الجزء الثالث عشر:

دانه راحت اتصلي ويا ساره و شيماء...لما خلصو رجعت دانه للماسنجر بس مالقت دلع<<قيس>> فكلمت صديقتها زهره...أتصل أبو وليد لساره و قال لها أنه بيجي لها بعد نص ساعه يعني تجهز نفسها.

جهزت كل شي و قعدت تسولف ويا شيماء.
شيماء:سارو أتحبي اتسافري.
ساره:يعني مو واجد..وأنتي؟!
شيماء:أمووووت في السفر و خصوصي أذا بنروح سوريا وأعشق الباص عشق مافي زيه.
ساره:أنتو في كل أجازه تسافرو؟!
شيماء:هيه الحمدلله.
ساره:وين اتروحو؟!
شيماء:رحنا سوريا ست مرات و لبنان مرتين و الأردن و أيران و الكويت و قطر و رحنا مكه والمدينه ثلاث مرات و البحرين ماأعتبرها سفره لأن مابين شهر و شهر انروحها.
ساره:ماشاء لله..و وين بتروحو هلسنه.
شيماء:يمكن انروح سوريا..عمري مابشبع منها أحبها موت.
ساره تصغي لصوت الي تسمعه:شيماء في أحد يعزف على البيانو.
شيماء سمعت الحن فتحت الباب اشوي علشان تسمع عدل:الله وحشني عزفه.
ساره:من الي يعزف؟!
شيماء:هادي.
ساره:كيف عرفتي أنه هادي؟!
شيماء:مستحيل ماأعرف الحن الي يفضله حبيبي.
ساره ابتسمت لها و قعدو يصغو للحن..فجئه اتغير الحن وصار لحن حزين مايل على الخشونه.
ساره:ليش غير الحن الي قبله أحلى.
شيماء بحزن:هذا لحن جواد مو هادي.

ساره كانت بتسأل شيماء ليش لحن جواد حزين بس حسته سؤال سخيف و ماله داعي.

دق عليها أبو وليد و قالها أنه قريب ويجي يعني تنتظره برى...وهي تمشي ويا شيماء لفتت أنتباها المكتبه الي في الصاله وقفت عندها.

ساره:أول مره أشوف هلمكتبه.
شيماء:لأن جواد توه شارينها و ما لاقت مع غرفته فحطها أهني.
ساره بدهشه:يعني كل هلكتب لجواد.
شيماء:هههههه لا عاد مو لهدرجه..نص الكتب له و الباقي لأمي و أبوي...جواد يحب يقره خصوصي الكتب الي عن النفس البشريه.
ساره(شكله من كثرة الكتب الي يقراهم اتعقد..اصلآ هو يبغى له أحد يحلل شخصيته مو هو يحلل شخصية غيره)
لفت أنتباها كتاب فوق الكتب(يعني من شكله يبين أن أحد كان يقراه)أخذته قرت عنوانه_تكامل الشخصيه_أتصفحته بهتمام شيماء لاحظت أهتمامها بهلكتاب.
شيماء:أذا تبغي تقريه خذيه.
ساره:حق من الكتاب.
شيماء عارفه أنها أذا قالت أنه حق جواد ساره بتنحرج مابتاخذه:الى أبوي وهو مو فاظي حق يقراه فعادي تاخذيه.
ساره تبتسم:شكرآ.

_________________

#غرفة قيس#

سكر الماسنجر وراح يصلي بعد ماخلص أنسدح على السرير يفكر في الورطه الي حط نفسه فيها وهو يفكر طرت على باله فكره و عجبته اكثير...يووووه أنا ليش ماسويت جذي من الأول كان بيمديني أسمع صوتها وقت ماأبغى...خلني أروح ألحق على عمري وأشوف كان فيه يبيعوه لو لأ.


طلع من البيت و راح يشتري الشي الي يبغاه و رجع البيت وأول شي سواه أنه دخل على الماسنجر و كلم دانه.

