قصة مــشــاعــر دعـــاء،،

[فرح]

البارت رقم 5

شوق...مشكوره

م،فاتن...اسفين ازعجناكم من الصبح .دعاء غناتي

روحي فصلش الحين اذا احتجنالش بنادي عليش

دعاء..ان شاء الله وطلعت

م،فاتن..اسمحي لي بس اشويه ام دعاء بروح اشويه عندالمديره وراجعه

شوق..خذي راحتش بس ان شاء الله ماطولون لان ولدي مخليتنه عندعمتي وتعرفي مره كبيره مابتقدر عليه

م،فاتن..ان شاء الله بس ام حنان تجي يللا لحظه

شوق..طلعت قران من شنطتها واخذت تقرأ فيه لين وصلت

{والْكَاظِمِينَ الْغَيْظَ وَالْعَافِينَ عَنِ النَّاسِ ۗ وَاللَّهُ يُحِبُّ الْمُحْسِنِينَ }

صدق الله العلي العظيم الخيره فيمااختارها الله

ام سعد{فراشه بالمدرسه}..السلام عليكم

انتي ام دعاء

شوق..وعليكم السلام ،،ايييه اني ام دعاء

ام سعد..ماشاء الله عليها والله اني اشهد انها بالحيل فطينه

وماقط يوم شفنا منها الاذيه مومثل باقي لبنيات والله الشاهدعلى كلامي

شوق..هذا من طيبك ياام سعد

ام سعد ..والحين يابنتي المديره تزهم عليس{عليش}

شوق...ان شاء الله ،،وقامت وطقت الباب ودخلت وسلمت على الموجودين

ومن ضمنهم ام حنان كانت موجوده

المديره...هلابيش ياام دعاء واسفين على تأخيرش بعد تعرفون بداية الدوام وطابور الموهم اكيد عارفين بسب جيتكم اليوم عدنا

شوق..والله ان اتصالكم لي امس شتت افكاري لين جات دعاء وبعد حالتها يرثى اليها مجروحه مشاعرها

وماتوقعت بيوم انه يصيرليها الاصار ومن زميلتها في الفصل

المشرفه الاجتماعيه نبيله..

ام حنان بنتش تكلمت الى زميلتها بكلام بصراحه مومعقوله بنت في سنها تقول هالكلام

ام حنان...ايه هيه رجعت من حفلة دعاء وكانت خايفه

لان اول مره تشوف على الطبيعه احد يتكلم بالاشاره

فقلت ليها لاتكلم زميلتها ولاتمشي معاها

شوق...اسمحي لي بهالكلمه تصرفش معاها غلط

كان فهمتيها ان هذه ارادة الله سبحانه وشرحتي اليها

موتقولين اليها ان ماتمشي معاها وتقولين ليها ان ابوها مايعرف يربيها

من قال هالحجي عادصحيح ان ربش حرمه من شيئين مهمين بس عوضه بأشياء سبحانه ياخذ شي ويعوض بشي آخر

وانه دارس ويعرف ربه زين ويحضر مجالس لشيوخ ويصلي ويصوم

ويسئل اشيوخ عن مسائل مايعرفها هذا الانسان مايعرف يربي

اشياء اني ماتجي على بالي هو ينبهني اليها ويرشدني لعملها

والله مااعتب على بنتش صغيره العتب عليش ياام حنان بهالكلام

وجرحتين مشاعر بتي واجد البارحه المسكينه كل ماادخل عليها غرفتها الاقيها مونايمه وتتقلب على ذاك السرير

ام حنان..اسفه يا ام دعاء وكل كلمه قلتيها حسيتها طالعه من قلبش وهذا راسش احبه ومايصير خاطرش الا طيب

والله انش غمرتيني بطيبش

ويقول المثل الامايعرفك مايثمنك واطلب منش تسامحيني

شوق... احنا موملائكه ولاحنا عايشين في الجنه ربي يسامح الجميع وماصار الاالخير بس عندي طلب

اتمنى تفهمين حنان هالشي تعرفين في هالسن محتاجين بناتنا

الينا اكثروحتى مايتكررالغلط مره ثانيه

ام حنان ...حضنت شوق وصاحت واتمنى تقبليني اخت اليش

والله انش علمتيني درس ماتعلمته من قبل في حياتي

على الشرط اني اكبر منش

شوق...حياتنا كلها مدرسه وحتى بناتنالصغار نتعلم منهم

المديره...والله ياام دعاء ان قلبش ابيض وماتوقعت هالشي منش

بصراحه توقعتش بتهاوشين وبزفين بس ماشاء الله عليش

طلعتي حكيمه وكلامش كله درروجواهر

والعفو والتسامح هذا دليل صفاء قلبش ومايحمل عداء الى احد

والايه الكريمه تقول..

