جواد يعزف على البيانو!!!!!
دانه بخوف:تعالي وياي انشوف شنو فيه.
راحو غرفته ودخلو وهو ماأنتبه لهم لأنه كان مندمج.
شيماء و دانه من شافوه قامو يصيحو لين أنتبه جواد لهم.
جواد:ويش فيكم!؟
شيماء تقربت له:جواد ويش ألا ذكرك بلبيانو؟!صار لك سنه ماتعزف عليه.
جواد:ليش شنو فيها لو عزفت عليه الحين.
شيماء:كلنا ندري أن البيانو يذكرك<<بسالي>>أنت بعدك ماتنساها.
جواد بأنفعال:أنا ماحبيتها عشان أنساها و البيانو مايذكرني بأحد زين.(وطلع من الغرفه)
شيماء:جوااد ...جواااااد.
دانه:أنتي هبله ليش جبتي له طاري<< سالي>>
شيماء:من ماتت <<سالي>> وهو مايعزف على البيانو بشو تفسري أنه يعزف عليه الحين؟!
دانه:أحسن لأن هذا معناته أنه نساها و يمكن حب وحده غيرها.
شيماء:هو ماحبها عشان يحب غيرها.
دانه:أووف دامه مايحبها ليش مو قادر ينساها..ها!
شيماء طنشتها وراحت تتصل لجواد تتطمن عليه.
(جواد من وعمره 18سنه يحب يعزف بيانو ولما راح أمريكا درس الموسيقى وصار يعزف على البيانو بس من ماتت سالي صار مايعزف<<مو الحين بتعرفو عن سالفة سالي في الأجزاء الباقيه بتعرفوها>>).
_________________
قيس بعد رد دانه عليه عجبته أكثر بس حز في خاطره أنها سبته و قعد يفكر كيف بيقدر يكلمها و بعد تفكير لمعت فكره في راسه و على طول سوله أيميل جديد وظاف دانه عليه وتم يستناها لين مل وراح قعد مع خواته...بعد الصلاه رجع ولقى دانه ضافته وفرح اكثير.
قيس(ماأبي الحب الا منك):هلا دانه.
(أحب أعيش حياتي وأعيش في قلوب أعز ناسي):إهلين من وياي؟
(ماأبي الحب الا منك):مابقول لك.
(أحب أعيش حياتي وأعيش في قلوب أعز ناسي):عن المصاخه و قولي من أنتي؟
(ماأبي الحب الا منك):أنتي شفتيني في حفلة حوراء أول أمس.
(أحب أعيش حياتي و أعيش في قلوب أعز ناسي):نجلاء؟!
(ماأبي الحب الا منك):لا مو نجلاء
دانه{أوفف}(أحب أعيش حياتي و أعيش في قلوب أعز ناسي):ويش أسمك ومن وين جبتي أيميلي.
(ماأبي الحب الا منك):سر و أسمي ما بقوله.
(أحب أعيش حياتي و أعيش في قلوب أعز ناسي):أخاف تكوني واحد وأني ماأدري.
(ماأبي الحب الا منك):ولو كنت واحد كيف بعرف أسمك؟!
(أحب أعيش حياتي و أعيش في قلوب أعز ناسي):ماأدري بس ثبتي لي أنك كنتي في الحفله وشفتيني.
(ماأبي الحب ألا منك):أممم كنتي لابسه ثوب لونه فوشي مع أزرق وفيه بعض الخطوط البيج و أكسسواراتك كانت مره حلوه بس كنتي لابسه بس تركيه وحده.
(أحب أعيش حياتي و أعيش في قلوب أعز ناسي):ههههههه شكلك كنتي تراقبيني لأن ماحد أنتبه أن تركيتي ضاعت في الحفله.
(ماأبي الحب الا منك):تأكدتي أني بنت.
(أحب أعيش حياتي و أعيش في قلوب أعز ناسي):أي بس ليش ماتقولي أسمك؟!
(ماأبي الحب الا منك):لين اتعرفت عليك عدل باقول لك.
(أحب أعيش حياتي وأعيش في قلوب أعز ناسي):على راحتك بس بشو بناديك؟!
(ماأبي الحب الا منك):سميني <<دلع>>.
وتمو يسولفو لين جى وقت العشاء و راحت دانه تتعشى.
