اجازة ونسهر على كيفنا .. !!

[علي pt]

بسم الله الرحمن الرحيم

السلام عليكم ورحمة الله وبركاته ،،

قد يكون هذا أول موضوع لي بهذا القسم - فتحملوني اذا لم أجيد صياغة الموضوع ..

قبل ايام قليلة ماضية كنت ذاهب للصيدلية بوقت متأخر من الليل - واثناء عودتي للمنزل
رأيت امرأة مع ابنتها طفلة صغيرة (حوالي 7 سنين) وطفل / طفلة بعربة الأطفال
وكان الوقت مقارب جدا للساعة 2 بعد منصف الليل ..
وكانو يقطعون الشارع من منطقة لأخرى (الشارع الفاصل بين منطقتين) - وهو خطير نوعا ما
لمرتاديه بالسرعة خصوصا في مثل هذا الوقت

جقيقة وقفت متعجبا من هذا الأمر - ولم أتمكن من عمل شيء غير تبطيء يرعتي بالسيارة
للأطمئنان لوصولهم للجزء الآخر من السيارة ..

اترك الفصحى على جنب ..

حتى لو الواحد بيسوي خير وبيوصلهم - بس بتوقف لناس بهالوقت المتاخر ..
انا لو انا بمكانهم ارفض اركب مع أحد ..

وبعد مشيي بقليل رئيت ما يطلق عليهم تجمع لإحدى الشلل ..
جالسين وسهرانين - والشارع خالي

والمرأة التي ذكرتها ما أدري بتمر من هالطريق لو لا ..
وذول الشلة بيكونو أمن / ......... للمارة !!


سؤالي - ما ريئكم بذلك !!

وحدة تقول اسهر مع بيت اهلي ووحدة مع جيرانا :

اجازة ومنسهر على كيفنا ,,,

نبغى نشوف آرائكم - مو تفشلونا

[آهات حنونه]

okأجازه اسهرو محد بيقول لكم شئ

بس انك تطلعي في وقت متاخر هاي مخاطره بنفسك

لان ماكو امان الحين حتى في النهار مو آخر ليل <<اني حدي امشي في الشارع الى 10 لاتضحكو اخاف

طيب وادا تبي تروح لاهلها وين زوجها

بعد الجيران تهون الباب بالباب

شكرا اخوي علي على طرح الموضوع للنقاش

تحياتي لك

[حكاية حب]

مووضووعك حلووو و فكرته احلى ...
أني عن نفسي أمي لماا تقووول ليي قوومي نامي يعني 12 اوو 1 الفجر
أقوول اليهاا امااه إجاازه بناام على كيفي بقعد على كيفي هذه إجاازه ليناا يعني كل شي بكيفناا
مااقصدي اني اطلع حزة ماابي و أرجع بكيفي لاا عندي أهل مسئوولين عني ماني لحاالي
لوو بطلع مع أهلي كلهم برى البيت مع أبوووي الفجر يعني الوووضع عادي في رجال كبير صااحب مسئووليه بس لحاالناا احس مدري كيف حتى لوو الديره آماان ماتدري يجي أحد من برى الديره وووو إلى مالاا نهاايه >>> فهمت قصدي أتوووقع
,,, أحياناً لماا نكوون في بيت جدي ليلة الخميس من اياام دراسه يعني نشووف حرمه توهاا راايحه بيت اهلهاا لاان بيتهم قريب ليناا فـ ندري انهاا راايحه بيت اهلهاا وتتوووقعوون ايا سااعه ترووح الساعه 12 بالليل !!
وووين رجلهاا عنهاا يتركهاا ووين مااترووح
!!!
احس فشله صراحةً أتأخر في بيت صاحبتي لحد 12 هذا إذا رمضان وابلعهااا غصب
شلوون الأشهر الثاانيه
بصراحه مدري مااتعجبني ساالفة حرمه تطلع لحاالهاا في منتصف الليل مااتخااف على روحهااا أو على كلاام النااس اللي رايح واللي جاآي
رأي بسؤالك :.
ماايعجبني نسووان حريم يسهرووو مع ناس غيرهم برات البيت لوو مع رجالهم ماآشي اووك بس اني اسهر في بيت جيراناا فشله أحس أزعااج لأخواانهاا اووو حتى لأمهااا ...
... طرحك رائع
>>> آسفه يووومكن ردي حالته حاله ع العاامي كااتبته
... , ووو رح أتووااصل مع ردود و آراء البعض
لكن خلف الستار

حكاية حب

[ام سليم]

سلام
اجازة وبسهر على كيفي ما عليه بس مو برا البيت في بيتي ومع اهلي ما عليه بس سهر حتى في الزيارات لا حتى لو بيت اهلي ما اسهر لبعد الساعة 12
شكرا أخي على طرح الموضوع وتسلم

[صدفة البحر]

اللهم صلِ على محمد وآل محمد الصادقين الأبرَّين ..