قال تعالى {وَلا تَسْتَوِي الْحَسَنَةُ وَلا السَّيِّئَةُادْفَعْ بِالَّتِي هِيَ أَحْسَنُ فَإِذَاالَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ وَمَايُلَقَّاهَا إِلا الَّذِينَ صَبَرُوا وَمَا يُلَقَّاهَا إِلا ذُو حَظٍّ عَظِيمٍوَإِمَّا يَنْزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ إِنَّهُهُوَ السَّمِيعُ الْعَلِيمُ}فصلت

ام حنان...والله بقول هالكلام واني مستحيه لان الغلط مني

لو تصالحون البنات احسن

م،نبيله...حنا براضيهم هنيه بس بعد الباقي عليكم

وبالذات انتي ياام حنان لازم توعين بنتش انها ماتسرع في الحكم على الآخرين وحتى انتي بعد

الايه الكريمه واضحه..{ان بعض الظن اثم}

ام حنان...ان شاء الله وتعلمت درس عمري ماراح انساه

شوق..يللا اني الحين استئذن يللا نشوفكم على خير

وماقصرتون يعطيكم العافيه ورحم الله والديكم

ام حنان..واني بعد ابوها ينتظرني رحم الله والديكم

م،نبيله...ابله موضي بالاول بنادي على حنان وبتكلم معاها وبفهما وبعدين بنادي على دعاء والله انها بنت عاقله

وان شاء الله يصير خير

المديره...والله بعد ماسمعت امها مااشك لحظه بتربيتها

واكيد مابتفرق عن امها بشي و الحب يطلع على بدره

م،نبيله...نادت على حنان تعالي ابيش عندي

حنان..نعم معلمه

م،نبيله..لاتخافين ماراح اسوي فيش شي اعتبريني مثل الماما ونتكلم مع بعض زين بكل صراحه

حنان..بكل صراحه

م،نبيله..غناتي حنووون ويش تعرفين عن ذوي الاحتياجات الخاصه ومن هم وليش نسميهم بهذا الاسم

حنان...ذوي الاحتياجات هم الامايقدرويمشواولايشوفوا

ونسميهم بهذا الاسم لانهم يحتاجون لمساعده منا اليهم

م،نبيله..لين هنيه واجدزين ويش واجبنا تجاهم

حنان..نساعدهم في الايمبووه ويطلبوه منا

م،نبيله..زين وبعد نساعدهم بشفقه يعني لانهم كسروا خاطرنا ومومثلنا نقدر نتحرك ونشوف ونجيب ونودي الانمباه لو بحب

حنان...معلمه فيه مره شفت واحدكبير رجال مايشوف وبيعبر الشارع والبابا كان وياي نمشي البابا خاف عليه و مسكه وصله الى بيتهم

والرجال شكر البابا وقال روح ربي يرحم والديك

م،نبيله..يعني ويش معناة الاسواه البابا حب وطاعه لرب العالمين

وفيه مساعدة المحتاج

زين حبيبتي حنووون تعرفين بعد ان الامايشوف اليهم مدارس خاصه فيهم وماشاء الله عليهم حتى يرسمون

حنان...بدهشه شديده كيف يعرفوا يكتبوويتعلمووهم مايشوفوا

م، نبيله..ربش كريم اخذمنهم بصرهم وعوضهم بشي ثاني ،،زين الحين لو معانا طالبه ماتشوف مثلا تساعديها

لو تلعبين عليهم وتسخري منها هااا حنان اتفقنا على الصراحه

حنان...

ولنا لقاء ان شاء الله

المعذره احبتي

البارت صغيييير اشوووويه

احبتي ..توقعاتكم وانتقادتكم تعني لي الكثييييييييير

[فرح]

البارت رقم 6

حنان...لااكيد معلمه راح اساعدها بلااقدر عليه

م،نبيله..زين تعرفي ان الامايتكلم من ذوي الاحتياجات الخاصه لولا

حنان..لاوسكتت

م،نبيله..ولغتهم الاشاره وبعد لغة الشفاه

زين امبى اعرف انتي ليش خفتي من والدزميلتش دعاء

حنان..بصراحه انا ماخفت بس كنت مستغربه كيف يتكلموابس بالحركات وكانت دعاء تفهم بكل اشاره على ابوها

م،نبيله...انتي شفتيه يختلف عنا بشي غيرانه يأشر

حنان..لاعادي الايشوفه مايعرف عنه انه مايتكلم

م،نبيله...تعرفي ان الايحبهم ويتعامل معاهم بحب وسعة صدر ليهم ثواب واجر من رب العالمين

وبعدين الحين مومثل زمن اجدادنا مومتعلمين الحين مثلنامثلهم في كل شي وهم بعد يتميزون عنا باشياء موموجوده فينا

حنان...صفنت {تفكر}لحظه وكأنها موفي الوجود

فكرها في تلك الحظه الااهانت فيها دعاء الاانها ماتستاهل منها الاسوته فيها وبعد الاحراج الاسببته اليها قدام الطالبات وظلت تصيح

م،نبيله..ايلاوووويه تصيحين بعد

حنان..معلمه انا ماامااعرف كيف تجرأت وجرحت قلب دعاء بكلامي الجارح اليها ،،البارحه مانمت زين موخايفه منكم لا

حطيت نفسي في مكان دعاء واكيد ماابرضى أي انسان يتكلم عن البابا بشي موزين

م،نبيله..زين اهم شي انش اعترفتي انش غلطانه ومافيه

انسان معصوم من الغلط ..بس بعد لازم نحاسب في كلامنا مع الاخرين والحين غسلين وروحي فصلش لانش تأخرتي على حصتش