_________________
#مكالمه بين رائد وحوراء#
رائد:حوراء حبيبتي أنا أستأذنت من أبوكي أني أخذك يوم الخميس من الصبح نتمشى مع بعض و بنروح بيت أهلي حق تتعرفوا على بعض عن قرب.
حوراء: ساكته
رائد:أممم السكوت علامة الرضا
حوراء:رائد لا تفهمني خطأ بس ماأقدر أر
يقاطعها رائد:لا بس و لا غيره أنا خطيبش يعني لا تستحي مني.
حوراء بأستسلام:خلاص على راحتك.
رائد:أحببببببببك.
حوراء أستحت حدها :رائد تناديني بتصل فيك بعدين.
رائد:هههههه أدري أنك مستحيه..خلاص مع السلامه.
حوراء:الله يسلمك.
_________________
*بعد ثلاثة ايام*في المدرسه.
ساره:حوراء أنتي بتروحي مع رائد يوم الخميس مو؟!
حوراء:لا تزهقيني ماني عارفه ويش ألبس؟!
أمل:ألبسي تنورتش البيضه و ابلوزتش السوده ألي لبستيهم في عيد ميلادي.
حوراء:لا مستحيل تبغي قيس يذبحني {التنوره قصيره واااجد}
أمل:الحمدلله ماعندي أخو كبير يتحكم في.
حوراء:ويش قصدك.
أمل:قصدي واضح مثل الشمس.
ساره:حوراء البسي البنطلون الا أشتريته من المارينا.
حوراء:أي واحد فيهم.
ساره:ألا مليان شك و زخارف و البسي عليه البلوزه الي تشبه وشنتطتش الي فيها شك تناسبهم اكثير و بنسبه للأكسسوارات فما يحتاج تحتاري أكسسواراتك كلها حلوه.
حوراء:ولله فكره مشكوره ياأحلى ساره في العالم.
ساره:ههههه بس حق المصالح.
أمل:اف يعني مابنطلع مع بعض هلسبوع.
حوراء:بكره الأربعاء ليش مانروح الكرنيش من زمان مارحنا.
أمل:ماأقدر لأن أمي وأبوي بيطلعو وأني لازم أقعد ويا أخوتي حسن وحسين لأني الكبيره.
حوراء:ههههههه وحدش لا بروحش.
ساره:وأني بعد ماأقدر أطلع لأني باروح وياسلمان سوبر ماركت<<مزايا الغذاء>>.
حوراء:خساره يعني مابنتنزه مع بعض.
أمل:أفف ولله ملل.
ساره:صبايا أني باروح أشوف شيماء يمكن يروحو<<مزايا الغذاء>>لأن مرت خالي تموت فيه كل سبوع اتروح تشتري منه حتى لو ماتحتاج شي تشتريه اتروحه.
حوراء و أمل:ههههههه خوش مره.
_________________
اليوم التالي بعد الغذاء دانه قاعده على الماسنجر ودخل عليها قيس.
(ماأبي الحب الا منك):كيف الحال..أشتقت لك ليش مادخلتي أمس؟!
(أحب أعيش حياتي و أعيش في قلوب أعز ناسي):الحمدلله ابخير..لأن كان عليي اختبار أدب أزفت.
(ماأبي الحب الا منك):ههههه ماتحبي الأدب.
(أحب أعيش حياتي و أعيش في قلوب أعز ناسي):أكره ماده عندي الأدب.
(ماأبي الحب الا منك):أنا أموت فيه.
(أحب أعيش حياتي و أعيش في قلوب أعز ناسي):أنتي في أي صف؟!
(ماأبي الحب ألا منك):خلصت المدرسه.
(أحب أعيش حياتي و أعيش في قلوب أعز ناسي):أهااا يعني في الجامعه.
(ماأبي الحب ألا منك):لا مادخلت الجامعه.
(أحب أعيش حياتي و أعيش في قلوب أعز ناسي):أوكي مابتقولي أسمك.
(ماأبي الحب الا منك):باقولك أذا صرتي صديقتي.
(أحب أعيش حياتي و أعيش في قلوب أعز ناسي): وكيف أصير صديقتك وأني ماأعرفك.
(ماأبي الحب الا منك):أني أبغى أفظفظ لأحد بس أخاف ماحد يسمعني بس لما شفتك أرتحت لك وااجد وأبغى أقول ا لي في خاطري لك.
