عند كريم وزينب
كريم: تعبنا والله العظيم....يا واقفين يا قاعدين...حشى مو حاله دي
زينب: وش دراني عنها!! اقعد شوي بناخد استراحه
الفلبينية: يلا بسرعه عشان يكمل تصوير
كريم: صبري شوي...بنرتااح
الفلبينيه: ما يصير..في كستومر واجد بره....اذا مافي يقوم انا رووح
زينب: تعالي انزين كملي بسرعه
قعدت الفلبينيه تشرح ليهم حركه يسوونها حق التصوير....
زينب: لالا ماني مسويه هالحركه ولا شي....قولي غيرها
الفلبينيه: انتي عرووس يصير حلووو
زينب: مااانييي يووو
كريم: هههههههههه امشي سويها ولا كأنه شي صاير
زينب: روحووا...لاني مسويه ولا شي
كريم: يلا لا نتعطل له....جوفي جت 10
زينب: قول ليها تطلع لينا حركه ثانيه
كريم: تقول خلصوا الحركات الي عندها
زينب: لاااا!! احلف انته بعد!!
المهم بعد ما خلصوا تصوير مشوا في سياييرهم ورى بعض...وشايلين الشوراع بهرناتهم.......وصلوا الصالة...طبعا الحين اول شي بيدخل حسن وزهرة وبيخلصون شغلهم وبعدهم بيدخلون كريم وزينب
لما جا حسن بيدش الصالة رجع على ورى
كريم: ويش فيك الا رجعت؟؟
حسن: استحي ادش داخل...كله نسوان
كريم: ههههه انزين عادي ادخل ولا تطالع ...طالع سيده
حسن: فشيله الحين بيجوفوني وانا ادخل اياها...لا ومجود ايدها بعد...وبعدين اشيل من وجهها الطرحه وابوها على راسها
كريم: اووو حافظ الدرس بعد
حسن: ههههه اسكت امي قاعده تعلمني اليوم...كل حين تعيد وتزيد علييي..تقول لا تنسى تشيل الطرحه من على وجهها
كريم: ههههههههههههه اما هادي امك سوالف...يلا ادخل الناس يحارسونك
حسن: يلا بسم الله..ادعي ليي
فتحوا باب الصالة...ودخلوا زهرة وحسن يمشون بخطوات صغيرة....زهرة كانت قمر يمشي على الأرض>>>تشيبه بليغ ما ادري ويش في العربي خخخخ
كانت لابسة فستان وردي فاتح...وحسن لابس بدلة كان القميص وردي فاتح والكرفته بعد اما البدله لونها ازرق غامق...اشكالهم كانت طايحة على بعض...
مشوا لين ما وصلوا المسرح ... حسن من وصل جاي بيقعد لكن تذكر الدرس الي محفظتنه اياه امه وطبقه وهو منحرج من هالاوادم الي مبحلقه عيونها عليهم..وقعدوا بعدين على الكرسي
الأم مليحة: حسن...قوم الحين بيصورونكم وانته تلبسها الدبله والطقم وتقصون الكيك وتشربون العصير
حسن: بل بل بل ... كل هذا بنسويه قدام هالناس!!!
الام مليحة: أي عجل من وراهم!!
حسن: تفشلون صراحه
الام مليحة: هههههههه قوم قوم بسرعه وراك معاريس غيرك مو بس انته بروحك
حسن: يلا زهرة بيصورونا بعد
زهرة: افففف غربااال يغربل هالمصورات
حسن: يلا بسرعه اخاف اطيح الصحن او اكت العصير عليش من الفشيله
زهرة: ايي حاسب لا تكته علييي وتفشلنا
حسن: الحين انا الي صرت افشل هاا...ما عليه لكن صبري ليي
زهرة: الناس تطالعنا هااا...لا تنفعل واجد خخخخ
قعدوا يصورون وياكلون كيك ويشربون عصير...وبعد ما خلصوا طلعوا...ودخلوا كريم وزينب
كريم كان لابس بدلة..القميص برتقالي فاتح والكرفته لونها برتقالي غامق..والبدله سودة...زينب كانت لابسه فستان برتقالي فاتح...يعني الاثنين مطقمين....
كانوا اثنينهم يمشون وقدامهم حسين مجود جاهله صغيرة من ايدها ويمشون...مسوينهم معاريس صغار<<<يا زعم حركة..
وصلوا المسرح...راح حسين والجاهله بيقعدون على الكرسي
أم كريم: يووو قوم مو انته الي تقعد...صدقت روحك بعد!!
حسين: مانااا انا معلس
أم كريم : قووم لا تفضحنااا...شالته غصبا عنه وودته بعيد عنهم..عشان لا يغربلهم
ما مداهم يقعدون على الكرسي دقيقتين الا حسينو جاي ويصارخ
حسين: انووووب
كريم: حسبي الله على بليسه بيفشلنا هالولد!!
زينب: ههههههه مسكين مستانس
حسين جا وقعد في الوسطه
كريم: لا والله!! من سمح ليك تقعد؟
حسين: اناا معللس
كريم: سمعي وش يقول...هو المعرس
زينب: ايووه عاش المعرس الصغير
كريم: يعني حتى الليله بتلزق فيني!!
حسين: انا ابي انوووب
كريم: انووب ليي اناا مو انته...يلا روح انته ليك ديك الجاهله الي مشيت اياها من شوي
حسين: سيطااانه ديك...دربتييي
كريم: تضربك؟؟؟انته بعد اضربها..وحده بوحده
زينب: ايي علمه على الضرب انته بعد
أم كريم: حسين قوم حبيبي بس خلهم يصورون
حسين: انا بعد ابي اثوور اياكم
زينب: ما عليه حبيبي...بس نخلص بتصور ايانا...يلا روح اقعد صوب الماما شوي
حسين: انذين
كريم: هوو حبيبش هاا...وانا ولا شي...بتقهريني انتين!!
زينب: يووو تغاار!!
كريم: لا ما اغار
بعدين صوروا وخلصوا شغلهم وطلعوا...كل واحد طلع ويه خطيبته في سيارته...الصبيان ما قصروا سووو ليهم زفة محترمة...طول الطريق ضرب هرنات
حجي صالح: البت ووالولد..اثنينهم خطوبتهم في ليلة وحده...الله بيفضى البيت علينا الحين...لكن الله يسعدهم ويهنيهم
الام مليحة شوي وتصيح: اسكت بس...الدمعه واقفة على الباب
الام فخرية: واني بتي الوحيدة راحت ويه رجلها
الجدة تصيح: اييي...والله اني مو متعوده انام الا متهاوشه ويه زهروو..الحين ما عندي احد
حجي مكي: ههههههه اماه..ما فكرتين الا في الهواش!!
الجدة: هههههه لا والله فجت عليي من الحين...الله يهنيهم
حجي صالح: يلا مشينا...
(( the end ))
}انتهينا ولكنهم لم ينتهوا{
رد مع اقتباس
المفضلات