قصة مــشــاعــر دعـــاء،،

[فرح]

زهره...اييه عليك بها ماكأنش مرببيتنه

كريم...حبت شوق على راسها

مرام..الف مبروك حبايب قلبي

كريم..يبارك فيش قربي مراموووه جوا اهل بسام لولا

مرام..جوووشفت الافي ذيك الجهه هذا هم بس اقوول طلعوووا خوش اودم ههههه كلمه باقيتنها من امي ام حسين هههههه

يللا صوره معاكم وبروح ليهم

كريم..مرامووه موتأشرين عيييييب

بسام..اتصل على اخته ابتسام

هلا هااا موخلاص له

ابتسام..خلاص انت بس اطلع بتلاقينا واقفين ننتظرك

مرام..ايلاويه مستعجلين ماشبعنا منكم

ام بسام..الايام جايه وان شاء الله نشوف بعض

ابتسام ومرام تبادلوباخذارقام بعض

ويللا نشوفكم على خير وربي يبارك ليكم

بسام....هاا اماااه كيف معاملة الجماعه ليكم

ام بسام..ماشاء الله عليهم اخلاق

ابتسام..قووول تحجى {تكلم} الزبده البنت عجبت امك

وارتاحت اليها اعترفي اماااه خليه يستانس

ام بسام ..ربي يكتبها من نصيبك

بسام..يعني متى بتقدموا اليهم

ابتسام..ولللل انت ويااخوها قول اليه كلمه بالموضوع

بسام..انا بكلمه بس لازم بعد اعرف ونحددموعدوياهم

ابتسام..تدري كيف اني بتصل ليها وبتكلم وياها وبعرف

اصرف

بسام..هاااا ابتسامووه موتخربين علي لاتشوفين ويش اسوي مع فؤاااادووووه ههههههه

مرتجى..كريم يبى حتى تروح وي اختك لتقديم اوراقها

في الجامعه

كريم..ان شاء الله بكره هي وبت عمها وانا افضل يبى

يجون وياي ويكملوا دراستهم برى

مرتجى..هذه عاد انتوا وكيفكم

مرام..هييييييييييييييه يعني يبى انت ماعندك مانع اني ادرس برى

مرتجى..اذا وياش اخوش ربي يوفقكم ان شاء الله

مرام..حبت راس ابوها وربي يحفظك يالغالي

كريم..جوالش مرامووه اخده

مرام من هذه ابتسام يعني ارد

مرام..لا لاتفشلني كريموووه واخذت جوالها

هــــــلا

ابتسام..هلا مرام كيفش واخبارش

مرام..الحمدلله كيفكم انتوا

ابتسام..تمامات يعني بخير ههههه مشغوله شي

مرام..لا ولو مشغوله مافيها شي عادي

ابتسام..عندي وياش موضوع

مرام..خير اتفضلي

كريم ...جالس ويسمع كلام اخته لانه عرف انها اخت بسام

دعاء...علي غناتي ويش فيك ايلاويه كله برى وماتقعدويانا

علي..شايفتني بنيه كل منخش في البيت

دعاء...بس اني اختك احتاج لك اتكلم وياك

علي..داكوا تكلمي ويارجلش

دعاء...بس اني الحين امبى اعرف هذه الصوره الاوياك منهوو شكله كبير

علي..ويلاويه تفشتي في اغراضي هاا

شوق..وانتوكله اشباق وصراخ

دعاء..اماااه تعرفي صاحب هالصوره

شوق...ضربت على صدرها يااااعلي ويلاويه مصور وياها

هذا النحيس ابو الشر فلاحوووه ويش الايقعدك وياه ومن متى تعرفه تحجى {تكلم}

{ولد تقريبا عمره 25صايع بلادراسه ولاعمل وله سوابق بالسجن}

علي...ماامشي وياه بس كنا قاعدين انا واصحابي نصور جى وقال بصوروياكم

شوق...بصدق كلامك بس والله انطلع كلامك كذب

علي...صدقيني امااه بس صوره ومااعرفه ومااقعدوياه

دعاء..طلعت بالصاله ماادري ايلاويه مومصدقتنك ياعلاوي

كريم..هااامرام خلصتي مكالمه ولللل صديقتش هداااره

مرام..هههههه طالعه على صاحبك لانها اخته

وراحت غرفتها

كريم..شك ان في المكالمه انه

بسام..اقول ابتسامووه ويش ردت عليش

ابتسام...كلم اخوها وتفاهم وياه

بسام..اييييه الحين بس ان شاء الله مووي زوجته وادق عليه

كريم..مرحبا

بسام..هلاوالله كيفك هااا بس مومع الاهل وخربنا عليك القعده ههههه

كريم..لاوالله في البيت

بسام..في عندي موضوع ومستحي افاتحك فيه

كريم..فهم على صاحبه عشرة عمر بس ينتظره يتكلم

خير خوفتني فيك شي تكلم بسوووم ويلاويه تستحي مابينا هالكلام وانت عارف محتاج شي

بسام...لايالحبيب مومحتاج شي بس الاهل يمبوا يجوا بيتكم

كريم...ظل يضحك ههههههه والله بموووت ضحك عليك بسوووم خلهم يجوا يتفضلوا البيت بيتهم ساعه تحاول تتكلم عشان ان الاهل بجوا