(أحب أعيش حياتي و أعيش في قلوب أعز ناسي):الله أحب أحد يفظفط لي...يللا قولي الا في خاطرك.
قيس{ياربي ويش باقول لها}
(ماأبي الحب الا منك):أول بسألش سؤال بس حلفي بتجاوبيني بصراحه.
(أحب أعيش حياتي و أعيش في قلوب أعز ناسي):مابحلف بس أسألي.
(ماأبي الحب الا منك):أنتي جربتي الحب؟!
(أحب أعيش حياتي و أعيش في قلوب أعز ناسي):ههههه يعني أنتي تحبي.
(ماأبي الحب الا منك):ماجاوبتيني على سؤالي.
(أحب أعيش حياتي و اعيش في قلوب أعز ناسي):لا طبعآ أصلآ مجتمعنا مايسمح بلحب و أغلب الأحيان يكون الحب حب أولاد العم أو الخوال يعني الأقارب.
(ماأبي الحب الا منك):دام أن هذي نضرتك مابقول لك.
((أحب أعيش حياتي و اعيش في قلوب أعز ناسي):لالالا قولي عاد قولي.
(ماأبي الحب الا منك):ويش صفات الي تبغيها في زوج المستقبل؟!
(أحب أعيش حياتي و أعيش في قلوب أعز ناسي):ليش هلسؤال؟
(ماأبي الحب الا منك):لأني أبغى أخطبك لأخوي.
(أحب أعيش حياتي و أعيش في قلوب أعز ناسي):ههههه ما بوافق.
(ماأبي الحب الا منك):ليييييش؟؟!!
(أحب أعيش حياتي و أعيش في قلوب أعز ناسي): بعدني صغيره مابغى أبتلي من الحين..
(ماأبي الحب الا منك):الزواج مو بلوى.
(أحب أعيش حياتي و أعيش في قلوب أعز ناسي):دلع أبتركش الحين لأني بطلع.
(ماأبي الحب الا منك):من دلع؟!
(أحب أعيش حياتي و أعيش في قلوب أعز ناسي):هههه مو أنتي قلتيلي أناديش دلع.
(ماأبي الحب الا منك):اهاااا.
(ماأبي الحب الا منك):وين بتروحي؟
(أحب أعيش حياتي و أعيش في قلوب أعز ناسي):باروح مزايا الغذاء مع الأهل.
(ماأبي الحب الا منك):و متى بتدخلي على الماسنجر؟!
(أحب أعيش حياتي و أعيش في قلوب أعز ناسي):بكره نفس هلوقت..سي يو.
(ماأبي الحب الا منك):باي.
قيس قفل الماسنجر وراح لأمه
قيس:أماه ويش عندش الحين؟
ام قيس:ماعندي شي
قيس:أوكي البيت مو محتاج شي يعني ماتبغي تروحي مزايا الغذاء.
ام قيس:اي ولله أبغى أشتري حوايج واجد.
قيس: خلاص روحي ألبسي عباتك.
وركب فوق عشان يبدل وفي طريقه للغرفه.
فاطمه:سمعتك تقول لأمي تلبس عباتها وين بتروحو؟
قيس:بنروح مزايا الغذاء اتروحي؟
حوراء:أي أي أني باروح لأن صديقات بيكونو هناك.
قيس{عجل أنا ليش باروح}:يللالبسو عباياتكم.
_________________
*ساره تكلم شيماء*
ساره:يعني الحين بتروحو.
شيماء:اي الحين.
ساره{ياربي جواد ما يروح}:كلكم بتروحو.
شيماء:يمكن.
ساره{أوفف}:أوكي باي.
سلمان:ساره.
ساره تلعب بلجوال:نعم.
سلمان:أممم أمل بتروح
ساره:لا مابتروح لأنها بتقعد مع أخوتها الصغار.
سلمان: أووف يعني مابشوفها.
ساره:الكلام الا تقوله عيب.
سلمان:ساره ابغى أطلب منك طلب بس لاترديني ولا تفهميني
ساره:أطلب والله العضيم بانفذه.
سلمان بتردد:أبغى رقم أمل.
ساره:شوووووووو.
رد مع اقتباس
المفضلات