الجزء السابع:
أمل وقفت متفاجئه:أنتي من وين جايبه هلكلام؟! وكيف سلمان يحبني؟!!!!!!!
زهراء تطالع أمل بأستغراب:أمل لاتتهربي من سؤالي و تسوي نفسش ماتدري عن شي .
أمل:ولله العضيم أني مو فاهمه شي من ألي تقوليه.
زهراء مدت لها ورقة سلمان:أقري هالورقه و ابتفهمي ..تطالعها بمكر.. مع أني أتوقعش قريتيها.
أمل معصبه:أنتي من سمح لش تقري الورقه...هذي خصوصيات الناس.
زهراء:أها طيب ليش الورقه عندش حاطتنها تحت مخدتش.
أمل بأرتباك:ااصارت عندي بالصدفه و حطيتها تحت المخده عن لا تضيع.
زهراء:أها صدقتش...حبيبتي ألعبي غيرها ألا مكتوب في الورقه مهدى ألش.
أمل أبتسامتها شاقه الحلق:حلفــــــي.
زهراء:أقريها وشوفي.
أمل فتحت الورقه قرتها.
#المكتوب في الورقه#
"عطيتك حب أغلا حب
وخذة منك حب خالي من الحب
عطيتك قلب فيه النبظ
وخذة منك قلب فيه الهم
عطيتك روح فيه الدم
وخذة منك روح وعطيتني الهم"
كان كاتب على أخر الورقه
أسمه وتوقيعه
"أهداء لأحلى أموله أخذت قلبي وروحي وشغلت عقلي وفكري"
أمل لفت الورقه دموعها تطيح أربع أربع:لا ماأصدق أكيد مايقصدني مو بس أني أسمي أمل.
زهراء:بل أملوا ليش كل هالدموع؟! أنتي تحبيه؟!
أمل طالعت زهراء اشوي...أمل كانت محتاجه تقول الي بقلبها وهذي فرصتها .. قالت كل شي لزهراء.
زهراء:هههههههههههههه توني أدري أنش غبيه ماتفهمي ...يا هبله هو هزئش ذاك اليوم لأنه يغار أتنرفز لأن واحد جى يغازلش.
أمل:مو معقول يحبني و يغار.
زهراء:قولي شكله يموت فيش.
أمل:لا أنتي خياليه واجد.
زهراء:تصدقي قصه حبكم عجبتني واجد خصوصي أنها مو خيال..ياربي تكون نهايتها سعيده وماتبكي.
أمل:هههه أقول..أطلعي برى الواحد مايقدر ياخد منش لا حق ولا باطل.
زهراء وهي بتطلع:أني بطلع بس فكري عدل بالكلام الي قلته لش.
أمل أنسدحت على السرير اتفكر اشوي .. ردت قرت الورقه (الله يساعدها خخخ)
ــــــــــــــــــــــــــــــــــــــــ
مكالمه تلفونيه بين مرام و هدى.
هدى تصيح:مرام تكفي رجعي لي صوري كل شي تبغيه سويته ويش تبغي بعد حرام عليش حرااااااام.
مرام:ههههههههه أني مو هبله عشان أعطيش الصور لأني أدري أن بعد ماتاخذيهم ضميرش بيأنبش بتروحي تقولي لشيماء الحقيقه.
هدى:لا صدقيني مابقول بس أنتي عطيني الصور الله يخليش.
مرام:لا تحلمي واجد ياحلوه ..أممم شوفي لما أتأكد أنش مابتقولي لشيماء الحقيقه بعطيش الصور..فاهمه.
سكرت في وجهها.
هدى قعدت اتصيح على حضها الي طيحها في شباك مرام.
ــــــــــــــــــــــــــــــــــــــــ
شيماء بعد ماطلع جواد رجعت تشاهد الفلم .. جت لها دانه.
دانه مسكت الريموت:متى بينتهي فلمش أبغى أشاهد.
شيماء:مايحتاج تشاهدي روحي لكمبيوترش.
دانه:أوهوو أبغى أشاهد ألحين بيحطو فلم هندي بطولة زايد خان.
