وصفات أيس كريم روعه

[بنوته كتكوته]

كيف الحال انشاء الله تمام


آيس كريم الفراولة



المقادير:

• 3 أكواب فراولة.
• كوب كبير سكر.
• 1 كوب لبن حليب بارد.
• علبة كريم شانتيه.
• كوب صغير ميه باردة.

الطريقة:

أول حاجة تعمليها هي إنك تحضري الكريم شانتيه بإنك تخلطي الماء المثلج جيداً مع باودر الكريم شانتيه مع كوب اللبن البارد بالمضرب الكهربائي كويس جدّاً لمدة 10 دقائق حتى يتضاعف حجمه ويصبح كريمي، وبعد كده تدخليه الثلاجة حتى الاستعمال.

بعد كده اهرسي الفراولة مع كوب السكر بإيديك كويس وبعد كده صفيها، وهاتي كاسات الآيس كريم وحطي فيها الكريم شانيته وعصير الفراولة وقطّعي عليها قطع صغيرة فراولة، وبالهنا والشفا..


آيس كريم الشوكولاتة


المقادير:

• 2 كوب كريمة ثقيلة أو كريم شانتيه.
• 1/2 كوب سكر.
• 1 كوب وبينج كريم.
• كوب لبن حليب بارد.
• 3 ملاعق طعام كاكاو بودرة.

الطريقة:

اخلطي جميع المقادير دي مع بعضها بالمضرب الكهربائي، بعد كده حطيها في كاسات الآيس كريم ودخليها الفريزر لمدة ست ساعات، بعد كده طلعيها وحطيها في كاسات الآيس كريم وبالهنا والشفا...


آيس كريم القهوة



المقادير:

• كوب كبير لبن مُحلَّى.
• كوب كبير قهوة محضرة باردة.
• رشة ملح.
• معلقة صغيرة فانيليا.
• 2 كوب كريمة ثقيلة مخفوقة أو كريم شانتيه.

الطريقة:

اخلطي كل المقادير دي مع بعضها كويس بالمضرب الكهربائي، وبعد كده حطيها في كاسات الآيس كريم ودخليها الفريزر لمدة ست ساعات وبالهنا والشفا...


انشاء الله عجبتكم الوصفة

تحياتي لكم.. بنوته كتكوته

[ليلاس]

يعطيش العافية

[آهات حنونه]

يعطيك العافيه

وصفات تفتح النفس

تحياتي لك

[خادمة المجتبى]

يعطيش العافيه احتي

ان شاء الله نسويها ان تشهي الصراحه