ههههه عسكري

يلا اللحين بحط الجزء العاشر

الجزء العاشر
.
.
.
يدتي .. يدتي ..
شيخه : ها حبيب يدتك .. شو بغيت ..؟
سعيد : عطيني بيت شعر يتكلم عن الشكر ..
شيخه : أوليتني نعماً أبوح بشكرها * وكفيتني كل الأمور بأسرها
فلأشكرنّك ما حييت وإن مت * فلتشكرنّك أعظمي في قبرها
طبع قبله على رأسي وقال :
مشكوووورة يا أحلى يدة في العالم ..
.
.
.
هذا حفيدي الغالي ابن الغالي خليفه ..
.
.
.
وصلنا في حلقتنا السابقة ..إلى .........................
قلت : بخير أنـته شحالك ..؟
حمد : الحمدلله .. ها شخبار العزيمه ...؟
قلت له : زيــــ...........................
.....................: تسلم عليك ...!!!
التفت لمصدر الصوت
ففتحت عيني على وسعيهم ..
اتدرون من كـــان ....؟؟
عينان تنظران إلى بكل شر .. التفت إلى حمد ونظر اليه باحتقار ..
ثم وجه كلامه إليـــ :
يالله لمي قشارج .. اترياج عند الباب ..
تدخل حمد وقال :
لا تفهم السالفة غلط ..
رفع يديه وكأنه يقول له اصمت .. ثم قال :
كل شي واضح جدامي .. ومايحتاج أحد يفهمني ..
انسحب حمد ونظراته الموجهه إلي تحمل شتى أنواع الأسى ..
لم أكن استطيع الحركه ..
بل تمسكت بالحدائد التي تفصل الجدار ..
وكأنها طوق النجاة بالنسبة ليــــــ ...!!!!
امسك يدي بكل قوة وغرز اظافره فيها
وقال بتحدي :
مب صالح اللي تخونه حرمه ..
( ونظر إليــ باحتقار )
ثم قال : وحده شراتج ماتسوى ولا فلس ..
..................: هـــا صالح مارمت تصبر عنها ...
شو الحركات بعد من الدرايش وحالتكم حاله ( وابتسمت )..
صالح بتصنع وااضح : هيه .. شو نسوي بعد ..
(( كانت هذه خالة صالح .. اتذكرونها ..؟ أم عفرا ...!!!! ))
صالح : يالله شيخه .. انا بروح البيت تعالي وياي ..
تدخلت خالته وقالت :
أفا يا صلووح .. ليش بتروح البيت ..؟
صالح : تعبان ..
ام عفرا : خلاااص انزين .. انته رووح .. وانا بوصلها البيت ..
صالح : مب مشكله .. مافي داعي اتعبون عماركم ..
انا ساير ومرة وحده بتي وياي ..
ام عفرا : صلووح لاترادد .. خلاااص انته رووح وارتاح ..
( غمزت له )و لا تخاف الأمانه بنسلمها بأقرب وقت ..
صالح بقلة حيلة : خلاااص عيــل .. يالله من رخصتكم ..
.
.
.
صالح :
انتي طاااااااالق ...!!!
شيخه : شو ..؟ وولدك ..؟
صالح : انا بربيه ..
قلت له باستهزاء :
انته بتربيه ...؟ على شو بتربيه ..؟
صالح :
ولدي وانا حر .. اربيه عاللي ابغيه ..
وانتي شلي قشج وماابغي اجوف رقعة ويهج في هالبيت ..
قلت له والدموع في عيني :
انزين ليييش ..؟ انا ماسويت شي ..؟
صالح :
كل هذا وماسويتي شي ...؟؟
لييش بقى شي ماسويتيه ..
وقفت له وانا احاول ان اتكلم بهدوء :
صالح .. عطني سبب واحد يخليك تقول جيه ..
صالح باستهزاء :
سبب واحد ..
قولي عطني الأسباب ...!!!
(ونظر إلي باحتقار )
ولو إنه ماله داعي أقول .. روحج تعرفين سواد ويهج ..
شيخه :
لايكون تقصد حمد ..؟
صالح :
ولييش كم واحد عندج غير حمد ..؟
قلت له بكل أسف :
صالح .. انت ظلمتني ومع الأيام بتعرف ..
صالح :
ظلمتج ..؟ شقايل ظلمتج وانا شفتج بعيني ..؟
شيخه :
شفتني ..!!!! .. مجرد سلاااام .. ولا السلام هالأيام صار منكر ..
