الجزء الخامس عشر:
ساره كانت بتلحق أمل بس سمعت صوت شي يطيح فرجعت شافت سلمان طايح على الأرض.
ساره ماسكه راسه:سلمان رد علي تكفى ماأقدر أتحمل أكثر من الي صار.
سلمان بصعوبه:اتصلي..لجواد.
ساره:جواد!!!!!!!!!!!!!
سلمان:هيه جواد يللا بسرعه.
دقت رقم جواد بس هو اتأخر ليما رد عليها.
....
جواد يكلم نفس البنت.
جواد:هههههههه وشنو صار بعدين؟؟
البنت:بس ومن ذاك اليوم و أنا ماحب الأيس كريم.
جواد:لحظه حبي..شاف رقم ساره (خدمة انتظر)..ساره متصله غريبه أكيد صاير شي.
جواد:بدق لش بعدين.
البنت:ليش صاير شي؟؟
جواد:الأهل يبغوني.
البنت:خلاص باي.
جواد:باي.
جواد:الوو.
ساره بخوف:سلمان أغمي عليه وقالي أتصلك.
جواد بنفعال:أنتو وين الحين؟؟
ساره بنبرة اصياح:في البيت..جواد تكفى تعال ابسرعه ماأعرف اتصرف.
جواد:خلاص الحين جاي.
وهو نازل صادفه ابوه فراح معاه.
_________________
*غرفة حوراء*
حوراء جالسه على السرير مو عارفه شتسوي.
فجئه أتصل رائد(هو متعود يتصل كل ليله).
حوراء متردده أترد عليه لو ماترد..ياربي أرد لو لا..برد عليه و بيشوف هالسبال.
حوراء بعصبيه:ألوو
رائد:هلا حبي.
حوراء:رائد بلا كذب.
رائد مستغرب:اشفيش حبي.
حوراء:لا تسوي نفسك ماتعرف شي و بريئ.
رائد:حوراء أنا مو فاهم شي
حوراء:خلي جنان تنفعك..سدت الخط..قعدت تصيح.
رائد:الوو حوراء..هذي ويش تقصد ..اوه كان مو عشان أني وديت جنان المارينا..لا ماأظن.
أتصل لقيس..
رائد:الووو
قيس:هلا و غلا .
رائد:حوراء راحت المارينا اليوم؟؟؟
قيس:ليش تسأل؟؟
رائد عصب:قيس جاوبني على قد سؤالي.
قيس:لا تعصب مو مجبور اجاوبك.
رائد:قيس أنا في مشكله و الحل عندك فاتكفى جاوبني.
قيس:ويش المشكله؟؟
رائد:قييييييييس
قيس:هيه راحت و رجعت امعصبه لحدها.
رائد:اتوقعت..باي.
قيس:رائد رائد..هالحمار سكره بوجهي..بعدين اوريه مو فاظي له الحين.
رائد أتصل لحوراء عدة مرات بس هي ماترد عليه ففكر أنه يروح لها بكره .
_________________
*غرفة أمل*
من رجعت من بيت سلمان وهي اتصيح و كل ما حاولت اتهدي تزيد أكثر...وقفت عند مرايتها اتحسست خدها..أني لازم ماأصيح هو لو كان يحبني كان ماشك بي ..أصلا مايحق له يضربني..خلاص خله يولي ليش قاعده أصيح بسبته وهو مايستاهل..مسحت ادموعها وراحت اتنام بس أول ماغمظت عيونها ذكرت كل الي صار.. رجعت تصيح.
_________________
#المستشفى#
ساره و أبو جواد ينتظرو جواد لأنه راح يشوف حالة سلمان.
جى لهم جواد..
ساره ماسألت جواد عن حالة سلمان بس هو شاف في عيونها أنها تبغى تسأله بس خايفه من جوابه.
أبو جواد:كيف حاله الحين؟؟ويش فيه؟؟
جواد يطالع ساره:الحمدلله هو بخير..بس بنخليه في المستشفى.
ساره:دام أنه بخير ليش بتخلوه في المستشفى؟؟جواد سلمان فيه شي؟؟
جواد:قلت لش هو بخير..بس
أبوجواد:بس شو؟؟
جواد:هذي المره الثانيه الي يتعرض فيها سلمان لصدمه فبنخليه عندنا لأن ممكن تحصل له مضاعفات.