حسين...كان قلق ويمبى يعرف السبب الاخلى دعاء منهاره

بهالشكل اكيد الامر جايد

ارسل رساله الى شوق

حبيبتي ..رحتي مدرسة دعاء طمنيني ويش صار

انتظر جوابش

شوق..كانت مع ام حسين جاتها الرساله وفتحتها

بعدقلبي مومطمن خايف

ام حسين..منهوهذا الاخايف

شوق..هااا لااقول حسين خايف ان علاوووي مأذنش

ام حسين...ايهووووه بعد ماكأني ربيته هومن قبله جى مااعرف لجهال اماحسين

شوق...لاعمه موقصده شي ثاني خايف على تعبش تعرفين علاوي حركي ،ماعليه عمه بس بردعليه

ابوعلاوي ..تطمن دعاء مافيها شي بس خلاف بسيط بينها وبين وحده معاها بالصف ونحل انامع امك بالبيت شوي وبروح البيت

مع السلامه

شوق...عمه ويش رايش تتغدين وينانا اليوم الغدى الايحبه قلبش سمج{سمك}هامور

ام حسين..وجنى كيف تجى وماتشوفني تخاف علي

شوق...ماعليه عمه اذاجات من المدرسه تعالي وياها

ام حسين...يللا ومنها بعد اجلس واسولف واياكم

ماحلاة الجمعه يابتي

شوق...لو بس توافقي انش تعيشي ويانا مواحسن له

حتى جنى ودعاء يستانسووحسين قلبه يطمن عليكم

واني اتونس وياش يللا عاد عمه عشان خاطري وافقي

وفرحي قلبي يللا عمه الحين بمشي حتى ماتجوالاالغدى زاهب {جاهز}

م،نبيله...دعاء غناتي الايه الكريمه تقول

بسم لله الرحمن الرحيم

{ وَالْكَاظِمِينَ الْغَيْظَ وَالْعَافِينَ عَنِ النَّاسِ ۗ وَاللَّهُ يُحِبّ الْمُحْسِنِينَ }

دعاء..بس معلمه هي احرجتني قدام الطالبات يمكن لوبيني وبينها كان اهون احساس متعب انش تحسين انش مهانه

م،نبيله ...غناتي دعاء قال تعالى ...

{فَمَنْ عَفَا وَأَصْلَحَ فَأَجْرُهُ عَلَى اللَّهِ } [الشورى : 40].

وقال تعالى..

{{ولَمَن صَبَرَ وَغَفَرَ إنَّ ذَلِكَ لَمِنْ عَزْمِ الأمُورِ } الشورى: 43

الايه الكريمه واضحه لش اجر لانش عفيتي وسامحتي وصبرتي على الاذى يللا غناتي انتي كريمه وحنا نستاهل طيبة قلبش

واذاقلت لش عشان خاطري واني في مقام امش

وبصراحه حنان حست وندمت على سواتها وبالاول والاخير

مافي انسان مايغلط سبحان الله

دعاء...خلاص معلمه علشانك ولان الماما دائما تقول

المؤمن الصالح مايحقد على احد والايحب النبي واهل بيته الطيبين الطاهرين

يكون قلبه ابيض مثلهم لانهم قدوه الينا

م، نبيله ...خلاص انادي على حنان وبتعتذر منش وبكره

في الطابور هم بتكرراعتذارها قدام الطالبات

دعاء..لامعلمه مااحب انها تكون مهانه

م، نبيله..حضنت دعاء وقبلتها شقداني افتخر ان عندي طالبه مجتهده وحكيمه وعقلها اكبر من سنها ربي يحفظش ان شاء الله نادت على حنان

حنان... جات ووقفت قدام دعاء اسسسسسفه وحقش علي وان شاء الله ماراح تتكرر وانتي مثل اختي وياما الخوات يصير بينهم سوء تفاهم

وحضنت دعاء وحبتها

دعاء...خلاص حنان ماصار الاالخير واتمنى من قلبي ان الاصار ماينعاد

م، نبيله...هااايللا بسرعه على صفكم كلها خمس دقايق وتنتهي الحصه وعلى بيوتكم

زهره...ابوكريم وينك فيه للحين ماجيت البيت

مرتجى...انا في السياره قريب اوصل ليش فيه شي

زهره..سلامتك بس تأخرت والاولاد يمبوا غدا جايين تعبانين من مدارسهم

مرتجى...زين خلاص حطي السفره وبتلاقيني قدامش

يتبع

[فرح]

يللا باااي

اوووف ياساتر على هالمره بتجيب لي الصمرقع ساقعه سقعتني

على هذه زوجه لو قاعد عزابي ارحم لي حال

لاوين جاي ولاوين رايح ماباقي الاتسلني ويش تشرب الحين يمكن يجي يوم وتسويها اعودبالله من الشيطان الرجيم

ويش هالنسوان ماقالوعنهم ناقصين عقل الاصحيح

زهره...كريم يمه تبدل اثيابك وغسل الحين ابوك جاي شوف اختك اصغر منك وتطاوع وانت متمرد طالع على من

كريم..اوووه اماه خليني العب الحين من هدرتش موعارف اركز له

زهره..والاخير اذا ابوك عرف عنك ان انت ماتصلي بيضربك

كريم...اووه اماه قلت لش صليت صليت ايلاوويه ماتصدقوني لو مراموه ايه تصدق على راسها ريشه

مرتجى...السلام عليكم

زهره..هااجيت والله جابك شوف شغلك ويا ولدك مجنني موراضي حتى يغير اثيابه ماصارت هذه حاله

