الجزء السادس
في اليوم الثاني
في بيت حجي مكي
الساعة 11.30 الصبح الكل قاعد في الصالة ما عدا زهرة اللي كانت قاعدة في حجرتها ومتمللة من حياتها
الجدة: وينهي زهروو اليوم ماليها حس مو من عوايدها
حجي مكي: جيي هي للحين ما قعدت لا يكون مريضة
الأم فخرية: لا مريضة ولا شي بس دلاعتها
حجي مكي: أناا بروح أشوفها .. وقام راح حجرتها
الجدة:أني باط جبدي رجلش مدلع بته واجد ..لا وجان زين تستاهل بعد
الأم فخرية: رجلي اللي باط جبدش ولدش يصير بعد.. وأحنا ما عندنا الا هالبت بعد اذا ما اهتمينا فيها بيت الجيران اللي بيهتمون فيها يعني
في حجرة زهرة
حجي مكي: ويش فيش يا بتيي اليوم ما نزلتين ايانا تحت ولا تريقتين
زهرة: شبعانة أبووي مافي مجال في بطني حق الريووق
حجي مكي: هذا كله يعني من عشى البارحة!!
زهرة: أيي أبوويي فاتك حسن أخوو زينب عشانا عشى عمرنا ما شفناه عاد هالعشى من تاكله يخليك أسبوع شبعان مو بس اسبوع الا شهر بعد
حجي مكي: أي والنعم فيه ولد حجي صالح طالع على أبوه شهم وكريم
زهرة: مو بس شهم وكريم الا بعد طيب وحنون واااجد.. والله لو شفته أبووي أمس وش مسوي فيناا ولأي درجة مهتم فينا ومخليناا على كفوف الراحة
حجي مكي: انزين يا بتيي انا رحت بتلكو وقلت ليهم عن الي تبينه وقالوو باجر بيوصلون ليش الخط
زهرة متشققة على روحها: صدق أبوويي !!
حجي مكي: أي بس عاد هاا مو تنسين دراستش السنة اخر سنة
زهرة: لا ما بنساها
حجي مكي: بارك الله فيش يلا اخليش الحين بروح المسجد أصلي
في بيت حجي صالح
زينب: أمااه اني ابي اروح الى زهرة الحين
الأم مليحة: توش امس طالعه اياها حقويش بعد تروحين اليوم
زينب: أكوو انتين كل يوم تقابلين رفيقتش فخرية
حسن ويرز الفيس اياهم: أي امااه خليها تروح تتطمن على رفيقتها تشوفها وش مسوية من عقب سالفة امس
الأم مليحة: أي سالفة؟! جيي وش صاير!!
زينب: لا أمااه مو صاير شي بس انتين ما تعرفين ولدش الهرار.. طالعت أخوها وبصوت واطي: انته وش فيك صاير ما تفهم ناوي تفضحنا
حسن يكلم أخته بصوت واطي: لا ما بفضحش مو انتين تبين تروحين الى زهرة الجين براويش التكتيك العدل
الأم مليحة: انتوون يا سودان الوجه ما تقولون ليي حقويش تتساسروون!!
حسن: لا امااه ولا شي بس أنا أقول ليها روحي تطمني على رفيقتش شوفيها شخبارها لأن أمس مسكينة كانت خايفة من الحادث اللي شفناه
الأم مليحة: لا حول الله وفي وينه الحادث ؟
حسن: على شارع المعارض والله ستر محد مات
الأم مليحة: أي الحمد لله على كل حال
زينب: ويش الحين أمااه اروح اليها؟
الأم مليحة: أي روحي ليها يا بتيي شوفي وش اخبارها
زينب اتشققت وتوها بتمشي الا حسن ساحبنها من شعرها
زينب: آآآآآآيي هدني هد الله بطنك عورت راسي
حسن: قبل لا تمشين اعطيني العمولة
زينب: أي عمولة انته بعد!!