ساره:بس هذي أول مره أشوفه جذي.
جواد سكت أشوي :لما ماتت جدتش صابه جذي بس أخف .
ساره شكلها يكسر بالخاطر:أقدر أشوفه؟؟
جواد:لا شوفيه بكره.
أبوجواد:ياللا ساره قعدتش مامنها فايده تعالي معاي البيت..بخليش تجي له بكره.
......
راحت ساره بيت خالها..مارضت تتعشى..نامت مع شيماء بغرفتها..
في الفجر صحت ساره صلت قرت قرأن وقعدت تدعي لسلمان..رجعت نامت.
في الصباح...
نزلت للمطبخ لقت خالها يفطر.
ساره بابتسامه:صباح الخير.
أبو جواد:صباح النور..تعالي افطري.
ساره تجلس على الكرسي:وين الباقي ؟؟مابيفطرو؟؟
أبوجواد:أم جواد توها قايمه دانه بعدها نايمه جواد و شيماء من زمان فطرو.
ساره:اهاا.
ابوجواد:ساره أنا باروح الدوام بعد اشوي أنا قلت لجواد يوديش معاه المستشفى
ساره: ساكته
ابوجواد:بعد ماتخلصي فطورش روحي له.
ساره:انشالله.
......
*غرفة جواد*
شيماء:جواد من زمان ماغنيت لي..نفسي أسمع صوتك.
جواد:اوكى بس بشرط ..روحي ورى البيانو و طالعيني.
شيماء راحت ورى البيانو وحطت ايدها عليه تتأمل جواد وهو يعزف و يغني.
"كل القصايد من حلا عينيكي من دفا ايديكي اكتبتنو الكي..
هودي القصايد مش حكي ياروحي او بكي قصايد هولكي كلون.
كل القصايد من حلا عينيكي من دفا ايديكي اكتبتنو الكي..
هودي القصايد مش حكي ياروحي او بكي قصايد هولكي كلون.
هودي الأغاني غرام اسنين
هودي دموع و نغم و حنين.
هودي أيامي معك،،البي الي بيوجعك أنا لولا هواك أناااااااا مييييين.
كل القصايد من حلا عينيكي من دفا ايديكي اكتبتنو الك..
هودي القصايد مش حكي ياروحي او بكي قصايد هولكي كلون."
شيماء تتأمل جواد:جواد أنت اتحب؟؟
جواد برود:لا ليش تسألي؟؟
شيماء:فيك لمعه بعيونك.
جواد:وهذا معناه اني أحب..أنتي غلطانه.
شيماء:انزين ماتبغى اتعرس؟؟
جواد:شيماء..الي في بالش قوليه بلا لف و دوران.
شيماء:ابغاك تتزوج
جواد:و من هي سعيدة الحظ
شيماء:ساره..أنت قلت أنك ماتحب يعني مو في بالك أحد و ساره أكثر وحده تناسبك.
جواد رافع حاجب:ساره ماتعجبني..وأنا مستحيل أتزوج وحده الناس كلها شبعت من وجهها.
فتح الباب عشان يطلع(الباب كان مفتوح بس مو واجد) الا ويشوف ساره قدامه.
جواد:صباح الخير.
شيماء(ويش هالفشله أكيد سمعته..وهذا جواد حده بارد)
ساره اتحاول تخفي تأثرها بلكلام الي سمعته:ص صباح النور.
جواد:خلصتي؟؟
ساره:هيه
جواد:زين أنا نازل لسياره.
شيماء:باروح معاكم.
جواد:وانشالله أنتي بعد بتزوري سلمان.
شيماء برطمت:خلاص روحو.
راحو لسياره...
جواد فتح باب السياره و توه بيدخل الا ويشوف ساره بتركب ورى.
جواد:لحظه..رفعت نظرها له..تعالي أركبي قدام.
ساره:أني مو أختك ولا أمك عشان أركب بجنبك.
جواد:عادي
ساره:لا تحلم واجد..من سابع المستحيلات اركب بجنبك..ركبت ورى.
ركب السياره حركها من دون مايقول اي شي.
بعد دقايق قليله..
ساره:جواد تقدر توديني البيت..باخذ ثياب لسلمان.