شوف لك صرفه معاه هذا الحين وهوصغير كيف يكبر

مرتجى..يطالعها بنظره ،وفي خاطره،عادردي السلام بالاول وافهمي جاي تعبان على طول

شكاوي وين زهره الاول والحين ايلاويه تغيرت 180درجه

لاحوله ولاقوة الابالله

كريم يبى تعال وياي الحين بابا غير اثيابك وتوضى وصلي وبعدها نتغدى وحتى اليوم بطلع وياكم بنروح الى ماما عوده ام حسين

كريم ..ان شاء الله بابا

زهره ...ايلاويه ويش فيهم بتروح اليهم ،،وبعد انت

كريم اذاابوك ان شاء الله واني في قلعه اقول دلعه بس

مرتجى..مارد عليها ودخل غرفته حتى يبدل ملابسه ويتغدى

وفي خاطره يااارب هذا وهو ولدش ياساااتر

زهره...ايلاوويه ماردعلي جى ويش شايفني مجنونه لوماانعطى وجهه ودخلت له الغرفه هامارديت ايلاويه بتروح الى امك

ويش عندها لو حق الهدره والحش عليي

مرتجى...زهره انا مارديت لان هذه امي ومايحتاج تصير مناسبه حتى اروح واطل عليها والله اني مقصر وياها

شوفي اخوي كل يوم عندها وياخذها وياهاعلى غدى لوعشى

وانا ماكني ولدها يالله يالله اذا فيه مناسبه وجت البيت ماكنه بيت ولدها ومن قال ان امي تتحجى عليش كلا يرى الناس بعين طبعه

زهره...امك ماتمباني لاني مومثل شوق الغاليه مرت الغالي والكلام المنمق حق الكتب موعندي

مرتجى..زهره والاخير لاتفتحي لي مواضيع وخلينا نطفح هالقمه

والله لو موالجوع ماطفحت شي

وفي خاطره والله ان هالقمه بتصير كأنها سم

ربي المعين

ام حسين...جنى يمه بدلي اثيابك وصلي ودقي على اخوش حسين

طلعته من لعمل يمر في طريقه وياخذنا وياه بيتهم بنتغدى وياهم اليوم

جنى...صحيح اماه وناااسه بنتغدى ونجلس مع حسون

وحشني علاوي ونفسي بعد اتعيلف ويادعاء

ام حسين...خلي عنش هالهدره وخلصي زتات {بسرعه}

جنى..ارسلت الى حسين

حسووني..اليوم حنا ضيوف عندك تعال لينا وصلنا معاك بطريقك

مع السلامه

حسين... فتح الرساله وضحك وردعليها

جنااااني عشر دقايق وانا عندكم بسرعه

اجهزي ..يسلمك

ام حسين..جنى يمه جوالش يمكن اخوش تعالي شوفيه ...

ولنا لقاء ان شاء الله

احبتي ..تعليقاتكم تعني لي الكثير
اسألكم الدعااااء

[فرح]

البارت رقم 7

جنى...ان شاء الله اماااااه ، وشافت المكالمه لقتها من حسوون وطلت من النافذه وشافت حسين واقف وياه ولد جيرانهم يكلمه ومعاه ابوه

اماه جارنا ابو ياسر واقف مع اخوووي يكلموه

ام حسين...ويش يعني وكلموه ويش بصير بتخترب الدنيا يللا

وطلعت

جنى..يااارب هالرجال كلما اشوفه احس كأن حاجه تربطني به وقلبي يرجف ماادري خوف لووو ولو اني مااذكره زين وماصار ليه اسبوعين من وصل من كندا يللا عااده جنووه وامشي قبل لايعصب حسوون

ابو ياسر..هااا ام حسين ويش احوالكم واخبار صحتش

ام حسين..الله يحيك ويحفظك هذا احنا عايشين

هااا محمداو

ياسر..لاخاله انا ياسر كيف حالكم

ام حسين..الحمدلله واخبارك والحمدلله على السلامه

متى وصلت رحم الله اميمتك لو هي موجوده كان عرفنا

ياسر...صارلي اسبوعين خاله حتى سألت عنش خواتي

وقلت اذا شفت مرتجى او حسين بسلم عليش

ام حسين...ايلاووويه يولدي ماكأنا اهل عادي دق الباب واطلع اكلمك اني بحسبة امك ومربيتنك له

ياسر..عزيزه وغاليه ،،وانتبه ان جنى تمبى تدخل السياره ووتنحى على جانب وهو مرخي راسه بالارض

ابوياسر ...يللا ام حسين نشوفكم على خير وفيه سالفه بيعلمكم اياها حسين وان شاء الله بنزوركم في هالاسبوع

ام حسين...ان شاء الله على خير سالمين وسلموو

حسين...بالسياره سلم على امه وحب ايدها

ام حسين..تحب الكعبه يابعد قلبي

جنى..تتعيلف بــ حسين تعقد غترته

حسين...يأشر الى جنى انه يريد ايدها

جنى..تأشر اليه ليووويه عااارفه الحركه بيضغط عليها

دعاء...جالسه مع اخوها علاوي يللا نتعلم الالوان

هذا احمر

علي..احمل{احمر}

دعاء...لاخطى نقول احمرررررر

علي...احمللللل

دعاء..اخضر

علي..احدل

دعاء...هههههه بموووت يااعمري علاوووي حلاتك ياقمر

بعدمره

علي..احدل

دعاء...اصفر

علي..افل

دعاء..لالاوالله انك تحفه ماما ايلاووويه علاووي لحد الحين حروووف واجد ماينطقها زين

