الجزء الخامس عشر
في بيت حجي مكي
حان الوقت الموعود
العائلة الكريمة قاعدين ويتنتظرون عريس الغفلة ..زهرة متوترة وزينب يا زعم تهديها..الجدة متشققه حدها ..وحجي مكي وفخرية كانو فرحانين لأن بيتهم بتعرس برضاها ..وهذا اللي كانو يبونه عن المشاكل
كسر هالصمت صوت الجرس...زهرة زاد توترها عن قبل..وقبلها يدق مثل الطبوول..تخاف تفشل هالخطة وتورط عمرها..>>>ما حسبت حساب للي جاي...يا خوفي هالنبيه تندم
دخلوو الرجال المجلس والنسوان قعدوو في الصالة..كل وحده تسأل عن أخبار الثانية وضحك وسوالف...بعدين حجي مكي راح ينادي على زهرة عشان تشوف ولد عمها في الصالة الثانية
دخلت زهرة الصالة ..وأول ما دخلت شافت شخص قاعد بهيبته وكشخته ورزته...يمعني بمعنى الكلمة شخص يسحر..أعجبت فيه...سلمت عليه وقعدت في بداية الصالة على الكرسي وهي منزلة راسها>>>تستحي البنيه
علي: شخبارش زهرة؟؟
زهرة مستحية: زينه
علي: وشخبار الإمتحانات اللي طافت؟؟
زهرة: الحمد لله
علي: يعني بتطلعين من المتفوقين؟؟
زهرة: إنشاءالله
علي: أي أنا ابي مرتي تكون شاطرة ودايما تكون من الأوائل
زهرة هني استحت...ما عرفت وين تودي وجهها..تمنت الأرض تنشق وتبلها..ولا تكون مقابلتنه ويسمعها هالكلام>>>هذا وما قال ليها شي وصارت جدي عجل لو يقول ليها من كلام الحب وش يصير فيها..جان الله يستر
علي: وش فيش ساكته جدي..يعني انتين لهدرجة هادئة!!
زهرة: لا بس مو متعودة عليك
علي: انزين ما بتسأليني عن أخباري؟؟
زهرة اتفشلت: مسامحة نسيت..شخبارك؟؟
علي: وهالشي ينسى يعني..انا تمام الحمد لله..زين دامني مقابل الزين
زهرة في خاطرها: ما ادري اقوم افلعه بالقلاس اللي قباله..قاعد ويتغزل فيني بعد..عيني عينك
علي: انزين خلينا ندخل في الموضوع
زهرة تستهبل: أي موضوع؟؟
علي: ليش ما تدرين؟؟
زهرة: وش صاير؟؟
علي في خاطره: هادي تستهبل والا ويش؟؟
علي:عن موضوعنا انا اياش..الخطوبة
زهرة بعدم اهتمام: ايييي عبالي شي ثاني>>>بدت تطبيق الخطة الجهنمية
علي:شي ثاني؟؟مثل شنو؟؟
زهرة: لا ولا شي...
علي: امممم..انزين انا قالوو ليي انش تبين تكملين دراستش
زهرة: طبعا أكييد بكملها ...عجل تبيني أصير متخلفه
علي: أي ما قلنا شي..وانا بعد أبي مرتي تكون متعلمه وفاهمة..وش تفكرين تدرسين في الجامعة
زهرة: أي جامعة؟؟ تقصد مدفنة البحرين؟؟
علي: أي..لو انتين مفكرة تروحين جامعة خاصة؟؟
زهرة: نو نو نو أني ما ابي اروح جامعات في البحرين...البحرين كلها على بعضها فاشلة..أني وحده أفكر أدرس في الخارج..وإنشاءالله بخلي البابا يطرش أوراقي لهم بأسرع وقت
علي: نعم نعم نعم ..تبين تدرسين في الخارج بعد؟
زهرة: أي..عجل حلال عليك وحرام علينا
علي: لا اني ما اقصد جدي..بس تدرين انه خطوبتنا بتصير هالصيف.وأنا شغلي هني في البحرين.شلون أخليش تروحين بروحش بره تدرسين
زهرة: هههههه عادي...اني بروح ادرس ما بروح العب..وبعدين هذا يسمون انفتاح..عجل وين اللي يقولون انك واحد منفتح ومتطور ودارس في امريكا..الحين اللي دارس في أمريكا يكون جدي؟؟
علي: لاا صدق والله ...وتبني أقعد هني وأخليش تروحين هناك بروحش؟؟
زهرة: أي وش المانع!!
