الجزء التاسع
في بيت حجي صالح
كريم قاعد في بيت حسن يسولفون عن شغلهم ويطالعون اخبار العالم ..
حسن: أنا بقوم اجيب لينا شي ناكله بدال هالاخبار اللي تسد النفس
كريم: اوكي بس لا تتأخر
زينب قاعدة في حجرتها تراجع ..تمللت من قعدة الحجرة فحملت كتابها ونزلت الصالة وشغلت التلفزيون..شافت فيلم هندي وكان البطل شاروخان
زينب: الاااااي شاروخاان..بروح أنادي حسن يطالعه ايايي هو يحبه بعد
وقامت المجنونة تدور على حسن ..راحت المطبخ وشافت امها تغسل مواعين
زينب بصوت عالي: أمااه وينه حسن
الأم مليحة: وش فيش يا المستخفة تصارخين روحي راجعي
زينب: راجعت راجعت قوليي ليي وينه حسن
الام مليحة: أكو في المجلس قاعد..... وقبل لا تكمل أمها كلامها زينب طارت على المجلس..فتحت الباب بقوة .. نقز كريم من مكانه ..
زينب واقفة عند الباب وبصوت عالي: حساانووو قوووم فيلــ .... وقبل لا تكمل جملتها انتبهت انه اللي قاعدة تكلمه مو حسن.. تيبست مكانها ..حست انه قلبها وقف ما عرفت وش تسوي من الصدمة..لما صحت من الصدمة اللي هي فيها صفقت باب المجلس وركضت على حجرتها وقفلت الباب عليها من الخوف
كريم: بسم الله زهقتني وقفت قلبي .. لكن وش هالفشيلة.. أكيد هادي أخت حسن ..حليووة بعد بس ربشة.. استغفر الله انا وش قاعد أقول استغفر الله..وقعد ينتظر حسن وكان الوضع عنده طبيعي ولا كأنه صاير شي... ودخل حسن المجلس
حسن: أدري بتقول تأخرت علييك .. بس واحد من الشباب شافني وقعد يسولف ايايي أنا بعد ما قدرت أمشي عنه واخليه لازم يعني اسولف شوي
كريم: لا بارك الله فيك قاعد تسولف وماخد راحتك وانا هني بروحي
حسن يا زعم زعلان: الله يسامحك
كريم: ويسامحك
وهم قاعدين رن تلفون كريم ..كريم لما شاف الرقم ابتسم وطالع حسن
حسن: وش فيك تتطالعني وتتبسم ما ترد
كريم يرد على التلفون: هلا بعمري وحياتي
حسن استغرب من كلام كريم وصار يشك فيه انه يكلم وحده
كريم يطالع حسن وفي خاطرة يضحك على شكل حسن المنصدم:اووكي انشاءالله الحين انا جاي يلا باااي بابا
حسن راسه افتر من كلام كريم: بابا؟؟!
كريم: ههههههههههه وش فيك تطالعني مثل الأهبل
حسن: أي لاني أنا صاير مثل الاطرش قاعد في الزفة...أفاا ياخووك افاا الحين تحب ولا تقول ليي يعني انا اخر من يعلم ..والله يعلم يمكن بعد متزوج لانك كلمت جاهل وقلت ليه بابا!!
كريم ما قدر يكتم ضحكته أزيد وانفجر من الضحك على حسن...
حسن: يعني كلامي صح !! وش فسك تضحك ما تفهمني السالفة
كريم: ههههههههههههههههههههاااااااااي تصدق يبي ليك صورة
حسن: احلف عااد بتقول ليي السالفة لا ادوس في بطنك الحين
كريم: هههههههه لالا مدام فيها ضرب بقول
حسن: قول قول غرررد يا بلبل .. بس لا يكون متزوج بالسر!!
كريم: كنت متزوج بس مو بالسر
حسن: يعني مطلق!!!
كريم وعلامات الحزن بدت تظهر على وجهه: لاا يا حسن أنا كنت متزوج من 4 سنين وزوجتي توفت عند الولادة واللي كنت اكلمه من شوي ولدي حسين
حسن متلوم : الله يرحمها.. كريم انا ما كان قصدي اذكرك باللي صار بس حبيت اعرف السالفة
كريم: لا حصل خير
حسن يغير الموضوع: عجل انته ابوو يا التيس
كريم: هههههههههههههه تيس يرفسك أي انا ابوو عندك مانع
حسن: ما قلت ليي من قبل انه عندك ولد
كريم: ما كان في مناسبة عشان اقول ليك
حسن: انزين جم عمره الحين؟
كريم: عمره 3 سنوات
حسن: الله يخليه ليك
كريم: ويخليك ..يلا انا الحين بخليك وبروح بقابل القمر وحشني
حسن: الله يعني الحين صرت ما انفع
كريم: هههههههههههه امزح اياك يلا نشوفك على خير
حسن: الله وياك .. ومرة ثانيه ما تجي الا وياك حسين والله ما تدخل بيتنا وسلم عليه بعد
كريم: هههه انشاءالله يوصل
بعد ما طلع كريم راح حسن الى اخته حجرتها..
حسن: ها زينب شخبار الدراسة اياش؟؟
زينب مترددة: هاا أي زينه الحمد لله
حسن: وش فيش؟؟
زينب: هاا لا لا مافيني شي بس خايفة من الامتحان
حسن: اقري ليش ايات وقومي نامي
زينب: انشاءالله
وطلع حسن عنها وهي اطمنت انه رفيقه ما قال اليه عنها
في بيت حجي مكي
نص الليل
الكل نايم في بيت حجي مكي وزهرة ما قدرت تنام بسرعة قاعدة تحاتي الامتحان وبعد ما غطت عيونها شوي حلمت انه هي وجدتها قاعدين في صحراء بس جدتها كانت طايحة على الرمل وما تتحرك وهي تحركها وتصيح عليها...قعدت من نومها خايفة وبدون حواس راحت حجرة جدتها وحضنتها وقعدت تصيح
الجدة: ويش فيش زهرة..حقويش اتصيحين!!
زهرة: جدتي انتين صاحية ما فيش شي ما يعورش شي!!
الجدة: لا هداني قدامش مثل الخيل ..أحد قال ليش اني مريضة؟؟
زهرة: لا جدتي بس كنت خايفة عليش
الجدة: هاش شربي ماي وصلي على النبي ونامي ايايي ..انتين عفر حلمانه بحلم مو زين..لا تخافين يا بوويي
وحطت زهرة راسها في حظن جدتها وراحت في سابع نومة..
تتوقعون الجدة وزهرة علاقتهم تتحسن مع بعض او هذا مجرد شعور مؤقت؟؟؟
وزينب وش بيصير عليها من بعد الموقف اللي صار؟؟
حسن وكريم ؟؟
تحياتي
رد مع اقتباس
المفضلات