الجزء الثامن:
ساره:اممممممممم خلاص لين اشترينا الثوب الى فاطمه وخلصنا اغراضنا بسالش.
امل قريب تموت من الفضول:على راحتش انتي الي تبغي الجواب لو اني.
راحو يشوفو ثوب لفاطمه وطبعا اخذولهم اكثر من ساعه ونصف على ماشافوا ثوب عجب راشد .. بعد ماخلصوا كل شي يبغوه رن جوال ساره....
ساره:هلا.
ابووليد:هلا ساره خلصتي لاني برى انتظرش.
ساره:خلاص الحين باجي.
ابووليد:مع السلامه.
ساره:الله يسلمك.
ساره:امل متى بيجي ابوش؟؟
امل:ابوي مع امي في داك المحل .. الاصحيح هذي اول مره عمش هو الايتصل لش ويقولش تعالي كل مره انتين الاتتصلي اليه.
ساره:ههههههههههههه هذا مو سلمان هذا ابووليد زوج امي.
امل:اممم يعني.
ساره:صحيح اذا بتتصلي لي بكره لاتتصلي على البيت لاني باكون في بيت جدتي.
امل:ليش هي تعبت مره ثانيه؟؟
ساره:امس اتصلت اسال عنها هي بخير بس اتقول ان سلمان تعبان واني باروح اشوفه .. انزين اني تاخرت على ابووليد يلا باي.
راحت ساره تركت امل من واقفة زي الصنم و قريب اتصيح.
ــــــــــــــــــــــــــــــــــــــــ
#في بيت ابو قيس#
حوراء اول ماوصلت على طول راحت غرفتها .. قعد اتفكر في رائد .. ياربي شو هالحساس الي جاني لما شفته .. وله ابسامته الي تخلي الوحده تذوب.
وهي سارحه في افكارها دخلت عليها فاطمه....
فاطمه:ها الحلو لوين وصل.
حوراء:فطوم تعالي قعدي جنبي.
فاطمه قعدت بجنبها:ها ويش بغيتي؟؟
حوراء :اممممم لما شفتي راشد بويش حسيتي؟؟
فاطمه سكتت شوي:حوراء علاقتي اني وراشد تختلف عن علاقتش مع رائد لاني وراشد اخذنا بعض عن حب بصراحه مااذكر شو كان شعوري اول ما شفته بس الاهم من هذا اني حبيته من اول نظره.
حوراء:تتوقعي اني باكون سعيده معاه؟؟
فاطمه:حوراء انتي بعدش ماتتعرفي عليه عن قرب فلا تحكمي عليه من الحين.
حوارء:انزين ويش رايش فيه احليوا مو.
فاطمه:ماشفته عدل نسيتي اني متغطيه.
حوراء:لو رائد يقولي غطي وجهش شان اقوله مابغاه لاني مابغى واحد يتحكم في.
فاطمه:قصدش راشد يتحكم في لا غناتي اني اصلا مااحب مااغطي وجهي يعني مااحب الناس يقولو عني كلام غلط.
حوراء :اني حره دام ان ابوي راضي .. مو كل وحده مومتغطيه معناته انها صايعه.
فاطمه:انزين لاتعصبي .. قامت راحت عند الباب .. اني باخليش تسرحي وتمرحي مع خيال رئود .. طلعت من الغرفه.
ــــــــــــــــــــــــــــــــــــــــ
#في بيت ابوجواد#
بعد ماملت من كثر ادق على باب غرفته وهو مايرد فتحت الباب دخلت .. انبهرت من جو الغرفه الي كانت مطفيه ليتاتها مشغله بس الثريا كانت مشغله على خفيف كان المسجل مشغل على موسيقى كلاسيكيه.
شيماء:واو الحبيب قاعد في هالجو الرومنسي واني مكسره ايدي من كثر مادقيت عليك الباب و انت حاقرني.
جواد عدل جلسته لانه كان شبه منسدح و بجديه:شيماء لين واجهتي ساره وانكرت كل الكلام .. قالت لش ان مو هي الي قالت ويش يتسوي؟؟
شيماء:مو معقول اتكون وحده غيرها الي قالت هالكلام
جواد: ساكت
شيماء:مابتقوم تتعشى؟؟
جواد:مالي نفس نعاسان وابغى انام.