شوق...خلي اخوش الحين وتعالي ساعديني امش ام حسين وعمتش

اليوم غداهم معانا

دعاء..صحيييييييييح ماما يللا وناااااااسه يللا ويش تمبي

اساعدش في ويييييه

شوق...جيبي الخضاار وقطعيها بعد امش تمباها صغيره

بس حاسبي على ايدش لاتصوبي زين {تنجرحي}

دعاء..ان شاء ماما بس هااا الطماط انتي تسويه مااعرف اليه

كأني مسويه فيه جريييمه مسكين هههه

شوق... يقطع ابليسش الى متى بتتعلمي بعد يللا امري الى الله

وصلووو البيت

حسين..فتح الى امه الباب ونزلت

ام حسين فديت قلبك يابعد عمري

جنى...السلام الله عليكم ايها الشعب الكريم

علاووووووووي حبيب عمتووو تعاااال

شوق وعليكم السلام وامهم ماليها شي

جنى..شوقوووه تغااار ههههه كل الحب بس الى علاوي ينسيني الكل وترفع حواجبها

دعاء..احممممم نحن هنا ايلاوويه مالينا رب بس عمتووو

اموووت في عنااادك يونسني هههههه مودعاء الاتنحر من هالكلام

حسين ...دخل مع امه

دعاء..سلمت على امها وحبت راسها وحشششششتيني اماه

وهيه ترفع حواجبها

ام حسين..تحبي الكعبه يابعد امي والله وكبرت بتي

وصارت مره بس هاا الله في امش وابوش لازعليها

دعاء...وسلمت على ابوها وحضنها

حسين... وسلئها عن اخبار المدرسه

دعاء...تتهرب من ابوها تمام

جنى..دعائووووه ليش ابوش يسئل

دعاء..اعلمش بعدالغدا زين

شوق...سلمت على حسين يللا حبيبي بدل اثيابك حتى نتغدا

حسين..نرتاح اشوي الجوحااااااااار وسوي لينا عصير ليمووون

شوق...تأشر اليه من عيني هذه قبل هذه غناتي

دعاء...عمتووو ايلاوويه ماتعيشون وياانا والله كان تمام

جنى..على كيفي من الحين بس امش ام حسين

ماتحب تقول حتى تاخذوا راحتكم

دعاء..اماااه عندي طلب قووولي تم

ام حسين..كيفه بعد اقول تم وخلاص

دعاء..ايييييه اماه قول تم

ام حسين ...تم

دعاء..هااا انتي قلتي تم يعني امااه بتعيشي ويااانا عشاني اماااه اذا تحبين دعاء

ام حسين..الااحبش عندش شك بعد بللا يصير خير ان شاء الله

دعاء,,ايييييييييه يعني فيه امل

جنى...منهييييه امل اعرفه اني ههههههه

تغدوا وسوالفهم وجنى كانت عاطيه جوء

دعاء..عمتووو جوالش

جنى...طالعت المتصل هذا مرتجى

هلا رجاااوي

مرتجى...السلام عليكم هااا جناااني وين انتوووفيه

جنى....ولللللللل اشوي اشوي كل هذا سؤااال هههه

يتبع

[فرح]

وعليكم السلام وبعدين ايلاوويه كل هالخوف حنا في بيت اخووك متغديين ويااهم

مرتجى....هاااا خلاص عشان اشوووي وانا عندكم

جنى...جيب ويااك الجهاال وحشششني كريموووه

مرتجى..يصير خير مع السلامه

ام حسين...ويش فيه اخوش

جنى...لانه يتصل البيت وماحد ردعليه

اخذت وياها دعاء يللا امبااش يللا قوولي لي السالفه

دعاء...خبرت عمتها بالاصار من البدايه لنهايه

وماعلمت البابا حتى لايتأثر ..انتي لو ماكاني ويش تسوين

جنى...تعرفين عمتش ماتسكت على حقها عساه حتى لو امي

بس هذا من طيبش يالغاليه وان شاء مايتكرر لش هالشي مره ثانيه ولاتخلي شي في نفسش زين

بس في خاطره ،،لو بس عرفت من البدايه كان لي تصرف ثاني

عارفه شوق مافي اطيب من قلبها ،،

مرام...طقت الباب ودخلت سلامووو

عمتوو وحششششتيني هااا يلاووويه ماتجوون عدنا ايلاووويه بس عند عموووحسين وبيت بابا لا

جنى..ماحبت تكسر خاطر مرام ،،ومن قال بتلاقينا بعد كم يوم عدكم هااا كريمووه وياكم لولا