(شيماء كانت ويا دانه لما دخل عليها قيس)

ماأبي الحب الا منك:هلا.
أحب أعيش حياتي و أعيش في قلوب أعز ناسي:أهلين وينش أتأخرتي.
ماأبي الحب الا منك:لأني كنت ويا أخوي عشان جوالي.

شيماء:قولي له يتصل لش .

أحب أعيش حياتي و أعيش في قلوب أعز ناسي:زين عجل بدق عليش.
ماأبي الحب الا منك:لا مايمديش تدقي علي لأن أخوي خرب شريحتي...بس ويش صاير أول مره اتقولي تبغي تكلميني.

دانه:اففف و يش الحل.
شيماء:لا و لله ماتمشي علي الخرطه الي تخرطوها ثنينكم.
دانه متضايقه:أني وين وأنتي وين أني بديت أشك في الموضوع...أصلآ أني ماأعرف هلبنيه.
شيماء:كيف يعني؟!

في هلحظه رد قيس...ماأبي الحب الا منك:الووووووووو وينش.
أحب أعيش حياتي و أعيش في قلوب أعز ناسي:معاش.
ماأبي الحب الا منك:دانه أني عندي رقم قديم ماأستخدمه الا قليل..تبغي اتكلميني عليه
أحب أعيش حياتي و أعيش في قلوب أعز ناسي:ويش اتحارسي عطيني اياه ابسرعه.


شيماء اطالع دانه وهي أدق الرقم:حطيه اسبيكر ابغى أسمع.

دانه:الوو.
قيس(افف مو هذا وقته ينشال..اي زين أتعدل{يقصد الجهاز الي يغير الصوت..طلع ذكي})
دانه:الوو..دلع.
قيس بصوت أنثوي:هلا.
دانه أرتاحت:كيف الحال.
قيس<<دلع>>:الحمدلله..أنتي كيفيك أنشالله امنيحه.
دانه:ههههه أنقلبتي لبنانيه.
قيس(ياربي بتذبحني بضحكتها):دانه قوليلي ليش قلتي تبغي تكلميني الحين.
دانه:لحظه.

دانه:أتأكدتي أنها بنيه ممكن تدلفي برى.
شيماء:هذا جزاتي أني خايفه عليش.
دانه:شكرآ ماأبغى خوفش..أطلعي برى.
شيماء:مالت عليش يابقره.
دانه:بقره أنتين..يالصخله.
شيماء:اوفف أني أروح أشاهد أحسن لي.
دانه:أحسن..فكه.
(هم دايم جذي لما يكونو مع بعض يتشابقو بس مع هذا يحبو بعض)
دانه:الوو.
قيس:ويش فيش نقعتيني في التلفون.
دانه:لأن شيمو أختي غافتني هلغفيفه.
قيس:زين ماقلتيلي ليش قلتيلي أتصل.
دانه بدلع:ليش مو عاجبش صوتي.
قيس(ذاااااابحني):لا طبعآ عاجبني بس أبغى أعرف ليش الحين أخذتي رقمي مو من قبل؟!
دانه:لأن أختي شيمو...(قالت كل الا صار).
قيس:حرام عليش كل هلأنوثه الي تنقط مني و تقولي أني واحد.
دانه:كلامش كلام ارجال...دلع وشو هذا الصوت.
قيس(افف كان مو أنكشف خلني أسكر أحسن لي):دانه كلميني على الماسنجر.
دانه:ليش؟!
قيس:أحلى.
دانه:اوكى...باي.
قيس:فمان الله.
دانه:ماقلت لش كلامش زي كلام الرجال.
قيس(أنا لازم أعود نفسي ماأتكلم وياها جذي):ويش أسوي كل من أخوتي.
دانه:ههههه زي
قيس يقاطعها:زين أكلمش على الماسنجر..باي
دانه:باي.

قيس:اشوه كنت قريب و أنكشف..يمسك الي يغير الصوت..كل منك كنت ابنفضح كل شوي يزن..اااااااااه يامحلاة صوتها يذبح..بس يبغالي ماأكلمها واجد عشان لا أنكشف.

