وصل الباااااارت
نص الليل
عند حسن
حسن قاعد يطالع تلفون...جان يشوف 5 مكالمات من رقم غريب...قعد يطالع الرقم مره..مرتين ..فلاف..لكن ما عرفه...فاتصل ليهم على باله انه واحد من الصبيان...
التلفون يرن...ويرن......ويرن....وشالوه
البنت: ألوو
حسن: الوو..السلام عليكم!!
البنت: عليكم السلام..من!!
حسن: انتين الي من!!
البنت: لا والله..انته الي متصل لو اني!!
حسن: انا ما اتصلت الا يوم شفتكم انتون متصلين ليي..وتوني الحين شايف المكالمات من هالرقم..
البنت: احنا ما اتصلنا...ويلا فااارق
حسن: شكلش ناويه على الهواش انتين هاا
البنت: جان تبي رقمك يوصل للشرطه يلا تهاوش
حسن: مالت عليش يام الخنافر...
البنت: صدق انك ما تسحتي..قليل أدب
حسن: ما عليه يا كثيرة الأدب...بقول ليش..
البنت: نعم خلصنا!!
حسن: ما سمعتين بالقطار الجديد الي سووه في البحرين؟؟
البنت: لا..في وين؟؟
حسن: اوكي الحين بسمعش اياه...تووت تووت تووت تووت...قطع التلفون في وجهها
حسن: أودام فاضيه والله العظيم...لا وتسوي روحها ما اتصلت بعد..عجل منهو اتصل..الجني!!
أنا واحد الحين مقبل على خطوبة وهي تبي تخرب عليي عفر...
نص الليل
عند كريم
كريم: زنووب...وش فيش ساكته...تكلمي!!
زينب:مافيني شي..انته سولف..اني اسمعك
كريم: انا طول الوقت اسولف...خلاص الحين دورش عشان ما تتملين مني
زينب: هههههه لا عادي
كريم: انزين ممكن سؤال!!
زينب: تفضل..
كريم: انتين تحبيني!!
زينب سكتت...
كريم: زنوووب... جاوبي!!
زينب: انته تعرف
كريم: قولي عاد قولي
زينب تتنهد: أي
كريم تشقق: انزين انا سالتش تحبيني..يعني قولي أي احبك..يلا قوليها عااد
زينب:لا والله!!
كريم: اذا ليي خاطر عندش قوليها.!
زينب سكتت..
كريم: افهم انه ماليي خاطر عندش..
زينب: أ..أ...أحــ......طووط طوووط طوووط>>>لا تخافون هذا مو اتصال
حسين: بابااااا...بابااا
كريم نايم: هممممم
حسين: باباا ابيي مااااايي
كريم: اففف..الله يغربل بليسك..خربت عليي احلى حلم...كانت بتقولها اليي اففف
حسين يصارخ: مااااااااايي...مااااااييي..مااااااااااااييي
كريم: انزيييييين انزيين والله العظيم انا اتغربلت..ان شاء الله يا ربي زينب توافق عليي يا رب
حسين: انوووب!!
كريم: لا مو انووب..يلا اشرب الماي ونام ولا تقعد بعد
حسين: انذين.....بابا
كريم: هااا هااا وش بعد!!
حسين شوي وبصيح: ابيي انوووب
كريم: بابا انته الحين نام وباجر بنروح اليها انزين
حسين: لااا الحين الحين
كريم: يا ربيي...ما ادري اشقق ثيابي الحين...انته الحين نام حبيبي وباجر هاا..نام يمكن تشوفها في الحلم!!
حسين: انته شفت انووب!!
كريم: هااا...وش هالفضيحه بعد!!....اي انته اذا نمت الحين بتشوفها
حسين:انذين...وأخيرا ناموا
في اليوم الي بعدوو
في بيت حجي صالح
الأم مليحة: زينب قومي جيبي البخور قبل لا يجون الناس
زينب: اماه الا توها 7.30 جي الناس مزاهيق
زهرة: الا هم أول مره يجوون؟؟
الأم مليحة: أي اول مره
زهرة تغمز الى زينب: ايي وان شاء الله يجون ويجيبون اياهم الاخبار الزينه
زينب: عقلي هاا عقلي..ترى انتين وحده مقبله على خطوبه
زهرة: جب انزين..