مرام ...اييه مع عمووووالبابا

جنى...يللا اروح اشووف هالصبي مايقول عندي عمه واسئل عنها

نزلت بالصاله ،،

السلام عليكم ايها الشعب الكريم

مرتجى... وعليكم السلام هلاخيه

جنى...هلا رجاااوي عاش من شافك هااا وين الوعد

مرتجى...ضرب على رااسه والله اسف خيه اسمحي لي

نسيت كان دقيتي علي

جنى...ماحبت انها تسوي فتنه بين اخوها ومرأته فسكتت

هاااكريم وشاحااالك عاااد سلم على عمتووو هااا بتقول ماوحشتك بعد

كريم...هلاعمتوووبصراحه وحشتيني بس امي ماترضى

نروح اليكم

جنى...عييب مايتكلمووو على امه بحجي موزين وبعدين الماما

ماقصدها جديه لانكم بتطلعووا بدون ماتخلصوا مذاكره

اقوول كرووومي تعااال ويااي علمني على الفوتشوب موخوب انت

خبير فيه يللا وفي خاطرها ماتمبى تغث امها بكلام مرت اخوها

كريم ...عمتووو الفوتووالاعندي الثامن وانتي

جنى...في الابتوب الثامن والمكتبي التاسع

حسين...تكلم مع اخوه عن ابوياسر وانه يمبى يجي اليهم

بزياره وقصده يخطب جنى الى ولده ياسر

مرتجى...والله انه ياسر رجال ومامنه ومؤدب وادمي ودوم تلاقيه

في المسجد وماعنده خرابيط مثل شباب هالزمن

واذا جنى وامي موافقين انا ماعندي مانع و

تكلم مع امه عن هالموضوع

ام حسين..واني اقول ايلاوويه يقول بجي الينا بزياره

والله اني ماعندي مانع والولد عافينه ومربيتنه على ايدي

اذاكي اختكم وتتكلموا معاها وشوفورايها

جوال مرتجى..وعرف انها زهره

مرتجى..نعم

زهره..عسى بس ماازعجناكم وقطعنا عليكم حبل الموده

مرتجى..لاغناتي فيه شي

زهره...ايييه الى متى بتجوا تعرف اولادك عليهم مدارس له

مرتجى...زين وبعد خلصينا

زهره...يااااعلي من الحين منت طايق كلامي غيروووك

في هالساعتين

مرتجى... يللا مع السلامه وقفل جواله

زهره..تتصل وتلاقيه مقفل لكن ماعليه تسكره في وجهي

اخذت السماعه وتدق رقم بيت حسين

شوق...الـــــــــــوووووو

زهره...وييييييييينه مرتجى

شوق.....

ولنا لقاء ان شاء الله

اسألكم الدعــــــــااااء

[فرح]

البارت رقم 8

شوق...هلاام كريم خير ان شاء الله

زهره...اي خير يجى انتو خليتووفيها خير جيبي بس

حميش ماصارت ساعتين وخربتووه عليي

شوق...اعودبالله من الشيطان

زهره...بعد صرنا شيطان والله مااحد شيطان غيرش

شوق..استغفر الله اللهم صلي على محمدوعلى آل محمد

ماقصدي شي وهذا زوووجش ويااااش

مرتجى...حس انها زهره واكيد طولت السانها على شوق

نعم

زهره..ويش مفكرني عندك شغاله لو بس جايبني الى اولادك

والى بيتك اشتغل فيه بعد توصل فيك انك تسكر التلفون في وجهي لوهنديه ماتسوي فيها جديييه

مرتجى...شوفي مدام النفس طيبه وياش تعودي من الشيطان

ولاطوليها وهي قصيره

زهره..واذا ماتعودت ويش بتسوي يعني الاماطاله بيدك واصله برجولك والاقاعد وياهم خل ينفعوك

مرتجى...زين عشان ماارجع البيت وانتي فيه

هذا اقل شي عندي وسكر التلفون

ام حسين...ياااولدي تعودمن الشيطان موزين هالكلام

وصل على النبي واستهدي بالله ومايقولون هالكلام

قعدت وياابوك مافيه يوم قال لي روحي بيت اهلش

مرتجى...الف الصلاة والسلام على اشرف الانبياء والمرسلين

محمدوآهل بيته الطاهرين

امااااه ويش دراااش انا عايش بجحيم وياااها هذه موزهره الاوليه

حدها سنه وبعدها قلبت 180 درجه

لوماالاولادكان من زمان طلقتها

ام حسين...هااا اياني واياك هالكلمه تعودها في السانك

تعال وياها بالهداوه المره ياولدي تحتاج الى الحب والحنان

ومايحتاج اعلمك بعد هذا وانت تقرا وتعرف

مرتجى...مابستحي منش اماااه والله اني مومقصر وياها

هيه هدايا وطلعات وروحات وجيات وكلامها الاتسمني فيه

واخذعلى نفسي وتكلم وياها بالضحك والمزح وماكأنه صاير منها شي وياااي

بس خلاص طفح الكيل ،،قدامش الحين ماادري ويش الاسمت فيه بكلامها شوق والله حتى مستحي اسئلها واعتذر منها

الله يسامحها فشلتني ويامرت اخوي

الموهم اماه الحين بتكلمين انتينا جنى لو انا اكلمها

بموضوع ياسر

ام حسين...الحين قوم روح بيتك وراضي مرتك بالاول

مرتجى...انا الحين لوارجع البيت واشوفها مابيحصل ليها خير

تقولي لي بعد اراضيها هذا الاناقص بعد احب ارجولها

جنى...خير رجاااوي صووتك واصل لعدنا ويش صاير ولاويه معصب الايشوفك باقين افلوسك لو صق بيتك ههههههه ويش صاير لوعاطينك دسست هههههه

وفي خاطرها ربي يساعدك ياخوي على مابلاك

مرتجى...لامافيه شي سلامتش غناتي ومسح على راسها ومثل ماقلتي مضروووب دست بس من نوع ثاني

