عندي(طلب)اذا ممكن

[نبراس،،،]

السلام عليكم اخواني واخوااتي
لا احد يضحك علي زين لاني ما افهم في هذي الشغلات ابد
ابغي اعرف طريقة الكتاابه على الصوور بالتفصيل الممل
تعرفووا اخووكم ما يفهم عدل
لاني حااولت ودوورت بس داار اراسي ولا عرفت
اتمنى ان احصل على الاجاابه سريعا لاني ابغي انزل صور
بس متعطل على هذي الشغله
تقبلو تحياتي
دمتم بالف خيير

[ملاك الورد ..~]

وعليكم السلام ورحمة الله وبركاته

بصراحة ضحكت فياريت تبري ذمتي

بس ياريت تقول لي اذا عندك برنامج فوتوشوب او لا

واذا مافيه فوتوشوب ممكن نعلمك على الرسام مو مشكلة

بانتظار ردك

[نبراس،،،]

وعليكم السلام ورحمة الله وبركاته

بصراحة ضحكت فياريت تبري ذمتي
انا قايل ما ابغي احد يضحككك علي لكن
بس ياريت تقول لي اذا عندك برنامج فوتوشوب او لا

واذا مافيه فوتوشوب ممكن نعلمك على الرسام مو مشكلة
لانش ضحكتي علي فعقااباً لش
لا زم تشرحي لي الطريقتيين هههه يالله يالله مالي شغل

بانتظار ردك

نوارة الدنيا
مشكووره خييه وبنتعبش شوييه لأني ما افهم شيء
فلازم تشرحي لي بالتفصيل الممل
تقبلي تحيااتي

[ملاك الورد ..~]

طيب خلينا نبدأ معك خطوة خوة

الصور الي تبغي الكتابة عليهم اكيد موجودين عندك على الجهاز وعارف وين مكانهم

1 - تفتح برنامج الفوتوشوب
2 من قائمة file نختار open
او بمجرد ما يفتح البرنامج تضغط ctrl+ o
او انك تسحب الصورة الى البرنامج

راح تفتح لك نافذة اسمها Open منها تقدر تحدد المكان الي انت احتفظت بالصورة فيه وهذا شكل النافذة


منها تحدد الصورة الي تبي تشتغل عليها وبعد كذا تضغط Open وراح تفتح معاك الصورة في البرنامج

[ملاك الورد ..~]

هنا نافذة للبرنامج وضحت عليها الادوات الي تحتاجها للكتابة

1 - نختار لون الخط بالضغط على المربعين الي فوق بعض راح تطلع لك نافذة لاختايار اللون وهذا شكل النافذة الي راح تختار منها اللون

بعد ماتختار اللون المناسب
تختار الحجم حسب ذوقك وبرضو نوع الخط الي يناسبك

يتبع

[ملاك الورد ..~]

نتأكد ان احنا مختارين أداة الكتابة
ونجي للصورة وبالضغط على زر الفارة نسحب لعمل مربع داخل الصورة مثل ماهو موضح هنا

ونكتب الاسم داخل المربع
وبعد مانخلص من كتابة الاسم
نختار اداة التحريك الي هو السهم الاسود ونحرك الكتابة للمكان الي نشوفه مناسب
وبكذا نكون انتهينا من كتابة الاسم على الصورة
لحفظ العمل
file ......save as
راح تفتح لك نافذة تختار منها هذي الخيارات
امتداد الصورة
اسم الصورة
مكان حفظ الصورة

بعدها تضغط حفظ او save
وبكذا نكون انتهينا
وبس

[ملاك الورد ..~]

للكتابة في برنامج الرسام
البرنامج نلاقيه مع البرامج الملحقة وايقونته بهذا الشكل

استخدام هذا البرنامج جدا سهل في الكتابة

1- تفتح البرنامج
2 - من قائمة file نختار open بعدها نختار الصورة الي راح نكتب فيها
3- نضغط على علامة A من صندوق الادوات
4- نختار الخيار الثاني
5- نختار اللون المناسب للكتابة
6 - نختار مكان الكتابة المرغوب فيه ( بهذا البرنامج مانقدر نحرك الكتابة )
7- نحفظ الصورة من file ...save as
وخلصنا
وهذي صورة توضيحية للبرنامج وكيفية الكتابة فيه



وسلامتك
واي سؤال عندك انا موجودة والاخوان اكيد ما راح يقصروا

[يوم سعيد]

أنا أنتظر أسئلة الأخ الفاضل/ نبراس لأستفيد أنا بطريقة غير مباشرة ، واقعاً الاستفادة من أخطاء الآخرين هو أقصر طريق لتحصيل بعض المعلومات ..؟؟
تحياتي
يوم سعيد

[نبراس،،،]

اهلا بك خييتي نواارة
والله شكلي تعبتش ظاهرا الامر صاار سهل
نشووف بالتجربه
رحم الله والديك يارب
دمتي بخيير


اخي العزييز يوم سعدييد
انا ما ني ساائل منشاان ماتستفييد امزح معااك
انا الحين باجرب واذا ماا عرفت الله يعيينكم علي
دمت بالف خييير

[ملاك الورد ..~]

ان شاء الله الامور تمشي معاك تمام
وتعبك راحة
واي سؤال ان شاء الله ما راح نقصر

[نبراس،،،]

ان شاء الله الامور تمشي معاك تمام
وتعبك راحة
واي سؤال ان شاء الله ما راح نقصر

الاموور مشيت تماام التماام
بس عندي سؤال الخط على الراسم اقدر اكبره او لا
لاني ما اشوف ايقونه لتكبير الخط
ان شاء الله سؤالي ما يضحك ههههه
تراني غشيم في هذي السوالف
اشكر لك جهدك
تقبلي تحياتي

[ملاك الورد ..~]

طيب راح اقول لك وبدون صورة

من عرض

اختار
عرض شريط ادوات النص
وراح يطلع لك شريط منه تقدر تغير في الحجم والنوع والسمك وغيرو

[حساسه بزياده]

أني عندي طريقه بسيطه جدا للي زيي مايعرفوا للمعقد
وأللي ماعندهم فوتو شوب>>
وهو اول شي تروح لصوره إنتر
وبعدين مره ثانيه إنتر
وبعدين بتشوف هالصوره قدامك

وتختار أداة الكتابه
بيصير لك على الصوره چديه


وتكتب إسمك أو ماتريد كتابته
وتحط الإسم في أي زاويه تريده
بالتحريك بالفاره

وتقدر تتحكم بالحجم واللون وتغير الإعدادات زي ماتبغى

أتمنى يكون شرحي واضح لأنها أول مره في حياتي أشرحها نظري

[نبراس،،،]

اختي نوااره
لك خاالص دعاائي ورحم الله وااليك
ماعلييه تعبنااش واجد بس استفدت كثيير من شرحكم
تقبلي تحيااتي دمتي بالف خيير

حساسه بزياده
طريقتكم شكلهاا بعد سهله اقدم لك شكري
وان شاء الله بعد الاختبارات احااول اتعلمهمه
تحياتي لك دمتي بالف خيير




احتااج لدعاائكم عندي اختباارين صعبييين واجد