شيماء:مو مشكلة أنزلي تحت شاهديه.
دانه:لا أبعى أشاهده أهني.
سمعو صوت التلفون .. قامت شيماء تشوف الرقم من الكاشف .. على طول رفعته.
شيماء:ألو
هادي:السلام عليكم.
شيماء (الله لايحرمني من هالصوت..وحشني):وعليكم السلام.
هادي:كيف الحال أنشالله بخير.
شيماء:الحمدلله بخير.
هادي توه يميز الصوت:اااجواد في البيت لو طالع.
شيماء:لا توه طالع.
هادي:أتصلت له على جواله مايرد.
شيماء:يمكن نسى الجوال في غرفته.
هادي:أممممم أوكي لما أجي قولي له يتصل فيني ضروري.
شيماء:أنشالله.
هادي:شكرآ شيماء يالله مع السلامه.
شيماء استغربت:كيف عرف صوتي.. أخ يتهنى جواد يشوفه كل يوم مو أني مالت عليي.
رجعت تشاهد .. لما خلص الفلم دانه حطت لها الفلم الهندي قعدو يشاهدو.
ــــــــــــــــــــــــــــــــــــــــ
في جهه ثانيه كانت ساره قاعده على سريرها ماسكه دبدوبها اتصيح.
سمعت صوت التلفون يرن.
ساره بصوتها المبحوح:ألوو
جواد:سااااااااره ألحقيني
ساره بعدها ماتميز الصوت:من معاي؟؟
جواد:أنا جواااد ساره ألحقيني مو قادر أتحمل.
ساره بخوف:ويش فيك؟؟ أنت في وين؟؟
جواد:أنا في السياره جنب بيتكم و.(سد الخط)
ساره:جواد ألووو ألوووووووجواد.
ساره:ياربي مافهمت شي منه ... ذكرت انه قال اليها انه برى .. راحت لبست عباتها اخذت مفاتيح البيت (لان مقفل).. طلعت شافت سيارته على الباب.
ساره فتحت باب السياره الي قدام:جواد ويش فيك؟؟
جواد يسوي نفسه تعبان:ساره سكري الباب ماأقدراتحمل الهوى (كان الجوحار بس تعرفون اانتوا).
ساره بكل غباء وخوف سكرت الباب:ويش فيك؟؟
جواد رفع راسه صارت عينه بعينها:جوعان.
ساره: شووووووووووووووو!
جواد عدل جلسته: ويش رايش اتروحي معاي مطعم
ساره :انت ويش قاعد اتقول.
جواد طالعها بنظرات جديه:انا اتكلم بجد بتروحي معاي.
ساره مو صدق الي يصير:اكيد لا ياحقير .. لفت عشان تطلع من السياره بس الباب مانفتح.
ساره بدت اتعصب:جواد عن الحركات البايخه .. افتح الباب.
جواد:اسف ايدي اتعورني ماأقدر افتحه.
ساره:تراك مصختها.
جواد:ماكنت ادري انها تناكل(قاعد ينكت خخخ).
ساره بعصبيه:اني مو الخايسات الي يتبعوا خاياسك.
جواد:انا استعمل عطر((blue)) حلوا ماظن انه خايس.
ساره خلاص وصلت حده من العصبيه حتى الدموع تجمعت في عيونها كانت بتعطيه كف .. بس هو مسك ايدها قربها من فمه باسها ثلاث مرات.
ساره انشلت حركتها ما توقعت انه بيكون بهالوقاحه.
جواد باعد فمه عن ايدها وضغط على الزر الا يفتح الباب: يالله انزلي اذا حابه تنزلي
ما كمل كلامه .. ساره عطته كف بكل قوتها .. طلعت من السياره ركضت داخل البيت و ادموعها ماليه عيونها.
جواد يتألم:اححـــــــــــح أظفرها جرحني.
جى اليه صديقه وهو فاطس من اضحك
لؤي:ههههههه بل بل مو له درجه كفها قويه.
جواد: لاتقول انك صورتها وهي تكفخني .
لؤي:ههههههههههههههههههههههههههههه انا من شفتها وانا اضحك ما مداني اصور ..