_________________

#غرفت ساره#

فتحت الكتاب بدت تقراه لين وصلت لجمله مأشر عليها بقلم أحمر "من شأن تكامل الشخصيه أن يشعر صاحبها بالثقه في نفسه"حست بغصه لأن هالصفه تتمنى أن تكون فيها...قلبت الكتاب و فتحت صفحة الفهرس لقت بجنب الصفحه كلام مكتوب بنفس القلم الأحمر.

المكتوب:

"في نظري أن مو كل أنسان كامل الشخصيه لأن لازم في شي يخرب عليه شخصيته مافي أنسان مايتمنى اتكون شخصيته متكامله بس لازم يسعى لهشي و يحقق طموحه.. والكمال لله...جواد(حط بجنبه توقيعه)"

ساره:الكتاب لجواد ليش شيماء قالتي أنه لخالي...قامت عن السرير حطت الكتاب في مجر كمدينتها طفت النور أخذت دبدوبها و أنسدحت على السرير...حاولت تنام بس ماقدرت تمت أتفكر بالكلام الي كاتبنه جواد أثر فيها كلامه بس ليش ماتدري.

_________________

اليوم التالي#محل الرميه الحاسمه#
(هذا مكان يتجمعو فيه الشباب حق يلعبو البولينغ يعني تقريبآ صالة رياضه)

جواد و هادي يلعبو بكرة البولينغ.
هادي:جواد..شيماء بتسوي لها حفلة عيد ميلاد؟!
جواد:ولله زين أنك ذاكر ان عيد ميلادها هالسبوع.
هادي:أكيد بذكر عيد ميلاد حبيبتي ليش ماأذكر.
جواد يرمي الكوره: توها قايله لأبوي أنها تبغى تسوي لها حفله و طبعآ أبوي وافق.
هادي ياخذ له كوره عشان يرميها:ويش بتهديها؟!
جواد:شيماء تحب الأجهزه بشتى أنواعها يعني بشتري لها جهاز.
هادي:وشو الجهاز؟!
جواد:يمكن استيريو لأن الأستيريو الي عندها اخترب.
هادي:اهااا...جواد في واحد جاي جهتنا دور شوف تعرفه.
جواد لف شاف سلمان فتقدم له سلم عليه و سولف وياه..

.....

هادي راح مواقف السيارات لسيارة جواد عشان بياخذ منها حاجه اليه.

تم يدور الشي الي يبغاه بس مالقاه و لما كان بيطلع أنتبه لصورة ساره و جواد.. اتذكر ان جواد خلى صديقه يصوره هو وساره عشان سالفة شيماء...غريبه لحد الحين محتفظ بالصوره ليش ماعطاها شيماء..يمكن نساها..بعد اشوي بقوله عنها..حط الصوره في الطبلون حق السياره ورجع للمحل.

.....

سلمان:ها جواد مو قلت بتجي تتغذى عندنا
جواد:هههه أصلآ أنا مايمديني اتغذى في البيت تبغاني اتغذى عندكم.
سلمان:ليش
جواد:على حسب دوامي في المستشفى.
سلمان:يعني أنت اشتغلت..مبروووووك..اممم من الي كان وياك.
جواد:هادي ولد خالتي..في هالحظه جى هادي..جواد عرفهم على بعض وتمو يسولفو لين كل واحد فيهم راح بيته.

_________________

بعد يومين #غرفة فاطمه#

فاطمه:اوكى راشد بس ربع ساعه و بخلص .
راشد:فطوم حبيبتي مو تتأخري أنا ماأصبر.
فاطمه:عشر دقايق و تعال.
راشد:زين بس ماأبغاش تتأخري لأن مالي خلق حق هذرة قيس.
فاطمه:ههههههه خلاص مابتأخر.
راشد:مع السلامه.
فاطمه:الله يسلمك.