الجدة: وحقويش تجببينها..صح كلامها بعد ويش.!!
الأم فخرية: انزين ملوح عندش شي ما خلصتينه؟؟
الأم مليحة: لا لا ما عندي شي...
حسن يدخل الصاله...
حسن: يا الله يا الله..
الأم مليحة: ادخل يا ولدي مافي أحد غريب
حسن: السلام عليكم
الجميع: وعليكم السلام والرحمة
حسن يبتسم: شخباركم..عساكم بخير.!
الجميع : الحمد لله حياك الله
الجدة: شحوالك انته يا ولدي؟؟
حسن: انا الحمد لله بخير..وانتين جدتي وش مسويه؟؟
الجدة تبتسم: مدام انته بخير اكيد احنا بخير بعد
حسن يطالع فخرية: عمتي شخبارش؟؟
الأم فخرية: الحمد لله زينه
حسن يطالع زهرة مستانس: زهرة شخبارش؟؟
زهرة منزلة راسها: زينه..وانته.!!
حسن متشقق: انا..مثل ما تشوفيني..الحمد لله اشقح وانطح
الأم مليحة: انزين ما قال لك رفيقك متى بيجون؟
حسن: توه متصل ليي يقول هم في الطريق..جايين
الأم مليحة: وابوك وينه؟
حسن: ابويي في المجلس ويه حجي مكي
زينب: وانته عجل وش مقعدنك هني!!
حسن يطالعها وهو منقهر عليها: ما يخصش...اماه عطيني صينية الجاي
الأم مليحة: روح خدهم من المطبخ
وراح حسن ياخد الصينية وبيطلع
حسن يطالع زهرة: انا بروح مو محتاجين شي مني!!
زينب: لا ما نبي شي ..تفضل
حسن يساسر زينب في أذونها: حارسي ليي يا البقرة..بعدين اراويش شغلش...وطلع عنهم
بعد نص ساعه وصلوا أهل كريم...والي كانوا جايين وياه امه وخالته واخته الكبيرة ورجل اخته وعمه وولده حسين
زينب تطالع من الدريشه: امااه امااه اكوو وصلواا
الأم مليحة: غربل الله بليسش وش قاعده تسوين صوب الدريشه..امشي انرزي مكانش لا يشوفونش
زهرة: ايي امشي قعدي لا يقولون بتهم هبله وما تستحي..بعدين منهو ياخدش بعد.!!
زينب تطالع زهرة: سخييفة..!
وسمعوا صوت الجرس..
الأم مليحة: زينب قومي فتحي ليهم باب الصاله..يلا تحركي
زينب: انزين عااد....وراحت تفتح الباب...وطلع في وجهها حسين
حسين من شاف زينب استانس وركض راح يحضنها...وتمت زينب حاضنتنه..ومن هبالتها خلت الأوادم واقفين على الباب
أم كريم: شكلش يا بتي انتين وحسين واجد متعلقين في بعض!!
زينب انتبهت لهم وطالعتهم وهي منحرجه: مسامحة ما انتبهت...حياكم تفضلوا
خالة كريم: حلاوتكم والله...انتين زينب؟
زينب مستغربة: أي..اني زينب
خالة كريم تحضنها: شحوالش حبيبتي...ان شاء الله زينه..عاش من شافش
زينب: الحمد لله اني زينه...وانتين شخبارش خالة؟
خالة كريم: الحمد لله..اني زينه مدام انتين زينه يا حبيبتي
زينب تبتسم: انزين انتون تعرفوني بس اني ما اعرفكم!!
أم كريم: اني أم كريم..وهادي أختي مريم..وهادي بتي فاطمة
زينب: يا هلا فيكم..تفضلوا
ودخلتهم داخل الصالة..وهي تمشي وراهم ويه حسين
حسين: انووب اليوم تعالي ويانا البيت انذين!!
زينب: هههههههه ما يصير حبيبي..انته اقعد ايانا..قول للبابا انا بنام ويه زينب
حسين: انذين دومي انتين دولي لييه..
زينب: هاا..لالا ما يصير عيب
حسين: انذين اناا يعني اروح ادول اليه؟؟
زينب: أي..بس مو الحين بعدين روح اوكي!
حسين: اوكي
يتبع
7
7
7
رد مع اقتباس
المفضلات