جواد مارد عليها غير طريقه لبيت سلمان.
وقف عند البيت..
جواد:مو تتأخري.
ساره نزلت من دون ماترد عليه..دخلت البيت راحت غرفة سلمان أخذت له ثياب وحطتهم في كيس..راحت غرفتها أخذت دبدوبها حضنته صاحت...كانت حابسه صيحتها طول المده...أنتبهت أنها أتأخرت على جواد..مسحت دموعها..وأخذت الأغراض .
.......
مل من الأنتظار ه توه بيشغل له شريط أغاني الا يرن جواله.
جواد:هلا عمري.
البنت:صباح الخير حياتي.
جواد:من متى صحيتي؟؟
البنت:من ساعه.
جواد:ليش مادقيتي علي؟؟
البنت:خفت تكون مشغول.
جواد:اذا كنت مشغول بفضى عشانش.
البنت:أنت وين الحين؟؟أكيد مو في المستشفى.
جواد:أنا رايح الحين.
البنت:وليش متأخر مو من عوايدك.
جواد:باودي الأهل المستشفى..شاف ساره جايه السياره..انزين عمري باكلمش بعدين.
البنت:توك تقول مو مشغول.
ركبت ساره السياره.
جواد:أنشالله بكلمك بعدين.
البنت:اهاا فهمت معاك احد
جواد:هيه.
البنت:خلاص عجل ..باي
جواد:باي.
سد الخط حرك السياره من دون مايقول و لا كلمه.
وقف سيارته عند محل الورد(نفس المحل الي شاف ساره فيه).
جواد:تبغي تشتري له ورد؟؟
ساره:هيه أكيد.
جواد:يللا نزلي.
دخلو المحل...
كل واحد أختار له باقه على الشكل الي يبغاه.
جواد للهندي:ابغى الورود كلهم حمران .
ساره:أني أبغى الألوان امنوعه..أحلى
الهندي:زين..زين
رن جوال ساره..
ساره:هلا
حوراء:سارو أني في مشكله مو عارفه أحلها.
ساره:حوراء..أني برى البيت بركب السياره وبكلمش.
حوراء:انزين..باي.
أنتظرت ليما خلصت باقتها وباقة جواد راحو لسياره.
ركبت السياره أتصلت لحوراء...
ساره:هلا.
حوراء بصياح:ساره ماني عارفه ويش اسوي.
ساره:وين فاطمه عنش؟؟
حوراء:فاطمه اتكلم راشد..ماحبيت أكدرها.
ساره:زين قوليلي ويش صاير.
حوراء:رائد
ساره:ويش فيه؟؟..لحظه حوراء...جواد ممكن تخفض الصوت.(كان حاط غنيه اجنبيه)
جواد طالعها بنظره:خفظيه أنتي..عطاها الرموت.
ساره استغربت(سخيف لحده)طالعت الأزرار:اي وحده فيهم تخفضه؟؟
جواد لف لها أشر على الزر بالغلط صارت يده على يدها.
ساره سحبت يدها على طول وهي حاسه بجسمها كله حار قلبها زادت نبضاته...ظغطت على الزر.
ساره:الوو
حوراء:ساره أنتي وين رايحه؟؟
ساره:ماعليش مني قولي ويش صار؟؟
قالت لها كل الي صار...
حوراء:والحين اني مو عارفه ويش اسوي.
ساره:أنتي متأكده أنهم كانو بروحهم.
حوراء:هيه.
ساره:اسمعيني زين...مو عدل أنش تحكمي عليه من دون ماتسمعي دفاعه عن نفسه
حوراء تقاطعها:بس أني شفته.
ساره:حتى لو لاتهدمي كل شي بينكم على حسب شي أنتي شاكه فيه..اصلآ لو ماكان يحبش ماخطبش و ترك الا تحبه.
حوراء:خلاص بفكر .
ساره:زين..باي.
حوراء:باي.
حطت جوالها في الشنطه..
جواد:ماتلاحضي أنش متناقضه.
ساره رفعت نظرها له:مافهمت.
جواد:اتقولي النصيحه بس أنتي ماتسويها.
ساره:ممكن اتوضح كلامك أكثر.
جواد:أنتي ماتركتي لي فرصه ابرر لش الموقف.
