في المجلس
عند حسن وكريم
كريم: وينه وديت ولدي..لا يكون ارتكبت في جريمه!!
حسن: مالت عليك...اكو في الصاله قاعد ويه اختي
كريم: روح جيبه لا يغربلها...هذا شيطان وكله يعفس
حسن: خله اياها اكي هي مستانسه ابه...تحب الجهال هي...وبعدين وش بيسوي يعني..خله يعفس البيت بيته
كريم: كيفك عاد بعدين انته الي بتعدل الي يعفسه
حسن: انزين انا بخليك شوي وبجي
كريم: اقعد عااد..كل شوي خليتني بروحي ورحت
حسن: صبر عاد بروح اجيب شي ناكله وبجي
كريم: صدق ما تستحي...يعني لو انته ما تبي تاكل شي جان ما جبت
حسن: ما برد عليك....وراح عنه
راح حسن المطبخ الى امه عشان تجهز ليهم العلف..ويروح يعلف هو ورفيقه
في الصاله
عند زينب وحسين
حسين: يلا أنوووب انا بركض وانتين تعالي ثيدينيي
زينب: اوكي
وقعد حسين يركض في الصاله..وزينب تركض وراه بسرعه اقل من سرعة حسين
جاف حسين باب الصاله مفتوح وراح طلع بره
زينب تلحق وراه بسرعه: حسوون لا تعااال لا تروح بررره تعااال
حسين يضحك: ههه تعاليي ثيدينييي وييييييو وييييو
طلعت وراه تركض صوب المجلس الخارجي...وكان باب المجلس مفتوح....
كريم اول ما شاف باب المجلس مفتوح راح يركض بيدخل داخل...وزينب تركض وراه وهي ما تدري انه كريم قاعد هناك...
دخل حسين المجلس يركض ووراه زينب ........
فجأة وقفت زينب متيبسة مكانها...تبي تتطلع من المجلس بس حست انه رجولها منشله...مو قادره تحركها
ومن الطرف الثاني كان كريم واقف مثل المسبه ويطالع فيها...حس بدمه يمشي في جسمه...وحسين يحرك ايد ابووه
حسين: باباااا
كريم مفهي ولا يدري بالدنيا...وزينب استوعبت الموقف...وبحركة سريعه طلعت من المجلس تركض الى حجرتها
حسين يصارخ: انووووووووووب تعااااالييي لا تحاافين هاده بابااا
كريم انتبه لصراخ حسين...وحس على روحه...انا وش سويت..قعدت اطالعها وانا مفهي..المفروض ما اطالعها..حررراام..يا ربيي وش سوييت...الحين حسن لو يدري وش بيسووييي فيهااا
حسين يصيح: بابااا دوول ليها تقعد ايااناا...انا ابيي انووووب
كريم: خلاص بابا لا تصيح...ما يصير تقعد اياناا بس خلاص اسكت الحين بخلي حسن يوديك ليها
ودخل حسن عليهم وهو شايل اياه الصينية
حسن: ويش فيه حسين يصيح...لا يكون ضربته
كريم: لا بس هو يتدلع...يبي يلعب ويه اختك عباله من قده
حسن: انزين وش صار تعال تعال بوديك ليها
كريم: ما عليك منه هالدليع خله خله يقعد
حسن يطالع حسين: قوم قوم بوديك اليها
حسين: انا ابي انوووب
حسن: أي قوم بوديك الى انووب على قولتك
وبعدين قعدوا كريم وحسن ياكلون وهم يطالعون التلفزيون وبعد ما خلصوا طلع كريم وحمل اياه ولده حسين بصياحه لان واجد تعلق بزينب ومو راضي يطلع الا اياها...ولين ما وصلوا البيت وحسين على هالحال يصيح ويقول يبي انوووب
حسين يصيح: انا ابي انوووب تنام اياايييي
كريم: والله انته غربلتني بس خلااااص اسكت باجر باجر بجيبك اليهاا
حسين: مانا مانا..ابيها تنام اييااييي
كريم: ما يصير يا ولد الحلال ما يصييير جيفه تنام اياااناااا
حسين: انااا ما عندي ماما انا ابيها تصير مامااتي
كريم كسر خاطره حال ولده: من قال ما عندك ماما اكي الماما في البيت>>>كريم يقصد امه
حسين: لااا هاتي مامتك مو مامتييي انا ابي ماماا لييي
كريم مو عارف وش يسوي ايااه...ومو يقدر يشوف ولده يصيح ويخليه..فاتصل بحسن
كريم: الووو حسن انقذنييي
حسن: ويش صاير عندك...حسين للحين يصيح!!
كريم: اييي ومو راضي يسكت ..الا يبيي انووب يقول يبيها تنام ايااه
حسن: ههههههههههههه جان خليته ينام عندنا عجل
كريم: احلف انته بس
حسن: والله..وش فيها يعني الا هو جاهل وشكله اتعلق فيها بسرعه
كريم: اييي..الحين انا وش اسوي ايااه مو راضي يسكت...والله راسي عورني
حسن: لو انته الحين معرس...جان ارتحت من عوار الراس
كريم: انا في ويش وانته في ويش...تباني يعني الحين اقوم ادور ليي عروس واملج عليها عشان الشيخ حسين يسكت
حسن: انزين صبر صبر...بروح اعطي التلفون لاختي وخله يتكلم اياها شوي...بخليها تتحايل عليه لين ما يسكت
كريم ارتاح: اوكي يلا بسرعه عاد
زينب تكلمت مع حسين شوي لين ما هدأ وبعدين سكرت من عنده
حسين يعطي ابوه التلفون وهو مستانس:هاا بابا
كريم: هاا مساعه مزلزلني بصايحك والحين مستانس!!
حسين يهز راسه: اييي...انا احب انووب وهي تحبني...انته بعد بابا تحب انووب!!
كريم: هااا...انا...انا حبيبي احب الي تحبهم
حسين: انووب دالت بتديب ليي هديه ابييييره
كريم: واناا بعد ابي هديه
حسين: تبي بابا!!
كريم: أي مو بس انته
حسين: انذين...اتثل ليها بدوول ليها اتدييب ليك هديه
كريم: ههههه الله يغربل بليسك..انته بتفضحنا ...نام يلا نام
رد مع اقتباس
المفضلات