وَ أبصَرتُ نوْرَ الحُسَيِنِ (ع) - روآيتَيِ -

[هجـــღـــير]

صحت من الصباح .. مع انها مانامت شي ..
هاجر : مريموه
مريم وهي تتجهز للمدرسة : ويشوو ؟
هاجر : تعالي بسوي قراعينج ( وتضحك )
مريم : لا شكراً اعرف اسويهم
هاجر : يلا عاد
مريم : لا ثمود ( وتضحك )
هاجر : بدينااا بالبياخه
مريم : والله لا بياخة ولا غيره خليني اسوي شعري لاني تأخرت
هاجر : احد قالج اسهري ولا تنطبني الا وحده
مريم : الفيلم يستاهل انطبن علشانه خمس مو وحده
هاجر : ما ادري عفر بيشفع لج يوم القيامة
مريم : اقول مع السلامة ( اخذت شنطتها وطلعت )
وهي طالعه كانت أمها طالعه من المطبخ ..
ام محمد :من الصبح مناقر اعوذ بالله منكم
هاجر : عجل قاعده تتحرطم تأخرت وتأخرت وهي ماتنخمد الا متأخره
ام محمد : خليج العاقله لا تحطي دوبج ودوبها تعرفي اختج بسرعة تتعصب
هاجر : وبسرعة ترضى ( وابتسمت )
ام محمد : الله يهديكم .. يلا ويش نسوي الغداء ؟
هاجر : امم الامس سمج مشوي .. اليوم دجاج مره افادي فيه
ام محمد : خلاص دجاج احمر لو اصفر ؟
هاجر : احمر .. هورهـ = إسم طبخة
ام محمد : خلاص عالساعه عشر جذيه حطي الدجاجة عالفرن ..
هاجر : ان شاء الله
.......
العصر ..
بشمال المملكة ..
ساره : حيا الله خلود
خلود : يحييك ربي
ساره : نورتينااا ..
خلود : النور نورك تسلمين
ساره : تو ماتبارك البيت
خلود : اقول خير اول مره تشوفيني
ساره ( تضحك ) : لا بس استهبل
خلود : اقول سويره
ساره : مايحتاج تكملي طلع من الصباح ومارجع لحد الحين
خلود : ليش ؟
ساره : والله مدري .. بس عادي يعني تلقيه لا زال بالشغل
خلود : ربي يحفظه ولا يحرمني منه
ساره : ترى ما اقدر أنا عالحب ,, وينك ياميلاد تجي تسمع
خلود ( استحت ) ,,
.....
بشرق المملكة >> درس جغرافيا مو رواية خخ
هاجر ومريم جالسين مع بنات خالتهم الي جوا زياره لهم ..
زينب : وهذاني قلت لصالح نبغى نطلع يوم جذيه لبركة
هاجر : وي وناسة مره افادي اسبح
مريم : وش قال عسى وافق
زينب : مارد عليي لحد الحين
هاجر : ياعلي ان شاء الله يرضى
الكل : ان شاء الله
مريم : هجيروه خليناا نكلم محمد يمكن يرضى
هاجر : فكرة بس اخاف يعصب عليي
مريم : لا لا مايعصب .. اني الي بقول
هاجر : زين يلا قومي
مريم : يلا
هاجر : نتركم بنات شوي عادي ؟
زينب وفاطمة : عادي
توجهوا للمجلس .. اخوهم محمد كان جالس يطالع التلفزيون ..
قرّبت مريم وو راها هاجر ..
هاجر : ياربي خايفة يعصب
مريم : لا مابيعصب .. بقنعه بطريقتي المهم انتي خلج وراي ..مؤثرات لزوم الاقناع ( وتضحك )
سمع صوت ضحكهم .. وناداهم .. دخلوا ..
محمد : هاه وش صاير ضحكونا وياكم ؟
مريم : اختك هجيروه بعد ماتجوز عن سوالفها .. اقول محمد بقولك حاجة بس احلف ماتعصب
محمد : حشى فيها حلف بعد .. لا قولي مابعصب ..
مريم : إحلف ( لكي يطمئن قلبي ) << قالتها بالفصحى
محمد : والله مابعصب قولي
مريم : تعرف يعني ايام مدارس وضغط ونفسية مره ميح وهاجر بعد كله منرزعه في البيت وتعرف يعني الوالده ماغيرت جو من زمان ياهي يابيوت خالاتك فأني جاية اقترح اقتراح يعني وهو إن احناا ندور ليناا جذيه يوم حليو ونطلع لو نروح بركة ( وشقت حلقها = تبتسم )
محمد : أي كلمني صالح بخصوص البركة وقال إن خواته يبغوا يروحوا
مريم : وعسى وافقت
محمد : وافقت مبدئياً بس اقترحت تكون مزرعه مو بركة اخاف على جهال سوسن
هاجر : مزرعة بركة اهم شي نطلع
محمد : خلاص انا اكلم صالح ونتفق ان شاء الله
مريم : ياااااااااااااي ( وطلعت تتنطط )