ساره: ساكته
جواد:شفتي أنش متناقضه.
ساره اتطالع الشارع:الي سويته مايحتاج لتبرير وأنت قلت أني ماأهمك يعني مايحتاج تبرر الي صار.
رفع على الغنيه الي كان حاطنها و سكت.
_________________
*غرفة حوراء*
حوراء سدت الخط و قعدت تصيح.
دخلت عليها فاطمه...
فاطمه:حوراء ويش فيش؟؟
حوراء: اتصيح
فاطمه حضنتها:ياعمري ليش تصيحي
حوراء زاد اصياحها (اذا أحد حضنها تنفجر اصياح)
فاطمه انتظرتها تهدي و حوراء قالت لها الي صار.
فاطمه:حوراء قيس قالي ان رائد بيجي اليوم.
حوراء:ماأبغى أشوفه.
فاطمه:لازم تشوفيه عشان تتفاهمي معاه..حوراء كلام ساره صح ولازم تسوي الي قالته.
حوراء مسحت دموعها:زين ويش البس؟؟
فاطمه:هههههههه حتى وأنتي زعلانه تبغي تتكشخي له.
حوراء:صحيح أنه مايستاهل بس ماأقدر اخليه يشوفني بهالثياب.
_________________
#المستشفى#
جواد و ساره داخلين غرفة سلمان...
جواد و ساره:السلام عليكم.
سلمان ببتسامه:وعليكم السلام.
ساره حطت الباقه على الكمدينو و كيس اثيابه على جنب:سلامات يابعد قلبي ماتشوف شر أنشالله أني ولا أنت.
جواد:ماتشوف شر.
سلمان:الشر مايجيك.
جواد:كيف صحتك الحين؟؟ماتحش بشي يألمك؟؟
سلمان:لا الحمدلله الحين أحسن.
جواد حط الباقه:اذا احتجتو اي شي نادوني...طلع.
سلمان:كلمتي أمل؟؟
ساره اتحاول تغير الموضوع:فطرت..أكيد مافطرت باروح اجيب لك فطور.
سلمان:ساره لا تغاوري..ويش قالت لش؟؟
ساره:ماكلمتها.
سلمان:اتصلي لها الحين.
ساره:لا مستحيل أني عارفه أمل..وعارفه الكلام الي بتقوله.
سلمان يسند راسه:ساره ارحمي بحالي...اتصلي لها وحطيه اسبيكر.
ساره:سلمان تكفى ماأقدر أشوفك جذي.
سلمان:اذا اتحبيني اتصلي لها..أبغى اطمن عليها.
ساره:خلاص بتصل...أخذت جوالها حطته اسبيكر.
ساره:الووو
أمل:هلا وغلا شخبارش عمري.
ساره فتحت عيونها على كبرهم طالعت سلمان الي كان مستغرب أكثر منها..
ساره:زينه الحمدلله..أنتي شخبارش؟؟
أمل:زينه بس مشتاقه لش..شو رايش تجي لي
ساره:ما أقدر.
أمل تغيرت نبرة صوتها:ليش...سلمان مانعنش؟؟
ساره:لا مو جذي..سلمان مايقدر يجيبني لأنه في المستشفى.
أمل طاحت دمعتها : ساكته
ساره:أمل سلمان ماكان قصده..هو تعبان
أمل:قوليله يخلي ضميره يرتاح لأني سامحته.
ساره:حلفي(سلمان ينتظر ردها)
أمل:بس الي كان بيني و بينه انتهى و قوليله ينساني.
ساره(اتوقعت)طالعت سلمان..أشر لها اتحاول.
ساره:أمل لا تضيعي الحب الي كان بينكم باهالسهوله.
أمل:وتسمي الي صار سهوله..ساره سلمان أهاني تعرفي ويش معنى أنش تنهاني من أكثر شخص تحبيه..صعبه ولله صعبه..صاحت.
سلمان ماقدر يتحمل اصياحها أشر لساره ترجع الجوال على الهاتف.
ساره حطته على الهاتف:أمل خلاص لا تصيحي.
أمل:ساره بسكره.
ساره ماحبت تضايقها أكثر:اوكى باي.
أمل:باي.
قعدت على الكرسي الي بجنب سرير سلمان:سلمان أمل بعدها متأثره بالصار.
