البارت رقم 16
حسين...يخبر مرتجى انه عنده موضوع مهم
مرتجى ..خير ان شاء الله
حسين...الوالده باخذها عندي تعيش وياي في البيت
خلاص ماباقي شي على تخرج جنى ويمكن بعدتدرس برى
والوالده بتصير لوحدها مايصير مره كبيره لو بتحتاج شي
ماياها الاالشغاله
مرتجى..بس يمكن امك ماترضى
حسين..لابترضى وخلي الموضوع علي وزهره وشوق مابقصروا بيكلموها انا وصيت على شوق تخبر زهره ويجلسون وياها فحبيت احطك بالصوره
مرتجى...خلاص المكان الايريحها في بيتك بيتي المهم انها تكون مرتاحه وماناقصنها شي
ام حسين...شوق يمه سوي وياش لي غليون واستكانة شاي
شوق..ان شاء الله عمه
وجابت الشاي والقدوا وصبت الى عمتها عمه فيه موضوع بنكلمش فيه
ام حسين ..خير اللهم اجعله خير
شوق..عمه خلاص هذه هيه جنى ماباقي شي على تخرجها ويمكن تدرس برى يعني اذا تدكري قلت لش انش تعيشي ويانا
والله ومابجيش مني الاكل خير وعارفه غلاوتش عندي
وفي مقام امي رحمة الله عليها وبخدمش بعيوني
وتردي علي النوس بدال مااني بحالي وانتينا بحالش بين اربع اطوف
زهره...عمه نفس كلام شوق وبيتنا مفتوح الش باي وقت
وانتي الداخله وماالش الاالحشيمه والمكان الايريحش
بس اهم شي موبحالش وتكوني مرتاحه
ام حسين...ويش اقول بعد هالكلام خلاص بسكن ويي حسين
بعد العزايا قريبه ومعروفين
وموتحطي في بالش يابتي تعرفي بعد مناطق الجديده لاتعرفوا احد ولااحد يعرفكم لو يصير شي في الجار مااحد يحس فيه رحم الله زماننا كنا كالاهل واحسن
زهره...صحيح عمه رحم الله ذيك لايام قليل في ايامنا الكل لاهي بحياته ،،بس عمه لازم تجي كل اسبوع وتنامي ويانا
ام حسين..ومايصير خاطرش الاطيب مالي غناة عنكم ربي يهديكم ويوفقكم
بس مابجي الااذا خلصت جنى اختبارتها لاتقول شتت فكرها بعد تعرفوها
مرتجى...هاااا امااه وافقتي خلاص
ام حسين..ايييه بعد ويش بسوي مالي غيركم ربي يبقيكم ويحفظكم من كل شر ويفرحكم بوليداتكم
محمد....يبى يسوور وينه فيه امبى اعرف كيف وياه
طائرتهم بتطير الظاهر ابوي ولدك مايمبى يروح خلاص هههههه
ابوياسر...ويش فيك باقي ساعتين اذا مواكثر خليه قاعد ويامرته وماادري على ويه مستعجل
محمد...ايييه مستعجل اصحابي مخلينهم وقاعد على الفاضي
وهو يتباطم مضيعة وقت بس يعني مافيه الاانا الليله يجهزوالى الحفله
حق التخرج وانا موعارف اروح لو اقعد اوووف ناس ليهم الخطوبه والوناسه وناس ليهم القهر{ محمد عايد السنه حتى يجيب مجموع}
ابوياسر...لو بدال هالهدره وهالتحرطم الاعندك ماسك لك كتاب مواحسن له
مصطفى ..يسووره غناتي الله الله بالمذاكره والنسبه الاتشرف
حتى تجين وياااي بعدين
يسرى...هااا حبي انت من النوع الايخلف الوعد
اتفاقنا مافيه زواج الابعد مااخلص جامعه
مصطفى..تحلمي ياقلبي الزوااج بالاجازه ،كيف بتجين وياي
واحنا مااعلنا زواجنا واكيد ابوش ماراح يرضى بالسفر
الاوحنا مزوجين
يسرى..اقول حبيبي لكل حادثِ حديث
مصطفى...يسروررره حبيبتي بتوحشيني نفسي كان من الحين
ياسر..جنى عندي لك مفاجئه واتمنى تسعدك
فتح العلبه ولبسها الدبله وهي لبسته
ياسر ...ان شاء الله غناتي بالاجازه تكون الحفله
جنى..بس انا ماامبى حفله وهذه كلها شكليات ماليها داعي
ياسر...الحين امباش تغمضي عيونش بس هاا موتخدعيني هههههه
لبسها عقد على شكل قلبين ومكتوب فيه اسمه ومن الجهه الثانيه اية الكرسي ،،الحين افتحي هاا ويش رايش بختياري
جنى.. الله مره حليوووه تسلم حبيبي
ياسر...الحمدلله اني سمعتها قبل لااروح ترى انا طماع
عيديها حياتي عشان خاطري عارف انها طلعت
لااراديا منش
جنى..وبعدين وياك
ياسر..تراش انتي الابتأخريني على الطائره مابطلع الااذا قلتيها وبعد معاها حبه على خدي يللا غناتي بغمض اعيوني بعد
جنى....احببببببببببك ياعمري وانت كل حياتي
ياسر..فتح اعيونه لانه حس بحرارة وادموع جنى على خده ،،ليش حياتي لدموع الحين
جنى...،،،،،،،،،،،،،
ياسر...فهمتها عليش والله بكلمش كل يوم غير اني بشبك وياش
وكأنش وياي وكلها شهر ونص وانا عندش
وبعدها بتكوني وياي على طول حبي وحضنها حياتي ماامبى
اشوف هالدمعه بعيونش وين الابتسامه الحلوه
صوت جواله شاف الاسم اوووه حموود دى وقته
هلا
محمد...ايلاويه انا لدريول حقك بس بلاش بعدتراك زودتها تعرف مخلي اصحابي وقاعد عشان وجهك
ياسر...خلاص لاتحمق جاي الحين عشر دقايق وانا عندك
يللا حياتي اشوفش على خير وتحملي بنفسش واكلي زين والمذاكره لااوصيش فيها هااا
حياتي وهو حاضنها لاتصيحين يللا عاد خليني آخر مااشوف هالابتسامه حبيبتي حتى وانتي تصحيني طالعه قمر
في آمان لله ورعايته
جنى..لحظه عمري واعطته قران ..يحفظك ان شاء الله
وحبته حبيبي تحمل بنفسك هاا ماطالع لامنيه ولامنااك
ياسر..اصير اعمى يعني اوووه بدينا نغااار هاااا
طمني موياسر الايسوي هالحركات وعندي قمر ينتظرني
والله لو بكيفي ماابتعد عنش دقيقه خلاص حبي في آمان لله
امبى دعاء منش
جنى..ربي يوفقك ويحفظك وين ماتروح وحضنووبعض
محمد..ابوي ولدك خلاص مابجي زودها هااا والله مليت
مصطفى...ويش فيك حمودباقي ساعه خل الرجال يودع اهله
يتبع