علي: اووكيي عجل ملجتنا بخليها اسبوع الجاي وإذا ملجنا بكون انا الوصي عليش..يعني ما تقدرين تسافرين بدون شوري
زهرة: هاهاهاهاها خبرك عتييق....الحين عدلوو القوانين وصرنا مثل أمريكا
علي: هذا عاد في قانوش انتين..وهالكلام ما يمشي عليي>>> بل عصب الرجال..جان ما يصير ضرب البوكس الحين
زهرة:أي وعلى فكرة نسيت أقولك...أني وحده مااادية لأبعد الحدوود...يعني كل صيف لازم أزور على الأقل 10 دول أجنبية..و 6 دول عربية
علي بيموت ضحك عليها: أي بت كانوو وانا ما ادري
زهرة: لا بت حجي مكي
علي: زين بعد عرفتين روحش بت حجي مكي مو بت كانوو..أقول يا الحلوة صورايخش لا تفلتينهم عليي أنا
زهرة انقهرت منه بس حبت تطفشه أزيد: هاهاهاها وش قالو ليك إسرائيل أني
علي: يا ربي عليش انتين من وين طالعه
زهرة: من بطن أمي وااهااا
علي: سخيفة
زهرة: بس مو أسخف منك يا الدب>>> صدق جهال
علي:هادي اللي بتطلعني من طورييي...انا وش ليي اتقدم لوحده جاهله
زهرة: محد جاهل غيرك..واذا اني جاهله على قولتك لا تاخدني
علي: هاااا هذا اللي تبينه انتين..ويوم انش ما تبيني ليش وافقتين عليي عجل
زهرة:اني ما قلت ابيك ولا قلت ما ابيك ... بس قلت بشوفك اول
علي:لا من حقش تشوفيني وتوافقين وترفضين وتطفرين بي
زهرة: أي طبعاً
علي: واثقة من روحش واجد له!!
زهرة تتفلسف: يعني وحده مثلي وش تتوقع تكون..أكيد واثقة من روحي
علي: من حقش
زهرة رافعه خشمها: أدري
علي: أنزين أنا قررت القرار النهائي...تحبين تسمعينه أو لا
زهرة مستناسه في خاطرها: أكيد قرر ما ياخدني
زهرة: أووف كوورس أبي أسمع لأن واجد تهنمي قراراتك
علي: انا قررت بما أني أنا وانتين مو متفقين في شي...وفي كلشي مختلفين..قررت انه من باجر نروح نسوي فحص عشان نبي نسوي الخطوبة في أسرع وقت>>> طااع النذالة
زهرة انصدمت ووقفت: هااا وش قلت!!..أقين اقين ما سمعت
علي: من قال ها سمع
زهرة بتستجن: انته الجين تووك تقول احنا مو متفقين شلون ناخذ بعض؟؟
علي: أي كيفي انتين عاجبتني
زهرة: واني مو موافقة
علي: لا يالحلوة...انتهى وقتش..انتين وافقتين عليي من البداية والكل موافق يعني الحين رفضش ما بيغير شي من الموضوع
زهرة: بس القرار الوحيد يرجع ليي انيي
علي: الحين قرارش صار مو مهم بالنسبة للباقي..ومثل ما قلت ليش من باجر بمر عليش وبنروح نسوي فحص
زهرة: ماني رايحه
علي: مو على كيفش يالحلوة وانا الحين بقول لابووش وخلاص بنحدد كلشي..يلا الحين يالشطوورة روحي نادي على الباباا..يلا عفية عليش
زهرة منقهرة حدها عليه...خاطرها تسدحع في الارض وتطيح في طراقات وبوكسات
طلعت من الصالة وراحت الصالة الثانية وقالت لامها عشان تقول لأبوها..وراحت حجرتها
زهرة: اني وش سويت في روحي..اني غبيه..ما فكرت وش بيصير ليي بعدين...غبيه.غبية ..غبية>>>مسكينه صار اللي ما توقعته
طبعا صار اتفاق بين الجماعه انه على الساعة 9 الصبح يروحون المستشفى عشان الفحص..وزينب من سمعت بالخبر وقفت مكانها مصدوومة...ما تعرف وش تسوي..لكن خلاص صار اللي صار...وحسن من عرف بالخبر انهاار وصار له هبووط وطاح عليهم..نقلوه إلى المستشفى وكان طبعا في العناية لأن حاله ما يبشر بخير...زينب من شافت اللي صار لأخوها في هالفترة شكت انه اخوها يحب زهرة...وهالخبر هو اللي خلاه يوصل الى هالحال...تمنت انه خطوبة زهرة ما تتم
خلاص الحين طلح الفاس في الراس
والخطة ما نجحت
وش بيصير لحسن..بينسى اللي صار لو بيظل يتذكره على طول؟؟
وزينب شلون بتقدر تستمر مع حسن
تحياتي
رد مع اقتباس
المفضلات