سلمان اتنهد:أحبها ولله.
ساره: ساكته
سلمان:جيبي لي ماي.
عطته ماي قعدت تسولف معاه ليما جت لها الممرضه وقالت لها أن وقت الزياره خلصت فقررت أنها اتروح لجواد عشان تشوف اذا يقدر يخليها تقعد مع سلمان أكثر [اصلآ هي بتروح عشان شي بداخلها خلها اتروح].
راحت الأستقبال سألت عن غرفته راحت له بس بالغلط دخلت غرفة الممرضات الي بجنب غرفته.
دقت الباب دخلت...
ساره:السلام عليكم.
الممرضات:وعليكم السلام.
ساره:لو سمحتو وين غرفة جواد..أقصد الدكتور جواد.
الممرضه نهى:أنتي قريبته.
ساره:هيه.
الممرضه لمياء:حلفي أنتي قريبته.
ساره:يعني ليش بكذب عليش.
الممرضه نرجس أخذت ايد ساره قعدتها على الكرسي:عندي أسئله واجد.
نهى:وأني بعد..ماني قادره على جماله.
لمياء:بيعئد(اعقد) من أول ماشفتو وهو ساحرني لازم أعرف كل شي عنو.
نرجس:كم عمره؟؟
لمياء:متزوج؟؟
نهى:خاطب؟؟
ساره(مصختوها صحيح جميل بس مو لهدرجه..حدهم سخيفين)طالعتهم بنظرة أشمئزاز طلعت.
نرجس:ويش فيها ماردت علينا.
نهى:اففففف أني أبغى أعرف اذا خاطب لو لأ.
لمياء بتفكير:بتعرفو باين عليها خطيبتو..نظراتها نظرات بنت غيرانه.
نرجس:قصدش أشمئزاز.
لمياء:لا هو الظاهر أنها نظرات أشمئزاز بس لما تتعمقي فيها بتلاحظي أنا نظرات غيره.
نهى:ماعلينا منها خلها اتولي.
....
وهي تمشي عشان تروح غرفته التقت بممرضه عند باب غرفته.
ساره:لو سمحتي هذي غرفة جواد.
الممرضه:وأنتي كيف تسمحتي لنفسش تقولي أسم الدكتور جواد من غير كلمة دكتور.
ساره(حلفي هذا الا ناقص بعد)طالعت الباب مكتوب "د:جواد" دقت الباب توها بتدخل.
الممرضه:أنتي شايفه الدنيا سايبه عشان تدخلي من دون موعد.
ساره:وأنتي ليش جايه ايدش فاظيه يعني مو جايبه اوراق لو ملفات.
....
سمع دق على باب غرفته..
جواد:اتفضل..اتفضل
ماسمع رد فطلع عشان يشوف.
جواد:ساره!!!!!!!!!!!
الممرضه فشلانه:أنت تعرفها.
ساره بغير أرادي وقبل مايرد جواد:هيه ممكن اتروحي لأن عندنا كلام خاص.
الممرضه راحت وهي حدها مفتشله..
جواد فتح عيونه على وسعهم سند يده على حافة الباب ناظرها: شو هو الكلام الخاص.
ساره أرتفعت عندها الحراره لفوق:هااا..ولاشي..أقصد هيه أبغى اقعد مع سلمان أكثر بس قالولي ممنوع.
جواد لاحظ أرتباكها(فيها شي متغير):أدري أنا قلت لأبوي يجي ياخذش لأني ماأقدر أطلع من المستشفى الحين..بس قعدي معاه ليما يجي ابوي.
ساره:يعني اقعد معاه عادي.
جواد:هيه.
ساره مو قادره تتحمل نبظات قلبها أكثر:شكرآ..راحت
جواد:غريبه.
.....
الممرضه راحت غرفة الممرضات...
نهى:ها ويش صار؟؟
أيات:ماصار شي جت وحده واتكلمت معاه..اخ بطت جبدي هالسباله.
نرجس:بيضه و حليوه.
أيات:هيه...و لا قالت لي[ممكن اتروحي عندنا كلام خاص<<<قلدتها بطريقه تظحك]
نهى:هههههههه تستاهلي.