شيماء:مابتعشى الا اذا نزلت تتعشى معانا.
جواد طالعها قام .. راحو يتعشوا بس جواد ما اكل الا قليل .. على طول قام راح غرفته قفل الباب.
ــــــــــــــــــــــــــــــــــــــــ
#غرفة سلمان#
قاعد على كرسيه الهزاز ايفكر .. مغمض عيونه .. قطع حبل افكاره صوت دق الباب.
سلمان بصوت عالي:اماه قلت لش ما ابغاه اتعشى.
(شخصياتي مسوين رجيم خخخخخخ)
ساره فتحت الباب:حتى لو اني اتعشيت معاكم.
سلمان وقف:ساره عندنا مو معقول.
ساره:مفاجائه مو؟
سلمان:هذي احلى مفاجئه.سلمو على بعض.
ساره قعدت على الكرسي تهز:انا جيت لان نو تيتا اقالت لي انك كتير تعبان وصحتك مش امنيحه وبدي اعرف ليش ماعم تاكول.
سلمان:هههههههه انا كنت تعبان بس الحين صرت ابخير وجوعان بعد.
ساره بفرح:يعني بتتعشى.
سلمان :قومي لا اغير راي.
ساره:لا لا لا مابدي اكول لوحدي لانو تيتا ظهرت غرفتها.
سلمان:هههههههه اكيد شاهدتي مسلسل لبناني اليوم.
ساره:لا امس شاهدت مسلسل ((رجل من الماضي)) احليو يهبل البطل يذبح.
سلمان:أمشي لا كف.
ساره:ههههههه.
راحو يتعشو .. بعد ماخلصت ساره راحت غرفتها تبدل ثيابها قعدت على السرير .. وسمعت دق الباب.
ساره:ادخل.
سلمان دخل:ويه اكلت واجد.
ساره: اكيد لانك صرت ما تاكل وااجد.
سلمان:صحيح ساره ليش ماتصلتي لي عشان اجيبش.
ساره:لاني رحت مجمع الواحه مع املوه ولما رجعت قلت لابووليد يجيبني اهني.
سلمان من سمع طاري امل سكت اتغيرت ملامحه.
ساره:سلمان ويش فيك؟؟
سلمان:ويش حالها؟؟
ساره:من هي .. اوه قصدك امل امممم بخير.
سلمان وقف:قعديني من النوم الساعه تسع .. طلع.
ساره:افففف اني غبيه ليش قلت له اني راحت مع املوه ..اوه نسيت ماسالت املوا .. لا زين اني ماسالتها لان فشله يمكن ماتحبه .. اف اقوم انام احسن لي .. مسكت دبودوبها الي جابته معاها راحت تطفي النور انسدحت على سريرها اتحاول اتنام بس كل ماتغمض عينها تذكر موقف جواد معاها .. ياربي جواد ليش سوى جذي .. بعد تفكير .. اففففف جواد وقح وقليل الدب وحقير اكيد افتكرني من الاغبياء الي يتسلى بهم .... بس اني بنت عمته ياربي خلاص مابغى افكر ابغى اناااام.
بعد صراع بينها وبين افكارها قدرت اتنام.
ــــــــــــــــــــــــــــــــــــــــ
#بيت ابوحسن#
امل قاعده في غرفتها ماسكه كتابها....أففف ماناي قادره اذا اذاكر....ابغى اطمن عليه.
بعد ماملت من التفكير قررت اتروح تقعد مع زهراء.
امل:زهروه مستمله
زهراء:روحي ذاكري انتي في ثالث مفروض انش تاكلي الكتاب .. امل بصراحه الايشوف طلعاتش مايقول انش في ثالث ثانوي علمي.
امل:زهروه اني كل مافتحت الكتاب ايضيق خلقي وغير جذي اقعد بس افكر في
زهراء :في سلمان مو؟
امل بحزن:ساره تقول ان مريض .. ابغى اتطمن عليه بس كيف ماعرف.