بسام...كريم بجوا حتى يتقدموا الى اختك

كريم..ايييه فهمت عليك من البدااايه البيت بيتكم باي وقت

بسام..خلاص عشان الليله الاهل عندكم بس كنت

اريدك تاخذ راي الاهل بالاول

كريم...مايحتاج انا بعطيهم خبر

بسام..يللا في آمان لله

كريم..خبر امه وابوه وان اهل بسام الليله بجوا يخطبوا مرام

مرتجى..والله واكبرتوا ياولادي ..

كريم..يبى ترى بسام مامنه رجال واهله خوش ناس

امه ربته وياخواته واحسنت الصراحه تربيتهم والكل يشهد

عاش وياي في الغربه والنعم فيه ومرام مراح تلاقي احسن منه

مرتجى...اذا علي انا ماعندي مانع بس اهم شي راي اختك

كريم..خلاص يبى خلي امر مرام علي انا الحين باكلمها

وعندي بعد صور اليه حتى تشوفهم

دق باب حجرة اخته

مرام..ادخل

كريم.. عندي وياش موضوع وافهميني زين....

ولنا لقاء ان شاء الله

توقعاتكم هل مرام توافق ع بسام..؟
وعلي ويش سالفته مع فلاحوووه..؟
لاتنسووني من دعااائكم احبتي

[فرح]

البارت رقم 27 والاخـــير..

كريم..اقدر ادخل

مرام...اكتفت بنظره وابتسامه

كريم..نتكلم جد خيه هذا صاحبي واخوي بسام

بجي مع اهله الليله وانتي اكيد عندش خبرصح

مرام..ايييه قالت لي اخته من اشوي

كريم...طبعا انا اخوش ويهمني بدرجه اولى سعادش وراحتش وبسام رجال وماعليه غبار مدين موبمعنى تزمت وكل شي عنده حرام لا ،،بس رجال ويعتمدعليه وهذه صوره

تراه جميل وحب يعندمع اخته اقوووول مرامووه موكأنه اجمل منش ههههههه يللا طالعيه وتمقلي بالصورواكيد هو مهم عنده تشوفوا بعض يعني النظره الشرعيه ،،يللا انا بطلع وفكري وشوفيه زين

ناس واجد يقولون ان فينا شبه من بعض ويش رايش انتي ترى حتى لعناد والتصرفات يعني مايمديش تفتكي مني على قولة امي ام سلمان ..غاب سندي خلفه عندي هههههههه

مرام...فتحت البوم الصور وظلت تصفح فيه وفيه صوره الى كريم وبسام ونفس الباس والالوان والحركه

صحيح فيهم ملامح من بعض

كريم...دق على دعاء

دعاء..هلا

كريم..هلا بشمس حياتي هلا بروح الروح

كيفش

دعاء..هلا كريم الحمدلله كيفك انت

كريم...وللللللللللللل جفاااف عندبت العم ماتوقعت

نفسي اسمع كلام حلو ينسيني عمري كله

دعاء..بصوووت شبه الوشوشه امي وياااي استحي

كريم..وانا ابوي وياي هههه امزح المهم حبي اشووي وبجي

اخذش اكيد عندش خبر

دعاء..اهاااا يللا حتى اجهز

كريم..بالاول اسمع كلمه

دعاء...بعدين باااااااااي

كريم...قريب من فريق بيت عمه تقريبا الشارع ضيق

لمح شله فيها اكبار وصغار ومن بينهم علي ولدعمه

علي...انتبه الى كريم ونخش{تخبى مابين المجموعه}

كريم..اكيد موعلي ويش يجيبه مع هالشله التعبانه يللا الحين

اشوفه اذا في بيتهم لولا

نزل من السياره ودخل بيت عمه كيفش مرت عمي

شوق..الحمدلله وياك بخير

كريم..مرت عمي وينه علي مااشوف اليه لوذه في البيت

{مافيه صوت اليه}

شوق...طلع وين بتروح ماردعلي صار اليه ساعتين

دعاء..هلاكريم

كريم..طالع دعاء وكل الهلا ماتكفي

طالعه مثل الشمس تضوي لي ،، يللا حياااتي

دعاء.. حبة امها يللا اماه مع السلامه

كريم..لحظه ناس وناس مابتحرك الااذا وصلتني

شوق...تضحك والله وطلعت غيووور هههههههه

لاتفشل بتي ،ربي يسلمكم ويحفظكم

في السياره...