هاجر وقفت تطالع بأخوها .. عاودها موضوع الكيس .. جات بتفتح الموضوع تبي تكلمه وترتاح .. بس تراجعت باللحظة الاخيرة .. وطلعت .. مهما كان هالموضوع بتعرفه بإذن الله قريب .. وتدعي ربها مايكون فيه شر لاخوها ..
مريم طارت عند بنات خالتها
مريم : قلنا لمحمد وبيكلم أخوكم صالح وبيتفقوا يااااااااااي
زينب : ونااااسة
فاطمة : عشر وناساااات
هاجر : قولوا مليون وناسة وكللللللللللووووووووووويش ( وكلهم ضحكوا )
.......
من الصباح طالع .. وقريب المغرب رجع .. ميلاد بالرغم من اصله المختلط مابين سوري وسعودي الا أن جو الشمال ترك آثاره على ملامحه الحاده .. بحكم الفترة الطويلة الي عاشها بالسعودية مقارنةً بالفترة الي عاشها بسوريا وايام صغره ..
تميز بعيونه الرمادية .. انفه الطويل الحاد .. واحلى مافيه غمازته ..
ميلاد : السلام عليكم
الكل : وعليكم السلام
ام سلطان : وينك ياوليدي من الصباح طالع ؟
ميلاد : طلعت مع الربع وتغدينا بعدها اخذتنا السوالف مر الوقت ماحسيت فيه
خلود وكانت من ضمن الموجودين وهم سلطان وسارة ( لا تختلعوا العائلة هذي فري عندهم بس اهم شي تتحجب )
خلود ببالها : ليتك تحس كيف الوقت في بعدك .. الثانية تشبه لها دهر ..
سارة تخز خلود بخاصرتها : ارتحتي الحين خلاص هذا هو حبيب القلب رجع وشفتيه قومي انقلعي بيتكم ( وتضحك )
خلود : تكفين خليني شوي .. مايصير انام عندكم؟
سارة : لا ياقلبي مانستقبل
خلود ( تضحك ) : هين ياساروه اردها لك
سارة بتحدي : نشوف
سارة : اقول ميلاد
ميلاد : آمري
سارة : خلود تبي تسلم عليك
خلود ضربت سارة بخاصرتها ..
سارة : أي اوريك
ميلاد طالع بخلود بدون ادنى اهتمام : ربي يسلمها , يلا أنا طالع ارتاح شوي
سلطان : ميلاد لحظة
ميلاد : آمر
سلطان : بعطيك رقم الشيخ الي طلبته
ام سلطان مستغربة : شيخ !! ليش وش فيه ؟
ميلاد مايبي احد يعرف بموضوع الحِلم الي مافارقه : ولا شي ياخاله واحد من اصحابي طالبه وأنا طلبته من سلطان ( وطالع بسلطان نظرات يعني لا تقول شي )
يلا استأذنكم ( ومشى )
ام سلطان لسلطان : بالله عليك ياسلطان ميلاد مابه شي ؟
سلطان : مافيه شي لا تخافين يمه ومثل ماقالك واحد من اصحابه يبي الرقم وطلبه مني
ام سلطان : الله يجعله خير
سلطان : آمين يارب
خلود كِسر خاطرها .. نظرات الا اهتمام من ميلاد .. ولاحظت هالشي ساره ..
سارة : وش فيك تكدرتي .. يعني كأنه اول مره يطالع فيك بدون اهتمام
خلود : لمتى بظل اتحمل .. متى يحس فيني .. معقولة مايشوف
سارة : يمكن يشوف بس مو حاب يبين هالشي ..
خلود : طيب أنا استأذن الحين
سارة : طيب بس لا تتضايقين
خلود : لا ان شاء الله ( ولفت على سلطان وام سلطان ) يلا مع السلامة
ام سلطان : وين يابنيتي خليكِ تعشي معانا ؟
خلود : لا ياخاله مره ثانية ان شاء الله مع السلامة
الكل : بحفظ الله
....
بشرق المملكة ..
أذن المغرب .. جهزت مصلاها .. توضأت وجات بتصلي ..
هاجر : بسم الله الرحمن الرحيم اللهم صلّ على محمد وآل محمد الله أكبر الله أكبر
فجأة حست بدوخه .. تهاوت على الارض ..
هاجر وهي حاطة يدها على صدرها : ياعلي وش صار فيني
.....
بشمال المملكة
يفكّر بالحِلم وكيف بيحكيه للشيخ .. جلس على سريره .. ينتظر وقت الصلاة .. وغفت عينه بدون مايحس .. نفس الحِلم تكرر بس هالمره .. بيد الرجال كان فيه لؤلؤه بيضاء .. مدها له كأنه يقول ( خذها ) بس ماقدر يمسكها وكأنه هوى من فوق لتحت .. انتفض وصحى .. تعوذ من إبليس .. وصمم أنه يكلم الشيخ بأسرع وقت .. عل وعسى يلقى تفسير للي يشوفه وحارمه نومه ..
.........
قدرت تقوم .. ذكرت الله وصلت على محمد وآل محمد .. وصلت .. مستغربة بداخلها سبب الدوخة الي جتها ..

...

ملاحظة : أبو سُلطان و عائلته من الطائفة السُنيّة