صالح :
بس هي مب مره ..
هاي ثاني مرة اشوفج وياه ...!!!
قلت له باستغراب :
ومتى شفتني واقفه وياه ..؟
صالح :
ذاك اليوم .. تذكرين يوم ييت بيتكم واتضاربنا انا وياج ..
وكنتي خلاااص ناوية توصلين السالفه للطلاق ..
( ونهض .. واخذ يتحرك في الغرفه )
انا شفتج واقفة وياه عند باب البيت .. وماتتصورين بشو حسيت ..
كنت ناوي ايي واضربه .. واسويله فضيحه مالها أول ولا تالي ..
لكن فكرت فيج ..
( التفت الي وقال )
شيخه ماتتصورين مكانج في قلبي ..
مااجذب عليج إذا قلت لج إني ................. !!!؟؟
امممممممم اني ..... احم .. إني حبيتج ..
قلت له : شو ..؟ حبيتني ..؟
صالح :
هي حبيتج ..
شيخه .. تعرفين كم فرق بيني وبينج ..
( تنهد ثم أكمل )
بيني وبينج 20 سنه ...
(( يا الله .. 20 سنه .. الآن عرفت سر الشيب الذي يكتسي رأسه ))
لكنج قدرتي تحببيني فيج .. على صغر سنج ..
عقلج كبييير ..
يمكن اكبر من عقلي انا اللي اكبر عنج ..
( ثم فتح يديه كالذي لاحيلة له )
لكن خلاااص .. انتي شكلج تحبين حمد وهو يحبج ..
ولأني احبج وابغي سعادتج طلقتج ..
ثم سرح في الجدار وهو يقول :
الله يهنيكم..
قلت له وانا احمل كره العالم كله في قلبي :
استعجلت ياصالح .. وظلمتني بأفكارك ..
أنا مابيني وبين حمد أي شي ..
حمد مايربطني فيه لاحب ولا اي وهم من اللي في بالك ..
حمد مجرد ولد ام حمد يارتنا ..
وكلامي معاه .. مثل كلامي مع أخوي ..
ومدام إنك اعترفت إنك شاك فيني ..
هالوقت ..
حتى لو انك ماطلقتني ..
كنت بروحي بطلع من البيت ..
لأني مااستحمل اعيش مع انسان مريييض ..
مرييض بمرض الشك والأوهام ..
.
.
.
دخلت امي الغرفه وهي تقول :
شيخه يابنيتي مب زين هاللي تسوينه ..
يالله اطلعي الريال يترياج برع ..
قلت لها :
ماابغي .. خلاااص ياامي ماابغيه ولا احبه ..
امي بحده :
شيخه قومي عن الدلع ولا ازقر ابوج الحين ..
قلت لها بعناد :
عاد هالمره بالذات ابغيج تزقرين ابوي ..
عشان يضربني ويطيح اللي في بطني وافتك بالمره من صالح وكل شي يخص صالح ..
مع محاولات صالح المتكررة في ارجاعي ..
وكما تعلمون عدتي حتى ألد ..
لذلك هو يستطيع ارجاعي خلال فترة حملي فالعدة لم تنتهي ..
إلا أنني اتخذت الموقف الصواب ..
وهو أنني لن أرجع ..
مستحيييل أن أرجع لهذا المريض ..
.
.
.
زارتني سلامه ذات يوم ..
سلامه : فديتج والله شواااخه .. ماتستاهلين اللي يستويلج ..
والله عين وماصلت عالنبي ..
عيــل منو يصدق في سنه تتزوجين وتتطلقين وبعدين تتزوجين وتردين تطلقين ..
تنهدت بعمق وقلت لها : خليها على الله ..
سلامه : ماقلتيلي .. شو سبب طلاقج من صالح ..
(( ماذا اقول لك .. هل أقول أن السبب الأول والأخير تصرفات أخيك الطائشة ))
قلت لها : ربج كاتب ..
سلامه : والنعم بالله ..
بس تدرين .. حمد اخوي زعلااان على شانج واايد
(( كنت اقول بيني وبين نفسي .. لازم ..!!! .. أليس هو السبب ..؟ ))
واكملت : ووو ( صمتت وكأن لسانها زل ولكنها تداركت زلتها )..