زهراء:امممممم ساره راحت بيت جدتها تطمن عليه مو؟؟
امل :هيه راحت هي هناك الحين.
زهراء:زين روحي اتصلي لها قولي انش مو فاهمه درس لماده خليها تفهمش اياها لما تروحي بيت جدتها و بجذي بتكوني في بيت الا تحبيه ويمكن تشوفيه بصدفه بعد.
امل:بس ساره في ادبي واني في علمي.
زهراء:عادي اتفهمش النحو.
امل:انتي من وين تجيبي هالأفكار.
زهراء:اقري قصص وااجد بتعرفي كيف الحبيبه تشوف حبيبها.
امل:كم مره اقولش انه مايحبني.
زهراء:اوكي مايحبش بس روحي الحقي على عمرش اتصلي لساره.
ــــــــــــــــــــــــــــــــــــــــ
#في بيت جد ساره#
ساره وسلمان في الصاله ايشاهدو تلفزيون .. الجده راحت بيت الجيران.
ساره:سلمان ويش حال الشغل معاك.
سلمان :زين مع اني مو متعود اني اقعد من الصبح بس مرتاح.
سمعو صوت التليفون يرن كان بجنب ساره.
سلمان:انا برد هذا اكيد واحد من صدقاني.
سلمان:الووو.
امل (ويه هذا سلمان ويش باقول): ساكته
سلمان:الوووو.
امل بتردد:السلام عليكم.
سلمان (فز قلبه لانه عرف صوتها) :وعليكم السلام
امل:موجوده ساره؟؟
سلمان:هيه لحظه ... ساره تعالي تلفون.
ساره:الووو
امل:السلام عليكم
ساره:وعليكم السلام هلا والله هلا بقلبي ورحي وعقلي وتفكيري وكل شي في دنيتي.
طالعت سلمان الي كان شاق الحلق.
ساره:ههههه .. لا مو مشغوله ... هيه هذا الدرس حفاظته صم .. والله حياش اي وقت .. انشاء الله باي.
سلمان بتسامه تذوب:بتجي الحين.
ساره:هيه بس انشالله مفكر اني باخليك في البيت لا عمري روح اتصل لاحد من صدقانك واطلع معاه.
سلمان:افففففف
ساره:ههههههههههه
بعد ساعه
ساره وامل قاعدين في غرفة ساره.
ساره:افهمتي؟؟
امل:بصراحه شرحش احلى من شرح المعلمه فهمت بسرعه.
ساره:هذا لاني احب هالدرس ولاني سمعت شرحه مرتين ليش حبيبتي نسيتي اني عايده سنه لان جدتي مرضت تركت المدرسه عشانها .. انزين ماتبغي اشرح لش شي غيره.
امل :لاباقي الدروس كلهم فاهمتنهم.
ساره:اممممم عندش مسجات حليوه.
امل:اي عندي اخذي جوالي من الشنطه.
ساره اخذت الشنطه .. امل راحت اتعدل نفسها بالمرايه.
ساره(كني شايفه هلورقه من قبل .هذي ورقة سلمان كيف وصلت عند املوه).
ساره:امل صار لش مدى متغيره اقدر اعرف ليش؟؟
امل:اني مو متغيره هذا انتي تتخيلي.
ساره:يمكن لان مو بس انتي اشوفش متغيره حتى سلمان متغير.
امل ارتبكت:امممم جيبي جولي بتصل الى ابوي اتاخرت .. اخذت الشنطه انتبهت ان الورقه مو موجوده.
ساره بخبث:ادوري عن شنو؟؟
امل:ها ولا شي.
ساره طلعت الورقه:على هذي مو .. ماسكه الورقه بيدها.
امل امتلت عيونها بالدموع. ساره حضنتها و كلما حاولت تهديها اتصيح اكثر.
ساره:خلاص حبيبتي لا اتصيحي.
امل:احبه والله احبه .. صاحت
ساره:انزين هدي لا تصيحي.
بعد ثلاث دقايق.
ساره:انتي ليش اتصيحي؟؟
امل:سلمان مايطيقني.
