صـــــــــــــــوره و إيـــحــــــــــاء

[أنيـ القلب ـن]

تعبت انا انثر هم قلبي على الناس
وتعبت ادور للحقيقه... حقيقه
يلعن ابوه شعور لابوه احساس
لاجيت اسوي من جراحي ... حديقه
شف لي طريقه لاغدا دربنا ياس
تعبت انا ترديد (شف لي طريقه)


ماعاد ياسع للحزن اي كراس
وماعاد قلبي يحتمل أي ضيقه
شفني رشفت من الغرابيل كم كاس
والصبر مابلت أمانيه ... ريقه
أكبر مصيبه طيحه إنسان حساس
تسوى بعيني موت كل الخليقه
أكذب على نفسي إذا قلت لاباس
والباس أصلا من زهوري رحيقه
صعبه تشوف بعينك الحلم ينداس
كنك تطفي من دموعك حريقه
الموت ماهو لا انحنى للتعب راس
الموت نفسك لا انحنت للخليقه
كل الدروب اشوفها ياس في ياس
سايق عليك الله (شف لي طريقه)