جواد بخوف:يعني ما صورة شي؟
لؤي:له افا عليك صورتك وانته تبوس ايدها ههههههههههههههههههههههه ويلي بطني عورني من اضحك تدري البنت حليواه
جواد:اسكت اسكت صحيح فاضي امشى اركب ابسرعه ابروح المستشفى
لؤي اتقرب لجواد:باشوف الجرح لا صراحه جرحك يحتاج الى اكثر من غرزه اخاف تحتاج دم بعد لا صراحه انا بسوق بدلك.
جواد:قاعد تتمسخر حظرتك.
لؤي:اكيد لان هذاي مو جرح أظفور هو عشان اتروح المستشفى.
جواد:اففففففففففف.اركب السياره و ماطايق شي .. أن مارديت لها الكف ماأكون أنا جواد.
ــــــــــــــــــــــــــــــــــــــــ
ساره على طول راحت غرفتها قعدت اتصيح لانه عمرها ماكانت تتصور ان بتنحط في موقف زي جذي.
قطع عليها صياحها صوت جوالها كانت المتصله اموله.
ساره اتحول اتعدل نبرة صوتها:هلا والله.
امل:اهلين فيش كيف الحال؟
ساره: الحمد الله بخير
.. اتحول اتسوي نفسها طبيعيه .. غريبه مو عويداش تتصلي على الجوال.
امل:ههههههههههه لاتخافي مو لسواد عيونش بس لاني اتصلت على البيت ما احد يرفعه فاتصلت على الجوال
ساره: ساكته
امل:ويش فيش مو من عويداش تسكتي
ساره:لا ما في شي بس قاعده اسمعش
امل:متاكده
ساره:هيه متاكده
امل:هيه انتي فاضيه اساعه ثامن؟؟
ساره:فاضيه ليش تسالي ؟
امل: اني باروح مجمع الواحه بشتري لي ثوب الى حفلة حوروه ابغاش اتروحي عشان نشتري نفس الثوب.
ساره:خلاص بسأل امي اذا رجعت البيت .. بادر عليش
قعدوا ايسولف الى ما اذان سكروا عن بعض راحوا ايصلوا.
ساره حاولت تشغل نفسها بأشي عشان تنسى الي صار.
ــــــــــــــــــــــــــــــــــــــــ
#مجمع الراشد#
رائد كان قاعد يشتري تشيرتات و اقمصه .. اتصل اليه قيس.
قيس:الوووووووو يامرحبا بنسيب.
رائد:هلا هلا تدري انك وحشني مووووت ونك توك على بالي.
قيس:ههههههههههههههههه انا الا وحشتك لوووو
رائد:هههههههه والله انك فاهمني.
قيس:ههههههه انت في وين اسمع اصوات عندك؟؟
رائد: انا في الراشد.
قيس: قول والله.
رائد:ليش انت اهني؟
قيس:لا الأهل هناك قالوا لي اوصلهم بس مارضيت.
رائد: احلف يعني الحبايب في نفس المكان الا انا فيه اه يا ويل حالي انا وانا اقول احس بشي غريب..قيس ابتصل للك بعدين يالله باي.
سد الخط من دون مايسمع رد قيس .. قيس ضحك على خبال رائد.
في جهه ثانيه من الراشد كانت حوراء وفاطمة يتسوقو وابو قيس تركهم يتسوقو راح لصديقه الي كان مع عائلته وولاده و قعد يسولف مع صديقه وحوراء وفاطمه داروا الراشد كله.
كان رائد ايدور حوراء لما شافها ماقدر يوقف على ارجوله وطبعا حوراء مانتبهت له.
رائد لاحقها بس من بعيد(ياربي ماتوقعتها بتكون احلى في الطبيعه اويل قلبي عليها)
فاطمة:حورو والله اتعبت خلاص اشتريتي كل الاغراض
حوراء:اففف خلاص اتصلي الى ابوي وقولي خلصنا.
فاطمة:ياسلام ليش ماتصلي انتين.
حوراء:لان نسيت جوالي في البيت.