قلت لها باستغراب : وشو ..؟
سلامه : لا لا مافيه شي ..
قلت لها بحده : سلووم .. قولي شو فيج ..؟
سلامه بانصياع : أوكي بقولج بس وعد ..
لاتحطين السالفة في بالج ولا تاخذبن بخاطرج ..؟
قلت لها : وعد ..
سلامه : الصراحه حمد يبغي ياخذج بعد ماتربين ..
قلت لها : شوووو ..؟ ياخذني ..؟
سلامه : هيه و يقوول إنه يحبج .. ومستحيل يخليج تفلتين من يده هالمره ..
لكن ..........
قلت لها باستفسار لايخلو من فضول : لكن شو ..؟
سلامه : الصراحه أمي مب موافقه .. وقومت البيت وليومج ماقعدته ..
بس عشان هالسالفه ..
قلت لهابأسى : عشان مطلقه مرتين ..؟
سلامه : مااعرف والله .. بس فديتج شواااخ ماعليج من كلام اي احد ..
والله يقومج إن شاء الله بالسلامه ..
ويخليج لبنتج سلامه إن شاء الله ..
قلت لها بمزح : ع كيفج بعد سميتيها سلامه ...!!!
.
.
.
هذا هو خليفه يبصر النور ..
ابن قلبي ..
الذي وضعني تحت الأمر الواقع ..
الآن لا أكذب عليكم إني لا أعلم كيف سأربيه ..
وماذا سأعلمه ..
اسمه خليفه صالح ..
ولكن أين صالح عنه ....!!!
.
.
.
تأملت ابني ..
يشبه أباااه كثيراً ..
انسكبت دمعه حارة من عيناي على خد خليفه ..
الذي حرك عيناه ..
ربما ظنّ أن الجو ممطر J
.
.
.
........ : احم .. هود .. هود .. يا أهل البيت ..
ودُّق باب الغرفة ..
جلست معتدله ..
لأني أعلم من صاحب الصوتــ ..
ولففت وشاحي بشكل جيد على رأسي ..
ثم قلت : اقرب ..
دخل وترك باب الغرفة مفتوحاً ..
صالح : السلام عليكم ..
شيخه : وعليكم السلام والرحمه ..
صالح : شالأخبار .. إن شاء الله طيبة ..
شيخه : الحمدلله بخير وسهاله ..
(( ومددت اليه خليفه .. دون أن أرى وجهه ..
فقد كنت اكلمه ونظري موجه لخليفة فقط ..!!!!))
صالح : شو سميتوه ..؟
شيخه : خليفه ...
حمل خليفه وأخذ يداعبه ..
هنـــا استغللت انشغاله ..
ورفعت نظري ..
لأرى مافعلت الأيام بصالح ..
ازداد وقاراً .. واكتسح الشيب رأسه ..
مع أنها مجرد شهور التي لم أره خلالها ..
لم أشأ أن أمنعه من أبنه ..
فهذا حقه ...!!!
.
.
.
أمي : آآآآه .. تعبت .. السلام عليكم ..
الجميع : وعليج السلام والرحمه ..
(( كنت انا وشمسه ونورة واحمد جالسين في الليوان ))
شيخه : ها أمي شخبارها أم حمد ..؟
امي : طايرة من الوناسه على ولدها إنه بيعرس بعد هالسنين ..
ابتسمت لأمي وقلت : الحمدلله .. الله يسعدهم دوم موب يوم
.
.
.
نذهب خمس سنوااااات للأمام ..
وبالتحديد ..
يوم وفاة أبــــــــــــــي ..
خليفه : أمااايه .. أمااايه .. في واحد يبغي يكلمج ..
قلت له : شو ..؟ ومنو هالواحد ..؟
خليفه : ماادري .. قاللي ازقر امك ..
قلت له : وانته اي حد بيقولك ازقر امك بتروح تزقرها ..
يالله سير وقوله منو انت ..
خليفه وقد تغيرت ملامح وجهه إلى الغضب :
ماابغي .. إذا ماتبغين اتسيرين كيفج ..
وذهب عني ..
قلت في نفسي ..
(( ياربي هالولد بيخبل بي .. عنيييييييد ماادري طالع على منو ..؟ ))
ادخلت شعري داخل الوشاخ واحكمت لفه لأرى
من هذا الرجل الذي يريدني ...؟؟
.
.
.
ياترى من هو ..؟
ترقبوني