قصة مــشــاعــر دعـــاء،،

[فرح]

البارت رقم 19


ابوياسر...احترت وياه ملزم الاياخذ زوجته وياه


مرتجى..والله عمي انا ماعندي مانع اذا كانوا متفقين


وهذه زوجته تروح وياه وين مايروح ،بس اهم شي عندي يعلنوا زواجهم بالاول مومثل ماقال لي


انها تروح تدرس وياه واذا رجعوا يسون ليهم عرس


هذا الشي مرفوض عندي ومايحتاج اتكلم فيه بتاتا هذا وانا اقول انه رجال وعاقل يمبى زوجته يعلن زواجه حتى بدون هالشكليات بس اهم شي انه يفرحها بعد مايصير هي مومطلقه وبترجع الى رجلها


ابوياسر...والله ياولدي احس روحي صغير قدامك


وهالولد فشلني وياكم واستسمح لي عند الوالده والله انه قص وجهي عندكم


مرتجى...لاياعمي لافشيله ولاشي وهالشباب الحين كله مسرع ياتنفدون طلباتي يابسوي الاعلى كيفي واذا جيت الى الواقع


بشوف قدامه من البنات اشكال وارناق وشباب بعد فتفكيره


انه يجيب مرته احسن يجي بالحلال وهو صارحني بكلامه


فا انا ماعندي مانع ان زواجه في الاجازه وياخذزوجته وياه


اتــــ ع ــبني جفى البعد{احبك}وانت جافيني ...


جنى لاتتعبيني اكثر ترا آخر مره اكلمش فيها


اكتبني في حياتك عاشق ومجنون..


ليش فجئه تغيرت ويش الاطرا ماتغير شي سوى في الاجازه الكبيره


لو الصغيره وبعدين ماجهزت اغراضي


اتــــ ع ــبني جفى البعد{احبك}وانت جافيني ...


ايلاويه موقادره تفهميني يابت الناس ابمباش وياي مو قادر اتحمل بعدش عني واذا على اثياب عادي المجمعات ماخلت شي


اكتبني في حياتك عاشق ومجنون..


انت تعرف اني ادرس لغه انجليزي ودبلوم حاسب وانت كنت راضي وعارف اني مابخلص الابالاجازه الكبيره صح لو اني غلطانه


اتــــ ع ــبني جفى البعد{احبك}وانت جافيني ...


صحيح اني اعرف انش عنيده بس ماتوقعتش جديه


حبيبتي عشان خاطري لوحتى مالي خاطرعندش


اكتبني في حياتك عاشق ومجنون..


مومسألة عناد ولاخاطر وهالكلام صدقني حبيبي لوتطلب روحي فداك


اتــــ ع ــبني جفى البعد{احبك}وانت جافيني ...


هذا هو الاقدرتي عليه ،على فكره انا كلمت مرتجى وفهمته على كل شي وهو ماعنده مانع وشرحت ليه ظروفي قبل الاجازه انا عندش يعني باقي ثلاثة ايام واكون في البلد نسوي عرس على السريع


ونسافر يومين المدينه وترجعين وياي كندا وتدرسين جامعه معاي


اكتبني في حياتك عاشق ومجنون..


ايلاويه اني مالي قيمه صدقني ماكنت اتوقع انك جديه


وين الحريه في الراي وين انك مابتغصبني على شي


اتــــ ع ــبني جفى البعد{احبك}وانت جافيني ...


حبيبتي انا الحين معصب ماامبى اقول واتحجى وبعدين نخسر بعض


باااااي


اكتبني في حياتك عاشق ومجنون..


لاانتظر لحظه.............


اووووووف ويش فيه معصب وطفت الكمبيوتر وطلعت برى الصاله


ام حسين...حشى ويش فيش كأنه راكبنش عفريت


جنى..مافيني شي واخذت التلفون ودقت على مرتجى


مرتجى...السلام عليكم


جنى..وعليكم السلام هلارجاوي عندك وقت تطلعني اليوم


مرتجى...متى بالضبط لانه عندي موعد مع رجال العصر على الساعه اربع


جنى...زين الساعه خمسه خلصت لو بعدك


مرتجى..حس من نبرة صوت اخته انها معصبه فحب يزيدها اشويه لاخيه بطول وياه لين العشى تمبي شي


جنى..اييييه احتاج اتكلم وي احد امبى اطلع


مرتجى...خلاص على الساعه اربعه تكوني جاهزه


وبطلع وياش كم جنى عندي يللا تآمري على حاجه


جنى..تسلم ربي يخليك


مع السلامه


المستشفى...


شوق...طمني دكتور كيف الحين دعاء والى متى بظل مواعيد مع العلاج


الدكتور...ام دعاء حتى افرحك انتي ودعاء هذا آخر موعد


اليها ونشوفكم على خير ،ولو فيه أي شي تقدري تجي


وان شاء الله ماتحتاجينا


دعاء..شكرا دكتور واخيرا خلصنا


الدكتور ..نراكم على خير ومره ثانيه انتبهي وانتي تقطعي الشارع


دعاء..اكتفت بأبتسامه وطلعوووا


مرتجى..خيه هذا زوجش واجب عليش انش تطيعيه


جنى..ماقلت شي بس هذا كان بتفاق بيني وبينه ومااخذت الكورس الابعدمااخذت رايه ،ايلاويه الحين يغيره مااحب جديه كل يوم براي


مرتجى...جنى غناتي الحياه الزوجيه شراكه بين اثنين ولازم واحد يضحي على حساب راحة الثاني وبالعكس هناك بتاخذين لغه بالاول وبتكوني بين زوجش ومافيه شي يشغل بالش


مومثل الحين مكالمات ويرفع حواجبه


جنى..وبعدين معاك انت الثاني ،،خلاص الاتمبوه راح يصير


مرتجى...هااا علينا هالكلام قولي كل شي ولاحبيبي ازعله


يللا دقي عليه وخبريه وخليه يرتاح


جنى..اذا وصلنا البيت


مرتجى..يللا غناتي نمبى جنى ومزحها وجنونها الايخلي الحزين يرتاح هههههه


جنى..طالعت في اخوها واكتفت بأبتسامه


فتحت المسن لقت رساله وفتحتها


اتــــ ع ــبني جفى البعد{احبك}وانت جافيني ...


حياااتي لاتزعلين مني بس يمكن اعصابي تعبانه اشويه اسف ياقلبي جنى...ماراح ارد عليك


اتصالات ع الجوال وماترد


ارسل رساله ..


كل هذا زعل والاتغلي انا اعتذرت واتمنى ماطوليها


الحين انا طالع الى المطار


بااااااااااي ..


جنى..تقرا الرساله ياعمري خلاص يبوصل ربي يحفظك

يتبع