بصرآإحـة نقاشك يحتاج إلى وقفة

إجازة وسهر = تمام أوك
بس وين نسهر ؟؟؟
وإلى متى ؟
بعد قلنا بنات وأهلهمـ بخافوا عليهم ؟؟ وبحددوا ليهم وقت رجعوا فيه البيت ؟
متزوجات ؟ ونصايص ليل
لالالالالالالالا غريبة وألف غريبة
طيب يمكن نعذرهـا ..!
نقول زوجها مو موجود ؟ صار له ظرف ؟ السيارة أختربت ؟ لاسمح الله
وين أهلها ؟ أخوها ؟ أبوها ؟ مايخافوا على بنتهم ...!!
****
ما أدري أحس في نآس واجد من هالنوع اللي مايهتم
مثلاً انا مع الشباب الحين والمسافة طويلة دبري عمرش
أخوها = أنا نايم وين زوجش مو هو المسؤول عنش ؟
والحل ؟؟ والزبدة ؟؟
تروح مشي ترجع لبيتهـا

****

الله يهديهم بس

[عفاف الهدى]

موضوع حلو اخوك
مع اني مو من هواة السهر
احنا بيت العيلة وياي اشكثر نفرح لما احد من اخواتي ولا اخواني بيسهر معانا
بس مستحيل انطلع اختي مشي من البيت زوجها والا احد اخواني يوديهم
مستحيل احد عندنا يطلع مشي احنا في النهار وممنوع كيف بالليل
وعادي نسهر مع الأهل بره او في الشالية او في رحلاتنا بس انكون عيلة كامله
مو وحده لحالها او في بيت صاحبتها لالالالالالالالالا ممنوع وشي غير مساغ ابدا
اتعودنا احنا البيت العووود احنا الي السهرة دوم اتكون عندنا
بس بحدود
وبالنسبة للمرة تمشي لحالها في وقت متأخر مدعاة للشكوك ولفت الأنظار حولها
ويعطيك العافية اخووووووووووووووووووووك
طرح رائع

[لسـعة شـقأإوه ~]

!!..~

مستحيييييل اطلع برى البيت في نص الليل ,,

وحتى اسسسهـر حدي لـلين مـأإيأذن اصلي ونام ,,

يسلموو موضوع جميل يعطيك ربي الف عـأإفيـه

[أموله]

!!!!!

لأإأ .. بصـراأإحـه انا مـأإ أأيد لا السهـر ولا الطلعه من البيت

,, اذا صارت 10 خلاص مافي طلعه ××

.. والبنسبه للسهـر انا كنت من مؤيـديه !!

اما الحين بعد مـأإجربت عيوني وراسي ولا أأيده

موضوع جميل يعطيك ربي الف عافيه

لا خلا ولاعـدم ~

[علي pt]

شكرا لتواجدكم الجميل


والله يحفظ الجميع

[عنيده]

السلااام ..


انا وحده مااطلع الشارع مشي خير شر ..

الصراحه من حقي يخوف الشارع ..

ولين اطلع يا بسياره او وياه اهلى او اخوي هم بسياره حتى لو المكان قريب

و اذا رحت الى اهلى عايشين في منطقه امان عادي يعني تكون قريبه الى القريه ..

اطلع وياه البنات البراده او الماتم مكان قريب و الى الساعه تسع اكثر شي في الايام العاديه و في الليالي الحزينه ( الوفاء ) او المولد الساعه عشر و نص و مع امي او جدتي او خالتي .

الدنيا تخوف الصراحه ..

و انتون تشوفون كله شباب متجمعين و قاعدين ..

كل مترين تلاقي مجموعه ( قروووب ) قاعدين ..

و اذ ع الاجازه اسهري في بيتكم او مع بيت موثوق فيهم وعادي بيتكم عندهم و نامي عندهم احسن من ترجعين باليل .

و اتمنى ما طولت عليكم ..

مووفقين .

[بنوته كيوته]

لا صراحه مستحيل اطلع لحالي وفي نص الليل بعد


هذي سابع المستحيلات..


اني حتى بيت اهلي حدي للساعه11 او 12 بالكثير..


هذا الزمن مو زمن..يخوف..

مشكور اخوي على الطرح..

[قطعة سكر]

اجااازه ونسهر على كيفنا بس في بيتنا
واني عن نفسي من سااابع المستحيلات اطلع مشي
وفي نص الليل حتى لو كااان بيت جيراانا
والله هالزمن مااافيه امااان يعني حتى لو بطلع حدي
لسااعه عشر اكون في البيت قلنا مااعليه لو تسهري بس تسهري برا البيت لا
هذي وين اهلها وينرجلها وين اخوها ابوها؟؟؟؟
لكن انش تطلعي بره لبيت لوقت متاخر ولا بلوحدش هذي اكيد انش تخااطري بنفسش

يسلووو اخوي ع الطرح
يعطيك العااافيه
تقبل مروري