فاطمه اتصلت الى ابوها .. قال ليها وين هو بظبط راحو له .. طبعا رائد كان وراهم من بعيد.
ابو قيس:هاحوراء لميتي اغراض المجمع كلها
حوراء :ابوي لا تتمسخر اصلا باقي اشياء واجد ماشريتها.
ابو قيس:ههههههههههههه .. عطى فاطمه مفتاح السياره ..روحوا السياره وانا بشتري حاجه بجاي لكم.
طلعوا من المجمع .. راحو السياره.
وهم يمشوا طاح كيس من اكياس حوراء لما كانت يتاخذه طاحو كل الاكياس وشنطتها بعد.
فاطمه:ههههههه.
حوراء: بدل ما تضحكي تعالي شيلي هالاكياس معاي.
فاطمه:والله ماحد جبرش تشتري اغراض واجد.
فجه جى ولد صغير اخذ شنطة حوراء ركض عشان يهرب.
طبعا رائد كان قريب منهم شاف الولد وهو ياخذ الشنطه ويهرب فراح رائد لولد طيحه على الارض.
رائد ماسك الولد عن لايهرب :انت ماعندك اهل ايربوك ياحرامي.
الولد اول ما سمع كلمت الحرامي قام اصيح بصوت عالي.
حوراء لما شافت رائد عرفته على طول .. راحت له.
رائد رفع ايده عشان يضرب الولد بس وقف لما سمع حوراء:لا رائد لا تضربه .. الولد بعده ايصيح.
حوراء راحت للولد وحضنته وهو يصيح في حضنها .. رائد متعجب منها
حوراء:غناتي لا تصيح ..مسحت على شعره
الولد اتباعد عن حضن حوراء طالعها:انا مو حرامي مو حرامي .. اختي شافت شنطه زي شنطتش لما قالت الى ابوي انها تبغاها مارضى يشتريها لها صرخ عليها بعد وهي قامت اتصيح انا مااتحملت انه اختي اتصيح .. تركتهم في المحل من دون ماينتبهوا لي جيت اصيح عليها عند السياره لما شفتش (سكت ونزل راسه).
حوراء وائد وفاطمه قعدوا يطالعوه متعاطفين معاه.
(فاطمه عرفت رائد لانها شافت صوره الي جابهم قيس)
حوراء مسحت دموعه:يعني انت اخذت الشنطه عشان تبي تعطيها اختك.
الولد:لا انا مابيها انا مو حرامي مابيى اروح النار .. اسف لان اخذتها.
حوراء ابتسمت بحنيه:من قالك انك حرامي.
الولد اشر على رائد :هذا
حوراء طالعت وين الولد ياشر .. تلاقت نتظرتها مع نظرات رائد .. حست بشعور غريب استحت طالعت الولد:ويش أسمك؟؟ كم عمر أختك؟؟
الولد: اسمي علاء اختي اكبر مني بثلاث اسنين.
حوراء اخذت الشنطه شالت الأغراض منها مدتها الى الولد :خذها اعطيها اختك اني عندي واجد زيها.
رائد طالعها..(لهدرجه كريمه)
علاء:لين سالتني من وين جبتها ويش باقول ليها؟
سكتت حوراء ماعرفت بويش اترد عليه.
فجئه سمعو صوت وحده تنادي علاء .. التفتوا لها .. راح علاء يحضنها.
ام علاء:حبيبي وين كنت ليش ثيابك موسخه ليش قاعد مع هذيل؟؟
علاء: ساكت ماعرف ويش يرد.
رائد عشان ينقذ الموقف:هو كان يمشي طاح قام ايصيح احنا شفناه جينا اليه.
ام علاء تتكلم بجفاء:مشكروين وماقصرتوا...ومسكت علاء عشان تروح.
حوراء:لحظه اممممم اني حبيت علاء ابغاه يذكرني ... قالي ان عنده اخت فممكن انش تقبلي مني هالشطنه تعطيها اخته عشان كل مايشوف الشطنه عندها يذكرني ...تكفي لا ترديني خذيها.