ساره:ههههههههه هههههههههه ماني قادره باصيح من الضحك ههههههه.
امل:ماقلت شي يضحك.
ساره:انتي وسلمان تقولوا نفس الكلام.
امل:مافهمت قصدش.
ساره:سلمان يحبش ولما اتكلم معاه ايقولي انش ماتطيقيه .. انتي الحين تقولي انه مايطيقش.
امل:يعني سلمان يحبني.
ساره:واكثر من حبش له.
امل:لا اني اكثر.
ساره:انزين قولي كيف حبيتيه؟؟ ويش كان شعورش ؟؟ ابغى اعرف كل شي.
امل قالت كل شي الى ساره ساره قالت لها بكل الكلام الى دار بينها وبين سلمان.
ابوا امل اتصل لها قال ليها انه ينتظرها.
نزلوا تحت وعند الباب.
ساره:اممممم ماتبغي اوصل سلام لأاحد.
امل:ههههههههه لا ويش بيقول عني ماصدقت احد يحبني.
ساره:انتي لو بس تتخلي مره عن هالغرور.
امل:الله يسامحش اني مغروره.
ساره:بصراحه فيش غرور.
امل:مالت عليش يا
ماكملت كلامها لأن الباب انفتح و ماحست الا بأيدين تلتف حولها لأن الباب انصدم ابها كانت بتطيح.
سلمان بحركه لا اراديه مسكها من خاصرتها عشان لا تطيح.
امل بغت اتموت من الاحراج صار وجها طماطه.
سلمان منحرج:اسف ماكنت اقصد.
امل مستحيه لحدها: ساكته
ساره:خلاص بكفي تطليع في بعض ماشبعتوا.
سلمان طالعها بنظرة استفهام
.. امل من كثر ماهي منحرجه خافت ان ساره تخورها قدام سلمان وهي واقفه .. طلعت من دون ماتقول شي.
سلمان:ساره ويش هالكلام الي قليته احرجيتها؟؟
ساره:عندي لك خبر بمليون ريال.
سلمان:يلا قولي.
ساره:مو انت احب املوا تبغى تتزوجها.
سلمان:هيه وبعدين ادري اني احبها.
ساره:هيه روح اخطبها لانها بتوافق .. على طول تركته دخلت داخل.
سلمان:ساره لحظه تعالي مافهمت .. لحقها.
سلمان مسك ساره:مافهمت فهمني.
ساره:افف ويش فيكم انت وحبيبتك اغبياء.
سلمان:انا غبي بس فهميني.
ساره:املوه اتحبك.
سلمان مبتسم:حلفي
ساره:ليش في مسخره في هاالسوالف.
سلمان اخذ ساره راح معاها غرفته ما تركها الا لما قالت له كل شي.
ــــــــــــــــــــــــــــــــــــــــ
#سيارة ابوحسن#
امل كانت فرحانه منحرجه وابوها لاحظ عليه.ا
ابو حسن:هاامل استانستي مع ساره.
امل:اي وااااااااااااااااااااجد استانست.
لما رجعوا البيت امل قالت كل شي الى زهراء قعدت طول الوقت تتكلم عن سلمان وكيف كان شكله ويش لابس وكيف انحرجت وووووووووووو لين ملت زهراء منها طردتها من الغرفه.
ــــــــــــــــــــــــــــــــــــــــ
#في بيت ابو جواد#
شيماء اتذاكر في الصاله جت لها دانه
دانه:شيموه في وحده تبغاش في التلفون.
شيماء:الوووو
.......:السلام عليكم
شيماء:عليكم السلام
.......:انتي شيماء؟؟
شيماء:هيه بس من معي؟؟
.......:انتي مشغوله؟؟
شيماء:امم لا
.......:ممكن اجي الش بيتكم؟؟
شيماء:بس اني ماعرفتش.
......:لما اجي بتعرفيني.
شيماء:خلاص تعالي بس انتي تندلي البيت.
......:هو قريب الى الكرونيش مو؟؟
شيماء:هيه.
.......:خلاص ادله يلا بااي.
شيماء:باي.
رد مع اقتباس
المفضلات