دعاء..حبي كنت تسأل عن علي فيه شي

كريم..راح اخبرش بعدمااتاكد

دعاء..ايييه كريم اني بعدبخرك عنه فيه حركات صايره تصدر منه ومازينه في هالسن منه تعرف الحين في سن مراهقه

والله خايفه عليه واحاتيه اخاف احديلعب بعقله وهالزمن الحين ينخاف منه

كريم...ولللللللل كل هذا حب في علي الله لينا

في خاطره نفس لحساس من الاشفته من اشوي ..

هدي حلاش حياتي علي ماينخاف عليه ونفس الاربوش هم نفسهم ايلاويه الخوف عاااد

دعاء..كلامك صحيح بس فيه اشياء بحكم انه ولد

طلعات وروحات وجيات وتعرف النت واستخدامه السيئ واصحاب السوء تصدق اني شفت اليه صوره مع واحد تقريبا في سنك وهذا الازودخوفي عليه

لانه امي تقول انه موزين

كريم...زين عمي عرف بالصوره ويعرف بطلعات علي

لولا

دعاء...علي قدام ابوي يقنعه انه مايسوي شي غلط

وابوي مايمبى يضغط عليه تعرف ابوي حنون وطيوب

كريم.. وانا يعني مافيني حنان ،،خلاص حبي خلي موضوع علي علي

الاماقلتي لي ويش رايش بالسفر مارديت علي لين الحين

دعاء...عادي اذا قبولوني ماعندي مانع وبعد وياك وسكتت

كريم..كملي ياعمري اكيد بيقبلوش مجموعش ممتاز

يعني زواجنا مابقى عليه شي باقي شهر ونسافر

دعاء..هااا وصلنا واجل الكلام لبعدين

بسام وامه وخواته ..

مرام ..جالسه وياهم ومستحيه ،

ام بسام..غناتي لاتستحي واحسبيني مثل امش

ابتسام ...ايييه حنا خوات ان شاء الله على فكره بسام يريد يشوفش اذا اهلش ماعندهم مانع

زهره...عادي وهذا من حقهم

وتمت الموافقه والعقد

بسام...تعرفي مرام انش دخلتي في قلبي من اول مكالمه

ولو انش باقي اشويه وتطلعي لي من الجوال هههه

بس كنت خايف لاتفهميني المره الثانيه غلط بكثرة اسئلتي عن كريم

مرام...ابتسمت وردت عليه لابس سميتك هداااار هههههه

بسام ..والحين ياترى نفس الاسم لازال

مرام..لااكيد انت الحب والقلب والعين وكل شي ياقمرحياتي ولو تتكلم من الحين لين بكره كلامك كأنه عسل على قلبي

بسام..تسلمي لي حياتي

كريم...دق باب حجرة مرام هااا كناري لي متى يللا بسوووم خل نكمل باقي الاجراءت ماباقي شي

والاخبري خبرك وياهم الحين لونسيت

ها بسوووم مستعد الليله لازم اكلم الشرطه عن هذا فلاحوه شكله بيورط الجهال الاوياه مساكين والله

بسام..قبل لاتبلغ الشرطه تأكد ان الجهال ماليهم يد في شي

كريم..صارلي اسبوع اراقبهم بس النحيس امس شافني

بسام..وبعدين ويش صار ليكون قال لك شي

يتبع

[فرح]