لمياء:شفتو قلت لكن خطيبتو بس ماصداتوني.(صدقتوني)
نرجس:بيشوف..يخطب و لايلبس خاتم بس عشان يعلقنا فيه..أن مانشرت خبر خطوبته ماأكون أني نرجس.
_________________
#بيت أبو قيس#
رائد في المجلس ينتظر حوراء تجي له وهو قاعد على أعصابه.
دخلت حوراء...
حوراء:السلام عليكم.
رائد:وعليكم السلام.
قعدت على الكنبه:يللا هذاني جاهزه.
رائد:جاهزه حق شو.
حوراء:حق أسمع خراطك أقصد دفاعك عن نفسك.
رائد: ساكت
حوراء: ساكته
رائد قال لها كل شي..
حوراء:أنت سخيف أتركبها بجنبك عشان برستيجك.
رائد عصب:أنا غلطان عشان جاي أفسر لش.
حوراء:ماطلبت منك تفسير.
رائد طلع وهو امعصب..
حوراء خافت عليه لأنه قليل اذا عصب و مو زين يطلع وهو امعصب..اتصلت له على جواله بس مايرد..راحت لقيس.
حوراء منشغله:قيس وين جوالك؟؟
قيس:ليش تبغيه؟؟
حوراء:رائد طلع وهو امعصب..أخاف يصير فيه شي.
قيس:حلفي رائد مايعصب..أنتي ويش قلتي اليه.
حوراء:مو هذا وقتك.. جيب جوالك.
قيس أخذ جواله و أتصل على رائد...
رائد بعصبيه:الوووو
قيس:أشوه ماصار فيك شي..وين أنت الحين؟؟
رائد:في السياره باروح البيت.
قيس:زين هدي وسوق ببطئ..في التئني السلامه و في العجله الندامه.
رائد:اففف مره ظريف.
قيس:ادري من زمان..يللا باي.
رائد:باي.
قيس:هو بخير..يللا دلفي غرفتش.
حوراء:مالت عليك..طلعت.
قيس:فكه(يووه صرت اتكلم زي دانه..الله يساعدني عليها)
فتح الماسنجر كلم دانه...
أحبك:هلا و غلا.
وحشونا الغالين:وينششششش كل ماأدخل ماأشوفش وأتصل عليش ماتردي عسى ماشر.
أحبك:دانه..حبيبي مات.
دانه أنصدمت...
أحبك:طلع يحبني عن جد.
دانه مو عارفه شترد عليه.
أحبك:دانه وينش؟؟
وحشونا الغالين:معاش بس انصدمت..الله يرحمه.
أحبك:مو قادره اتخيل كيف بعيش من دون ماأشوفه..كنت أشوفه كل يوم.
وحشونا الغالين:كيف مات؟؟
أحبك:كان في بيتنا و أني كنت في الحديقه شافني كان بيتكلم معاي بس أني صديته وطلع من بيتنا امعصب صدم سياره ومات.
دانه ماردت..
أحبك:لما رحت بيتهم عشان العزى أخته ودتني غرفته راوتني كل الأشياء المحتفظ فيها عشاني..كان يحبني.
دانه أتأثرت عدل{وعلى قلبي يخرط عليها وهي اتصدق}
أحبك:دانه مو قادره أصدق أنه مات بسبت غبائي.
وحشونا الغالين:دلع بتصل لش الحين.
أحبك:اوكى...راح قفل باب غرفته..أخذ جواله الثاني[أشترى له جوال ثاني بس عشان دانه اتكلمه به].
أتصلت دانه....
دانه بحنان:الوو.
قيس(الله يخلي لي هالألوو و راعيتها).
قيس<<دلع:اهئ اهئ دانه صعب علي انساه لو وافقت اني أكلمه كان ماصار جذي.
دانه قلبها يتقطع:دلع ربش كاتب له يموت في ذاك اليوم
قيس<<دلع:بس مو بسببي..خلاص أنا بسافر.
دانه:وين؟؟
قيس<<دلع:مادري.
دانه:أني بسافر سوريا
قيس<<دلع:لا أني باروح بلد بعيد.
دانه:يعني مابقدر أكلمش.
قيس<<دلع:هذي ظروفي.
دانه:الله يساعدش.
تمت تسولف معاه...
ــــــــــــــــــــــــــــــــــــــــــــــــــ ـــــــــــــــ
رد مع اقتباس
المفضلات