ام علاءطالعه من ورى بوشيه:لاماقدر اقبلها مشكوره.
بعد اصرار من حوراء اقناعها وافقت الام انها تاخذ الشنطه.
بعد ماراح علاء وام علاء رائد حس انه وقفته مع حوراء وفاطمه مي عدله وخصوص انه بعده مايعقد على حوراء .. كان بيمشي بس نادته حوراء.
حوراء:لوسمحت لحظه.
رائد لف طالعها.
حوراء مستحيه اتطالع تحت :شكرا على الي سويته
رائد مبتسم:ولو انا ماسويت شي اوشكرا عليه.
حوراء لما ابتسم رجع اليها الأحساس الا ماتعرف ويش هو ارتبكت وماعرفت ويش اتقول.
فاطمه:حوراء يالله نمشي.
تروكوا رائد راحو الى السياره .. طول الطريق حوراء سرحانه اتفكر في رائد
اما رائد ركب سيارته سند راسه لورى (والله ان قلبي اعرف ايختار .. عدل جلسته طالع المرايه ابتسم .. ياحظك يارائد بتاخذ وحدها عندها اجمال اخلاق واحلى من هذا كله ان احبها)
ــــــــــــــــــــــــــــــــــــــــ
#في بيت ابوجواد#
شيماء قاعده مع دانه في غرفة دانه.
شيماء:دانوه جواد اتاخر طلع من العصر للحين ماجى.
دانه:تدري انش تضحكي يعني واحد زي جواد لحد الحين مايشتغل والفلوس تجيه ابسهوله تبغيه يقعد في البيت.
شيماء:افففف باروح اتصل له .. راحت تتصل لجواد
جواد:هلا حبي.
شيماء:هههههههه انت ماتغير طبعك.
جواد:احبش ماقدر اسكت لم اسمع صوتش.
شيماء :اصلا انت لم تتزوج بتنساني.
جوادء:انا مستحيل انساش لان مافي وحده تستاهل اعطيها قلبي .. بس انتين اكيد بتنسني لم تزوجي حبيب القلب
شيماء حدها مستحيه:انت وين الحين؟
جواد:سكري اتلفون بتشوفيني.
شيماء:يعني انت برى..خلاص باي.
راحت شيماء الحديقه شافت جواد ينزل من سيارته.
شيماء:ليش تاخرت ماتدري اني على اعصابي .
جواد:لاني كانت في المستشفى.
شيماء بخوف:ليش؟؟
جواد راواها الجرح الي على خده:عطتني كف.
شيماء:احلف قولي كل شي صار وبتفصيل.
قال جواد اليها كل شي.
شيماء:جواد تصرفك مو عدل ساره ويش بتقول عنك الحين.
جواد:مايهمني الي يهمني اني ارد لها هالكف .. كفايه انها بتحرمني من الطلعه برى البيت.
شيماء:ههههههههه احلف انك مابتطلع عشان هالجرح.
جواد:لين شفته خف ابطلع.
ــــــــــــــــــــــــــــــــــــــــ
#في مجمع الواحه#
ساره:املوه الى من بتشتري هالثوب.
امل:لفاطمه اخت حوراء لان خالي راشد قال لي اشتري لها ثوب يبغاه على ذوقه لان بيهديه لها عشان تلبسه في حفلة حوراء.
ساره:وكيف بيكون على ذوقه وانتي الا بتختاري الثوب؟؟
امل:لاهو بيختاره لانه قالي اصور بكميرة جوالي كل ثوب يعجبني وارسل له الصوره بالوسائط المتعدده وهو بيختار الثوب عشان يكون على ذوقه.
ساره:ياي خالش تحفه لهدرجه يحبها.
امل:واكثر بعد .. تدري اني احسدها على انها تحبه ويحبها
ساره استغربت كلام امل وبنبره جديه :امل ممكن اسالش سؤال بس ماتزعلي؟؟
امل:ومن متى اني ازعل اسالي وباجاوبش.
ساره:حلفي يتجاوبيني بصراحه.
امل :افف ساره شغلتي فضولي .. والله باجوبش.
رد مع اقتباس
المفضلات