حوراء:وين بتروحو؟!
فاطمه:بس بنتمشى بسياره.
حوراء:أهااا.
فاطمه:صح ماقلتيلي ويش صار لما رحتي بيت أهل رائد.
حوراء عافسه وجهها:جنانو كانت اهناك.
فاطمه:ويش فيش تقوليها جذي.
حوراء:لأني ماطقتها من أول ماشفتها ماقدرت ابلعها حسيت بغصه و ماتنحب و مو حليوه.
فاطمه:عاد زوديتها مو لهدرجه.
حوراء:بلا زودتها بلا بطيخ..هي ماتنطاق.
فاطمه:أعترفي أنش اتحبيه و تغاري عليه.
حوراء:مافيها شي لو غرت عليه لأنه خطيبي.
فاطمه:زين عورتي راسي ممكن تطلعي برى عشان أجهز.
حوراء:اوفففففف.

_________________

#بيت أبو جواد#

ساره أتصلت لشيماء و قالت لها أنها بتجي لهم (عشان تعود الكتاب).

شيماء:دانوو..ساره بتجي بعد اشوي ماتبغي تقعدي ايانا.
دانه بشكل جدي:شيمو في حاجه صارت و أبغى أقولها لش.
شيماء:ياي وناسه أحب السوالف يللا قولي.

دانه راحت اتسكر الباب و قعدت مقابل شيماء.

دانه:من قبل يومين كنت أني نازله عشان أشرب ماي و شافتني تينا قالتلي أن ساره بعديه ماتدخل أني قلت يمكن مستحيه فرحت برى بس قبل ما أطلع لها سمعتها تتكلم وياجواد.
شيماء:أي و بعدين ويش اسمعتي.
دانه: ماسمعت كلامهم من أول بس أسمعت ساره تقوله أنه طاح من عيونها و أنها تكرهه وهو قال لها أنها ماتهمه و طلع.
شيماء:متأكده من الي تقوليه.
دانه:أكيد..بس أبغى أعرف ليش ساره تكره جواد أكيد سوى لها شي.
شيماء:أني أعرف بس لاتقولي لأحد.
دانه: مابقول يالله قولي.

(قالت لها كل الي صار).

دانه:هالحقير الي مايستحي على وجهه كيف سمح لنفسه أنه يسوي جذي
شيماء:بس هو كان
دانه تقاطعها:مهما كان عذره الي سواه غلط...وين الصوره الحين.
شيماء تضرب جبهتها:يوووووه نسيتها ماأخذتها من عند جواد.
دانه:روحي أتصلي له أسئليه وين ودها يالفالحه.

تركتها و راحت تتصل لجواد بس مارد عليها و تمت ادق عليه ليما زهقت و راحت اتعدل نفسها عشان ساره قربت توصل لهم.


جت ساره عودت الكتاب و قعدت تسولف مع شيماء...هي كان في بالها أنها بتقعد اشوي ه تطلع بس سوالف شيماء ماتخلص ولا ينمل منها فقعدت وياها مده أطول...طرى على بال شيماء أنهم يلعبو لعبة الصراحه فلعبوها(مع انها ماتناسب أثنين يلعبوها بس لعبوها)

ساره: ماعندي أسئله.
شيماء: عادي أي سؤال يخطر على بالش.
ساره: أممم من هو أقرب شخص لش؟!
شيماء ببتسامه:معروفه جواد.
ساره:ليش؟!
شيماء:أولآ لأنه أخوي الكبير و مفروض اني أحبه وأني أحبه...ثانيآ هو الوحيد الي يفهمني ويدللني و يراعي مشاعري و يحبني و حنون وطيب...الله يهني الا بتاخذه
ساره(قولي الله يعينها بتاخذ واحد ممكن يخونها في اي لحظه)>>>{ولا اتغيرت نظرتها}.

.......

دخل سيارته الكراج و توه بيدخل داخل الا ويشوف تينا تنظف الزراعه.
جواد:تينا لما اتخلصي نظفي سيارتي من داخل.
تينا:أنا مايئرف.
جواد:بس رتبيها و بخريها لأنها نظيفه ماتحتاج لتنظيف.
تينا:زين بابا.

عطاها مفتاح السياره و دخل داخل البيت...شاف ساره و شيماء وهم يلعبو في الصاله.