كريم..مايقدر يتكلم كان ادفنه بمكانه هالاشكال جبانه

بسام..عمك عنده خبر بالموضوع لولا

كريم..الانعرف انا وانت وعموو ياسر وابوي توني من اشوي معلمنه بالسالفه

جنى....اقووول بنات بصراحه بتوحشوني ماصدقت على الله اكبرتوا

مرام...تعالي معانا عمه على الاقل تغيرون جوا

جنى..آآآآه منش شيطووونه بس رااح تصير بعد فتره

في اجازة ياسر ان شاء الله

كريم..بلغ الشرطه وقال ليهم بموضوع فلاحوووه

الشرطه..اخذت اقواله ووقع ،،وسوت اليه كمين

وتمت مداهمة المكان الايقعد فيه

وتمت محاكمته و سجنه

حسين...يأشر الى كريم ايلاويه ماعلمتوني بالموضوع

كريم...لانه ولدك عمي ويمكن ماتصدق وامره يهمني لانه

مثل اخووي

علي..حب راس ابوه وحضنه وهذا درس وتعلمت منه

وان شاء الله انتبه الى دراستي وارفع راسك

كريم...كلمة ارجال لو بس في حزتها

علي..اكيد كلمة ارجال

ومن وقتها التزم علي بكلامه واصبح انسان ثاني ويروح المسجد ويصلي معاهم جماعه

دعاءومرام ..سووا اليهم حفله بسيطه وبعدها سافروا

للدراسه

علي.. وبدا يتعلم في المسجد ويسأل الشيخ

ويتعلم قراءة الادعيه والزيارات وبعد صوته جميل وقرائته بروحانيه

وكل من يسمعه يشجعه

دعاء...وكانت بتصال يومي مع علي تطمن عليه

وعلى اهلها

غناتي ويش فيك من كلامك انك مضايق لوزعلان

امي لو ابوي فيهم شي

علي..لاخيه كلنا بخير ،بس انا اشويه نفسيتي تعبانه وحتى المدرسه بحاول انقل الترم الثاني

دعاء..ايلاويه ويش صاير

علي...الاولادحركاتهم هاليومين زايده علي بتصرفاتهم ولعبهم ومسخرتهم علي ان ابوي

دعاء..زين انت لاتسوي ليهم شي وحافظ على هدوؤك معاهم وكلم الوكيل ،،بس هاا لاتجيب سيره الى ابوي

وكلم عمك يروح المدرسه وهو يعرف يتصرف

واني بكلم عمي بالموضوع

بس يللا علاوي شد الهمه الاختبارت مابقى عليها شي غناتي

علي..افا على غيرش بس تعرفين اخوش طالع عليش كل علاماتي تبشر بالخير

دعاء..جلست على كرسي وتذكرت ايام دراستها وماشافته من تصرف الطالبات معاها وكيف انها ارادت ان تبتعد عن مجتمعها بعدماحضرت وي عمتها العرس

ولانها كانت تسجل في دفترها مايدور في قلبها وعقلها

اخذت الدفتر ودمعتها حائره ..

كيف لي ان ادواوي جراحات الزمن

حين اتألم وائن بقلب موجوع ، احساسي بالالم شديد اوجاع تغوص في قلبي

شعور مشين وقاسي ..ظلم البشر

لاطاقة لي تحملت منهم الكثير ،،نظراتهم لي ساعه اجدها تحيني وتشجعني ان اكّون لحياتي ومستقبلي حتى اثبت لهم

اني ابنت من وابي من يكون وكيف ربى وتعب وهو الذي لايتكلم مثل ماهم يتكلمون

وتاره اجدنظراتهم تقتلني ،،حائره هل استسلم لواقعي معهم

او اتحلى بالصبركما عودني ابي منذا صغري على الايمان ..

مشاعري..

ليست وليدة هذه الحظه لا منذا كنت طفله واينما كنت ارى نظرات البشر تحلق حولي تساؤلاتهم

تجرح مشاعري .لحظات لااعيرهم ادنى اهتمام مني

لكن في داخل قلبي جرحي ينزف الماً منهم

كيف تلتئم هذه الجراح ،قلوب البشر لاترحم جاحده قاسيه كم مره اذرف الدمع ..هل تفكيرهم سادج

لقد تغير الزمان وتطورت الحياه والبشر لايزالون على ماعاش عليه الاجداد السنتهم لاتعي ماتقول ..

بدأت افقد الثقه بهم ..الى متى البشر يغيرون هذه النظره الدونيه عندهم ..

اخاطبكم مفهومكم خاطئ نحو ذوي الاحتياجات الخاصه

فهم مثلكم لاينقصهم شي عاملوهم بالحسنى والكلمه الطيبه

همسه ....

لااستطيع ان اجزم بأنه انسدل الستار وانتهت هذه القصه

فالحياه باقيه والسنة البشر مستمره

نعم نبقى بشر لانتغير مهما تغير الزمان وتتطورت الحياه

جلست هنيئه افكرفي هذه الشخصية

{ دعاء }رقيقة المشاعر

لو احدكم يتقمص هذه الشخصه هل باستطاعتكم تحمل كلمات ونظرات واحراج امام الاخرين .

دعاء

وغير دعاء ومن ينتمون الى هذه الفئه سواء ابناء اوزوجات وو

ليالي يتوسدون تلك الوساده تمتلئ بدموعهم الساخنه الحارقه خدودهم يتمزق القلب الما من اجل شعورهم واحاسيسهم الرقيقه

لااستطيع تغير الواقع مهما قلت ووصفت لكن عندي امــــــــل

ان غدا ستشرق شمس يوم جديد

كلمة النهايه...

تكفى يازمن كافي الم

لان من آلامي ارتويت

وكأنه نهركل ماجف امتلئ

خلاص تكفى يازمن

بقلم...فرح وآهات الزمن

اسألكم براءة الذمه
ولاتنسوني من الدعاء
اممم انتقادكم لاتزعجني بالعكس تسعدني
فلاتبخلوا بها علي