دعاء..تحجبت ونزلت مع بت عمها كيف حالك عمووو

وحبته

مرتجى...يحيبييييش يالغاليه وحضنها ويش مسويه

بالدراسه

دعاء..الحمدلله محتاجين دعواتكم تعرف عموو ماباقي

على علينا الااسبوع ونخلص دراااسه مومثل بعض الناس

عليهم اختبارات هههههه

مرتجى...ربي يوفقكم هااا نبمى درجااات وتفوق بعد

دعاء...افا على غيرك بس ماليكم الاطيبة الخاطر

مرتجى...يللا بابا وينه فيه كريم

كريم...واقف عند الباب دانه هنيييييييه يبى

مرتجى...ولاويه واقف بعيد انت الثاني تعال يللا

ام حسين...ياولدي عشان خاطري لاتسويها هدره الحين

عشان هالجهال ياولدي

مرتجى..ان شاء الله وحب راس امه وطلع وي اولاده

ام حسين..والله هالمره ماادري ويش فيها

شوق...ياااعلي والله ماتصورتها جديه باقي اشوي وتطلع لي من السماعه الله يساعد مرتجى عليها

جنى...هههههههه يللا هذا رجاااوي لو يعصب عليها

مابيرحمها خله يراويها العين الحمره .

ام حسين...هاا وانتين ماعليش مذاكره له الى متى بعد

والله انتينا الايبمبى لش لعيون الحمره

دعاء...ههههههههه اييييه اماه

جنى..مسكت ادووون دعاء هااا انا عمتش ياعيني عليش

هااا اشووفش بصيري فتيييييينه ههههههه

دعاء..آييييييييييييييييييييييييييي ادوووني امااااااه ام حسين

ام حسين..والاخير وياش جنووووه عاد عورتي ادنون الجهاله عاد

يمه حسين يللا شغل سيارتك ياولدي

شوق...تغمز الى حسين لا

حسين..ياشر الى امه انه تعبان ونامو الليله ويانا

جنى...واغراضي حق المدرسه من يجيبهم

حسين..بحركه الى شوق انتي ماحسبتيها ههههههه

وقام وطلعوووا وياه

ام حسين..يللا يابتي مع السلامه وعساش على القوه تعبناش اليوم

شوق..لاتعب ولاشي بالعكس تونسنا وياش عمه

زهره... جالسه بالصاله تشاهد تلفزيون

مرتجى..السلام عليكم

زهره..ساكته وجالسه تاكل ذره {فشار} وشاي

مرتجى..واذا حيتم بتحيه فردوها

زهره..يردوا على الايستاهل

مرتجى...اناالالله وانااليه راجعون ،،يامن شرله من حلاله عله

ودخل غرفته وبدل وتوضى وقرأ قران وصلى له ركعتين ونام

زهره...نام ولكنه صاير عنده شي موهامته يللا

ولاني نايمه وياه بعد انام مع مرام احسن لي وطلعت وشدخت بالباب

{سكرة الباب بقوه}

مرتجى...بسم الله الرحمن الرحيم

ياصبر النبي ايوب ،،بس تاركنش الى بعد الاختبارات ويصير خير

المدرسه..

يسرى..اخت ياسر وتدرس مع جنى في نفس الصف

وتمشي مع جنى

هااا جنوووه اخبارش دقيت امس عليش ومارديتي قلت يمكن نايمه

جنى..لاكنا في بيت اخوي حسين لين الليل رجعنا البيت

زين كان دقيتي على جوااالي

يسرى..دقيت لقيته مقفل

جنى..مومقفل بس بيت اخووي الارسال حق موبايلي مافيه

يسرى...الليله حنا عندكم

جنى..الله والنبي يحيكم ،،واذا ماشالكم البيت نحطكم في عيونا

يسرى...جنانوووه عندش خبر بجيتنا ايلاويه

جنى...ماادري كأني سمعت بس يللا افيدينا ياام العريف

يسرى...على قولة اخوانا المصرين

احمممم ،،حنا يحجه يحصل لينا الشرف بسنبكم ذا نسبكم بيزدنا شرف ايوووه واللهِ يشرفنا ويسعدنا

نطلب يد المصوونه بنتكم جنى الى ابنا ياسر

بصراحه جنووه ويش رايش

جنى..يسرووه ويش فيش هنيييه عااد مووقته الحين ...

ولنا لقاء ان شاء الله

انتقادتكم وآراااءكم تهمني

[فرح]

بارت رقم 9

يسرى...صحيح مووقته بس صراحه اتمنى تصيرين مرت اخووي والفرحه موسايعتني ،واي سؤال تريدين تسئلين عنه

ماراح اقصر معاش وخوب بعد تعرفينه متربين جميع من صغرنا

جنى...يسروووه خلاص الحين ماامبى احد يعرف بهالموضوع حاليا

يسرى..من عيوني الثنتين

حسين...ارسل رساله الى شوق .

غناتي اذا تقدرين تكلمين امي اذا تمبى مساعده في عمل شي لواجب ضيافة الجماعه

سلام..

شوق...حياتي ..من عيوني انت تآمر امر يابعدقلبي ..