حسن: عمولة الجدبة اللي جدبتها على امي وخليتش تطلعين
زينب: أي أفاا عليك تستاهل .. وتقوم بسرعة وتشرد عنه
حسن يصارخ: ما عليه يا زنبوو براويش طيح الله حظش عجل تقصين عليي ها
في بيت حجي مكي
بالتحديد في حجرة زهرة
زهرة: والله زين اللي جيتين ليي لأني متملله حدي
زينب: وشخبارش اليوم بعد سالفة أمس؟
زهرة: أووو يعني لازم تعكرين مزاجي .. سالفة أمس نسيتها بس أخوش المصرقع مستحيل أركب اركب ايااه مرة ثانية.. عساني لو أموت في البيت من الملل ما اطلع وهو ايانا
زينب: بل بل بل كل هالكره شايلتنه على أخوويي مسكين
زهرة: وسجينه انشاءالله قاعدة تدافعين عنه ولا كأنه مسوي شي
زينب: خلينا من هالسالفة الحين بقول ليش شي مهم صار امس عقب ما نزليتن من السيارة
زهرة متحمسة: وش صار!!
زينب: هاده الله يسلمش عقب ما نزلتين من السيارة وشدختين بالباب ودخلتين بيتكم....
زهرة: حلفي عاد بتقولين السالفة عدل لا اطير وجهش الحين بكف محترم
زينب: انزين انزين اعصابش.. بقول
زهرة: يلا قولي اني اسمع
زينب: صدق والله واني طول هالمدة عبالي انتين صمخه
زهرة: انتين صدق ما تنعطين وجه
زينب: وش فيش بس خلاص بقول .. أمس لما نزلتين قعدت احاسب أخوويي حسن على اللي سواه وبعد ما خلصت من حسابي ايااه قال ليي شي عنش وانصدمت منه لما سمعت منه هالشي
زهرة بخوف تقاطعها: وش قال عني؟؟
زينب: وش فيش خايفة!!
زهرة: مو خايفة ولا شي كملي انزين قولي وش قااال
زينب: قال انه انتين حليوة بس مغرورة وشايفة روحش ما يندرى على ويش
زهرة بارتياح: مو شي جديد ادري اني حليوة بس مغرورة لا شايف روحه مغرور عباله كل الناس مثل.. والله عاد كل من يرى الناس بعين طبعه
زينب: وش قصدش أخوويي مغرور.. لا حبيبتي أخووي التواضع فايض عنده
زهرة: أيي بااين
زينب: انزين سمعي انتين وش صار اليوم
زهرة: قولي انزين
زينب: قبل لا اجيي ليش قلت لامي عشان اجي بس ما رضت على قولتها انه امس شايفتنش حقويش اجي ليش اليوم بعد .. عاد أخوويي حسن من سمعنا نط في الوسطة وقال لامي تخليني أجي ليش
زهرة متفاعلة معاها: أي وبعدين
زينب: بعدين حسن قعد يكلمني بالعدال قال ليي روحي ليها شوفي اخبارها عاد اني استغربت يوم قال ليي جدي ولا يفوتش هو اللي جدب على أمي وخلتني اجي ليش..وتغير لهجتها إلى الفسحة : باعتقادكِ ما هو السبب الذي دفعهُ إلى ذلك يا أخيتي؟؟!
زهرة معاها على الخط: من الواضح يا أختي أنه يوجد تلاعب في الأمر؟؟
زينب: وضحي أكثر لم أفهم..
زهرة:الغباء ليس شيء جديد عليك يا بلهاء
زينب: نوريني بذكائك يا فطينة
زهرة رجعت للهجتتها: يعني أقصد انه أخووش شكله عجبته السالفة وناوي يقهرني أزيد
زينب: لا لا لا ما اعتقد جذي.. لأن من كلامه يبين انه متهم اليش
زهرة تعوج لسانها على السوري: حزرك.. يا خبر اليوم بفلوس بكرة بنلائييه ( بنلاقيه) ببلاش
زينب وياها: ضنك هييك!!
زهرة: اييه وبعدين لشوو كل هالإهتمام الزايد والحكي بلا طعمة خلصينا يا اختي وسكري السالفة
زينب: اييه مو على نافوخي.. انتي تأمري أمر
وقعدوو يسولفون ويهروون الى الساعة 9 وبعدين زينب راحت بيتهم وصادها حسن وحصلت جم كف من الزين..
وطافوو هاليومين على خير وجاا يوم الأحد بداية الإسبوع اللي هو أول يوم لدوام حسن..
تحياتي
رد مع اقتباس
المفضلات