واتصلت الى عمتها

ام حسين...الــــوووو

شوق..صبحش الله بالخير عمه ويش حالش اليوم

ام حسين...يصبحش بالخير والعافيه ولاية علي واولاده

الحمدلله داني قاعده اسمع في هالتلفزيون ساعه واشرب هالقدوا والشاي والقهوه

شوق..ايلاويه عمه ماطلعتي مافيه عزيه اليوم

ام حسين...لايابتي بعيده والشمس حاره مااقدر

وبعداشيل واحط وياالشغاله اقول ليها تشيل هذا وتحط هذا

شوق...خلاص عمه اني الحين بجي اليش

ام حسين..لاتتعبي روحش يابتي وعندش جاهل

شوق ..ايلاويه عادعمه تعبكم رااحه وانتواا اهلي ومالي غناة عنكم والايفرحكم يفرحني

ام حسين...عشان يابتي مري اياش البقاله

وجيبي وياش اغراض حق تسوي الى الجماعه

حلاووه تعرفي جنى مايعتمد عليها

شوق ..من اعيوني ،،يللا مع السلامه

ام حسين..ربي يسلمش ويحفظش

شوق ..

وارسلت الى حسين..

ابوعلي...غدانا اليوم عند امك والحين السواق بيوصلني هنااك ..

مرتجى..طلع من العمل ومارجع بيته وراح عندامه

وفي خاطره ماراح القى الراحه الاوياش باام حسين

حتى لوماشكيت الابقلبي اهم شي انش وياي

وصل وطلع المفتاح

وفتح الباب وماشاف امه بالصاله قال يللا اكيد بالمطبخ

شوق ...في المطبخ مع عمتها وماكان عليها حجابها لانها متأكده مافيه احد

مرتجى...السلام عليكم يالغاليه ،،،اووووووه اسسسسسسسسف

وطلع برى الصاله وهو متفشل ووجهه احمر

ام حسين...طلعت الى ولدها هاااغناتي قوااك الله

مرتجى..ربي يقويش ويعافيش ياااربي اماااه ماادري ان مرت اخوي وياش

ام حسين...ماصار الاالخير وشوق عارفه انك ماتعرف انها

موجوده وانت زي {مثل}اخوها ولاهيها اول مره تشوفها

والعايله في البيت ياما تصير رحم الله ايامنا ياولدي كل ماامشي اشوف اعمومك في وجهي بعد مومثلات الحين احجاب الاول مشامره ونطبق {غطاء الوجه} اوجوهنا عنهم

شوق يمه سوي اياش استكانه شاي الى ابوكريم

شوق...ان شاء الله

ام حسين..هااا تتغدى ايانا اليوم وجيب اياك مرتك والجهال وتعال

مرتجى...لاامااه غداي بس انا وياكم والعصربجيب الجهال

ويش امااه كلمتي جنى

ام حسين ...لاياولدي ماكلمتها اذا جت كلموها وهذه وياها مرت اخوها

دعاء...دقت الجرس

ام حسين ..بقوم ياااعـــلي وانت الولي ان شاء الله هذه اكيد دعاء

مرتجى..عنش امااه انا بفتح اليها الباب

دعاء...السلام عليكم ..عمووووهنييييه حلووووحلوووزين ايلاووويه ماجبت معاك مرااام

مرتجى..وعليكم السلام ..وبعدين انا ماكنت اعرف انكم اهنييييه والعصر بجيبها هههههه هلا غناتي ويسوي نفس طريقتها في الكلام

دعاء...ويش حالش اماه وحبت راسها

ام حسين..يحيش ويعافيش يابعدقلبي

دعاء..عشان وينها فيه امي

مرتجى...امش في بيتكم له من قال انها اهنيييه

دعاء...هااا عشان ايلاوويه السواق يقول ،،،هااا تلعب علي عموو هاااا هذا علاوووي هنيييه وحبت اخوها ياعمري الحلوين علاوي وين ماما

شوق..هذاني غناتي هنيييه في المطبخ بدلي اثيابش وصلي حبيبتي بالاول وتعالي ساعديني

بس هاا موتسرعي في الصلاة غناتي

دعاء...بحبش بالاول واسلم عليش يااحلى ام بالكون

ماما جبتي لي بجامه لولا

شوق...في احد ينسى عمره انسى روحي ولا

انساش غناتي بجامتش في غرفة عمتش

دعاء..ربع ساعه وجااايه

جنى...جااايه وكانت معصبه فتحت الباب

ودخلت بدون ماتسلم

مرتجى...وعليكم السلام والرحمه ،،كل هالطول وهالعرض ولاباين في عينش لو يمكن نمله وانا ماادري

جنى...اسفه ..السلام عليكم ..وبتمشي

مرتجى...جنااااني غناتي ويش صاير ويش فيش

جنى...بدون ماطالع في اخوها مافيني شي تعبانه بس اشوي ،،ومشت الى غرفتها

مرتجى...ام علي ماعليش امر بس لو تشوفين جنى شكلها مضايقه وبالمره تفاتحيها في الموضوع

شوق..ان شاء الله انتفت{ انتبه} الى ولد اخوك

مرتجى..تعاال علاوووي يللا حبيبي انا منهوووو

علي...عمووو

مرتجى..عمووومين حسين او محمد

علي..لاملتدى

مرتجى...يااااساتر هالشكل اسمي يللا مقبوله ملتدى ملتدى اهم شي انك تتحجى واشوي اشوي تتعدل حروووفك ربي يهديكم ويوفقكم

يتبع